影片
開飯介紹
主打港式串燒的地區小店，供應多款海鮮、肉類等，食客可以自選辣度，選擇豐富且定價相宜，是聚餐、宵夜之選。
繼續閱讀
營業時間
今日營業
18:00 - 03:30
星期一至日
18:00 - 03:30
以上資料只供參考, 請與餐廳確認詳情
有關獎賞計劃
喺旺角做完嘢，到咗食飯時間又唔知食乜，行行吓見到間串燒店，諗都唔諗即刻同同事入去開餐 鋪頭外面有霓虹燈招牌，夜晚都幾搶眼地方唔算大，有種街坊聚腳嘅親切感，好啱同朋友吹水食宵夜👍🏻串燒可以選擇唔同辣度，我哋揀咗小辣，都好惹味蒜蓉茄子 $38茄子夠冧身，吸晒蒜蓉嘅香味，一咬落去，柔滑又濃郁，好似成個口腔畀蒜香包圍住👍🏻雞軟骨 (2串) $28爽脆彈牙，外層燒到微焦，配啲辣粉同孜然，好啱慢慢咬住嚟食，愈嚼愈香雞皮 $28好邪惡嘅雞皮🤭薄薄脆脆，燒到金黃，有啲焦香又唔會太油雞中翼 $36 (必食)外脆內嫩，醃得入味，少少辣但唔會搶味，食完一隻又想再食第二隻🤤牛舌心 $45 (必食)切得厚薄適中，燒到微焦又唔失彈性，啖啖牛味配上川式調味，掂豬頸肉 $35平時食串燒好少食到豬頸肉，燒得岩岩好，微脆、中間嫩滑，油香四溢👍🏻鮑魚(2隻) $58鮑魚燒得好香，上面佈滿好多蒜蓉，口感又唔會俾太多蒜蓉味冚過啲鮮味，啱啱好👍🏻呢間串燒真係集齊香、辣、鮮、脆、嫩👍🏻做宵夜真係啱晒👍🏻👍🏻
繼續閱讀
旺角朗豪坊附近有間串燒店 位置方便. 食物即叫即燒，熱辣辣好惹味. 辣度可以揀大中小辣或者唔辣。我地兩個人叫左好多野食. 佢地實在有太多選擇! 沙嗲雞肉串 , 雞軟骨 , 雞中翼 - 雞肉串肉嫩多汁，調味剛好帶有沙嗲花生香味又唔會太辣。 雞軟骨爽口香脆好惹味. 燒茄子蒜香味十足, 分量大, 原隻開邊燒。食到舐舐脷翠玉瓜 - 真係好驚喜 . 好多汁外無香. 內裡多汁. 五花腩肉串 - 焦香外層, 油脂燒到焦脆, 食落爽口. 阿拉伯羊肉串 - 呢款串燒嘅調味香料味足夠重。羊肉唔會太騷，肉仲好腍土豆片- 好爽口 薄片好似食緊薯片. 好惹味. 蒜蓉原條茄子燒茄子係食串燒必食嘅，呢度火喉燒得剛好，超多蒜蓉、味粉都落得好足夠，超級入味香蕉, 饅頭片 - 正常發揮. 下次可以試其他野食. 佢地串燒嘅火喉真係好出色. 串燒王📍旺角砵蘭街147號祥興樓地下A號舖
繼續閱讀
在旺角搵食中見到呢間串燒王，被佢哋嘅懷舊裝修feel吸引住，霓虹燈招牌甚有氣氛，好似番回以前時代咁，我地都想食下串燒，價錢抵食，坐低食下串燒確係正，便進入開餐啦。錫紙花甲粉， 蜆肉鮮，粉絲索晒汁，夠晒味。燒鱔，厚身且彈爽可口。羊架，有羊騷味調味夠惹味。燒金菇同秋葵，加上辣粉味道唔錯。牛肉燒得剛剛好，肉汁豐富，完全唔會乾。叫埋2支烏龍茶，解渴解辣。#串燒王 #旺角 #旺角美食 #惹味#抵食 #花甲#懷舊 #串燒
繼續閱讀
2個女仔唔想食得咁heavy,但又想搵個地方食下小食飲下啤酒，咁就不如食串燒，旺角呢間小店，門面好有feel, 就入去試下：1. 蒜蓉茄子 💰$38原條茄子舖滿蒜蓉蔥花，燒咗好香，自己再加咗d 辣粉，好惹味2. 鯖花魚/青椒/魷魚鬚 💰$42/13/35鯖花魚無骨半條，燒得比較乾身青椒正常水準，本身有辣味好食魷魚鬚夠彈牙，唔會燒窿個尾3. 清酒花甲 💰$58呢個相對抵食，花甲夠新鮮，配咗少少酒味，好鮮甜4. 錫紙娃娃菜 💰$38呢個健康之選，balance 返有菜有肉既原則🫢5. 小海蝦（2隻）/雞全翼（2隻） 💰$45/36小海蝦雖然細隻但新鮮既👍🏻雞全翼燒得好食，個雞皮有少少窿窿地香口d,一定要加埋辣粉提昇味道層次😋同一般串燒店一樣可揀辣度，三倆知己聚埋我齊吹下水食下野，飲下啤酒，咁就過咗愉快既一晚🥰
繼續閱讀
串燒王 (旺角)旺角砵蘭街147號祥興樓地下A號舖呢排好想食串燒，今次就食川菜風味嘅款式！每一款串燒平均價錢都係20至$30起， 價錢親民，多幾個朋友可以試哂各色各樣！😆雞肉、豬頸肉、雞翼及雞軟骨串燒沾滿孜然粉，非常啱小編好鍾意孜然粉嘅香味🤓清酒花甲係由下而上都係充滿紹興酒嘅味道， 每一隻花甲都好肥美，而且份量好多，有新鮮CP值好高！燒花菇除咗出邊有孜然粉嘅氣味冬菇外表乾身，但係入邊仲充滿咗水粉，所以咬落去好Juicy🤣呢度除咗食串燒，亦都有有飯同麵嘅選擇， 例如係肥牛炒烏冬同川北炒米粉， 我哋仲點咗鰻魚炒飯食，鰻魚平鋪晒喺飯嘅上面，燒汁炒嘅飯都好香濃而且粒粒分明☺️串燒王分店現時有四間，遍佈港島九龍，想食串燒唔一定去樓上鋪， 地舖仲方便啦😄#串燒王#香港串燒#香港美食#川菜川燒#旺角吃飯
繼續閱讀