影片
開飯介紹
主打港式串燒的地區小店，供應多款海鮮、肉類等，設有川、日口味，選擇豐富且定價相宜，是聚餐、宵夜之選。
繼續閱讀
營業時間
今日營業
11:30 - 16:00
17:30 - 06:00
星期一至六
11:30 - 16:00
17:30 - 06:00
星期日
17:30 - 06:00
以上資料只供參考, 請與餐廳確認詳情
有關獎賞計劃
優惠
88折
地道串燒$100現金劵 (堂食/外賣自取) (只限登龍街分店)
$88
$100
食家推介
呢條街兩邊食店遍地開花，食麵或飲野都有。有時響應完夜繽紛想食D野，呢間串燒店可解我燃眉之急。店舖面積一眼睇晒，自行寫紙落單，辣度可選擇。點咗鷄軟骨 ($28/2 串)，雞腎 ($28/2串)，大墨魚咀 ($28)，免治鷄肉棒 ($20)，牛舌芯 ($38)，虎皮青椒 ($13)等，一次過變拼盤上枱。先食大墨魚咀，入口軟糯。比起牛舌，呢客牛舌芯來得更嫩滑，厚切帶來口感之餘唔會韌; 灑上孜然粉作調味，另一番風味。呢度嘅免治鷄肉棒，比起日式細碼D，無蛋汁點住食，入口外面乾身D，內裏鷄肉唔乾。原隻上嘅虎皮青椒，成支竹籤咁大隻嘅都少見，入口有D辣度，好彩都食到。友人點選鹽燒白鱔 ($55)，燒得皮脆肉仍嫩身，鱔肉帶點厚度，友人滿意。每次去食串燒必叫嘅一定係蒜蓉原條茄子 ($38)，切開鋪滿蒜蓉，未食已聞到蒜香味。用筷子一起就夾滿一注，調味岩岩好，軟身中食到蒜粒，再熱D就仲好食。友人唔食茄子，咁就叫客蒜蓉金菇菜 ($45)比佢。份量超多，以錫紙兜加上大量蒜蓉煮，熱辣辣都幾好食。就咁食串燒驚唔飽都無需擔心，呢度有飯粉麵作為主食類。叫咗其中一款錫紙花甲粉 ($65)一齊分享。 帶點麻辣味嘅湯底，麻香多過辣，有類似粉絲配湯都唔錯; 花甲細隻但無咩沙，仲多數都有肉。即點即製，要點時間等待，有加一服務費。聽到外賣落單嘅響聲響不停，店員及廚師亦忙過不停。
繼續閱讀
後疫情時代，香港人嘅生活習慣改變咗好多，踏入夜晚9點嘅香港，最怕空氣突然安靜。如果依家三更半夜想搵宵夜食，比以前真係難咗好多，但都唔係無選擇呀！位於銅鑼灣嘅串燒王就將登龍街變得熱鬧，每一串嘅串燒都非常惹味，成為深夜夜繽紛之選！皇牌牛舌心絕對係串燒王嘅名物！牛舌心厚切，大大塊夠晒足秤，肉質爽口唔靭，牛肉味香濃，性價比超高，牛舌控嘅我要叫多幾串先得。紐西蘭羊架食串燒又點少得羊架呢！羊架嘅生熟度燒得啱啱好，肉質軟腍，帶有微微嘅焦香味，油脂豐富，但因為經過大火燒過，所以唔油膩。肥牛金菇卷金菇索晒肥牛嘅油香，重點係金菇唔會燒到乾爭爭，加上特製嘅調味，小小辣，非常惹味！蒜蓉原條茄子茄子真係枱枱都叫！原條茄子燒得啱啱好，唔會太乾身，茄子上面鋪滿調味粉，但味道唔會過鹹，味精帶有少少辛辣感，加上蒜蓉嘅香味，味道充滿層次。串燒我哋另外叫咗五花腩肉串、豬頸肉、日本一口和牛粒、雞腎串、脆香雞皮，特別喜歡油份平均嘅五花腩肉串同豬頸肉，如果喜歡脆口嘢嘅話，脆香雞皮就一定要叫，炸到脆卜卜，夠晒香口。
繼續閱讀
夜晚突然口痕 好想買嘢食送酒諗住喺外賣平台搵平靚正快嘅串燒結果真係好快送到秋葵、雞髀菇、土豆片全部蔬菜類燒完都好多汁好入味一啲都唔乾牛舌同豬腩肉勁Juicy ，肉質好林好好咬食過返尋味，一星期內可以叫兩次第二次成班朋友開party所以encore ，仲叫埋雞腎同茄子之後都會繼續叫真係好好食PS🙏🏿🙇🏿♀️抱歉成班為食鬼掛住食完全唔記得咗影食物相
繼續閱讀
<銅鑼灣抵食串燒店>😍銅鑼灣登龍街一向多美食, 今晚就食左呢間<串燒王>. 餐廳唔算大, 亦唔算多座位, 但一踏入舖,,已經可以感受個份熱辣辣既串燒風味.😬Menu有好多唔同種類既串燒可以選擇, 價錢平, 十分抵食😍 而且亦有燒海鮮及其他主食, 絕對係性價比高.👍呢度既串燒全部即叫即燒, 熱辣辣又好味😋~ 蒜蓉燒鮑魚 ($65/2隻)~ 牛舌 ($25串)~ 脆香魚腐 ($15串)~ 蒜蓉娃娃菜 ($45)~ 椒鹽燒賣 ($22串)~ 芝心丸 ($22串)~ 芝士年糕 ($28/2件)~ 焦糖燒香蕉 ($18)~ 朱古力棉花糖多士 ($28/4件)~ 錫紙花甲粉 ($65)😋所有食物都好食, 份量多, 而且仲可以揀唔辣, 小, 中或大辣👍正. 而且仲有其他海鮮類可以選擇, 蟶子, 扇貝, 海蝦等, yummy 😋 🍢餐廳: 串燒王🥙地址: 銅鑼湾登龍街36-48號登輝大厦地下D2號舖
繼續閱讀
最近在銅鑼灣登龍街的串燒王用餐，感覺不錯😋我們叫了多種串燒，特別推薦他們的日本一口和牛粒，肉質鮮嫩，入口即融，絕對值得一試！五花腩肉串也非常美味，油而不膩，加上椒鹽燒賣正！正！正！另外，蒜蓉原條茄子和芝士腸也是受歡迎茄子鮮香可口加上滿滿的蒜蓉再加上買一送一的Hoegaarden，正串燒配上啤酒🍻一流啦~~~~串燒王食物新鮮、性價比也高，非常適合與朋友聚餐串燒王 (登龍街) (銅鑼灣)📍銅鑼灣登龍街36-48號登輝大廈地下D2號鋪
繼續閱讀