影片
港鐵葵芳站 D 出口, 步行約3分鐘
繼續閱讀
營業時間
星期一至日
12:00 - 23:00
以上資料只供參考, 請與餐廳確認詳情
台式飲品店成行成市，點樣出奇制勝❓丸作就以自家製珍珠作賣點，不含防腐劑，仲有10款珠珠比你揀，捉緊香港人貪新鮮嘅心理，誠意之店👍。最近仲攪優惠，每日推介一款飲品，並以大特價$20(中杯)及$25(大杯）益大家。今日買咗兩杯一家三口👨👩👦開心share。黑糖珍珠奶茶$25，選擇常溫、微糖就能特顯紅茶味道濃烈，焦糖丸軟熟Q彈。珍珠宇治抹茶$20，選擇少冰、微糖，抹茶帶有微微苦澀及回甘味，配埋香滑忌廉同白玉丸，確實係清新有嚼口嘅飲品。
繼續閱讀
每日响天橋上遠望丸作，都好想落去幫襯吓。之前一直以為「丸作」係指芋圓，地瓜圓嘅丸子甜品，後來至知係手作丸子（即珍珠奶茶嘅珍珠），佢嘅珍珠丸子款式特別多，除咗黑糖丸子外，仲有白玉丸子、仙人掌丸子、焦糖丸子、草莓丸子、黑芝麻丸子、可可丸子…… 總共10款。聽聞係全手工丸子，所以丸子口感Q彈，味道微甜。而丸子嘅配搭根據飲品而定。牡丹雖好都要綠葉扶持，丸子過關，咁飲品呢？幫襯咗幾次後，終於可以寫下食評喇！😅丸仨冬瓜檸檬冰量：正常甜度：正常所謂丸仨，即係有三種口味嘅丸子 （白玉、焦糖、仙人掌丸子），顏色配搭靚之餘，仲可以一次過試幾款丸子。丸子味道撈埋一齊，其實唔係好分得出咩味。冬瓜茶配檸檬味道好清新，檸檬汁勁酸，所以唔需要半糖，味道就啱啱好。亦因為檸檬汁太搶味，我係完全飲唔到冬瓜茶嘅味道。希望下次可以改善一下，响味道方面攞個平衡。草莓牛奶冰量：少冰甜度：正常牛奶味濃郁幼滑，配草莓糖漿果醬，再配上草莓丸子。草莓味好濃，味道討好。但個人始終都係喜歡新鮮草莓多啲。蜜桃沙冰甜度：半糖另加：奶蓋蜜桃果蓉係罐頭黃桃打成，配以黃桃糖漿，味道絕對係你鍾意嘅罐頭味，沙冰打得幾滑，冇粗粒。加奶蓋絕對加分，所以一定要加。奶蓋味道鹹鹹地似淡奶味，配偏甜嘅沙冰就剛好。可惜丸作嘅杯唔可以開蓋，要飲奶蓋唯有郁支粗飲管，唔小心嘅話好容易整污糟自己件衫。宇治抹茶白玉冰量：少冰甜度：微糖抹茶味唔算好濃，個人鍾意再濃啲。微甜可以突出抹茶嘅微苦味道。白玉珍珠係原味，唔甜，味道清新。牛奶味好濃，應該用咗鮮牛奶 丸作嘅丸子係好味嘅，如果飲品嘅用料可以用心一啲，配合到啲丸子就完美喇喇！丸作有進步空間。
繼續閱讀
今次小編同朋友仔一共試左三杯飲品，因為選擇困難既關係，小編揀左店家推薦既水果茶同黑糖珍珠系列🤩.1️⃣ #丸作水果茶 配 #荔枝丸 🧊小編今次揀左無糖，我覺得非常適合！👍🏻 因為水果同荔枝丸本身都有甜味，配合埋綠茶茶底，甜度岩岩好😝而水果茶入面主要有🍎🍊🍍，整體感覺好Fresh，而且d菠蘿係切成細細粒，飲緊茶既時候都會吸一，增加口感😆 而佢d荔枝丸既口感似小丸子，煙煙韌韌好得意！成杯茶飲整體上係清爽解暑既😉.2️⃣ #殿堂級黑糖珍珠鮮奶 ♨️其實小編無特別鐘意飲黑糖珍珠系列既手搖，因為始終都係怕黑糖既味道太甜🤭 但係喱度既甜度可以自己揀，揀左微糖既小編又覺得OK喎！🤣 飲落口好順口，又唔會覺得好膩！不過珍珠方面就偏軟身左少少，唔知係咪因為我叫左熱飲既關係🙈 但我相信鐘意飲黑糖珍珠系列既大家，喱杯都會收貨，可以一試啊😎.3️⃣ #四季春 配 #荔枝丸🧊揀左微糖走冰既朋友仔，指喱杯飲品完全飲到飲到茶底純粹既味道，微糖方面帶起左茶香味，配埋荔枝丸，就滿足左想飲手搖但又係茶飲愛好者既佢😋*小編偷飲左一啖都覺得好唔錯🙊.📌 溫馨提示：大杯裝手搖飲完真係幾Full下，想要一邊掃街一邊飲既大家要考慮下份量啦🙈個日小編飲左1.5杯好飽啊😵
繼續閱讀
葵芳廣場唔遠嘅葵芳匯開咗間新嘅珍珠奶茶店呢度主打係出名手作珍珠⭐️丸作食茶⭐️有多款唔同味道嘅珍珠俾你揀水果綠茶加荔枝丸$46/L🍹水果茶嚟到嘅時候已經係滿滿一杯新鮮水果有蘋果橙話梅等等荔枝丸佔咗成杯嘅三分之一 有咬口水果茶底酸酸甜甜夏天解渴飲十分之一流👍🏻
繼續閱讀
.葵廣以外嘅手搖選擇💛呢間舖頭係葵廣對面嘅葵芳匯行過去都係一分鐘，所以都幾方便👍🏻.去葵廣掃街緊係要拎住杯嘢飲一路行一路掃😙係老闆嘅推介下就揀左丸作水果茶+荔枝珍珠茶底可以選擇紅茶或綠茶，而我哋就揀咗紅茶水果種類都好多，有蘋果、橙、檸檬、菠蘿、話梅冇咁大罪疚感，亦都健康啲😆雖然揀咗微甜，不過都仲係太甜如果怕甜既可以揀返無糖啊～荔枝珍珠的確幾特別咬咬下食到荔枝味，口感都夠煙韌呢個組合啱晒夏天消暑解渴💦.丸作水果茶+荔枝珍珠 $46💖感謝丸作食茶 @onezokwaifong 嘅邀請💖———不專業評分💯食物指數🍴: 💛💛💛💛🤍環境指數⛱: 💛💛💛💛🤍抵食指數🤑: 💛💛💛🤍🤍推薦指數👾: 💛💛💛💛🤍———📍丸作食茶 Onezo葵芳興芳路208號葵芳匯地下G07號舖大圍村南道41-51號泰安樓地下E舖紅磡德民街29號德民大廈地下G4號舖銅鑼灣禮頓道138號希雲大廈地舖@onezokwaifong———👉🏼 #ewhk葵芳 #ewhk大圍 #ewhk銅鑼灣 #ewhk手搖 #ewhk黃店#葵芳美食 #葵芳黃店 #大圍美食 #大圍黃店 #銅鑼灣美食 #銅鑼灣黃店 #黃店 #黃色經濟圈 #黃店推介 #黃店地圖 #美食推介 #吃貨 #食好西 #相機食先 #香港美食 #美食日記 #一路食一路post #hkfood #foodhk #hkfoodie #foodiehk #hkfoodlover #hkfoodlover #hkig #foodstagram
繼續閱讀