串王之王 - 正宗成都串串火鍋 (已結業)

自問平時食開火鍋放題, 無論係日式, 台式或中式都唔算少, 不過今次有位朋友就帶左我去一間食串串嘅火鍋放題店食飯, 都真係幾特別吓！先講餐廳位置, 位於大街地鋪, 地鐵站上黎行一陣就到, 好易搵。餐牌有分散叫同任食兩款, 我建議揀放題, 咁先至食得痛快啲架嘛！餐廳細心位係佢已經準備左一次性圍裙, 包唔會整污槽你啲靚衫。打咭位係佢包濕紙巾, 當你見到個包裝同上面寫嘅字, 你就會知點解架啦, 依個等各位自己發掘一下 由於本人唔食得太辣, 朋友特登就我揀左兩個都唔辣嘅湯底, 其中蕃茄味果個我比較鍾意。嘢食就大部分放哂係餐廳較入嘅一個大冷櫃上面, 見款式都真係幾多下, 主要有串串, 較上位置有一盤盤已經分好嘅菜盤, 仲有不同種類嘅麵, 有啲我都係第一次見。不過最要留意嘅係最下層, 有好多唔同嘅海鮮, 好似蜆, 蝦同魚之類, 同我覺得最值回票價嘅雪花牛, 睇啲紋就知係靚嘢啦！由於我第一次食, 侍應都有介紹下一啲特別嘅嘢等我地試下, 例如係可以當餐前小食嘅串王酥肉, 好入味, 有啲似台式炸豬扒。火鍋料我就專攻串串, 同兩種牛, 除左雪花牛超好味外, 另一隻牛都唔錯, 串串嘅種類就真係太多, 不能盡

在門口己經有大大碗的造型在門口了等了一等已經有位置了坐下了，每人有一條圍裙可以戴著調味盤很特別有麻油是主打還有其他配料我自己就麻油加醋安頓好就出去揀美食每樣都串好很方便不怕夾不到也可以好好控制份量當然食很辣既朋友仔可以點大辣，還有叫了小辣覺得不夠辣可以添辣的藥膳湯底都好足料嫁打邊爐必食響鈴，牛柏葉，蟹柳魚肉彈口有力水蜜桃梳打，不算很甜，不過要催單第一次試冰粉，明明係甜品黎點會唔甜嫁原來要撈一撈先食

想食呢啲一串串既火鍋好耐啦一入到去個陣麻辣味直恭入鼻 好有成都風味呀！晚市時段有得揀任食同唔任食同友人計黎計去都係任食抵玩啲仲要唔洗就住就住！我地係最貴既時段$258+1包任飲 (唔止汽水仲有椰汁 王老吉同酸梅湯都無限order!) 仲包茶芥醬油湯底仲包一款小食，唔任食嘅呢啲全部都要額外再加感覺上冇咁抵！小食我哋揀咗脆炸酥肉，係店員推介，有啲似台灣嘅鹽酥雞，另外有啲好香嘅辣粉加埋一齊食好惹味啊！係串串方面都有好多選擇 連平時任食好少出現嘅竹笙都有 吸晒個湯底嘅精華好正啊！其他都有好多選擇好多唔同嘅肉類 蔬菜 麵類有個比較印象深刻嘅係 有塊包住冬菇既牛肉 就咁睇好似好九唔搭八但食落去好夾好match可以一試！另外有啲比較少喺放題任食見到嘅田雞豬腦鵝腸黑柏葉等等都有提供 材料亦都好新鮮店員亦都好細心咁提供紙圍裙唔驚整污糟啲衫褲！總括而言鍾意食麻辣火鍋或者打邊爐既你一定要試吓，佢有幾款唔同嘅湯底有辣有唔辣仲可以揀鴛鴦鍋！

誠意推介呢間位於金馬倫道嘅成都串串鍋比大家，因為真係未試過有一間火鍋店有咁多嘢食，佢真係將成都好多特色嘅嘢食帶到來香港，並唔係普通嘅串串火鍋唔簡單，我哋叫咗呢度嘅任食放題。仲叫咗一個錢財就係麻辣海蜇，相信大家都有食過，細細碟，用嚟開胃都幾好。呢個湯底有辣有唔辣，我揀咗藥膳同埋蕃茄，蕃茄湯，真係由一大塊一大塊嘅蕃茄熬成。依藥膳湯飲落去嘅時候都好有藥材風味。其中一款年糕我覺得佢特別煙韌，食落去嘅時候啲餡料必晒出嚟，好正呀。唔知點解食左咁多野都無飽飽滯滯嘅感覺。一定係d野食太好味啦😍，搞到越食越想食🤤。最鍾意食冰粉，冰粉有兩種口味：黑糖味和巨峰蜜桃味。我選了黑糖味，除了冰粉，配料有糖冬瓜粒、西瓜粒、山渣片、青提子乾和玫瑰花絲，為食客食冰粉時添上口感。賣相吸引，食落口更加不得了！冰粉滑入喉嚨，加上黑糖的微甜，真是一款絕佳的飯後甜品呀！食到口喝最後飲埋罐椰汁，好清甜，仲標榜冇防腐劑，正呀。

今晚見天氣凍凍地就去左一間叫串王之王打邊爐。一入到去，就已經被其裝潢吸引住。牆上裝飾十分特別，用水管當書架，書架上除了書，還有一些小擺設。書架旁有幾幅圖畫，裝修很有藝術氣息。店內還播放了一些音樂，都是耳熟能詳的廣東歌，好聽。呢度食物種類十分多！大部分食物都係好少見嘅，例如：鵝腸、粉耗子、豬腦花、墨魚腸、菠菜丸等。感覺新穎！除此之外，重有麵。單單係麵嘅選擇已經有好多款！有紫薯寬粉、紅薯幼粉、蕨根粉絲、公仔麵、伊麵等。最特別嘅係一款叫粉耗子嘅「麵」。真係聽都未聽過，好好奇係咩味。原來粉耗子無味，口感似年糕，但較彈牙。紫薯寬粉嘅闊度有一隻拇指闊。煙韌有咬口。除左d少見嘅食物，食物的搭配也十分別出心裁。牛肉蜜桃就是用牛肉包着蜜桃。辣味融入左蜜桃變了香味，味道出奇地好味！欣賞他們的創意。同朋友打下打下邊爐就已經過咗兩小時，快樂嘅時間真係過得特別快，呢度營業時間去到凌晨兩點，下次收工再食過！

即慶飯局又想食下辣野，朋友就揀咗呢間串串火鍋，之前都未食過覺得幾特別，入到去已經聞到濃濃既麻辣味，朋友們已經食住等配料自己出去拎，都有幾多款選擇，而且幾特別，有些配料都未食過，例如小臘腸每支纖$5 一款，朋友話麻辣湯底都算正宗，最特別我覺得係個醬料，𥚃面有蠔油，麻油，蒜，辣椒🌶️等等......另外飲品朋友叫我試下飲天地壹號，原來係蘋果醋，酸酸地又幾好飲總括來說麻辣湯底夠辣，藥膳湯底味道都夠濃，配料特別，下次諗起想食辣都會再來

同好朋友食飯，更係要去間可以慢慢食，慢慢傾計既地方，所以就揀咗呢間串王之王，係尖沙嘴B1出口，行幾分鐘就到，適合一大班朋友一齊食，一串一串咁落，好過癮，食材新鮮，值得推介

同朋友去試左間新開既餐廳，一入到去就聞到好勁既麻辣火鍋味😆餐廳面積唔算好大，我地被安排坐左係梳化位，自問係一個瘦人都覺得有點迫，好彩我地兩個人食佢俾張四人枱，如果唔係野食都唔夠位放。通道亦比較狹窄，係拎火鍋配料個條巷都要瞻前顧後😣一坐底店員就拎住一籃火鍋醬料，佢地呢度係唔用鼓油架👆🏻而係用蠔油麻油。店員會問你有咩唔落，幫你調好個醬，我就話唔要辣椒，但點知佢將我同朋友既都整錯哂😤然後我請求自己動手🤣🤣雖然這是貼心既服務，但咁少野都記錯就....🙉🙉同埋自己整份量可以控制。湯底有四款，麻辣、菌王、番茄、藥膳。有得揀鴛鴦鍋，我地就揀左麻辣(小辣)同藥膳，朋友覺得麻辣唔錯，唔算好辣但好香。藥膳湯底落左好多料，感覺非常補👍🏻👍🏻點餐紙有啲特選配料，我地點左個安格斯牛，還好😆脂肪比例比較多。仲有好多火鍋配料可以係凍櫃度揀，一串串既就逐支簽計，有啲款係兩支簽，而用杯碟裝嗰啲就以顏色去計。有好幾款肉類都有灑左辣粉，因為我唔食辣，加上個日病病地冇咩胃口，所以覺得冇咁吸引🤭質素ok，性價比唔太高，除非你成餐淨食串串，你一加海鮮、牛肉啲貴野就預左埋單會貴💸，所以都睇你點食。我就覺得未有太大驚喜，其實都係貪新

睇咗某YouTuber介紹呢間野，好似唔錯，所以突登嚟試下。環境ok，因為根本無咩人，唔駛等位，又有好多空位。食物質素實在唔值呢個價，2個人賣單，88折埋都接近$600，叫個駌鴦窩，藥膳得個咸字、麻辣中規中矩，無食過肥牛、無海鮮，只食左31串（每串一兩粒肉）、菜。咁嘅價位，係同區打邊爐或食麻辣嘢真係仲有更好選擇。服務態度懶懶閒，2set碗碟杯都痴咗好多毛、塵，唔知係咪擺係檯面太耐，都算啦，叫侍應換套新，好似好打搞你，真係麻煩晒。賣單時先知原來有收茶水錢，仲收得唔平，但食野時唔叫加茶都唔會有侍應主動黎加。咁嘅服務態度+食物質素+定價係唔會再嚟，亦唔推薦。

吃過不少火鍋，但吃串串配火鍋真的沒吃過，今晚便來試一試呢!吃四川串串最大的特式是油碟，以麻油做底，加醋，蠔油，蒜，蔥，辣椒等，因麻辣會解辣，不夠的話可繼續添加呢!麻辣鍋由小辣到大辣可選擇，不能吃辣的人也有其他鍋如藥膳，蕃茄鍋等，這次我選了蕃茄鍋，蕃茄酸甜味平衡，如可酸一點更合我意。我們點了小辣，吃一點也可接受，辣的味道會由喉嚨位滲出麻麻辣辣的味道，如吃太多相信接受不了，家人認為不夠香，但辣度對我們來說很足夠!食物方面，大部分串串配料都可在雪櫃隨意挑選，每一條$5，不同顏色的碗碟的價錢是不同的，由$28-$168不等。串串最大特色是牛肉會包著生果或特別的菜蔬，是平常較少看到的組合；另外芝士魚蛋也頗不錯。除了串串，還有不少特色小吃! 串王酥肉($68)炸得香口，不過是偏油和肥膩的啊! 最後點了降火冰粉($32) 冰粉是像大菜糕與啫喱的爽彈口感，加上黑糖與冬瓜西瓜糖粒增加口感甜度，作為甜點頗不錯。家人表示吃完好像不會太辣呢!自家製的柑橘梳打酸酸甜甜，味道也不錯啊!雖然單價不高，不過如大吃的朋友吃著吃著可能也不便宜啊!

同愛辣朋友去食串王之王~去得呢度，麻辣湯底係必然之選，另外為左緩和一下，我地揀鴛鴦，另一邊我地揀藥膳!先講講湯底，辣果邊...我地揀左中辣，不過係超級辣，哈哈，而且辣得黎麻..麻就正常，但我覺得唔夠香，而且仲有少少澀咁...麻麻地反而藥膳湯底都幾有驚喜，有藥味，食落個感覺都幾補~哈哈跟住我就講下調味方面，佢都算頗為正宗，佢唔係好用調味，主要就係放D蔥同埋麻油，聽講麻油反而係可以幫助整走少少麻辣湯底果款油(你都知個湯底面果層油真係一呎厚)同中和DD辣味，麻油香嘅!之後就伙食物喇，佢有部份貴少少嘅食材就係用紙去點，其他一般嘅就係出去拎，一串串，幾過癮貴嘅食材，我地只係叫左安格斯牛，係好味，但少左D，只有10塊左右，其他食材就出去拎，魚皮呀、午餐肉、牛柏葉、腸、菜等等，其實係真係冇咩特別，係貪好玩...諗番.. 雖然佢一串平平地咁..但因為佢每串都係好少...兩三舊...你拎下拎下拎左好多..而且其實圍番起係幾貴嘅.... 質素都係一般冇特別冇驚喜

窮遊香港-冬天唔食火鍋食咩？.今日講下呢間串串火鍋呢間火鍋無論係 湯底定係火鍋料⭐️我認為都做得幾好既配料自己出去雪櫃拎（可睇圖）按竹簽數量及顏色碟有唔同收費收費佢價錢係5蚊串（‼️菜單可睇圖）（‼️呢日之後仲有野做 所以影既圖唔多）.先講湯底 我地叫左鴛鴦湯小辣麻辣湯 同藥膳👍🏻湯底落足料 勁香 但麻辣偏辣（‼️姐係叫小辣 都食到我爆流哂汗...但係爽既）👍🏻藥膳都係 清清地 睇到落左唔同既中藥但唔算重藥味 幾鐘意...👍🏻個湯仲可以飲.👍🏻火鍋料方面都高質 唔係佳寶火鍋丸👍🏻例如佢有個墨魚汁腸仔 推介👍🏻丸方面我試果2隻 咬落去都爆汁既（‼️但小心熱親個口 我就中左招 好x痛）.👍🏻菜就$28 有一大碗‼️係放到實哂 ‼️係放到實哂 比d力先抽到出黎重點要講2次.👍🏻串串方面 本身有做適當調味 勁多選擇有咩串串就留比大家去試啦.👍🏻👍🏻餐廳會提供哂圍裙紙巾👍🏻👍🏻加分👍🏻仲有一個加分位既就係佢地唔用豉油👍🏻佢地有專人幫你調配👍🏻問你要唔要辣 蔥.....加分隻味都幾夾麻油加蠔油人均大概150-200就好飽⭐️推介呢間比大家試試.#串王之王地址：尖沙咀金馬倫道34-36a號福僑大廈地舖.⭐️評分：味道

一向好食得辣 可惜唔多朋友鍾意辣野 今次搵到朋友一齊去😻湯底共有麻辣 菌王 番茄 藥膳4款我地點【麻辣 拼 藥膳】128【安格斯肥牛】$158牛肉好軟嫩 牛味好濃【黑牛柏葉】$128好爽脆吸麻辣味道比較特別係無豉油提供麻油反而用傳統嘅油碟😍即麻油加蠔油  蔥蒜之後可以去自助區攞串串可以每樣攞一串 試 唔同嘅嘢食😆店員好友善推介菠菜丸 價錢為$5一枝竹簽【新鮮鵝腸】$128👅超推介 好新鮮食到鵝油味【紫薯寬粉】$28煮到半透就剛剛好 食落係qq口感【菊花茶】免費供應

🇭🇰#香港捐窿捐罅記 Instagram: foodkiller_dk係試食食評呀 好耐冇試食😌 熟我既人都知我好中意食辣 亦都好食得辣😏 火鍋就最啱我 特別係重慶，成都既火鍋 又辣又麻又香 😌 宜家就講下 果日食左d咩🤤-首先 講講湯底🥘 我地叫左麻辣加番茄 麻辣叫左少辣😗 唔係太辣 不過就夠香夠油 如果中意食辣可以 再叫辣d 不過佢隻味 就已經同大陸既一樣 幾好👍安格斯肥牛🐮一睇個油脂都知唔會太差😌 一食入口 果然有牛味又唔難咬🤤 個海蝦🦐都唔錯 食落去都彈牙 證明佢係新鮮既👍串串 係一串串咁計錢 五蚊雞一串 有好多唔同種類揀🤤 不過其實都係一般火鍋料😌味道正正常常 唔失望 但又冇好大驚喜😗醬油 有佢自家製 麻油 幾香芝麻味 所以我都中意叫佢香油 服務員會幫你 撈埋個醬油🙂幾好服務😌提一提 七點前離開或十點後入座都有全單68折總結來說 質素係唔錯 中意食辣既朋友仔 可以一試👍👍👍👍👍🥘-🎈尖沙咀金馬倫道34-36A號福僑大廈地舖-平均傷害：$400好味值：6.5/10

成都串串火鍋殺入香港。見佢依家做緊Promotion，連煩忙時間都有88折，所以就試一試佢啦！湯底揀左鴛鴦鍋：藥膳湯🌱 & 麻辣湯🌶 ($128)鍋底一黎到已經香到不得了🤤！通常火鍋嘅湯底都唔會飲，但呢度藥膳湯一定要先飲番兩啖，因為佢足足有成14種藥材😮再加入豬骨煲至奶白色，藥材味非常香濃而且入口甘甜！極力推薦👍🏻相比之下，麻辣湯就略為普通，但其實亦都唔錯，夠香夠辣，只係藥膳湯太有驚喜🤣！所有串串都係劃一💲5️⃣/串，另外仲有一碟碟計算嘅蔬菜同特式配料 $28-$48/碟。必食推介有鴨血、肝郡(香港叫：胗)、香芹牛肉、香茜牛肉、萵筍片、百葉😍必點小食有練奶糍粑，其實係糯米條炸香後淋上練奶嘅小食。外層炸至香脆可口，裡面仲係軟綿綿，加上練奶嘅香甜，好好食😋！另外要讚讚呢度d staff，態度好、笑容好！我地一坐低就開始耐心咁講解串串火鍋同其他火鍋嘅分別、親自幫我地調配醬料、送上圍裙，食緊途中仲不時埋黎會斟茶兼清潔枱面⋯🤭 係香港好耐冇遇到有咁好服務、態度嘅餐廳啦👍🏻👍🏻👍🏻！呢餐埋單計左88折後$670，老實講兩個人食真係有點貴，但呢度嘅味道、staff 嘅服務真心唔錯，絕對值得一試！