不要對我尖叫，日常茶間， (啟岸)

營業中

休息中

執下一間 香港剩無幾間分店廣告見到送annasui香水圖似5ml去到先知原來送1ml為了promotion專登搭車去買本人唔熟悉社交平台詢問女店員勁不合作難為顧客提交3次都話唔岩心水小朋友改功課咩請她幫忙 我唔會掂你電話架！汗流浹背至勉強成功 送個1ml 當顧客乞衣玩人 真垃圾浪費時間 地理位置又不方便無心推廣就唔好做以後唔會再幫襯 明白丫頭點解要退股呢班人管理勁有問題非常差的一次體驗

一到夏天，飲廢水嘅頻率高咗勁多🥲 想飲又想冇咁邪惡？消暑得嚟負擔又少？呢間可能啱你～—————蜜玫洛神泡泡 ( M$48 L$52 )酸酸甜甜嘅洛神花梳打入口超清爽！加上雲呢拿雪糕同白玉珍珠，又有得飲又有得食😛 雪糕溶咗之後飲落仲好似乳酸咁，真係好啱夏天！-鳳梨香蕉椰沙冰 ( $40 )入口順滑，啖啖沙冰都有菠蘿同香蕉蓉，係清甜健康嘅感覺～-香柚荔枝水果茶茶底幾濃，有淡淡柚同荔枝香，唔會太甜，啱晒想飲又怕肥嘅人😛-黑松露日式蛋窩夫餅 ( $34 )提拉米蘇窩夫餅 ( $32 )特別試埋呢度嘅窩夫餅～即叫即整，味道鹹甜都有，咬落外脆內軟！ 蛋沙律配搭大量嘅黑松露真係冇得輸！另外tiramisu係用上新鮮芝士即打奶蓋再加海鹽，所以食落會鹹鹹地又夠creamy😋

超驚喜Croffle+夏日解渴限定飲品系列🍹相信大家對這間茶飲店都不陌生，原來土瓜灣啟岸也有分店，而且剛開了幾個月～ 夏日炎炎，沒有一杯解暑飲品怎麼撐下去？😭🌞 原來還有特色牛角窩夫，鹹甜口味都有多款選擇😍味道超有驚喜的呢！😚 而且店舖裝修亦具特色，可以選擇室外坐下來慢慢喝呢～😳.夏季新品有青茶、冰沙及咖啡系列。鳳梨柳橙冰沙($38)酸甜清爽，建議微糖更能食到鳳梨本身獨有的清甜香氣😜～.提拉米蘇鮮奶茶($38)頂層鹹香奶蓋加上可可粉還原提拉米蘇的味道，下層奶茶奶香突出口感順滑～🍼.蜜玫洛神泡泡($48) 是三款中感覺最適合夏日，意料之外的好喝，酸味主導但不會過喉🫶🏻牛角窩夫已流行了一段時間，但坊間質素未如理想😓 這裏窩夫味道的選擇眾多而且價錢實惠，鹹香口的例如海苔肉鬆($34)、黑松露日式蛋沙律($34)皆為人氣選擇；香甜款的必試提拉米蘇($32)，用上招牌的鹹香芝士奶蓋，與外脆內軟的牛角窩夫口感配合得相得益彰🤤 而黑松露蛋沙律款黑松露份量十足😎整體而言，窩夫餅及飲品都頗為出色🙌🏻 作為下午茶再好不過了～而且窩夫即叫即製，即使影相影了一段時間仍保留着外層香脆的口感值得一讚👍🏻

外面環境都好靚，落地玻璃仲有呢條啟岸巷子，吊晒日式燈籠🏮ᴅᴏɴ’ᴛ ʏᴇʟʟ ᴀᴛ ᴍᴇ, ᴜɴʟᴇꜱꜱ ᴛʜᴇʀᴇ ɪꜱ ᴍɪʀʀᴏʀ/ꜰɪʀᴇ!😌😌裏面有啲做聲參賽者嘅海報Growing up with good taste🍹😌洛神蜂蜜菊花玫瑰可可牛奶And many other choices🍹🍹👍🏻👍🏻拎了返屋企飲，都飲到瞓覺為止，溫度都好keep到有優惠，所以價錢都可接受有晒飲品嘅模型，有板睇不過我認為餐牌可以改善，因為佢一路不停轉螢幕畫面，有啲難睇清楚

第一次寫食評，唔係打手，純粹新嘗試。Wfh又叫外賣，今次叫咗三樣嘢。1. 黑松露日式蛋沙律窩夫未打開個盒已經聞到黑松露味好香，打開後見黑松露份量亦多。外賣送嚟雖然凍咗少少，但係waffle仍然好脆，個waffle本身燒左少少焦糖喺面令佢再脆啲，沙律蛋就正常普通味道。Overall ，waffle甜，啲料鹹，成個味都幾夾同好食，如果即場熱食應該會再好食啲。雖然waffle只係手掌大小，但係對女仔嚟講都幾飽(本人本身唔細食)。2. 海苔肉鬆窩夫餅Waffle底同黑松露嗰個一樣，都係有層燒咗嘅焦糖令佢脆脆地，肉鬆同紫菜味道正常，都係鹹甜嘅配搭，味道OK不過冇黑松露嗰個咁突出。3. 玫瑰可可⽜奶呢個價錢嚟講佢都算幾大杯，大概係星XX嘅tall size左右，雖然比送外賣位人兄倒咗我一大半。飲落明顯有玫瑰味，反而朱古力味唔夠濃，感覺似平時自己沖朱古力，但係落多咗水嘅感覺。總體來講，如果食厭咗粥粉麵飯，想飽肚嘅話會係唔錯嘅選擇。

愈開愈多，終於有間開係屋企附近😆😆收工番到去唔太肚餓，但好想飲杯凍野就去呢間台式飲品店諗住淨係買杯手搖但又比佢個窩夫餅吸引，咁就坐係到食埋喇( ´ ▽ ` )ﾉ-提拉米蘇窩夫餅 $32💰呢啲嘢一定要即刻食，覺得外賣返屋企就唔係嗰回事Croffle好香牛油鹹香味，口感酥脆，食完滿滿幸福(˶‾᷄ ⁻̫ ‾᷅˵)-抹茶奶蓋小丸子咖啡拿鐵 $48我真係好鍾意飲凍咖啡，夜晚都唔放過(⁎⁍̴̛ᴗ⁍̴̛⁎)抹茶奶蓋茶味重，香甜唔膩小丸子表面用焦糖燒過，外脆內糯

以前喺銅鑼灣分店飲過一個蜂蜜美式咖啡~覺得都唔錯，所以對佢印象唔差，咁啱見到佢喺屋企附近開咗就試試佢🥳窩夫餅又熱又脆好好味，重要嘅係佢上面嘅提拉米蘇好似奶蓋！！鍾意食奶蓋嘅人一定會鍾意🤣🤣🤣不過真係好邪惡～下次會想試吓紫菜肉鬆窩夫餅，感覺好似冇咁罪惡，而且佢有星星推薦🫣🫣熱桃膠蘋果茉莉，就正常發揮 冇咩特別～下次可能都係會揀返蜂蜜美式咖啡☺️☺️可惜佢11點先開，如果唔係買返公司當早餐都係一個開心嘅選擇～

開業無耐就幫襯過一次食牛角包窩夫同抹茶奶蓋小丸子鮮奶，覺得味道幾好有日得閒經過就去買嘢飲，明明見到menu仲有抹茶奶蓋小丸子鮮奶職員就死都話佢地無出過抹茶奶蓋小丸子鮮奶淨係得抹茶奶蓋小丸子伯爵鮮奶茶，咁我上次飲嘅係？結果叫另一個職員嚟，佢先肯幫我order鮮奶。問甜度冰嗰陣已經強調左好多次全部正常個職員竟然話：我地做慣走甜之後我再講多次唔需要走甜。到最後，我攞到一杯走甜嘅抹茶奶蓋小丸子伯爵鮮奶茶。既然你地要擅自幫個客做決定咁不如成間鋪頭淨係賣一樣嘢？以後唔會再幫襯

臨近聖誕🎄，不要對我尖叫 就咁岩係土瓜灣開，非常方便！ 店舖為應節準備左一系列特式微醺葡萄同埋抹茶特飲，仲有特式小食關東煮🍢同抹茶窩夫🧇，同大家一齊共渡聖誕🎄特式微醺葡萄🍇用聖誕波為樽身，造型可愛，仲有冷熱比大家揀🤭抹茶上面有小丸子🍡，依啲小丸子🍡係全人手製作，非常煙靭！關東煮🍢湯底鮮味，入面個福袋係包住飛魚子🤭🤤窩夫係用未焗製嘅牛角包🥐製作出黎，好酥脆！得閒經過去食消夜或者下午茶都幾好👍🏻

見個舖名咁funny，又有新開張8折優惠，就叫左杯玫瑰奶茶試下。 大杯裝原價係$38，折左都要$30。主角之一玫瑰完全冇出現過喺杯嘢入面，有嘅只係玫瑰味syrup，所以叫微甜都仲係好甜。 另一主角奶茶就更加唔掂，茶膽完全冇茶味，奶又唔夠香又唔夠滑，真係未飲過咁差嘅台式奶茶。難飲都算，仲要飲完肚痾，係山洪暴發式嗰種，痾足3次，攪到要食肚痛藥先停到。🙄真係冇諗過第一次幫襯就攪成咁。 如無意外都會係最後一次。

大家睇開Blog都應該會見過我介紹不要對我尖叫，今次再介紹嘅原因，佢終於開到住嘅附近紅磡。進註呢條超出名嘅日本街，個個都會想來打卡，之前193嘅咖啡店引起過熱潮，之後相信好多人會喺呢間分店打卡，因為呢間嘢開咗之後呢度直頭真係六本木咁樣。又適逢冬季同聖誕，你以為又係飲台灣茶，錯了，佢竟然出咗熱紅酒加添聖誕氣氛，最正係有冷氣泡飲和暖氣泡飲兩個選擇，飲品造型更特地用上圓身球瓶，瓶口以綠色絲帶或蝴蝶結綁在瓶口作裝飾，勁有聖誕氣氛，飲用後，仲可用作聖誕樹掛飾，限定2000 個，手快有手慢無。除了聖誕特飲，紅磡新店仲有該店限定的抹茶奶蓋小丸子系列，共有 3 款:抹茶小丸子奶蓋伯爵奶茶、抹茶小丸子奶蓋鮮奶及抹茶小丸子奶蓋拿鐵咖啡，都唔使點講啲綠茶，來自京都自然好飲，反而佢嘅小丸子係出奇地精彩，唔講真係以為京都出品，灑上焦糖後用火槍燒到金黃甜脆，食落後勁煙韌，一定不能錯過。最後，除咗本身有嘅窩夫依舊咁好食之外，話明日本店當然有限定食物，凍凍地最啱食關東煮，關東煮有竹輪、大根、日本溏心蛋、芋絲、蒟蒻及蝦餅，個湯好好飲，千萬不要錯過，值得再黎一次。

我喜歡的台式茶飲店不要對我尖叫，日常茶間越戰越勇，於昨天在香港開設8間分店正式開張了，更推出了期間限定的飲料我這位小粉絲當然要第一時間去朝聖啦。新分店地點位於紅磡土瓜灣啟岸內，尤記得上趟來還未有店舖開業！一年過後此處已變成食肆林立的迷人小巷子了。臨近聖誕節紅磡分店推出了一系列冬日特飲、小食及窩夫，跟大家一起迎接普世歡騰的好日子。先介紹有凍熱選擇的聖誕特飲，分別是微醺葡萄熱飲和微醺葡萄氣泡飲各＄42，用上紅酒、肉桂棒、八角、丁香、檸檬、橙皮、橙汁和蜂蜜等材料炮製而成。飲品以聖誕樹掛飾造型呈現再結上綠色絲帶蝴蝶結在瓶口賣相很別緻，一杯有400ml之多飲用後更可循環再用將圓球瓶帶回家中作裝飾，絕對是充滿聖誕氣氛飲品的最佳選擇。另外紅磡新店亦同時推出該店限定的抹茶奶蓋小丸子系列，當中共有三款包括是抹茶奶蓋小丸子伯爵茶＄28、抹茶奶蓋小丸子鮮奶＄46、及抹茶奶蓋小丸子咖啡拿鐵＄48，我則選了抹茶小丸子奶蓋伯爵茶，用上澳洲直送鮮奶油及京都抹茶粉來製作甘香滑溜的奶蓋，配襯炙燒過煙韌可口的焦糖抹茶小丸孓，加上香濃不甜的伯爵茶味道混然天成很有驚喜，更可隨自己喜愛選擇冷或熱飲。有飲品當然要有食物店家首度推

抹茶同咖啡都係我至愛，知道台灣型格茶飲品牌不要對我尖叫進註紅磡，仲推出該店限定的抹茶特飲，更有抹茶奶蓋窩夫和關東煮，我這抹茶控定要來試試。抹茶奶蓋小丸子系列共有 3 款：抹茶小丸子奶蓋伯爵奶茶、抹茶小丸子奶蓋鮮奶及抹茶小丸子奶蓋拿鐵咖啡。我當然是選抹茶小丸子奶蓋拿鐵咖啡啦！用上澳洲直送鮮奶油及京都抹茶粉製作的奶蓋飲料，抹茶味小丸子上面更灑上焦糖再用火槍燒至金黃甜脆，口感軟糯又充滿抹茶香，好正！3款飲品也有冷熱選擇啊！宇治抹茶奶蓋窩夫又是令人無法抗拒的，用自家製炒成的宇治抹茶糖漿打成的宇治抹茶奶蓋，並加抹茶小丸子，窩夫表面外脆內鬆軟，充滿蛋香與抹茶的清香，放涼了也不減其美味程度。再來個冬日暖身首選的關東煮，秘製湯底鹹甜得宜，好美味，每款食材都好入味，尤其是大根(白蘿蔔)，清甜多汁沒有渣，還有日本溏心蛋也超好吃，其他食材有竹輪、芋絲、蒟蒻、昆布、魚子福袋等，吃一杯都幾飽肚。另外，適逢聖誕節，更推出一凍一熱聖誕特飲，分別是微醺葡萄熱飲和微醺葡萄氣泡飲，以圓球瓶盛著，並繫上綠色蝴蝶結，飲用後還可當作聖誕樹掛飾呢！

不要對我尖叫在何文田開了分店，身為粉絲當然要立刻朝聖！有新的冬日抹茶特飲及抹茶窩夫，還有限定的特式小食關東煮以及特式微醺葡萄！新店坐落在紅磡馬頭圍道 啓岸，半開放式的店鋪，可以在店外露天位置坐著享用飲料和小食。還放了聖誕樹佈置可以打卡呀！微醺葡萄氣泡飲使用紅酒和多種香料一起煮，再用圓瓶裝好可愛！喝起來有點像香檳酒，酸酸甜甜有微醺之感，還有氣泡，很特別！ 抹茶控當然要試試抹茶系列！使用澳洲直送鮮奶油及京都抹茶粉製作的奶蓋飲料，抹茶味小丸子口感很Q彈，帶著淡淡抹茶味，上面有用火槍燒至金黃甜脆的焦糖，口感很豐富。抹茶小丸子奶蓋鮮奶抹茶鮮奶好好味，抹茶味十足，鮮奶甜甜的，整杯滿滿抹茶，超幸福！抹茶愛好者不要錯過呀！抹茶小丸子奶蓋伯爵奶茶伯爵奶茶也不錯，能品嚐兩種不同的味道。宇治抹茶奶蓋窩夫一直都很愛這家的窩夫，同時擁有可頌的香氣和脆度，又帶點蛋糕的柔軟，熱騰騰脆脆的窩夫再淋上自家製宇治抹茶奶蓋，再放上帶着焦糖的抹茶味小丸子，同時嚐到窩夫的蛋香和抹茶的清新香氣，甜度也剛好，小丸子的焦糖甜味更令人充滿幸福感，一定要現場吃更好吃！最後就是這次大推的關東煮！一份關東煮只要$38，超足料！有竹輪、大根、

#Congratulations 不要對我尖叫 喺紅磡馬頭圍道 #啓岸 開咗分店了🫶🏻 真係可以去chill 番吓，而家嘅天氣真係坐露天最適合不過了，打卡一流👍🏻限定的紅磡新店有嘅抹茶奶蓋小丸子系列有👇🏻抹茶小丸子奶蓋伯爵奶茶抹茶小丸子奶蓋拿鐵咖啡抹茶小丸子奶蓋鮮奶京都抹茶味香濃，加上鮮奶油嘅奶蓋，真係滑溜，自家淡淡綠茶味小丸子🍡 焦糖嘅微脆外皮，不論配搭飲品或窩夫，都令人充滿幸福感💚 今年聖誕節 🎅🏼， 推出咗微醺葡萄熱飲和微醺葡萄氣泡飲，造型更特地用上圓身球瓶(限定2000 個) 葡萄氣泡飲甜甜酸酸，有啲似香檳酒般令人 有微醺之感，氣泡流動猶如聖誕燈飾閃爍，真係好想添飲超正嘅關東煮日本竹輪、大根、日本溏心蛋和蒟蒻，湯頭一流湯頭一流，每一款小食都沾滿關東煮湯的美味，冬日暖身小食首選😋紅磡店限定特別推廣優惠:不要對我尖叫，日出茶間為慶祝紅磡新店開張，現推出特別優惠:由即日起去到12月10號， 所有店內飲品會直接升級至大杯。#不要對我尖叫香港 #抹茶控 #微醺葡萄熱飲 #微醺葡萄氣泡飲 #關東煮