中央飯店

營業中

休息中

推車仔點心買少見少，前排就同朋友嚟咗呢間歷史悠久嘅中央飯店～禮拜日下午一點左右去到全場full晒，要自己搵位，好耐無感受過唔係排隊攞飛既餐廳😂餐牌好多點心選擇，不過見佢keep住出爐既都係嗰幾款點心多😅😅 受歡迎嗰啲仲要好快就被搶晒😂👅燒腩卷受歡迎懷舊之選，見到嗰陣已經得返最後兩籠😅裏面嘅燒腩仔肉質唔乾唔韌，都算好食👍芋頭夠腍，包體鬆軟，不過啲水氣搞到底下嘅麵包好濕🫣👅👅柱侯金錢肚夠入味，幾爽口👅蛋黃蓮蓉包見到佢寫住蛋黃先嗌，但係一粒仔蛋黃都食唔到，亦都完全冇蛋黃香，包體又唔夠燒腩卷鬆軟，超失望！🤦🏻👅👅水晶鮮蝦餃外皮晶瑩剔透，口感煙韌，但個人係唔鍾意咁厚皮😅😅裏面蝦肉彈牙，芫荽香口👅👅魚肚燒賣魚肚夠厚，吸汁，好食😋肉果部份都幾彈牙，亦都食到蝦肉，唔錯既👍好耐冇嚟過呢啲推車仔點心，基本上食咩唔係自己揀，係要視乎佢有咩出爐😅可能禮拜日都多人，食食吓如果有出爐就要加快腳步去拎，如果唔係好快無晒，所以都食得有啲唔安樂😂😂 感受吓氣氛OK，下次應該都係去返正常落單嘅酒樓/點心店算😂

今日2月8號星期六晚上同我先生及我家姐一齊吃晚飯，想試吓呢間民間飯店深水埗中央飯店，其實都有抱着期望嘅心去嘗試，但得出嘅結果只係平平，因食物偏好鹹，尤其油泡班球鹹得好緊要、東江鹽焗雞唔夠滑嚡熠熠。地方環境太嘈，但都希望佢生意好😅。整體評價我只好比一般。

初六想去試中老店，真中伏，食物好鹹，環境髒，食物很多凉了，服務员態度差又亂蓋印又逼人家要點心，如果有零星我會比零星，而且一問也是用正價並没有下午茶優惠，真中伏，伏，伏。

間中便會心思思想來這家舊式中菜館飲茶神話吃一頓晚餐，可惜今晚光顧，餸菜的味道明顯下降，我們點了兩道菜，兩道也不太理想，不知會否跟團年飯時間太多客人光顧有關。其中一個失手的餸菜就是他們的招牌菜香酥荔蓉鴨，今天的鴨既不香亦不酥，哪何來香酥鴨呢？另外今天的如果不點其秘製醬汁的話，基本上是完全沒有味道，幸好芋頭的質素不錯，才令始餸菜勉強合格。另一味是上湯浸豆苗，豆苗的質素強差人意，可能是比較老，所以吃的時候有菜渣。最後免費送上的糖水可能是全晚味道最好的一味。

呢一間酒家相當有歷史的味道，由門口到入面裝修至伙記到餸菜嘅味道都係老派酒家特有的氣息，非常有風味，充滿童年回憶嘅感覺。一坐低個伙記叔叔極力推薦龍躉兩味，話條龍躉係今日新鮮劏嘅，於是就試吓。炒球同頭腩都好大碟，份量非常足，煮得幾好食，就係細個阿爸阿媽帶住去呢D酒家食到嘅味道。大良炒鮮奶嘅味道都幾好，而且又係超大碟，絕不欺場。本來諗住食啫啫通菜煲嘅，點知無晒通菜，於是就改咗做生菜，熱辣辣好惹味。

十年冇返香港嘅外國朋友話想食啲地道嘅嘢食，我而話不說就帶佢哋嚟中央飯店，淨係外面個霓虹光管招牌同埋穿過住宅電梯大堂入去佢哋正門呢一段都已經值回票價啦。叫咗三樣嘢食，四個人食到飽到冇朋友，呢三樣嘢分別係琵琶豆腐、西湖牛肉羹同埋揚州炒飯。九十幾蚊一大鍋西湖牛肉羹都咪話唔驚人，佢入面嘅芫茜牛肉同埋豆腐嘅味道好balance，豆腐好滑芫茜好香。琵琶豆腐就花功夫，所以一定要試下呢啲算係舊式少少嘅中菜。揚州炒飯又係好大碟，好彩冇嗌其他嘅嘢如果唔係實食唔曬。

呢間餐廳好有特色，聽講以前係拍電影嘅場地🎬，裝修好有懷舊香港風味，紅磚牆🧱同舊式傢俬🪑，影相打卡一流📸，令人好有親切感，感覺好似返咗去以前嘅香港咁😌，環境幾舒服，唔會好嘈吵，幾適合同朋友慢慢嘆吓嘢食。東江鹽焗雞🐔雞肉好嫩滑😋，鹽焗嘅味道好香，唔會太鹹，幾惹味🤤，份量都幾多，夠晒2個人食，影相都幾靚沙嗲粉絲牛肉煲 🍲 牛肉炆得好淋，入口即溶😋，沙嗲汁好香濃，不過粉絲有啲燶咗，有啲失望😔，整體味道都算唔錯雞蛋煎蠔餅 🍳 蠔餅煎得金黃色，外脆內軟😋，蠔仔好多，食落好juicy，蛋香好濃郁，口感豐富💯，不過味道比較普通，冇乜特別嘅特色🤔蟹肉扒鮮菇 🍄 鮮菇好爽口，蟹肉都幾多，醬汁唔會太濃，整體味道清淡，幾啱口味😌，賣相幾靚🌟中央飯店📍大埔道140號東廬大廈地舖____________________________________________________________#eilidh_lifestyle #foodie #中央飯店 #大埔 #大埔美食 #香港菜 #懷舊 #老香港 #鹽焗雞 #牛肉煲 #蠔餅 #鮮菇 #香港美食 #香港餐廳 #食評 #餐廳推介 #美食日記 #相機食先 #地

今日嚟嘅呢間酒家真係非常懷舊，由裝修到侍應到呢度嘅菜式都係。訂枱嘅時候已經掟埋呢度嘅八寶鴨，味道唔錯，隻鴨亦都唔係好肥，睇落去唔係好大隻但係實情個份量都非常之犀利，入面啲餡都米話唔滯，好彩食落去唔會好油膩，否則就食唔落其他餸。呢個紅燒元蹄真係罪惡到極點，不過佢冇想像之中咁多肥膏，而且間中都夾到一啲瘦肉，好香豬油味，豬皮更加係無敵，餸飯一流。最後來個粟米魚肚羹，呢窩羹嘅價錢竟然係$90，估唔到呢度連個價錢都懷舊。

家中長老之前喺電視節目睇到中央飯店嘅訪問，見到佢哋自己做嘅大包，好吸引，又有推車仔嘅舊情懷，佢心心念念咗好耐，想特登過海去中央飯店一試佢嘅大包。結果去到嘅時候大包早茶嗰轉賣晒，佢專登走去點心counter問左幾次出爐時間，結果師傅都好好專登蒸返一個畀佢，大包上枱嘅時候都有啲震撼，係我食過咁多間酒樓size最大嘅一個，佢嘅包係好食，鬆軟香口，可惜餡料未完全蒸熱，除咗加咗唐芹比較香口其餘餡料相對普通，其他點心都略為普通，真係冇任何驚喜，而且價錢亦都唔係特別吸引，如果食嗰種推車仔嘅舊式情懷，我諗呢間都冇必要係首選。

今次第二次嚟中央飯店食飯，第一次嚟飲過早茶，咁水準都覺得OK嘅，點心都做得還可以。今次嚟食夜晚，叫咗三樣餸、一個沙拉骨、一個西芹炒牛柳、一個豬蹄、首先沙拉骨佢就係煎豬扒再加沙律醬，沙律醬仲要係最後擠喺面完全冇撈勻，咁點解唔叫沙律醬豬扒？其次，佢個豬蹄又硬又鞋，仲有有浸臊味，佢呢啲豬蹄一定整左擺左好耐好耐，好似煲湯煲完嗰啲瘦肉咁，點食呢？俾狗食呀..惱到成碟冇食抌咗，西芹同牛柳粒就比較正常，但係百幾$200嘅水準真係有啲唔應該，總之冇下次，幾年黎食過最難食嘅餐廳，我發誓！好失望！即係其實呢明顯feel到係冇誠意囉，間餐廳俾啲咁嘅食物質素我哋，想支持香港本地餐廳，但係俾啲咁嘅嘢我敷衍客人..嬲到我專登上嚟OpenRice寫食評，算 bye

本身中學在附近讀書，今日專程嚟懷緬一番。仍舊有推車仔賣點心，賣點心嬸嬸都好Nice。叫咗一碟鹹雞飯，要雞髀+$8。碟飯嚟果陣，問夥計要多少少蔥油，完全冇反應。再問其他夥計，個個耍手擰頭！決定自己親自去問，點知廚房有個女人出嚟，用極度冇禮貌嘅態度同我講，唔可以再攞，係公司規定！😳如果要再攞，就攞張單出嚟，$10！態度極之惡劣！其實有冇唔緊要，呢啲都唔係值錢嘅嘢，有必要用呢種態度嗎？用餐環境一般，廁所絕對核突！絕對唔會有下次！

今日陪老人家嚟食情懷。長輩年青時候常常嚟呢度食飯，佢哋主動話要嚟懷舊一下，所以今朝早上八點就帶佢哋嚟到。好開心見返點心車仔，同埋好有主見話俾你聽應該食乜嘢嘅姐姐，佢哋好有心機，將叫嘅食物剪細咁我哋易啲分，食到咁上下飽，先至見到姐姐由廚房拎啱啱整好嘅雞球大包出嚟，一大盤大約10個，每個有兩個半拳頭咁大，無奈我已經飽到食唔到，唯有影幾張相，姐姐見我咁興奮，特登擺低盤包俾我影🫶 嘢食係正常酒樓質素，金錢肚好腍，今日冇芝麻卷，有啲可惜。

深水埗 中央飯店上次夜晚去咗中央飯店先發現原來夜晚冇得食點心， 今次終於中午去試到佢哋嘅點心， 久違嘅點心車好令人懷念～今日叫咗排骨蒸腸粉、 魚肚燒賣、馬蹄糕、 蝦餃、 燒賣、 鳳爪、 蝦腸同鹹水角， 今晚得返兩隻鹹水角阿姐搭咗舊煎堆比我， 可以食多樣～排骨蒸腸粉好好食， 排骨夠滑冇食粉味， 腸粉底夠滑唔會蒸到爛晒一坺嘢咁， 啲腸粉溝咗排骨啲肉汁同埋啲豉油停唔到口～魚肚燒賣好鮮甜， 唔單止嚿魚肚好食， 連上面嗰舊燒賣都好正， 口感好好～馬蹄糕唔敢講話佢無溝薯粉， 但係馬蹄粉嘅比較應該幾高， 同外面食嗰啲唔同， 馬蹄味比較重～蝦餃同出邊嗰啲都唔同， 我估可能啲點心係師父喺廚房自己包， 個蝦餃皮冇出邊嗰啲咁薄咁透明， 但煙韌有口感， 唔會好似嗰啲薄到一蒸完就癡粒粒一掂就爛， 啲餡又夠多， 除咗蝦仲有下滑同埋豬肉竹筍， 又鮮又彈牙， 好食～另外燒賣都係好明顯同出邊嗰啲唔同， 係嗰種舊式嘅燒賣， 同埋應該都係師父自己包， 唔似出邊嗰啲粒粒都好公正同埋啲皮好薄， 肉粒同埋碎肉嘅比例啱啱好， 質地比較實淨口感好好～鳳爪個味好好但係口感比較淋～鹹水角同埋煎堆可能係因為點心車嘅原因， 可能已經推咗有一

深水埗 中央飯店今日同個朋友行深水埗， 夜晚去咗中央飯店食飯， 本來想去飲茶食點心，但係原來夜晚唔點心食嘅就轉左食小菜～舊式茶樓格局但係乾淨， 啲阿姐都好有禮貌， 我哋落單嗰陣時仲幫我哋將其中一個小菜轉咗做小食， 話怕我哋食唔晒～叫左總共有四樣嘢， 炸大腸、 椒鹽豆腐、 生炒骨， 同埋雞片西蘭花～炸大腸好好食， 外脆內嫩冇油溢味， 而且冇乜肥膏， 識落唔油膩， 同埋墊底嘅酸蘿蔔都幾好食～椒鹽豆腐炸得都唔錯， 個粉漿係嗰種有少少煙靭個種， 呀姐就係亞謝幫我哋改咗做小食嘅， 雖然係小食，但係都唔算細碟～生炒骨個汁好好食， 酸甜適中， 同埋啲肉唔會炸到好乾， 都仲係好Juice， 好開胃送飯一流～個西蘭花就冇乜特別同出邊嗰啲差唔多， 但係我覺得鹹咗少少～食完仲有免費嘅綠豆沙糖水～下次中午去試吓飲茶食點心先， 佢仲係嗰種推點心車仔嘅～三個小菜一個小食， 三個白飯， 一個可樂， 買單$452～

很久都沒有見過點心車(不小心暴露了年齡), 也見到很多年青人到來試下舊式茶樓風味食物 : 蝦餃 - 一籠有四粒, 大大粒, 好爽口 牛肉球 - 都係大大粒, 而且加有芫茜, 好香好味 雞札 - 有腐皮/雞肉/魚肚/芋頭, 味道可以 义燒腸 - 腸粉質地都滑, 但唔係好薄果種 飲品 : 叫咗水仙, 普普通通 環境 : 是舊式茶樓格式, 要自已去加水, 點心可以自取, 或等點心車, 要自已揾位, 同其他人搭枱 服務 : 姐姐有禮貌, 點心車EE還幫手將點心送到枱面 價錢 : HK$128 (無加一服務費)