丸·茶手作

營業中

休息中

丸茶手作食材來自台灣，無添加任何防腐劑、人造色素或塑化劑，珍珠均是即日在店內新鮮製作珍珠。店舖所選用的茶葉、黑糖、抹茶粉也是從台灣進口。珍珠煙韌十足，茶味香濃。

成日飲珍珠奶茶，有時候都想飲啲清新啲嘅手搖飲品。今次去咗丸茶手作，選擇咗一杯冬瓜檸檬茶🍋🥒冬瓜檸檬茶🍋🥒帶有少少檸蜜嘅酸味，夠清新，呢幾日天氣反常地熱，最啱飲佢嚟解熱解渴💛

近1個月買過2次，好似飲緊水，2次沖杯飲品好淡冇味，似一杯冰＋水，初初開業一年飲品真係好味，希望而家可以做返好啲，沖返杯正常飲品，如果要飲水，去隔離7仔買就得啦。

紅茶味道不錯👍🏽 唔係苦澀味 就算係無糖都好 🤩芒果寒天蒟蒻 幾特別🤓 出面唔會有嘅味道 好有咬口😚卡路里都唔高😙 係珍珠嘅代替品🥳20幾蚊一杯嚟講 性價比都幾高 整體來講都好值得一試！

又嚟介紹下特色黃店喇💛！今次想同大家分享嘅係位於堅尼地城嘅人氣手搖飲品丸。茶手作🧋。如果大家有跟貼丸茶手作嘅ig的話，應該就知道佢哋喺門店放咗好多關於Collar嘅應款物品✨。大家有興趣嘅話都可以朝下聖㗎🤣！飲品方面✌🏻#鐵觀音奶茶（$22）其實鐵觀音奶茶我都真係成日飲，不過我覺得呢間嘅鐵觀音奶茶真係最啱我心意❤️。佢嘅鐵觀音茶味同奶味一樣都做到好濃嘅效果🤩，可以話係成功將兩個主角同時突出到！個人認為杯嘢真係好啱我心意🥹。大家有興趣試下嘅話，不妨學我咁叫少糖少冰🧊。睇下會唔會啱你心意！#手作仙草凍（+$5）其實要講丸。茶手作最出名嘅就當然係桂花珍珠，不過咁啱我嗰日比較懶🤣，所以就冇叫到珍珠咬下啦。講下個仙草凍啦，我覺得整體不過不失👍。不過值得讚嘅地方就係仙草凍嘅份量都算多，就算飲晒啲奶茶，都仲有啲仙草凍可以吸下👾。評分以🌕表示（滿分為5）賣相：🌕🌕🌕🌕🌑 味道：🌕🌕🌕🌕🌑

以前係度成日會買手搖飲品 拎住一路行一路飲, 宜家係有啲卻步🤐🤐 都係買返屋企飲啦我覺得每一間手搖飲品店都有佢既世一例如花斑有佢既黑糖珍奶, 依間我覺得佢既多多綠茶配芒果蒟蒻最出色😉夏天飲更正 不過我覺得要叫少冰/走冰 不然佢既多多味會被沖淡哂😕身為鏡粉去到依間店都會幾開心, 鏡仔生日有時仲有小遊戲玩添 😎🥳 有時仲有卡仔拎架另外, 定時會有唔同既加料區, 黑糖珍珠奶係成日都會有嘅, 仲有桂花珍珠都好香好好味😍 佢哋既冬瓜茶都唔錯 唔會太淡口

武漢肺炎搞到大家冇乜地方去, 大家留響屋企睇電視... 睇睇吓就入咗MIRROR 坑....  今次係幫FRIEND 去丸。茶手作拎應援, 咩應援?! 咪JEREMY 生日應援囉~ 咁就梗係順便買埋嘢飲啦~因為約咗人去街街, 所以就12 點開鋪去買咗先~ 我叫咗個冬瓜檸檬茶, 加桂花珍珠~ 但係拎應援個同事未返, 所以我就飲住等啦~ 佢個冬瓜茶係SET 好咗甜度, 冇得揀少甜, 但係都唔駛驚, 佢都唔會太甜, 啱啱好~ 個桂花珍珠真係好好食~ 食過第一次之後, 次次都要叫返佢~ 有桂花香, 又QQ, 真係好食~ 食完都飽飽地.... HAHAHAHA拎咗JEREMY 既應援貼紙, 真係幾靚, D  FANS 都幾好心思, 不過我唔係UNICORN, 我冇乜興趣~  同事收到開心就得喇~

武漢肺炎一日未完，一日都冇正常生活。去開堅尼地城，諗住去jeffy's kitchen買外賣返去食，點知原來佢冇開， 咁就幫襯佢對面嘅丸茶手作啦，上次飲過都好正， 今次再買返去飲我叫咗蜂蜜檸檬，加桂花珍珠， 上次食過佢地d珍珠， 好好食，今次都諗住珍珠當dinner, 大大杯， 真係夠飽~佢個蜂蜜檸檬真心好飲，真係有蜂蜜味，又有檸檬味， 飲吓飲吓食珍珠， 有得飲又有得食， 超方便， 懶人恩物添呀~ 佢d珍珠真係有桂花香味，我覺得好食過平時d珍珠，真係唔錯 咁又一餐~

武漢肺炎仲未完，冇得去旅行就周圍食， 食完就緊係飲杯嘢啦， 但係太飽， 買返屋企慢慢飲~呢間飲品店鋪仔細細，都幾多人買嘢飲喎， 有好多嘢揀， 搞到我花多眼亂添~ 最後我揀咗蜂蜜檸檬，佢有得加珍珠：桂花珍珠，黑糖珍珠，黑芝麻珍珠，紫薯珍珠，鳳梨珍珠， 仲有芒果寒天蒟蒻球， 搞到我想加。。。。 平時我唔會特登加珍珠， 見佢有咁多唔同款， 等我都揀返款先我揀咗桂花珍珠， 我仲驚唔啱味，特登問個姐姐會唔會好怪， 佢話唔會怪，好多人都係咁加~ 佢又真係冇呃我喎， 係好飲， 個桂花珍珠好好食喎~今日食咗好多嘢， 再飲埋呢杯蜂蜜檸檬加桂花珍珠，真係晚飯都唔駛食飽~

估唔到連西環都有丸茶手作啦。今日落街行經過見到，舖頭細細間，已經有好多人排隊，見到店舖貼咗好多poster，相信係一間良心小店。本身諗住試紫薯珍珠，但嗰日得三款珍珠供應，桂花，黑糖，同埋蜂蜜。我點左一杯鐵觀音奶茶加桂花珍珠，桂花珍珠聽落好特別，好似未有一間手調飲品有，所以先點呢個。因為冬天同埋女仔要養生，叫咗熱飲。熱飲來講唔算熱，只係微暖，可以即係飲。鐵觀音茶味好濃，而且好香。甜度我叫左小甜，飲落唔會太淡，啱啱好。桂花珍珠桂落好香桂花味，同埋真係有食到一粒粒桂花，估唔到桂花嘅清香配鐵觀音奶茶其實都幾夾唔錯唔錯👍🏻 希望下次可以試到紫薯珍珠啦

呢間位於西環嘅小店，有參加 #懲罰祭原來拎住對面Jeffy’s Kitchen收據，可以平$2㗎！其實晏晝先食完JK，但冇keep單，享用唔到優惠haha😆不過良心小店唔怕啦，比同路人賺多兩蚊💪🏽.🔸黑糖珍珠撞奶($29)分數: (6.8/10)雖然甜度同冰量，都set好左，冇得轉，但甜度調得真係啱啱好！唔會好甜！不過可惜嘅係佢啲珍珠煮太稔，唔煙韌，冇乜咬口。.💈西環吉席街78-86號娛安樓地下G號舖

下午茶時間，我叫左一杯水蜜桃烏龍茶。店員態度友善親切。佢會主動地問我要唔要少冰，少糖。可能因為我叫左少糖啦，所以水蜜桃嘅味道唔係太濃。下次都係唔洗叫少糖了。另外，店面乾淨企理，值得一讚。