影片
營業時間
今日營業
07:00 - 16:30
17:30 - 22:30
星期一至日
07:00 - 16:30
17:30 - 22:30
以上資料只供參考, 請與餐廳確認詳情
阿姐服務態度好差就不在話下，屋邨生意都唔要求咁多，頂食食下蝦餃有隻曱甴🪳。投訴完淨係換過籠，我會唔會想食多次？乜嘢歉意表示都冇。其實地下衛生嘅環境都唔好得去邊。
繼續閱讀
忽然間好想有飯落肚，傳統蒸飯就啱哂胃口喇。臘腸走地雞籠仔蒸飯，聽個名都好吸引，六角形既蒸籠好特別。蒸飯入面加左少少紅米，食落更有口感，米蒸得剛剛好，飯粒飽滿加上荷葉既香氣，令人食指大動。走地雞肉質鮮嫩，臘腸肥瘦適中，搭配上一些蔬菜和調味料，好好味。另外加左個小食紅油抄手，但原來一點也不少，抄手皮薄餡料豐富，每一個抄手都被紅油所包住，輕微辣，餡料的調味做得好好，配搭蒜泥，口感豐富。店內客人唔多，店員同街坊有傾有講，置身其中，有種賓至如歸的感覺。
繼續閱讀
睇住四眼收銀阿姐鬧啲茶客，個個朝早返工都追時間架啦，有位外賣客比完錢冇攞飛就心急行出去攞點心，點知四眼阿姐當住客人面前講粗口鬧人，話人趕@住去死喎...！ 洗唔洗唔洗咁毒呀姐姐....，就算鬧都唔好當住啲客面前鬧丫，咁大個人有冇品架？下次錄低呢個阿姐啲惡行比東張西望，比大家知吓呢啲就係港式待客之道
繼續閱讀
這處食物可以，價錢正常，早晨孖寶吸引，但收銀的戴眼鏡，仿似是話事人的員工態度非常惡劣，唔明白點解公司可以容納到呢啲員工去損害公司，每一次去飲茶，對客人都係黑口黑面，呼呼喝喝，經常講粗口，但其他員工非常友善，如果呢位員工真係話事人，咁真係作出一個非常之壞嘅榜樣，希望公司可以正視問題講返食物，會將份味道吸引，粉皮夠薄，味道非常好，有水準，蝦餃一般般，蝦餃皮 有啲硬，雞包仔肉汁豐富，雲吞麵 雲吞好味，但係個面底 經常個籠，好淋，湯底沒有大地魚香
繼續閱讀
難得的這個星期日和妹都留在家沒外出，所以陪爸在附近飲茶食點心，未試過這家中心點，就來這裡飲茶啊～～知道爸一定要有飯氣到肚才可，就選了$68的籠仔蒸飯套餐，除了籠仔蒸飯外，還有燉湯及灼菜。再點多4款點心，就是我們的午餐了。章魚馬蹄肉餅籠仔蒸飯，章魚馬蹄肉餅好薄身，肉餅沒什麼咬口。飯帶荷葉香，但飯粒不夠飽滿。單論肉餅的話，味道不及一家外賣點心專門店。湯有兩款可選，我們選了姬松茸螺頭燉竹絲雞，味道清清地，未至於好夠火喉好甜，但都不錯，沒有味精味，而且都見到有齊用料！每人都分到一碗有多的湯～～～白灼菜心，菜心甜，不會老，份量不多。鮑汁鮮竹卷，餡料夠香，腐皮不會太油膩或太軟身，味道不錯！紅米脆皮鮮蝦腸 ($39)，蝦仁沒什麼味道，脆皮腸並不夠脆。龍蝦湯小籠包的size就夠大粒，皮也不會太厚，但肉餡及湯不夠香甜，莫說是龍蝦湯的味道啊！黑金流沙包 ($30)，將流沙包掰開一半後，第一次會見到油還油，鹹蛋黃醬還鹹蛋黃醬的狀態，水火不容似的。流出來的稱不上流沙，因為流出來的是油。整體來說，沒有一道食品或點心是稱得上好吃的，只有部份食品達合格水平。這樣的質素，人均消費約$80，實在不便宜啊！
繼續閱讀