串點 (已結業)

無記錯之前係為左芝士撈丁而ℬ𝑜𝑜𝓀𝓂𝒶𝓇𝓀🤭呢間餐廳以露營為主題⛺裡面大部分枱凳都用露營用品店內燈光昏暗好有露營氛圍主打多款串燒及酒類即叫即燒放工後約埋朋友一齊食野吹下水🍻脆骨雞肉丸子🧆睇餐單時已經好奇脆骨雞肉丸子係咩來🤔？原來係肉丸裡面有少少雞軟骨，口感豐富有嚼勁，食落有驚喜又特別😂照燒魷魚筒🦑原隻魷魚🦑賣相切開一件件排得好整齊，我認為有可能燒得過火的關係，食落有少少韌，照燒汁唔夠有啲乾身，向店員要求額外取照燒汁再食甜甜地就滋味😋厚切餐肉蛋麻辣撈一丁🍳🍝厚切餐肉目測約1.5𝒸𝓂🤩，表面煎得香脆可口，撈丁麵條乾身，刺穿太陽蛋蛋液撈勻後，食到麻辣香味，但如果再重口味啲會更惹味😂，雖然餐肉蛋係絕配組合，但覺得呢個價錢有少少偏貴🤏芝士豬頸肉撈一丁🐷🍝有5片豬頸肉肥瘦相間且油脂分佈均勻，配埋芝士撈丁好𝒸𝓇𝑒𝒶𝓂𝓎，但相對係奶味重啲唔夠芝士味，不過食完都感到邪惡萬分😈蒜香娃娃菜🥬突然想食返個菜來平衡一下😂，娃娃菜煮得幾軟腍，加入大量木魚絲增加風味，可惜食唔到有蒜味🧄，整體味道比較清淡食得健康白桃梳打🍑🍹飲到淡淡香甜的桃味🍑，不錯不錯

公眾假期嘅夜晚去，見到完全冇客都覺得伏伏哋⋯⋯好聽就話露營風，但啲櫈全部都有一撻撻漬，個屁股愈坐愈痕⋯⋯環境差都算，店員嘅服務態度差到極點。我哋見佢九個字先上到兩樣嘢（大啡菇&龍蝦沙律），咪去問下仲有幾耐。點知個店員就串串共咁講：「你哋唔介意食生嘢嘅話，我可以而家上菜俾你哋～」好衰唔衰俾我哋聽到佢同廚房講：「我哋外賣優先㗎，盡量做咗外賣先。」事實上，成間舖得我哋一枱客，而且個外賣哥哥都已經等咗十分鐘⋯⋯唯一可以讚嘅係，佢串住都俾我哋cancel張單走人⋯⋯如果唔介意屁股痕嘅話，可以去驗證下⋯⋯

路過見到 $38燒生蠔2送1 開頭諗住佢地都係用普通貨 誰知聽店員介紹過後 原來係日本刺身級生蠔 食落有驚喜 物超所值 好鮮甜 最後我地兩個人食左一打生蠔 再點左個餐肉蛋麻辣撈丁 些少串燒 滿足哂

呢間餐廳好細，大約有五張枱，所以預早book位會好啲。佢嘅枱凳，甚至餐具，都係用露營嘅工具，有野外露營嘅感覺，幾特別😎 串燒嚟講唔算貴，質素正常。不過佢啲串燒唔係重口味，佢應該係落海苔粉，而唔係孜然粉個類，所以食落罪惡感會低啲😝⭐️厚切餐肉蛋麻辣撈一丁 $58呢個係餐廳嘅其中一個名物，食落去有麻辣嘅味道，應該係落咗花椒油，所以唔算好特別🤔⭐️雞皮 $28呢個同平時出面食嘅好唔一樣，呢個係勁大塊，係一大塊雞皮🐓所以食落口感唔錯，又夠脆😋⭐️蜜糖豬頸肉 $48呢個好大份，好抵食！上面有淡淡嘅蜜糖味，識落唔會好乾亦都唔會太油🐷其他嘢就正常發揮，不過我哋飲咗杯梳打，有啲淡，所以呢個唔使叫😗

2個字：失望首先當日牛既遺擇只得牛肋條 (我見隔離台聽到即走 我好後悔）牛已經唔係靚牛燒到好老 咬唔到咁滯雞皮燒到好淋 一d 都唔脆雞軟骨同豬腩肉都ok. 但28蚊一串。貴！但果個雞扒呢 又小份量又無味 但又要成70蚊！Youtube 介紹果個餐肉煎蛋出前一丁 嘩！！我食完唔知有咩特別 凍既！！！仲要賣98蚊😂真心 我番屋企食營多撈面仲好食❤️最後 埋單4百幾 我都唔知自己食左咩🤣🤣係超爆貴！又難食！難怪成晚得2台客 (隔離台醒啊， 見到咁既價錢飲2杯啤酒 食個豆卜就走👍）總括而言： 我係傻仔！

📍 串點 (長沙灣)長沙灣興華街38號地下3號舖天氣唔好無得去camping，但可以去有露營🏕️風既餐廳，餐廳行露營風格，所有枱凳都係露營用品，勁有feel👉 雞泡魚乾💰$38😋😋😋😋.5/5雞泡魚干係令人想起居酒屋 🏮小食，油脂清香，很好咀嚼，用黎配酒做小吃，一流啊！👉雞肝💰$22😋😋😋😋/5雞肝燒到半熟的狀態，吃起來香嫩的質感，雞肝的香味濃郁！👉 雞肉串（地獄麻辣，沙嗲，冬陰功)💰$22/per 1😋😋😋😋.5/5雞肉唔會乾柴，啖啖肉好正。冬陰功味好入味，酸酸辣辣勁開胃😋沙嗲味都好濃郁，鐘意食辣既朋友就唔好錯過地獄麻辣🔥🔥🔥👉 厚切餐肉蛋麻辣撈丁 💰＄58😋😋😋😋/5去camping 必食即食麵，為左更有camping feel 要叫呢個😆有兩大塊午餐肉 仲要厚切！麻辣撈丁有陣陣既麻辣味，仲有隻流心蛋，蛋黃配撈麵更惹味👉 黑松露忌廉海鮮湯烏冬💰＄98😋😋😋😋.8/5一上枱唔勁香濃既黑松露😆😆 勁足料！有齊扇貝魷魚 蜆肉同蠔🤤🤤幾乎每一啖都食到海鮮呀 ！用忌廉混入黑松露，醬汁濃郁得嚟完全唔漏！每條鳥冬麵都掛滿汁，正🤤🤤🤤回頭: yesYesyes!!每樣食物都即叫即整，所以要等，餐廳枱

最近落雨天陰陰，放假都會咩機會去露營，朋友話我知長沙灘有間居酒屋係露營做主題既，可以去食個晚餐止一止露營既癮。裡面既裝修以木爲主，裡面全部枱枱椅椅都係用露營界名牌DOD 牌子的，坐喺度真係好有露營既感覺。龍蝦沙律 $48沙律用龍蝦肉、魚子等材料製作，再配上特製日式沙拉醬，營養爽口真材實料，夾埋紫菜一齊食，風味十足。汁燒牛肋骨串 $38牛肋骨一啲都唔韌，燒得好香，肉汁仍然保留到雞肉串 (地獄麻辣味) $22雞肉燒得香滑、咬落口辣得黎又夠juicy牛舌芯 （6片） $78燒得腍身得黎又有咬口，而且牛味極濃黑松露忌廉海鮮堂烏冬 $98忌廉味濃但輕身，食埋好creamy，一D都唔膩口！海鮮仲有大大粒帆立貝，新鮮足料！芝士豬頸肉撈一丁 $58豬頸肉有陣陣既炭香味，口感爽口香甜， 芝士汁creamy香濃，配埋少少彈牙既公仔麵，令人食唔停口。

從來未試過露營既我今次去左呢間以露營為主題既餐廳，坐係露營椅上面chill chill 地聽住歌、食用不鏽鋼盤裝住既烤串，完全係野外露營的氛圍呀！ 🔥🌲🏕️去得露營，食物當然都要有風味啲喇，叫左《黑松露忌廉海鮮烏冬》同《厚切餐肉麻辣撈一丁 》黑松露香味明顯，烏冬夠曬煙靭，加埋元貝蠔仔，絕對係露營中既高級食材！🍝🥢 至於撈丁，令我諗起官崎駿動畫入面嘅美食，大大隻流心太陽蛋，加上香脆既厚餐肉，將蛋汁撈入麻辣一丁度，令人食指大動 😋🍳🌶️《口水鵝腸 》係冷盤， 麻辣爽口好開胃。呢度仲有好多唔同《串燒》選擇，沙嗲冬陰功同麻辣雞肉串都好野味， 岩曬鐘意重口既我地呀 🍢🍗🌶️ 串點 (長沙灣)長沙灣興華街38號地下3號舖

📍串點 (長沙灣)長沙灣興華街38號地下3號舖🏕️露營主題餐廳餐廳主要係用露營嘅風格，行到入去就好似自己去咗露營。今次叫咗幾款嘢食🥗龍蝦沙律簡單設計，味道不過不失，為串燒做好準備雜錦串燒四隻燒雞翼，燒翠玉瓜，燒雞串，燒免治肉雞扒，燒雞皮餃子同埋燒糖心免治丸即叫即燒，好有野餐嘅感覺🍜芝士午餐肉撈丁咁樣配搭真係第一次，原來都真係好夾。味道唔錯，好重芝士味。直頭當自己去咗露營。🛎️總結: 其實係一次幾特別嘅經驗。如果大家有興趣，真係去試一試。地點⭐️⭐️⭐️⭐️⭐️味道⭐️⭐️⭐️⭐️環境⭐️⭐️⭐️⭐️服務態度⭐️⭐️⭐️⭐️（5星為最高分）

平時好鍾意食串燒，串燒雞、串燒羊、串燒牛、沙爹串燒都鍾意食。呢日行過長沙灣呢度，見肚餓，又有串燒食，於是入黎呢間以露營風設計的「串.」食串燒。呢日我叫左個前菜口水鵝腸、4串串燒 (玉子燒、免治雞串、冬陰雞串同麻辣雞串)，仲有厚切餐肉蛋麻辣一丁。出前一丁塊餐肉真係好厚切，煎得夠香脆又多肉，而且個麵用冬陰公去煮，加埋一份口水鵝腸，辣辣地，又幾開胃。三串雞串燒，有唔同食法，感覺多元化，唔會食黎食去同一個味，可以叫多幾串。串.地址：長沙灣興華街38號地下3號舖

餐廳裝修走露營風格枱凳都係露營用品時尚簡約 慢活節奏配濃郁油煙味道令露營感覺加倍提升🏕️首先叫左個龍蝦沙律🥗設計簡而精可作為串燒既前菜其後叫左串燒🍢有雞肉雞心雞腎雞皮配玉子味道略嫌偏重 適合重味愛好者另外串燒熟度值得信賴 食內臟都感到安心總結黎講 係一次特別既體驗🙂串點 (長沙灣)長沙灣興華街38號地下3號舖

先唔好講野食 原本諗住好多人 一早已經響open rice預約左 入到去都有同員工講左我已預約 但之後收到既竟然係話我no show? 其實問題唔響客人到 好似客人做錯咁 呢樣野已經可以唔駛返轉頭 環境幾好 露營風 衛生程度可以 但一開抽風就勁嘈 如果唔係傾計都可以既講返野食先 唔會先入為主 雖然話我缺席真係被屈咁食野我真係認真比 個太旦厚砌午餐肉撈面係ok既 串燒雞皮同雞皮餃子都唔夠脆 脆骨雞肉丸子已經係最好食果串 其他野就無乜味 價錢唔平 但質素就不值

初頭見咁多好評就諗住嚟試🫠點知就中咗伏…..首先環境feel係唔錯嘅 坐得幾舒服但啲嘢食真係搞唔掂 好明顯係完全冇心整嘢食 成餐唯一好食，就係個糖心菠蘿 有糖衣脆皮 係幾甜重點嚟啦🥲最難食嘅竟然係最多人推介嘅口水鵝腸，得幾條都算，夠膽死收人$48 仲要係完全冇味！又冇辣味！懷疑個廚師唔識落鹽，有一刻都懷疑自己係咪中完肺炎之後完全冇味覺 點知朋友食都係咁 黑松露海鮮忌廉烏冬都係冇味 得嗰兩嚿帆立貝 加埋幾串串燒最後呢餐埋單三百幾 性價比極低總結來講 呢度嘅食物係有非常非常非常大嘅進步空間🙏🏻

麻辣鵝腸好味，但係份量太少，牛芯及牛筋也很堅硬有根， 吃黑鬆露海鮮烏冬好味但係份量極少得一碗仔唔夠我飽，食了少少就303元，太貴了。店內還容可其他客人吸煙，難以忍受；冷氣 的抽風系統有嚴重問題，嘈到聽唔倒對方說話，實在不適合朋友聚會的地方。

平時好少露營⛺️，因為拎住啲裝備好重好辛苦😵‍💫想體驗露營但唔想辛苦嘅，可以同我一齊試下呢間以露營為主題嘅小店 @grillpoint1005 小店座位長沙灣，鄰近地鐵站🚉。店內嘅黃燈+播住周杰倫嘅歌，都幾似去咗glamping 🏕️❥ 口水鵝腸鵝腸幾爽，醬汁類似螺肉汁加少量麻辣，好有麻香，但唔算好辣，怕辣嘅朋友都可以試😋❥ 脆骨雞肉丸子🍡咬落非常多汁，好juicy，間中仲咬到雞脆骨，好有口感👍🏻❥ 雞肉串雞肉幾大粒，燒起嘅惹味好突出，有淡淡咖喱香✨❥ 雞皮餃子🥟好特別嘅餃子🤩，雞皮冇想像中咁油膩，口感帶點煙靭。裡面係豬肉餡料，食落幾爽口❥ 厚切餐肉蛋麻辣撈一丁估唔到有麻辣撈一丁，麻辣味香濃✨，醬汁幾出色，食落好惹味，厚切餐肉亦煎得好香🫶🏻❥ 雞扒芝士撈麵賣相一般，聞到芝士味幾香；雞扒睇落偏瘦，但食落都有肉汁，如果有多啲醬汁就更好😂