中華小廚 (已結業)

夜晚六點幾，老友先話一齊食飯。是晚母親節，周圍D餐廳都排曬隊，唯有去寶盈花園樓下既中華小廚，都仲有三四張吉臺。入到去侍應阿姐安排我地坐係一張剛埋單未執好既臺，阿姐執臺好慢，抹臺又好乸西。不過知佢地做左成日好辛苦都由佢。叫阿姐落單，又話冇落單機，等左一陣先有第二個阿姐來落單，由於太肚餓，好快點左三個餸一個炒飯，上菜都好快，不過D味道認真一般，蒜香骨好乾。炒飯好淋，蛋白好大舊，瑶柱係細細粒既元貝干。蝦干雜菌浸菜心，D菜心好淋，雜菌冇乜味。唯一正常D係回鍋肉，用椰菜辣椒炒，有D鑊氣。唔知係咪母親節太多人，廚房失準？！

乾炒牛河(下午茶)$36+$3 (凍啡) ，因為去順豐拿包裹，經過這邊好多次，今次專登早點去拿件，順住個風亦是專程第一次入來試一下的。。【乾炒牛河炒得真係好好食，唔會一兜油，有好多牛肉而且亦都好味(^-^)，不過美中不足的是，個咖啡不太好飲，味道偏酸( ̀⌄ ́)】但整体上也有90分以上喲 (o^^o) 這裡的食物款式比較多，岩哂雙子座的我，下午茶份量多，小女子我當晚飯吃\(//∇//)/，下次會再來試其他的喲。 *^o^*

今日收完工返到屋企附近，諗住食埋野先至返去，選擇咗呢間中華小廚，位置喺將軍澳港鐵站附近，行3分鐘左右就到，好方便！餐廳裏面，有好多唔同嘅菜式可以供選擇，今日我哋揀咗蒸飯類嘅。以前試過一啲小炒，不過味道相對就普通一啲。我哋三個人叫左一個XO醬蒸滑雞一個蒸餸跟一個飯，即叫即蒸，大約15分鐘左右，新鮮蒸出嚟嘅滑雞非常鮮嫩，加上XO醬，味道惹味得多，有少少辣，亦都好香口，餸飯一流！另外叫咗一個蒸水蛋第一次上台嘅時候，蒸水蛋裏面似乎未蒸熟，好水嘅感覺，我哋怕太生，所以要求侍應再拎去廚房蒸多陣。蒸之前仲擔心緊啲水蛋蒸完再蒸，會唔會好老，但喜出望外嘅係，再一次蒸完之後，水蛋變得非常之滑，而又唔會有一種好水好生既感覺，啱啱好！加嘢飲，加＄9 ，我哋叫咗一個凍檸茶一杯比較正宗港式茶餐廳嘅檸檬茶，一餐飯最緊要嘅就係有杯好味嘅檸檬茶去餸！最後我重點推介呢一個鮮油薄多！只需要＄14嘅價錢，就可以食到兩片夠晒足料嘅鮮油多！如圖所示，烘得啱啱好嘅麵包外層，再加上兩片厚厚嘅牛油，咬落去一冷一熱嘅感覺，仲有外脆內硬嘅口感，真係充滿罪惡感幾乎每一次嚟到都必定要食佢，因為真係好抵好抵！蒸餸嘅餐牌如圖所示：成餐飯三個人食都

今晚同朋友睇完戲又見餓餓地所以就帶左佢黎呢度食晚飯。呢度已經唔係第1次幫襯, 不過呢度既野食水準個人都覺得幾高幾夠獲氣!☺️叫左3個送, 因為係套餐關係每個餸有配1碗飯同1碗中湯。🍵西檸雞🐓雞扒炸得好脆身, 而且係岩岩新鮮熱辣辣炸起! 食落外脆內軟,, 雞肉都幾嫩身西檸汁酸酸甜甜, 唔會好傑身, 酸酸地配埋個雞好夾好醒胃!虎尖椒炒牛肉🐂虎尖椒份量都幾多, 食落唔會煮得太林而不失口感, 牛肉唔會好似柴皮咁, 呢個食落好有獲氣, 好食!另外仲叫左個清炒介蘭介蘭其實我自己唔食, 不過朋友話佢好脆口而且唔會好老, 唔錯!今晚餐飯其實都係諗住普通食個晚飯, 估唔到朋友都覺得呢間小店幾好食有時未必要去好貴好出名既小店既, 茶記都唔錯既選擇!👍🏻👍🏻👍🏻

今天到星星戲院前，先去享受個早餐。本想去新加坡多士餐廳，可以正在裝修，没有營業。到美心集團果間，要輪籌，竟然要等30個號碼。於是想起，附近有家茶餐廳，所以試一試這家吧！果然可馬上入座。思前想後，選了蛋牛治早餐座位接近廚房水吧，看到職員來來回回的為客人送上食物。就這樣發現了＜馬芝蓮MARGARINE＞罐！ 相信我果份蛋牛治都用左這種人造牛油。 佢的真正面目，心照了。 反正今日趕時間，不能要求太多。 間中放縱一下，食一次應該無事掛！ 蛋牛治呈上來了。係用蛋包鹹牛，再放在塗了（好似牛油）黃色油的包包上。<蛋包鹹牛>比<蛋牛分開>，是多了一重工夫了。鹹牛份量不多，所以整個蛋牛治没有過鹹。可能為了加快制作，就要最快完成餡料：蛋包鹹牛。但煎蛋的火力太大了，雞蛋不軟滑。25元早餐，算係咁啦！只是包包軟棉棉，是十分港式的白麵包！餐飲　即磨咖啡，入口有咖啡味，可是咖啡香味不太強。有很多男性光顧此店，應該係因為大件夾抵食。

同老公訓醒教都4,5點,訓醒有D餓,甘就揸架車去食下野,求其揀一間茶記,甘就揀佢啦,呢間下午茶餐到6點,都幾好, 因為好多時都係到5點半就完,老公叫左個豬扒蕃茄意粉,因為見到隔離檯叫,覺得好吸引,所以老公又叫,味道真係唔錯,好好味,拍得住大X樂個一哥豬扒,可能係下午茶餐,所以唔係太大份,我叫左個雞翼薯角,薯角唔夠脆,雞翼就好好味,無雪味,熱辣辣,應該係即叫即炸,好香口食物就唔錯,不過服務就麻麻地,

天氣咁熱, 煮飯真係一大苦差, 見呢間小廚平時晚飯時候都唔少人幫襯, 質數應該唔差得去邊 見佢餐牌有小菜, 仲有套餐, 包例湯及白飯 今日係青紅蘿蔔湯, 夠晒熱, 份量唔多, 飲完都唔會好飽 每人叫一個小菜, 呢個北菇雲耳蒸鷄, 鷄件份量都多, 仲要係有肉, 配埋北菇及雲耳, 香味幾好, 但面層D油多左D, 要食之前"隔"咁D油食會好D 晚餐又點可以少個菜呢?! 就要左呢個清清地既海味什菜煲, 材料都幾豐富, 有菜心, 西蘭花, 蝦米, 粉絲, 鮮魷(幾彈牙), 冬菇, 味道調教得幾好, 最岩我係無咩油, 感覺健康D加埋個凍檸茶都係百幾蚊落樓, 又有電視送飯，舒舒服服咁食個晚飯！

今日同親戚係將軍澳打完牌，就約左老公係將軍澳食晚飯。之前一直都想試下中華小廚的炒小菜，因為聽講份量大，價錢都比較合理。首先，我點了豉油王蝦碌，不但賣相金黃，而且真係份量十足，有成8隻大蝦，我同老公都話聞到好大陣美極醬油的金香，加上用了巧秒的炸功，令到每隻蝦都炸得非常甘香鬆脆。之後，我地叫了粟米班塊，除了炸粉教得恰好，沒有太厚粉外，內裡的石班塊沒有一點的凍藏味，相信師父一定用了酒去調味，才能將石斑鮮味迫出，加上香甜的粟米醬汁令斑塊沾滿了田園氣息的味道。總括來說，價錢不但合理，而且份量十足，絕對係將軍澳小菜首選。