不toast不快 (已結業)

今天行葵廣，想掃街當正餐，上網search一輪最後決定吃個toast。叫了一毎店長推介的軟殼蟹吐司， $68 ，店員說要等15分鐘，於是便在附近逛一逛，回去時剛好店員叫我的號碼，在最新鮮熱辣的時候進食，所以食評非常中肯。單看份量很「的骰」，以為吃了也不會飽，但是你錯了，吐司是有厚度的。吃第一口的感覺是：吐司烘得脆脆的，滿滿的特色醬料加流心抄蛋，一流！只是軟殼蟹得小半隻，份量略嫌不足，所以性價比不算太高，但也值得一試。另外店員的態度非常親切，很讚！

唔知係咪因為派咗consumption voucher，周圍都人山人海咁🤡🥪流心芝蛋拉絲吐司 $32 果陣喺韓國食toast覺得好好食好正，聽到葵廣開咗間類似一直都想試吓，叫咗個最basic嘅🤡。不過整體有啲失望。塊包有搽牛油有整過，都脆脆地。一食開頭有芝士，但係得面果層有，之後無得返蛋，但蛋味淡，變咗係麵包夾蛋咁，不過蛋算滑嘅。可能期望過高啦其實整體上都可以嘅但價錢稍貴。可能其它款會更出色啦。💛💛

韓式吐司的小店都很好吃，一聽店名應該已經知道主打是售賣Toast，今次點了一個流心芝士拉絲吐司($34)，因為即叫即做的關係等了5分鐘左右，吐司表面金黃看得出有烤過，中間夾了蛋和芝士再吱上沙律醬和茄汁醬，咬下去微微脆口之後很鬆軟，蛋香很濃配合醬汁和芝士真的很邪惡。吐司的份量不少但因為炒蛋和芝士拉絲的關係，不建議跟朋友分享(才不是因為太好吃而不想分給人)

話說我早幾日係YouTube睇左雪姨話葵廣有間Toast好好食, 過左兩日我就忍唔住黎呢到試!原來葵廣3/F延伸左食店既位置, 入到去內街少少有更多新既食品店😋😋黎到既時候其實我深深比呢個花見丸子🍡芋泥吐司吸引左(本人為芋泥/圓食品控), 但不幸地已經賣哂😩😩平日既5點幾已經賣晒😭唯有下次早的黎☹️叫左個漢堡扒流心芝蛋吐司$38🍔等左分拎鐘有得食喇, 因為佢即叫即整, 拎上手熱辣辣😋所有食材都大件到標出黎, 面頭既包脆脆帶好重牛油味😋芝士味濃郁, 幾樣食材夾起黎其實都唔會輸😆建議大家慢慢食, 感受一下佢每啖既味道, 因幾樣夾起黎原來會有份Juicy感😊** 我幫襯個刻係一個店員收費同整野食, 好勤力好快手亦有禮貌👍🏾👍🏾

突然好掛住韓國issac吐司🥺好想食阿豬媽整嘅吐司🍞跟手我就即刻搵下香港邊到有前類似嘅野！咁岩原來葵芳有間😆，又咁岩要去買糖🍬🍭拿拿聲去食啦咁就梗係🤤睇相已經覺得好吸引，因為件件都睇落好大同埋啲餡好多😝，好正咁👍🏻漢堡扒流心芝蛋吐司🍞($38)由於係即叫即整嘅關係所以都大概等咗10分鐘，10分鐘後終於有得食😆個吐司我諗有兩吋厚😂好大舊。而入面就夾咗漢堡扒，芝士同埋一個勁厚嘅流心蛋仲有椰菜絲🤩厚度基本上冇可能一啖食晒。麵包食落口滿牛油嘅香味🧈，而且佢嘅煎蛋🍳都勁厚同滑嘟嘟同芝士🧀完美融合咗，每一啖都有拉絲😋漢堡扒都煎得好香，加埋茄汁同椰菜絲，勁邪惡😈但係勁好味。但係食到最尾個麵包煎燶咗少少就有一啲燶味😣不過整體來講都係好好食！推薦？🟡🟡🟡🟡🟡葵廣掃街之選，平靚飽，唯一係真係等得有少少耐。

今日去葵芳嗰度影下勞蘇 然後就去葵廣行街兼掃街喇 由於晏晝嘅時候食咗buffet所以唔係好肚餓 就上咗最頂嗰層行咗個圈 睇下有乜好食 見到呢間係賣toast嘅都好似ok 所以就叫左個流心芝士拉絲吐司大概等左五分鐘到就有得食啦 佢嘅賣相都好靚仔㗎 爆哂餡吐司有輕輕烤過 個面脆脆地 有層炒蛋喺面 再加啲沙律同茄汁醬炒蛋好滑 不過咬嘅時候真係要好小心 有種喺度玩層層疊嘅感覺😆 因為如果咬得唔啱位可能啲餡就會跌曬㗎啦🙈 佢用左幾款芝士 真係做到拉絲嘅效果 咬落中間仲有啲椰菜絲 口感有層次 食完呢個多士好滿足 係一間有心製作嘅小店

今日嚟到葵涌廣場掃街~見到呢間「不toast不快」 好似都幾好食咁~所以就叫咗一件試下🤭因為前面仲有幾個叫咗， 所以都等咗大概十零分鐘~ 吐司到手之後，發現都幾大份， 啲材料鋪曬喺面， 用嚟打卡冇得輸😂其實佢啲材料都幾充足， 不過啲材料就只限鋪滿前半塊麵包， 後半塊麵包就真係得番麵包啦🤭麵包佢聲稱係鐵板燒燒出嚟， 我見佢表面塗咗啲牛油咁樣， 其實都幾香口幾脆👌👌不過食完個麵包之後就開始有啲飽喇， 可能我本身都食咗幾樣小食， 所以都有啲飽飽哋，我估細食嘅女仔食一件都可以當正餐啦 🤭

好耐冇去葵廣行街喇，襯住happy friday專登同朋友嚟行吓，順便醫醫個肚😚 呢度超級多小店，幾個朋友嚟揀唔同嘅💛店食都可以☺️ 我就揀咗呢間toast🥰🍳🧀 流心芝蛋拉絲吐司 ($34)呢個係最basic嘅鐵板吐司，亦都係最classic嘅🤤 吐司入面有芝士、蛋、椰菜絲、糖霜、蛋黃醬、茄汁，超邪惡呀😈 個toast整得超級好食！勁想知點整😭💓 佢個脆脆哋之餘唔硬唔dry㗎，唔鍾意食澱粉質嘅我都超鍾意❤️‍🔥 成個吐司都超級香，有吐司香、蛋香、芝士香同醬料😆 蛋黃醬好creamy好正💛☺️ 同埋佢超大個，一個都夠飽！ 下次再試埋其他餡先🥰

是日要去葵青劇院睇舞台劇，晚餐梗係要去隔離葵廣掃街啦！之前經過已經見到有呢間舖頭，俾我個感覺好似韓國嘅issac toast，成兩年冇得去旅行，一於就試吓呢間舖頭嘅多士，懷念下啦。行到去見到有兩個toast新鮮岀爐俾客，好似都係芝士蛋，決定跟風先，實無死😂流心芝蛋拉絲吐司($34)，由於係即叫即整嘅關係，等左大概7-8分鐘左右就有得食啦！拎上手好重身，感覺到係真材實料，舊蛋有成吋厚，加埋塊寸幾兩寸厚嘅麵包都應該夠食。一食落去食到牛油咸香味，麵包兩面都用唔牛油煎香過，所以應該蛋唔洗落太多調味料都夠味。蛋夠滑，雖然有一塊芝士係蛋夾住，但芝士己經完美融入左蛋入面，唔會話食到一舊一粒嘅芝士，每次咬完都會有芝士絲拉岀黎，好滿足！ 芝士蛋同麵包中間有少少椰菜，食落唔會太濟！ 估唔到葵廣都有高質嘅厚多士，雖然同韓國issac toast 完全兩種味，但食到呢個己經止到癮！☺️

鋪頭用左白及橙色做主題，個吐司logo好吸睛，鋪頭名仲玩食字添。餐牌有多款吐司選擇，另外有小食提供。除左有鹹款吐司，仲有甜食款，亦有花花造型既三文治，單睇餐牌上既相片，已經好吸引。叫左漢堡扒流心芝蛋吐司($38)。個吐司拎上手好聚手，而且即叫即整熱辣辣。賣相靚靚，成個感覺好似去左韓國食toast咁。每款吐司由芝士、蛋做basic，再視乎自己想食咩而做提升豐富度。漢堡扒煎到少少焦脆，香口惹味。鹹食選擇一流。煎蛋非常厚，而且滑身，配搭埋茄汁、蛋黃醬食，好豐富。芝士係食物熱身情況下熔熔地，同吐司永遠係最夾。仲有椰菜絲，唔膩夠fresh。厚吐司塗上牛油烘烤過後，邊邊位脆脆地，而內層鬆軟，2個人share食好滋味。整體，可以食到美味既toast，而且整得好用心，擺得靚，又用個兜仔裝住。食得小心，所以冇跌餡。

葵芳廣場有好多小食店，今日去咗掃商場，誤打誤撞見到呢一間吐司店，價錢唔算好貴就幫襯左一件。餐廳即叫即整，雖然要稍後片刻，但係都值得光顧。首先要稱讚一下店舖嘅吐司款式有非常之多，小編過到去都揀咗5分鐘，款款都想試吓但係只係得一個肚皮。當日叫咗個漢堡扒流心芝蛋味，麵包烘得金黃鬆脆，有陣陣嘅牛油香。芝士做到拉絲並且配合蛋汁既流出，好自然就食到嘴邊污糟晒，不過為咗美食，我都在所不辭！至於漢堡扒，煎得Juicy，配合埋種種嘅食材，即刻變得唔係好油膩！而且份量的確幾多，味道亦都絕對能夠媲美韓國出名嘅連鎖餐廳！由於我淨係想不停掃街，所以都冇叫到佢其他小食或者套餐，希望下次再有機會來試一試！ 不過溫馨提示，食嘅時候記住手上面拎定幾張紙巾！

放假到葵涌廣場shopping, 手挽一堆戰利品諗住返歸之際，見到三䄛Top世界有間韓式吐司小店，“不toast不快，像極了愛情”。令我諗起疫情之前去首爾旅行，好多個朝早都要去附近連鎖吐司店買番個toast先開始一日嘅行程。果種懷念嘅感覺，真係像極了愛情。小店招牌好醒目，而且吐司種類非常之多，每一款賣相都好吸引。既然未試過，梗係從最基本嘅口味開始啦。流心芝蛋拉絲吐司（$34）餡料有芝士、炒滑蛋同椰菜絲，上面仲有大量蛋黃醬同茄汁，份量多到撐開左整個吐司，攞上手已經有幸福嘅感覺。炒蛋係超級滑，熱溶嘅芝士同炒蛋混和，一啖咬落去有長長嘅拉絲效果，真係好正。麵包本身係搽左牛油再煎過，香氣撲鼻，而且食落有鬆脆嘅沙沙聲，成個吐司質素真係同韓國果間有名嘅吐司店有得揮。而且價錢非常之親民，下次再黎一定會試埋其他口味。

朋友食過呢間吐司話好好食所以我都搵機會嚟試 一點左右黎食個店員係一個後生仔佢嘅服務態度超好好polite叫咗一個煙肉炒cheese多士 38蚊一件麵包搽咗勁多牛油 同埋烘到好脆超香超香🥰☺厚度都剛剛好入邊嘅餡有煙肉芝士同埋雞蛋芝士都好足咬落去每一啖都會有芝士絲!!亦有芝士片每樣野配合得好好 不過美中不足嘅係去到底啲餡會少咗d 但係味道真係一流值得一試!!加22蚊可以有嘢飲薯條不過今次冇加到 下次會試埋佢啲小食

疫情期間，很少機會在葵芳廣場掃街，今日同朋友進行換季購物大行動，足足在葵芳廣場逛街了三小時，終於購物作戰來到 3樓，疲累時聞到麵包吐司的香味，原來有1間鐵板吐司店。 餐牌上選擇多，有不同口味，例如芝士泡菜啡菇鴨胸軟殼蟹等等，又可以單點或套餐，成功引誘我了，點了一份吐司。 =流心芝蛋拉絲吐司 $34=有芝士、蛋、椰菜絲、糖霜、蛋黃醬、茄汁。份量看似很少，以為都是麵包和蛋，但夾起來放進口，就十分厚身，一啖吃不到所有材料。麵包加入牛油再煎香，口感脆身又唔會油膩，成為美味吐司。雞蛋加入芝士煎香，炒蛋滑身，食落有芝士流心質地，配合醬汁調味後，十分juicy，各樣口味很平衡，不會過甜或過鹹。 在葵芳廣場，小食店多不勝數，除了港式小食，第一次食韓式吐司，性價比高，大約30元，下午吃完可以飽了幾小時，超級滿足!

次次去親葵芳掃街 都唔知食咩好大家唔知會唔會好似👧🏻 次次都有選擇困難症黎緊我地會同大家逐一介紹 葵廣有啲咩好嘢食 大家記住留意啦🥰⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️✨✨ 👧🏻 #feiching_foodie葵廣👦🏻 ✨✨今次同大家介紹嘅呢一間 就好似韓國嘅Issac Toast 咁 不過就係mini 版 你唔好睇佢細細份 佢非常非常之飽肚㗎🤩行近已經聞到好香toast味呢間店鋪係即叫即製 Order完大概等15分鐘可以趁呢段時間買下其他野食先😚👧🏻 #feiching_foodie掃街👦🏻 👧🏻 #feiching_foodie街頭小食👦🏻 🌟流心芝蛋吐司mini 版黎講 算好大份同厚身
麵包烘到外脆內軟 加埋香滑半生熟蛋😍再配埋蕃茄醬同沙律醬 仲有最重要嘅cheese真係好好食 推薦比大家🥰🥰🥰📌 不toast不快 (葵芳)葵芳葵富路7號葵涌廣場3樓Top世界3069-T3號舖🚇港鐵葵芳站 E出口 步行約3分鐘等候時間🕰 0 mins📍#葵芳