世一古井燒鵝

營業中

休息中

如果我第一次食店去試食燒味的話，燒肉叉燒飯是我不二之選，此家亦不例外，例湯是跟飯送嘅，唔使加錢，如果加$3有熱飲，加$5有凍飲，但由於已經有湯，又有杯清水，所以無必要增加卡路里。湯係青紅蘿蔔燒肉下欄湯，青紅蘿蔔都有少少渣，味道可以。碟飯最大特色係有甜酸菜伴碟，見相片的左上方，它有別於傳統鹹酸菜，是甜甜的，一點酸味都沒有，很爽口，可以一試。見評論話啲叉燒好肥唔掂，我同意佢啲叉燒係偏肥，質感過腍，賣相肥瘦相間，肯定不是用脢頭豬肉做，無論有別質感或味道都與傳統叉燒有啲偏離。燒腩仔明顯係用冰鮮甚或雪藏豬肉燒製，所以除了外皮非常鬆脆外，肉質跟叉燒一樣，我有理由懷疑兩者都是用同一食材製作，因為兩者無論紋理或肉質都幾乎一樣，分別在於有皮和無皮。邊吃邊被它的一款小吃所吸引：山椒雞腳，最終決定下單，事後發覺果然沒有落錯決定。雞腳一啖咬落去，感覺便不一樣，絕對不是雪藏貨色，質感富有彈性，微辣微麻，非常好吃，而且份量亦足，有12件～13件，眼見的醃料除了山椒，還有米椒、花椒、薑絲及白醋，冰冰涼涼，絕對是不容錯過的小食。這家店以燒鵝作招徠，且看與同一商場內另一家同樣以燒鵝作招徠的九龍燒鵝，那家的燒鵝更勝一籌。

世一「差」燒👎🏻👎🏻👎🏻👎🏻👎🏻👎🏻👎🏻第一次喺呢度外賣叉燒，講明要“瘦叉燒”，結果返到屋企見到大部份都係燒燶叉燒而且有啲肥。先唔講味道，淨係講賣相都唔係幾好 ，仲要我自己返到屋企剪晒啲燶邊，睇見都唔想食😫。呢間係我有史以來遇過最「差」嘅叉燒，浪費金錢又浪費食物，完全中伏⋯⋯下次買外賣燒味一定要check一check先好拎走。

今天到店點了個雙拼飯，選了燒鵝拼叉燒。本身燒鵝雙拼飯已經比其他燒味雙拼飯會貴少許，但當飯端上來時，燒鵝瘦得沒有什麼肉，只有皮包骨，而且叉燒只有肥膏，咬下去一口油。即使是下午茶，也不應該如此過份，實在大失所望，下次不會再去。

叫佢加 側側膊 最後都冇加到食燒味飯點可以冇薑蓉蔥油 失望 失去競爭能力 已經唔係第一次 盡量俾機會佢 冇可取之處 凍檸茶又唔夠凍 如果你話薑蓉要加錢 冇所謂 但係$62個飯俾返少少良心

買燒鵝過中秋，兩個人用所以買份燒鵝下庄，成合只係脾位正常，下面所有鵝件得皮同肥膏搵片肉睇下都無，幾個月前第一次去食有位數面哥哥仔介紹話燒鵝好正當時6人叫咗半隻真係唔錯哥哥仔好介紹又好人。今次特登返食結果啲份量失望味道可以嘅，其實嚟間嘢都扁貴，真係無下次啦！下次唔駛特登入嚟買喇。

我地叫左燒鵝拼叉燒飯外賣點知一打開 見到啲叉燒全部都係肥肉 同商家講 佢話唔想要咁肥 下次要叫瘦叉 但問題係就算我地無叫瘦叉 有幾多人係會食成舊都係肥肉既叉燒？外賣飯份量係好多 但燒鵝同叉燒份量其實好少燒鵝既肉都係得層皮 但皮下既肉得好少其實六十幾蚊又唔包野飲 咁既質素真係好唔得 下次唔會再叫😡

正如標題「唔怪得咁串叫世一」，真係抵佢串得起👍唔怪得佢開咗之後另一間燒味會執笠，因為食完真係返唔到轉頭😹第一先講價錢抵食，而家物價指數咁高，我自己覺得佢哋已經唔算收得貴；第二，佢哋杯檸檬茶真係比其他茶餐廳好飲，為咗佢杯茶嚟都抵；第三，我嚟堂食偷睇👀過佢哋廚房，真係有大爐自己焗燒味，食落去唔似係叫貨工場送燒味嚟，不過就算叫貨叫得咁好食都抵佢勁；第四，叉燒好食，比一般坊間叉燒林生唔乾，食過就知我講乜嘢；燒鵝都係，瘦啲嘅部位食落去都係唔柴👍唯一要彈嘅係如果嗌飯餐嘅叉燒比較碎，嗌一大碟嗰啲叉燒會更正，咁當然一分錢一分貨我明嘅。佢呢間嘢已經好食過大集團嘅燒味，我仲見過一個疑似老細嘅人出嚟收銀，都係非常有禮貌嘅男人，入得廚房做都仲唔粗聲粗氣都算係咁👍樓面嘅兩個姐姐都幾好禮貌🥰不過就衛生可以再有進步空間，上次去嘅時候見到枱面唔知係咪抹得唔乾淨，可能有糖水嘅味道，吸引左都幾多烏蠅喺度嬲嚟嬲去，所以我鍾意外賣多個堂食🫤 暫時食過最好食嘅燒味，希望佢哋繼續努力，喺而家咁嘅經濟環境下好好生存💪🏻加油💪🏻

昨晚同老公途經石門搵食，見到世一啲燒鵝幾靚，咁一於入去幫襯下，老公就叫咗燒鵝飯 ，我就叫四寶飯， 雖然係碟頭飯，但係份量十足， 每件肉都大大舊， 叉燒唔肥但都唔硬，油雞好滑 ，仲送例湯， 奶茶都香濃順口！ 一啲都唔鞋口，價錢亦不貴60-65蚊一碟， 可惜忘記影相 ，食完真係飽到上心口。職員更加親切有禮笑容可掬，雖然我係最後一台客走，有啲阻住佢哋收拾清潔收工， 但亦沒有黑我面，不停叫我慢慢食唔使急， 喺香港好耐冇見過咁親切嘅店舖， 所以真係值得一讚。

Lunch 時間都幾多人，排左一陣隊就入到去啦，叫咗個碟頭「四寶飯」叉燒肥瘦比例平均，鹹甜適中，隻雞夠滑🫶🏻另外仲有紅腸鹹蛋，飯夠多，一個女仔🧍‍♀️食唔哂，例湯夠火候，整返嚟講唔錯😉 📍 世一古井燒鵝 📍地址: 沙田石門安群街1號京瑞廣場2期地下G18號舖

係石門食午餐，見到餐廳入面差唔多滿座，所以入去試下。午餐價錢係正常價，不過冇飲品；想食燒鵝，就要再俾貴啲。- 叉燒 * 燒腩仔飯雙拼飯，賣相幾吸引，份量唔少，味道就正正常常。叉燒有少少燶邊，不過比較瘦，唔夠肥。燒腩仔層皮都脆，正常水準。- 叉燒瀨粉如果唔想食飯，可以揀瀨粉或者米粉，唔使加錢。叉燒分開上，唔會浸住，不過都係比較瘦。午餐有例湯送，不過想飲野，就要另外加錢。餐牌幾靚，係古代既大門，有古色古香既感覺。

噚日（8-2-2024 Thu）女同事SL話因出咗bonus，出去食飯慶祝，我哋就係咁搵係咁諗食乜，決定食COTI，但我去錯咗第一期，返嚟第二期搵到又啱啱冇位。咁落地下，走聚友小廚?唔使等位。男同事PH話唔好，SL就話呢間啦。我哋嚟到係冇人等位，重可以自己揀位坐，坐低後，未睇menu，老闆即推介乳豬，話啱啱燒好，可以揀瘦乳豬。咁SL要$95.00嘅乳豬油雞少飯，PH要$100.00嘅乳豬燒鵝飯，我要$95.00嘅瘦乳豬叉燒飯，全部都只要例湯唔要嘢飲。3碗例湯到嚟，好熱嘅，見到有紅蘿蔔同豬肉，呢個味道清甜，唔油膩，OK嘅。4分然後3個飯都到嚟，兩個同事嘅乳豬都係瘦，但我嘅就肥，老闆重走嚟同我講瘦呢，得一，兩件肥啫，我揭開睇，唔係喎，舊舊都只係肥冇肉。一食，乳豬皮係脆，但只係肥油，唔啱我囉，而且佢只係室溫。0.5分叉燒就半肥瘦，口感鬆軟唔嚡，甜味算適中，算幾好食。4.5分飯都正常嘅，豉油落得夠，OK嘅。5分但燒味飯配甜酸菜唔係新鮮油菜，都幾奇怪。我問同事覺得點?佢哋都話同太興價錢一樣但唔好食，PH話燒鵝唔得，佢哋都話唔會再嚟。

今日試咗外賣燒鵝髀瀨粉，平時一碗實在太貴，今次試用外賣平台用優惠嘗試叫一碗來試試，雖然打開隻燒鵝髀係斬好晒，賣相來講唔係好吸引，但味道係好味嘅，佢唔肥唔係好油，整體食完都會有陣燒鵝嘅味道停留係度嘅，不過價錢嚟講如果無優惠的話，老實講未去到必試類別，之後有機會再試其他。

石門又突然出現好多新食店呀，又有空間俾到我，慢慢慢慢去試試試試試。這次選中的，是一個自稱 "世一" 的食店，名叫《世一古井燒鵝》。英文亦叫 Top One Roasted Duck。講到自已咁勁，梗係要試一下啦。而我就分了兩日，食左兩種配搭不相同既燒味飯。一入來，同同區的另一家燒臘店一樣，會有一碗例湯送給你。兩次來，都是不用款式例湯的。而且都飲得出是少油，冇味精的家常湯水，這一點，令我感覺到不錯。既然是一間燒鵝餐廳，第一次來，當然要食鵝。所以，我點了一份叉鵝飯。叉燒，吃得出並不是梅頭肉，但好在係夠諗，食落又有幾分的肥肉。而燒鵝，是夠皮脆肉嫩的，雖不算是最 top ，但也是夠肉，夠味道的。改日來的一次，我不吃燒鵝了，決定要一份叉燒燻蹄飯。叉燒，可以說是又甜又脆。雖然真的不是梅頭肉，但其口感同味道，都令我滿意。而燻蹄，也是味道好，肉質爽脆既佳作。這兒的燒味套餐，係有湯，也有飲品的。伴餐，我通常都係要一杯港式奶茶。這一杯尚算合格的奶茶，濃度是十足的，但唔知點解，飲落好鞋口。我放一包糖，味道依然好苦，未是好滿意。好食既，但說是 "世一" 就一定不是了。而且，他們的擺碟法，是燒味還燒味，飯還飯，

食物唔掂又吝嗇，唔會有下次。話說今日想斬料返屋企加餸，想去呢間試下，就去買左半斤燻蹄。咁我屋企人食燻蹄中意點好多燻蹄汁（醋），所以我係其他地方買燻蹄都會拎多個燻蹄汁，今次都唔例外啦，點知個侍應話要收兩蚊⋯下？咁都收兩蚊？會唔會姑寒左d呀？同大陸個個因為客人加醬料加得多而打人既老闆一樣咁姑寒，算～兩蚊咪比你當貼士囉。點知返到屋企發現，D燻蹄係冰既，唔係凍⋯係冰，上面真係有冰/霜，仲係凍到分唔開個隻。咁都開飯喇，係要等d燻蹄自然解凍？定要我蒸返熱佢食熱燻蹄呀？

俾招牌個世一名吸引左入去。位置不多，大概十張枱，八成滿，繁忙時間要同陌生人面對面搭枱，冷氣都夠。紙本Menu，人手落單，態度都幾好。$60 1 個燒鵝飯，今時今日真係絕對唔算貴，仲要包例湯，凍飲加$5，都算合理。不過如果鵝脾要$110，有點兒貴。今次先試basic 燒鵝飯，上菜十分快。飯多，有配紙，燒鵝可謂正正常常，但又真係食吾出有乜特別，只係不過不失。完全唔明白點解自稱世－，令客人期望過高，或者關鍵在鵝脾？