中心點

營業中

休息中

而家食野口味都比較偏愛簡單嘅食物,好似蒸飯,蒸魚,烚菜等😆🤰所以其實我都幾中意去飲茶食點心嘅店😁中心點我之前都去過幾次,覺得食物質素同味道都幾好,今次就食籠仔蒸飯,有埋菜同燉湯☺️我揀蟲草花走地雞,雞嘅份量都幾多,6-7件,味道都不錯而且幾滑,飯加埋紅米飯,感覺健康啲而且口感仲好好！配埋兩條菜心,都好鮮甜😁唐生菜也不會烚太淋,啱啱好👍至於燉湯好熱,食完飯再飲仲好,唔會辣親口😝湯料也足,家人的白肺湯都有2大舊白肺🫢如果唔食骨,可以食肉餅蒸飯🤭家人說她煎蛋牛肉蒸飯好似食緊牛肉球味道咁😆當日見樓面得一位叔叔一脚踢,但佢服務都依然keep到,值得表揚吓我見蒸魚套餐好似都幾抵食,下次可以試吓😊

10元一隻麻雀，仲要order兩隻起，又冇味，話係椰汁糕但冇椰汁味，食色素咁，綠色邊出晒界。仲要放張米紙就扮整了十三么麻雀，超取巧，揭開張紙，係另一隻未上色的麻雀。收咁貴，完全冇誠意，怪得知，食飯時段都只得幾枱客。下次都唔會再去，因為實在令人失望已回。食物質素差，價錢又唔係特別平，點吸引人去，擺明趕客。怕再有受害者，真係要寫翻出來。

收工過來吃，不算多人，有卡位坐 二人叫了四款點心 首先覺得點心好細件、蒸籠又好舊之後食落去，覺得唔太好味（我見Openrice 無負評先來， 吾知係咪轉咗廚房師傅） 雪山叉燒包，好快上枱，好明顯係返叮比我哋，個麵包好油，應該係油炸最再返叮嘅效果！ 牛肉腸厚皮、牛肉係肥膏多🫣 無芫茜香味珍珠雞忘記影相，但我覺得叮叮公仔嘅珍珠雞都好食過佢！ 唯一拼盤還可以. 有六件 。 但個籠真係太舊太肉酸，好影響食慾… 我應該吾會再幫襯. 亦吾知道其他分店係咪都一樣咁差。

一向好鍾意食蒸飯同埋點心呢間點心店仲用埋荷葉去蒸，用個六角形木盒載着，成個賣相好靚仔好吸引就，由於佢個燉湯都好正，所以我就要咗個套餐，包一個蒸飯，一個湯加碟菜$78湯我要咗菜膽海底椰燉白肺，好滋潤。菜就菜心。好嘅餐廳就係啲細微位都做得好好個菜心睇落去好青綠冇Overcooked，但係咬落去就一啲都唔硬，好入味，應該用咗上湯煮蒸飯落咗紅米，健康啲，加咗少少豉油，滲透咗啲荷葉香，好好食個湯就更加係正，個豬肺咬落去好有味，個湯好足料，連南北杏都好淋，證明燉好耐連嗰杯茶都係散住淡淡的荔枝香味，應該係荔枝烏龍茶性價比高嘅點心蒸飯店

同同事開咗成朝，感覺非常疲累，決定一齊去飲茶放鬆吓，但lunch hour 得一個鐘，一般嘅酒樓時間上唔係好夠，就決定呢一間中心點試吓。呢一間選擇非常多，點完餐之後，上菜嘅速度都好快，而且味道都唔差，如果趕時間又想食點心嘅話，呢一間絕對係一個唔錯嘅選擇

I was worrying about what to eat at night. The photos of dim sum were so enticing that I walked in. There were not many people in the restaurant and the service was good. The waitress took the initiative to refill the water and clean the table.The soup base of herbal chicken feet had a strong medicine flavor and there were ingredients such as red dates and branches. I loved this taste so much. Salted egg custard bun was yummy. When eating, pay attention to the filling flowing out and burning you

今日嚟到近時代廣場灣仔天樂里附近飲茶，嚟到呢一間叫做中心點嘅餐廳，餐廳位置唔算好大，大概只有八至十台，我哋好好彩等咗一陣有位，我哋三個人安排咗喺卡位比較推介嘅點心，有雞絲粉皮，一嚟到嘅時候賣相已經好吸引，撈埋麻醬青瓜絲同埋雞絲，每一啖嘅口感都有好濃郁嘅麻香味，粉皮非常煙靭，呢個配搭非常一流，亦都令我哋好開胃 另一個介紹嘅係佢嘅蝦餃，佢一籠有四隻，每一隻蝦餃入邊至少有三至四隻蝦，非常足料，調味亦都做得非常好，每一隻蝦都非常爽口彈牙 金錢肚同埋腸粉就不過不失 埋單，每人大概$100

之前點點心無做之後都有啲失落直到中心點開始營業總算有返啲好味嘅點心幫襯過幾次樓下座位寬敞有卡位茶算係好飲嘅類別最鍾意啲點心夠熱服務亦都好殷勤見好常都坐滿客人特別鍾意食佢嘅灌湯餃

位置舒適，不會太逼夾我當時去下午茶時段，有88折，超值！！我叫左幾個點心，因為夜晚仲要食飯，所以無試太多點心！紅米炸蝦腸，超脆而不油，好食，唯獨浸左豉油耐左，會有點咸，但仍然係十分脆！點心拼盤，相對比較普通一點，但仍然係值得一試，因為有太多選擇比你同朋友開心share!!!煎虎皮尖椒，魚肉彈口唯獨尖椒我個人覺得唔辣。蒸蘿蔔糕，這個點心係我咁多個覺得失望的，粉太多，我食唔到有蘿蔔同蠟味既味道，以及吃一口已經覺得好咸。

朋友介紹話呢間茶樓幾好食，嚟到先知原來自己經過門口好幾次都冇發現係茶樓嚟🙈Menu無論傳統定係新派點心都有，個日就嗌左：🍚4選1籠仔蒸飯套餐($78)呢個套餐包括籠仔飯、燉湯同菜，我地就揀左鳳爪排骨飯，無論係排骨定飯都比得好多，足夠2~3個人share，而且每粒排骨都好多肉，絕無欺場㗎👏🏻燉湯就揀左花旗參螺頭燉竹絲雞，個湯清得嚟雞香味都出，入面仲有好多湯料添。唐生菜就中規中矩不過都係好大份🦐沙巴蝦燒賣皇($38)每粒燒賣入面都有原隻蝦，肉質好彈牙，豬肉既肥瘦亦算適中，食落唔會太肥膩🦐紅米脆皮鮮蝦腸粉($39)第1眼就覺得個紅色好靚😍每一條都整到一口size方便食用，食落脆口唔油膩，同燒賣一樣蝦肉好彈牙。雖然係其他茶樓都食過類似既脆皮腸粉，但個人覺得呢度做得最出色💕🥕木魚脆皮蘿蔔糕($24)呢個蘿蔔糕唔單止睇落和風，食落都好似章魚燒😂每一件都炸得好香脆，醬汁似帶酸辣味既沙律醬，配埋木魚片估唔到同蘿蔔糕都幾夾仲好好味，必試💯除左點心之外佢地仲有提供特色甜品，可惜個日雪櫃壞左所以試唔到，唯有下次再試啦

突然之間想同女朋友飲茶🫖，但又唔想去平時嘅酒樓，見到佢呢度嘅點心有啲都幾精緻，我哋好快咁就嗌咗幾樣特別嘅😎🤌🏻紅米脆皮鮮蝦腸粉見到紅色腸粉幾吸引，紅米皮軟糯，鮮蝦炸到少少脆，外軟内脆，味道似炸两但都好食😛🤌🏻山楂雪山叉燒包外皮粉紅色賣相幾吸引😎原來係山楂整成嘅外皮，酸酸甜甜都幾開胃，叉燒餡熱辣辣好食🤣🤌🏻沙巴蝦燒賣皇隻蝦都真係幾大隻，做到茶樓味道😆🤌🏻巨型籠仔飯 鳳爪排骨蒸飯份量好多，飯質感唔錯，加埋甜豉油不得了，排骨都好入味😎你係咪真係落雨🤌🏻螺頭竹絲雞燉湯分量雖然少啲但係超級清甜，而且入面都幾足料 ，飲落好似幾補身🤣🚩 中心點 (灣仔)灣仔天樂里7號地舖#addifoodie #addifoodie灣仔#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫 #飲茶點心

早前(忘記日子了)年邁的媽媽跟印傭姐姐去食點心，食完點心後，見燉湯還未到，便叫印傭姐姐問問是否漏單，卻遭到其中一位高大的女侍應極其不友善對待，甚至出言侮辱，媽媽及印傭姐姐只忍讓不敢作聲，但此位侍應見她們不敢作聲，竟前後三次漫駡她們，直至她們結賬時也繼續說一些難聴的說話，好像只是她自己想發洩情緒，固找弱者下手⋯⋯媽媽已87歲了，我們也幫襯過此店多次，一直覺得他們的質量和服務也很好，有一位男侍應對婆婆也很關心，只是自從那位高大的女侍應出現後，每次見她都是忟炆憎憎。也特別對工人姐姐不友善，我想説我們自己對印傭姐姐都很好，傭工只是她的工作，她作為客人時應該得到平等的對待，正如我們對店內每一位侍應也很禮貌客氣，也尊重他們的工作。媽媽受辱後，説她以後也不去這店了，我們一向支持小店，因人情味濃，此事後，極希望他們能夠注視有關問題。

而家想飲茶，食吓点心止吓㽼，都唔會去啲大大間嘅酒家，因為政府呼籲唔好去太多人嘅地方見到呢間點心專門店細細間可以試吓，都係叫啲最普通嘅點心蝦餃，小籠包都中規中炬，但係鹹魚肉餅飯，本來以為鹹魚都係細細件，個飯嚟到就有驚喜，大大件梅香鹹魚，鹹中帶少甜，真係送飯一流估唔到呢件鹹魚選料咁認真，值得推介

響灣仔行吓行吓，覺得點肚餓，就走咗去食啲點心。點咗幾樣嘢，點心都不過不失，有好有普通。花膠海皇灌湯餃， $39，比較淡味啲。大紅大紫脆皮鮮蝦腸， $39 ，有脆口感，唔錯。黑椒牛仔骨籠仔蒸飯，$65 ，雖然稍為貴啲，但係物有所值，牛仔骨好味，份量亦不少。姫松茸螺頭燉竹絲雞， $39 ，湯唔係太濃，不過不失。其他點心，價錢都唔算平。茶錢每位$8，星期日都唔使加一。盛惠198。但係店裏的服務員，都幾有禮貌，下次再嚟可以試其他點心。

近日有勁多點心舖唔開，酒樓都係，想食好耐，但一係早收一係冇開，所以今日咁啱比我係灣仔搵到間點心舖😆😆呢間叫中心點既舖頭細細間，但座位唔會好逼，佢都唔係好多人可能係lunch時間，呢度舊區比較多好多公公婆婆都會等下午茶時段先至過嚟因為會有八八折😌😌佢呢度嘅點心有啲都幾精緻，我哋好快咁就嗌咗幾樣特別嘅點心，包括有大紅大紫脆皮鮮蝦腸，行運甘筍鹹水角，七彩金箔原隻蝦餃皇，沙巴蝦燒賣皇，黑金流沙包同埋今次最特別嘅阿華田網紅沙皮狗😍😍😍🍤首先講吓個脆皮鮮蝦腸佢出邊紅色嗰層係紅米皮嚟，入邊有原隻炸左既蝦，咬落去真係超脆，隻蝦又夠新鮮彈牙👍🏻👍🏻🥠鹹水角個外表成條蘿蔔咁，好有心思，入邊嘅餡料完全係傳統嘅鹹水角餡料，咬落去外脆內軟熱辣辣，餡料又夠多😋😋最緊要係個款夠特色🥟個蝦餃皇點解係叫七彩，係因為你會見到面頭個蝦餃皮有少少淡粉紅，若隱若現咁再有金箔點睛，睇落都夠殺食，仲唔係得個樣，裏面嘅蝦係原隻咁釀入去，都係超級新鮮同爽口👏🏻👏🏻個燒賣睇落去平平無奇，但原來入面餡料豐富，我最鍾意嘅舊式燒賣裏面係有冬菇面頭再加上蟹子，絕對唔會粉，唔錯唔錯😍😍不過流沙包就有啲美中不足，佢個外表比起一般嘅流沙包係偏淺色，其