丼丼亭 (翡翠明珠廣場)

營業中

休息中

今日同友人一同到此午餐，友人叫左咖喱牛腹。等待送餐期間，店員率先送左餐俾隔離枱（本來都無為意，隔離枱遲過我地叫餐）。原來係送錯左餐，店員竟然首先問隔離枱會唔會唔要，想收番呢個餐，好彩隔離枱照食。（ 如果隔離枱唔食，唔知會唔會轉頭就送番俾我地。。。。）但隔離枱叫既係咖喱豬，店家竟免費升級俾佢地。相反我地就咩都無，公平咩！反而我地叫左貴既咖喱牛腹仲要等，等到我食完先剛剛到。我與友人極其憤怒，店家都無任何道歉。

呢間嘢本身幫襯咗好多次，覺得幾抵食，碟頭又大。次次我都會嗌啲壽司，今次都唔例外，嗌咗幾件三文魚壽司。食完之後夜晚返到去個胃越嚟越頂住，凌晨嘔，第二朝肚屙，辛苦左全日。諗番除左三文魚壽司，其他都係熟嘢，應該唔會有問題。以後唔敢再喺到食生野，回想食果陣，我仲讚佢20幾蚊一嚿，塊魚都咁厚……..其實係咪因為賣唔去，所以切咁厚俾我，其實係唔新鮮嘅？冇諗過呢間嘢會咁唔乾淨，好失望。明知呢啲天氣，可唔可以好好地處理魚生？魚生個廚師可唔可以做好少少！？我唔望你好食，只望乾淨、新鮮。

已經幫襯左好一段時間，間唔中都會黎下 。生完bb 終於可以食魚生，襯有小小時間就黎嘆一嘆 。叫左個最豐富嘅刺身午餐，生蠔好鮮味，海膽好鮮甜，三文魚腩好肥美，黑松露油甘魚腩齒頰留香，仲份量好大，有少少食唔晒， 非常滿足，會再繼續幫襯 😊😊

第一次光顧(大)集團日式餐廳,中午食飯時間店內已好多人，由於天氣熱再加明珠廣場唔通風翳焗,前面只有兩個人排隊,等左十二分鐘左右，午市餐牌都多選擇,我揀左雜錦天婦羅配冷烏冬定食,另外屋企人叫左燒鯖魚定食,首先天婦羅炸到啱啱好,香脆唔油膩,有青椒,茄子,南瓜,墨魚,魚&蝦,屋企人叫既燒鯖魚都好大條,仲要跟埋白飯&冷soba好抵食,埋單時發現指定飲品仲買一送一,好抵食,用料，味道&服務都唔差,綜合評分已完勝我上次北角幫襯過同類型嗰間

之前同屋企人嚟過翡翠明珠廣場嘅丼丼亭食過覺得ok,今日同朋友嚟開附近買野買完野就過返嚟呢度開餐☺️醬油四式刺身丼 $92配冷烏冬|沙律|漬物刺身夠厚切,食落好鮮甜👍🏻上面放上芥末冷烏冬好有驚喜,夠煙韌夠凍👍🏻親子丼 $78配冷蕎麥麵|沙律|漬物朋友個親子丼送到嚟時仲好熱出晒煙😅開頭見賣相比較普通但我試咗兩啖之後發現原來好好味😋冷蕎麥麵都好味不過個人比較鐘意烏冬個質感追加明太子雞翼 $35食落啖啖肉😋都煎得幾香

去睇戲之前去翡翠明珠睇吓有咩食，星期日晚唔使等位，我哋叫咗一個鰻魚飯套餐同埋一個燒豚肉飯套餐，兩個套餐三個人食都好夠飽，因為份量都幾大！鰻魚飯都好香，配咗炸蝦天婦羅，上枱熱辣辣好脆口嘅好食！燒豚肉都幾肥美，有入口溶化嘅感覺！除咗飯之外仲可以配烏冬或者蕎麥麵，今次揀咗烏冬都幾好食！環境唔錯，銅鑼灣區日本菜嚟講算係價錢合理！另外叫咗兩杯飲品，無酒精飲品可以買一送一一送，叫咗一杯荔枝梳打同埋香桃梳打都幾好飲！

日本生豪，好食。燒豚肉，乾咗小小，韌咗小小，個飯硬咗小小，唔夠熱，蕎麥麵係韌的，成個set最好味係薯仔沙律，個味噌酒都好味。魚生靚的，都新鮮，天付羅，即炸，脆，唔乾，皮薄。

耐唔時都會嚟食，特別因為佢喺戲院樓下，有時睇戲前後都會同朋友嚟食服務優良之前服務我記得都幾好，今日男及女經理(?，分別都係著淺色恤衫，唔肯定是否經理)的服務令我印象特別深刻，另一位黑色恤衫女侍應都好好男經理：非繁忙時間，主動有禮地幫我拼埋兩張枱下午茶時間沒有供應鍋物，但佢聽到我同朋友提起，主動幫我問廚房能否供應因為食完鍋裡面海鮮後仲有烏冬要煮，之後亦有幫我加湯女經理：因為有叫清酒，有主動提供冰桶毛巾及開酒女侍應：不嫌其煩地主動加熱茶環境寬敞唔會因為方便自己上菜/管理就將客人堆埋一齊，非繁忙時間反而會隔開幾張枱俾客人多啲空間食物組合多刺身丼飯冷熱烏冬蕎麥面天婦羅燒肉都有，可以組合又可以追加，飲品長期買一送一值得試下

呢間都食過好多次覺得幾高質估唔到原來有下午茶餐（午後定食）但份量一啲都唔少叫咗個魚生飯+冷蕎麥麵魚生非常新鮮好喜歡佢配咗大量嘅薑蕎麥麵都非常好食$110 埋單非常抵食見14:00 呢啲時間都差唔多坐滿人👍🏼之後會繼續幫襯

同呀媽銅鑼灣附近行完街，行去翡翠明珠附近丼丼亭，餐廳好似主打天婦羅日式丼飯(天丼)，Menu幾吸引，於是入左去試一試。叫左兩個主食，分別係  御. 壽司 (九件) 同 一個天婦羅丼飯。御. 壽司 (九件) 壽司拼盤賣相唔錯，好岩打卡，而且有刺身都有調味，味道無咁單調，魚生都新鮮。天婦羅丼飯定食定食包左沙律同麵豉湯，天婦羅都大件，脆而不膩，粉漿適中，唔太厚丼飯飯底幾好食，值得一試。食品質素ok，服務唔錯好，師傅都推介佢地D 飛機貨，但今次太飽無叫到，下次試下佢個午餐優惠~

點了午餐組合，一個炙燒魚生迷李丼及廣島蠔滑蛋迷李丼。炙燒魚生幾片扇狀排開，每片只炙燒了沒有重叠的部分，沒有燒到的地方像已出水似的，魚生質素亦低，沒一點鮮味，比超市出品還要差。蟹條亦是假蟹柳。廣島蠔又細，粉又過厚。最好笑係個滑蛋，只係浸滿過多日式調味汁的半煎蛋，完全不是滑蛋。這質素不值$185（連加一）但整體服務0k。環境本來很好，夠空間感，但一直播著吵耳不好聽的日文歌，好煩。應該不會再次幫趁，這價格可有更好選擇。

每次於銅鑼灣做完facial都很喜歡去這間餐廳，除了吸引我的美食，這裡的服務及環境也很好，推介👍今天比平時晚了，已是晚餐menu，幸好也有我最愛的選擇🤭。如6點前進食會有午後定食餐單，除了更優惠外，份量也很適中，非常適合女士們。雜錦刺身丼•天婦羅 $223每當要我選擇吃熱食或冷食時，這個餐是非常好的選擇，有4款不同的新鮮刺身，配上即炸薄脆天婦羅，跟餐還附送麵豉湯，大滿足！如果想不到吃什麼，這裡是非常好的選擇喲。👍

前排同朋友去中環聽演唱會，所以打算係演唱會之前食個下午茶～於是就黎咗呢間！我地兩個都食同一樣嘢壽司定食 $108 （有六件壽司+一碗烏冬）飯糰壽司其實就係加咗飯素嘅壽司飯捏成一個飯糰，飯素好味，所以佢都會好味燒三文魚佢上面有啲類似柚子汁嘅嘢，食落有啲酸，我個人麻麻，不過塊魚生好新鮮，有油脂海螺壽司同燒三文魚一樣有柚子酸甜嘅味到，就海螺食落都爽脆新鮮三文魚正常三文魚，好食但唔特別蝦壽司呢個好好味！好甜，個蝦肉質都算緊實吞拿魚我覺得呢個係最好味！真係超級新鮮，食落一啲都唔腥，完全冇筋沙錐魚天婦羅烏冬食之前建議快啲將天婦羅夾出黎，如果唔係浸湯好快淋曬。個烏冬應該係稻庭烏冬，比較幼身，但都彈牙

原本去完睇鴨仔 打完食番餐好既，就黎呢間店食，因為上次食過都幾好，但今次就⋯⋯⋯一入店 有一位白色衫 女士（似經理），安排我們座入樓梯低位置，4人枱，一開始冇咩野，點知開始用餐就發現大鑊！呢個位置完全冇冷氣，愈食愈熱，叫左服務員 開大小小 （座地冷氣 ），希望有幫助，誰知作用係零！愈食愈熱 食到個人都火滾！真心唔明白 點解要客人座一張冇冷氣既枱？室內其他位置 還有空位！白色衫（似經理女士好有問題！係咪想熱死客人？再講食物 係完全合格，壽司 熱食 都冇任何問題！只係 樓梯位置 有兩張 熱辣辣既枱，就係最大問題！希望店長 下次會取消呢兩張枱 不要使用，因為真係好熱⋯⋯⋯！

好耐無去銅鑼灣行街，都唔知有咩餐廳好食，剛好係翡翠明珠附近就去睇下有咩好食，見丼丼亭6點左右餐廳入面已經坐滿晒，估計應該都唔錯；仲有d門口比較戶外部份既位，咁就試下啦。定食有天婦羅配丼飯，一個set可以食到多d唔同既野又幾好啵。點左個親子丼配天婦羅，四式火灸丼配天婦羅，再加個明太子雞翼。定食都係包左個前菜沙律同麵豉湯。首先天婦羅都係新鮮炸出黎，超好食，粉漿適中，唔太厚。火灸的魚生好新鮮，親子丼味道好好，蛋同雞肉都嫩滑。明太子雞翼釀的明太子都唔少，真係食得好滿足，一定食得飽。定食都係百零蚊到2百幾不等，唔係d又貴又食唔飽既日本餐廳，絕對絕對係值得再黎幫襯。