3
0
0
港鐵上環站 A2 出口, 步行約3分鐘
繼續閱讀
電話號碼
91261911
營業時間
今日營業
11:00 - 15:00
17:00 - 21:00
星期一至日
11:00 - 15:00
17:00 - 21:00
公眾假期
11:00 - 15:00
17:00 - 21:00
公眾假期前夕
11:00 - 15:00
17:00 - 21:00
以上資料只供參考, 請與餐廳確認詳情
為了慶祝好同事生日,我提議走到上環禧利街,原址孖沙茶餐廳的新日式湯麵店 <不二工房> 食午餐,其早前還有一間“閃開閃執”的螺媽正傳!恰巧!平日中午堂食尚有位,我們便決定直接入座,安坐好,轉頭便下了一場雷雨,一𣊬間天氣變得好惡劣,還要黃雨警告,其實,我們只有我帶了一把遮,在這個位置,我們找不到救兵,我想到我先行返公司,攞遮俾同事;我先行埋單,並跟老闆娘講,當時好大雨,我同事坐多一陣間,等我返公司攞遮俾佢!老闆娘二話不說,就話借把遮給她,讓她經過才還,實在太好嘞!難得遇到有人情味的老闆娘,真是兩全其美的方法!我們一起離開,盡量沿著街舖門外行,有部份有簷篷遮擋,我依然由髮腳到鞋也濕透!店內長而窄,兩旁吧位,中間2人枱,缺乏空間感,相對迫狹!餐牌 (下午茶:餐牌正價-$8)以手機 QR code 落單,如果指定粉麵有指定配搭的烏冬/ 拉麵/ 米線,未必轉得到!當我們落單後,老闆娘見我們落單以正價叫芭樂檸檬汁 $20/杯,她建議幫我們重新落單!跟餐 +$8 轉優惠套餐,包括:沙律、炸芋丸2粒 & 1杯特飲,令我們慳錢!反而,就為同事的湯麵落錯了飯;期間,除了我們之外,也有另外的食客被落錯單啊!起初,服務方面,我打算扣分,見好人的老闆娘借遮給我們,挽回分數! 優惠套餐 +$8沙律店方細心把新鮮爽脆的沙律菜切碎,方便進食;而且,加上慷慨豐足的日式芝麻醬,清新開胃!炸芋丸即點即炸,表面金黃色,既香脆又可保持內裡的芋頭蓉軟綿濕潤,外脆內軟又甜美!芭樂檸檬汁 $20/杯粉紅色的賣相幾吸引!入口冰涼透心,芭樂即是石榴,口味不算突出,飲到尾聲才覺得石榴味重!甜腐皮雜菜湯烏冬 $68湯底就是湯麵的靈魂,先喝湯,味道似鰹魚湯那種濃郁,甜腐皮吸水力強,湯汁在口中盡情釋放, 還有,炸玉子代替日式湯麵常見的溫泉蛋,雜菜包括:筍絲、木耳絲、粟米粒、生菜...等,軟硬適中的烏冬,掛湯度高,所以食到尾會覺得越食越重口味!醬燒牛仔骨飯 $98有兩大件牛仔骨,肉質軟腍入味,以甜美的醬汁調味,伴以熟透軟身的甘筍絲 (並不是醃新鮮甘筍),紫菜絲、紫洋蔥絲、青瓜絲...,配搭看似韓式飯! 整體都好飽肚呀!不設加一服務費
繼續閱讀
今日行過呢一邊就同朋友試咗呢一間位於喺上環嘅日式小店,我哋叫咗幾種唔同嘅小食再加一個飯同埋拉麵,整體嚟講我哋都個幾好食,而且價錢非常抵食,CP值非常高,值得推介!食日本嘢,點少得支豆,每一粒都非常爽脆,係我同朋友鍾意食嘅口味!炸芋頭丸,都非常好食,熱辣辣,睇得出餐廳係即叫即做!食落去就有非常香濃嘅芋頭味,我同朋友本身都非常鍾意食芋頭,所以呢一個小食我哋都非常鍾意!大蝦沙律亦都非常開胃,餐廳用咗特別配製嘅醬汁,成件事更加好食!主食拉麵丼飯,豚肉拉麵來到已經聞到濃厚香氣,拉麵嘅抵湯係白色湯頭,每口湯都感受到濃醇風味,味道濃而不膩,豬肉肉質嫩滑,仲有隻糖心蛋,蛋白剛固態,蛋黃為半熟糊狀,令口感清爽滑嫩,加上濃稠的蛋黃香氣,非常入味,麵質彈牙,配合埋香蔥、粟米粒、木耳絲、小蕃茄,感覺好似係日本食。而親子丼係滑蛋雞肉飯,賣相都唔錯,蛋黃鬆軟霖滑,雞肉嫩滑可口,又係有嫩滑口感嘅食物,連埋香蔥、香菇、洋蔥、紫菜絲、白飯食落口香濃順滑,鮮嫩多汁,好食好值得再食。這間不二工房餐廳好值得推薦俾大家,好食抵食,價錢又唔貴,食物質量好,又有食物優惠,仲冇加一,店員服務態度又好,真係令人食得開心,我哋都下次再嚟食。
繼續閱讀
今日同朋友去上環做運動行街食飯,到食晚飯嘅時間,就走去附近睇吓有乜嘢美食,我哋行到喜利街見到一間多國菜嘅餐廳,我哋喺門口見到個餐牌嘅食物賣相都唔錯,所以就入去食啦,這間餐廳招牌光猛個名都幾特別,叫不二功房,位於上環起喜利街23號地舖,搭港鐵到上環站A2出口,行幾分鐘就到非常方便。餐廳內裝修得好新淨,地方乾淨整潔,枱凳擺放整齊,坐得令人舒服。餐牌上嘅食物款式選擇都多,有烏冬、拉麵、丼飯、米線、廣西米粉、沙律、小食、果茶汁,真係有好多美味嘅日式、中式、西式嘅食物,仲有優惠,加選8元就可以配是日特飲一杯連同兩粒香芋丸。我哋就揀咗拉麵嘅豚肉拉麵配特飲、丼飯嘅親子丼配特飲、沙律嘅麻醬大蝦沙律、小食嘅枝豆、胡麻冷豆腐、日式炸雞粒,是日特飲係果茶汁嘅楊梅汁。小食,枝豆翠綠爽嫩,豆質軟綿,味道清甜,煮得香氣提升更加鮮綠,從豆筴中啜出枝豆更充滿了食趣,亦令口感鮮嫩清爽。胡麻冷豆腐用上嫩滑豆腐磚,配上日本胡麻醬,清爽風味,入口即化,令口感冰凉更多好吃,胡麻醬豐富的鹹香滋味超百搭,有消炎、養顏、抗養化的功能,連冷豆腐奉上為夏日增添一點涼意。日式炸雞粒份量不少,炸雞粒皮脆肉香,口感彈牙,肉質鮮嫩,日式炸雞的醃料一般都是使用味醂、醬油、蒜末和薑末一起醃漬,味道一流,加埋沙律醬非常配合好味好食。個人都非常推介滑蛋雞扒飯,同日本居酒屋嘅味道真係非常相似,呢一個價錢可以食到呢一個質素嘅話,真係非常高質素,雞扒亦都非常香嫩,整體都非常好食!
繼續閱讀