影片
港鐵銅鑼灣站 B 出口, 步行約4分鐘
繼續閱讀
電話號碼
63401067
開飯介紹
銅鑼灣價格相宜的川菜餐廳，地方寛敞明亮。主要供應地道川菜，如口水雞、酸菜魚及麻辣香鍋等，香辣惹味。午市套餐更無限追加白飯，適合附近的上班族。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
-
網上訂座服務暫停
香港人幾時開始愛上食川菜，係呢條食街又多咗間，我地都忍唔住將今晚晚餐交比佢。望望餐牌有咩想食，掃二維碼落單，簡單方便天氣咁熱，叫款涼菜開下胃口。呢碟口水鷄 ($68)，份量何其多，有青瓜粒墊底，倍感清爽度。惹味醬汁辣度係輕量級，鷄肉嫩滑之餘亦食到醬汁味，令人開胃口預備迎接主菜。飲品方面，除咗有啤酒，仲有多款特色凍飲。我地就叫咗百香果梳打 ($28)及咸檸檬可樂 ($28)，兩款都係有氣飲品，一啜爽爆。見到有麻辣香鍋，選擇四款以上配菜，可選辣度，叫咗小辣試下先。呢鍋有牛肉 ($40)，黑毛肚 ($40)，四季豆 ($22)，萵荀片 ($22)及花菜 ($22)，炒好後再加上芫茜，芝麻及黃金豆，未食已聞到香味。小辣完全接受到，仲食到孜然粉，獨有香味引起食慾，整鍋味道都好好用黎送飯。壓軸出場有不二酸菜魚 ($168)，食川菜好多時都會叫嘅，酸酸地又有湯好易入口。呢度嘅酸菜魚材料比較簡單，除咗主角魚片外，有大量酸菜，亦有萵荀片。魚片口感滑溜，完全無細骨; 酸菜與萵荀片口感清爽; 湯底酸度適中，雖然見到有紅辣椒，但唔辣，用黎撈飯食都幾好味。驚喜位除咗呢度嘅食物份量超對眼外，白飯係免費架，對於鍾意食飯嘅我，內心係暗喜嘅。今餐有魚有鷄又有牛肉，白飯滿滿，超飽又滿足，想食糍粑做甜品，唯有下次。
繼續閱讀
呢日同朋友跳完舞經過見到新開就入去試下叫左兩個主菜，一個涼菜，兩杯野飲不二酸菜魚小辣走蔥$168係鱸魚嚟，一上枱真係o左勁大盆……鱸魚片大大塊份量勁多，鮮甜厚實，仲有萵荀，菇，酸菜湯底唔錯，酸辣適中，我同朋友覺得下次可以叫中辣唔會太油，飲落唔算重口味，唔口渴我地要左一個飯兩份～韭香炒蛋$78🙈又係好大碟嚇左一跳，非常香蛋味，韭黃嫰口，送飯一流蒜泥拍青瓜$48揀番個瓜均衡飲食，你無睇錯……比出面既份量大左兩倍男士都夠飽，青瓜爽脆，十分入味～百香果梳打$28百香果味濃郁，清爽氣泡，解渴一流，份量都幾大杯桂花茉莉冰茶（無糖）$28一杯比一杯大🙈朋友o左，聞落有桂花香，飲落茉莉花味較突出，無糖啱晒注重健康既你～店員親切有禮，環境夠光猛，座位寬敞，食物份量偏大，細食人士一個主食已經好夠😆😆下次跳完舞會再嚟試埋其他
繼續閱讀
總結： 晚市單人套餐選擇多元，味道出色，白飯任加。牛肉麻辣香鍋香氣濃郁，酸菜魚湯底酸辣平衡，芒果梳打清爽解膩。環境舒適，服務親切，整體用餐體驗令人滿意，性價比高，值得推薦。🥢 叫左嘅食物有：牛肉麻辣香鍋飯（HK$68｜評分：8.3分）- 麻辣香鍋香氣撲鼻，牛肉炆得腍滑，配料如薯仔、木耳、芽菜等吸收醬汁精華，味道濃郁。- 微辣程度適中，麻香不嗆，配白飯一流，鑊氣十足。酸菜魚飯（HK$78｜評分：8.5分）- 魚肉嫩滑無骨，湯底酸辣平衡，酸菜爽脆，配料足料，包括萵筍、芽菜等，味道層次豐富。- 湯底用料講究，入口鮮香。芒果梳打（HK$8）- 飲品清爽，芒果味自然，甜度適中，作為配餐飲品非常合適。- 有助中和麻辣菜式，提升整體用餐體驗。🪑 環境與服務：- 環境： 餐廳空間都幾寬敞，座位舒適不迫，裝潢融合現代與江湖風格，氣氛輕鬆。- 服務： 店員態度友善，點餐流程順暢，上菜速度快，白飯任加服務貼心。💰 價錢與評分：- 總價錢： HK$169.4（加一後）- 人均： HK$84.7- 進食時段： 晚餐時間- 總分： 8.6/10📊 詳細評分解釋：| 1–5 | 不推薦 | | 5–6.9 | 普通，低機會回訪 | | 7–8 | 都可以，會考慮回訪 | | 8.1–9 | 相當不錯，大機會回訪 | | 9.1–10 | 各方面都好好，一定會回訪 |
繼續閱讀
每次過來銅鑼灣必來他家～環境很乾淨～服務也很nice～最主要價格對於港島去來講。真的很平啦～味道還超級好吃～每次來必點小炒黃牛肉～還有毛血旺 土豆絲 酸菜魚 都閉眼點吧～絕不會踩雷系列～對於川菜愛好者 必打卡聖地👍
繼續閱讀
今日終於嚟試到平時行過都排晒隊 人氣極高嘅銅鑼灣抵食川菜 酸菜魚好好食，魚片好嫩滑！小炒夠晒鑊氣 好多菜都有辣有唔辣 啱晒每個人嘅唔同口味 ！一定會再嚟encore！！！
繼續閱讀