影片
港鐵長沙灣站 A2 出口, 步行約5分鐘
繼續閱讀
特色
包場派對
附加資料
請各貴客提早兩日以上whatsapp或signal預訂座位
歡迎預留海鮮及特別食品
歡迎派對聚會
營業時間
星期一至日
12:00 - 22:00
以上資料只供參考, 請與餐廳確認詳情
食家推介
每星期抽一日同男朋友出省城拍拖剛巧上星期選擇咗長沙灣區原因係好想去甜一刻食甜品男朋友就話順便睇吓附近有冇串燒黃店最後順理成章揀去串爆里💛我哋早一日經wtsapp book 位老闆會問定我哋落咩order最後我地揀左...翌日七點我哋準時出現，舖頭位置接近李鄭屋邨其實舖頭得老闆一個，我諗如果無book位老闆未必會開門老闆安排完我地入座拎埋野飲就入廚房煮嘢隔住個口罩都聞到好香好香大概十五分鐘左右已經有得食打頭陣既係多春魚丶安格斯串丶白鱔串同雞腎串當中安格斯串真係不吃不可牛味香濃，肉質鮮嫩，我好後悔只叫一串，另外白鱔亦頗肥美，每一啖都勾起我地嘅食慾！至於我既最愛就係茄子一口燒大概係全香港最好味既串燒店茄子！茄子切到一口size，一啖啪入口時極度Juicy🤤蒜香同茄子嘅鮮甜十分match💛💛我食咗大半條，男朋友食得摩摩洛哥🤪另一推介係蟶子，落order時老闆講明街市未必有貨，好在嗰日最後都食到，仲要極之鮮甜，食完之後仲要掛住佢幾日🤤🤤鮮甜多肉大滿足🥰🥰蟶子，希望下次仲見到你💛食到一半老闆問間店位置較僻，點解我哋都會過嚟食嘢，咁啱我哋要喺長沙灣區搵串燒黃店，機緣巧合喺OpenRice搵到，我覺得好有緣份🤗同老闆交談中，覺得佢係一個好有心嘅人，亦都可以好肯定佢黃到金，大家都覺得食黃店系食良心，當然有良心得來有咁好食就一定有下次啦，同時因為位置比較偏僻，亦都好希望各位有機會一定要來試吓支持一下💪🏻💪🏻我保證係物有所值
繼續閱讀
再提多次大家，間野係要book位既！！！我去當日見到有人walk-in，但由於材料老細需要提早準備，所以最後佢地摸門釘。老細係真．一腳踢，搞Booking、門面接待、煮食都係佢一個人搞掂！話說係我個fd負責 WhatsApp 去Book 位，佢一開始係吾明老細講既野。lol其實老細只不過講左4個字之後，想佢答番之後果4個字啫！但我個fd就比較單蠢，一時半刻就吾明白。呀老細追問，佢一覺訓醒先知要答咩lor！但我個fd 就依然覺得老細古怪、無禮貌。 lol我覺得我個fd 果陣太神經質了，希望佢睇到呢度吾好打我！睇得出老細只會做自己人生意！我地食完之後，老細都有解釋番，都講聲抱歉，係非常有禮貌同服務態度！講番食物：味燒雞軟骨串x1串（$12），食落口係卜卜脆，D雞油會鎖左入去個雞軟骨入面，係勁香口！日式軟骨餃子x1碟（$38），餃子兩邊係吾埋口，食落口都係脆身既，內餡都係好食！鹽燒安格斯 x2串（$60）每串$30，老細會燒到五成熟，食落口會食到佢隻牛味，亦都係有咬口既！汁燒娃娃菜x1碟（$20），第一次食到咁好食既菜，娃娃菜索曬D汁，好食到爆。我一開始最吾睇好呢碟野，點知正到爆！秘汁牛柳燒x2串（$60）每串$30，我全晚最鍾意食呢個牛柳，隻汁少甜但吾膩，但吾會太蓋過佢個牛柳味！秘汁磯燒帶子x1碟 （＄24），係同一款秘汁，食落食到帶子鮮味同秘汁味，係正到痺！日式一口雞x1碟 （$52），味道似K．F．C 個雞粒，但無佢地個辣味，取而代之既應該係沙律醬，個醬就OK既！亦有少量脆雞皮響入面！土匪燒雞翼 × 1串（$30），味道似譚仔隻土匪雞翼，不過不失咁！我同我個fd 兩個人，最後Total 食左 $296，係要加一既！加一之後$325.6，平均我地兩個每人$162.8!再提提大家，我地食完之後係未太飽，然後走左去食甜品既！lol
繼續閱讀
CP值極高🌟老闆好nice一腳踢 全部即叫即整😆一齊懲罰佢==============================原條鰻魚飯 （$68）8/10🌟🌟🌟🌟我加餐跟串燒牛+串燒雞+飲品（有Asahi啤酒）都係$108條鰻魚超厚肉 好似手掌咁厚 目測成30cm‼️啖啖肉好肥美 醬汁啱啱好唔會太鹹😈下面d飯仲要加左牛油 勁香勁邪惡😝加埋鰻魚一齊好幸福 🥰-安格斯牛串 (跟餐）8.5/10啲牛燒到嫩😍爆曬汁‼️超重牛味😙-香味牛肉飯 ($68) 7/10牛肉整得好野味 一啲都唔孤寒😙牛肉同飯嘅比例差唔多係一比一🥰正-🌟Must-eat item🌟茄子一口燒 ($59) 9/10呢個燒茄子係我食過最好食嘅😍真係必食‼️超重蒜味 極重口味之選 （雖然食到個口好臭🤣） 但真係好正😆老闆仲要好細心咁切到一嚿嚿❣平時嘅燒茄子通常塊皮都唔食得 但係佢呢個係連皮都好正😝啱晒我啲懶人💓===========================成間舖得五張枱 只開夜晚6-11😆記得一定要book左位先去啊🤓如果唔係可能會冇得食架😈PS 老闆話遲d會搬去觀塘❣大家記得支持啦👻
繼續閱讀
叫咗個原條鰻魚飯(跟串燒牛+串燒雞+飲品) 本來$108咁多野食都對quality唔係好大期望點知條鰻魚上到黎厚肉到我嘩咗出聲 😋有我隻手掌咁厚 絕無誇大同飯嘅比例係1:1咬落去啖啖肉好肥美醬汁啱啱好唔會太鹹下面d飯加咗少少汁好有心思用火燒過個面加埋鰻魚一齊食好完美好幸福 🥰串燒牛肉好嫰唔會好似出面咁落好重味下次有機會一定要試埋其他串燒 😍由於要預好新鮮食材份量大家黎之前記住book位如果唔係可能會冇得食 🙊
繼續閱讀
第一次來這裡，鋪很小，只有5張枱，可能身處內街，所以人客不太多，不用等位，但食物有驚喜。叫咗鰻魚飯，串燒牛柳，土匪雞亦，串燒娃娃菜，全部即做，雖然等嘅時間較長，但好好食。
繼續閱讀