丼丼亭 (軒尼詩大廈) (裝修中)

2023.10.06 lunch 呢一天放下午，揀翻食呢間，但發現另一間分店，就嚟咗呢度！一入去，幾好喎，呢邊裝修感覺舒服啲，又寬躺啲，點幾鐘又唔多人，正！😁讚咗先，各服務員態度都好好，又有禮貌，讚👍🏼 當差不多完成整個午餐，發生了小小意外，服務員嘅態度同處理方法亦唔錯，加上食物價錢同味道都ok，應該會encore 😁😋睇咗陣，揀咗$95滑蛋豬扒丼同$95雜錦天丼定食，有麵豉湯&沙律。雜錦天丼賣相好得，其實$98真係值回票價，有蝦、南瓜、茄子等等⋯⋯味道唔錯👍🏼 至於個滑蛋豬扒丼，豬扒切件上，感覺似豬肉多啲兼有啲靭，但個滑蛋好味呀😋

今次已經係第三次嚟，每次都必食‘網燒牛肉’，真係好好味！肉味好濃，火喉剛剛好，係我最鍾意嘅5成。每次嚟親d員工都好有禮貌，由帶位，落單，出食物，到埋單都好好services。環境舒服，唔太多人，餐廳員工又唔介意我坐得耐，所以我同同事都好鍾意喺度食野。

前一排係銅鑼灣諗唔到食咩🤔行咗去希慎隔離，我原本都唔知果度叫咩😂淨係見到super sandwiches 廣告牌，所以就上咗去，諗住食三文治算，點知上到關咗門😓。見到隔離店張廣告，龍蝦天婦羅$98😳咁抵，所以就try try。我哋叫咗網燒安格斯肉眼扒定食、鹽麴醬油燒豚腩·雞蛋薯仔沙律同埋龍蝦天婦羅。網燒安格斯肉眼扒定食 - 有一塊安格斯肉眼扒🥩8安士、日本珍珠米飯🍚、沙律🥗同埋麵豉湯🥣。佢就話係網燒🔥，不過我就覺得唔夠香，肉質都算可以，調味都ok，整體正正常常。鹽麴醬油燒豚腩·雞蛋薯仔沙律 - 顧名思義就係有鹽麴醬油燒豚腩，即係五花腩肉，好香醬油焦香味，咸度適中，而且份量好多。雞蛋薯仔沙律，薯仔🥔size切得偏大，完完全全食到薯仔味，唔會被雞蛋沙律味掩蓋，不過我鍾意食size細粒啲😅。仲有一碗白飯、一碗冷蕎麥麵同埋麵豉湯。講真一個人好能食得晒😂超飽肚。龍蝦天婦羅 - 佢將條龍蝦尾🦞一開二，另外仲南瓜🎃、冬菇🍄、茄子🍆同埋青椒🫑。龍蝦炸得剛剛好，啲肉唔會老而且麵衣脆兼薄，唔錯唔錯👍🏻。同埋$98咋⋯⋯😊

嗰日啱啱整完頭髮，覺得有啲肚餓，於是去咗軒尼詩大廈，嗰度有好多間食肆，我見呢間係食壽司嘅，於是我即刻入去，不過嗰陣時五點幾，冇乜食客喺入面，經理見到我，就搵咗個位俾我坐啦，望住個Menu，簡直心大心細，因為好多「人氣」嘅食物，都好吸引，就係我諗吓諗吓嘅時候，我見到呢個$228壽司餐，當佢嚟到嘅時候，發現呢個餐好豐富，所以呢個價錢真係好抵，如果你食得飽嘅話，一個女士其實係食唔晒成個餐，最好有人share就啱啱好！我食完嘢嘅時候，發現自己個銀包留咗喺屋企，我以為要俾cash心慌慌嘅時候，問咗經理，原來可以用八達通俾錢既，所以都方便㗎！

員工個個都醒目有禮貌，態度友善兼靚女，不時主動加茶，嘢食好食，賣相吸引，無可挑剔👍🏻由舊舖食開，已幫襯好多次。唯一係個場整體啲餐廳都比較早收，9點左右就賣晒單截數，但職員都好好唔會催你走，繼續加茶可以坐多陣。食物價錢合理，以這個價位來說質素很高，壽司有基本調味，如果唔食wasabi之類的話可能要預早講聲👍🏻魚很新鮮，基本上每一舊都很滿意。網燒牛比預期中好食👍🏻質感和調味也恰到好處，師傅一定是個識食又了解客戶喜好的人。期間限定沖繩苦瓜定食👍🏻

工作日同同事們一齊食晚飯，餐廳安排咗一張長檯，空間好闊落，坐得好舒服點咗精選壽司，裡面有12件壽司🍣加一個飯糰🍙，份量真係好足夠，而且唔貴$398。刺身都好新鮮和鮮甜，絕對值！天婦羅壽司定食，有6件壽司，蝦，魚，蔬菜天婦羅同好好味的烏冬，一次過滿足幾個願望天婦羅刺身定食，有好多款刺身，天婦羅加一個烏冬。刺身又係好新鮮，好肥美天婦羅鰻魚丼定食鰻魚鋪滿成碗飯上面，份量好夠，天婦羅好食🍤🍤整體都好值得encore，刺身好新鮮，份量超級夠，而且仲有好多熟食選擇，啱哂唔食生冷野的人，聚餐好地方

與同事飯聚，食品質素好，魚生非常新鮮。師傅話昨晚空運到港，唔怪之得啦。我的壽司拼盤無懈可擊。其他同事點的菜式也是非常到位，同事們都稱讚這裏的食品質素。服務也非常之好，知道我喜歡飲凍的茶，立刻給我來一杯冰。飯後有自動給我們加熱茶。我們非常滿意，價錢合理，食品及服務都好。一定會再來！我點了雜錦壽司拼盤，所有魚生倒空運到港，左口魚裙邊，入口溶化，充滿油香。其他幾款魚生都非常出色。天婦羅壽司定食配烏冬，天婦羅給壽司不用多說水準一流，但驚喜的是那一個彈牙烏冬。太美味了！

我在父親節當天和家人一起來到丼丼亭享用午餐，整體的餐廳環境非常舒適，讓人感到放鬆。餐廳的服務非常周到，適合與家人一起用餐。我們點了壽司、雞肉親子丼和龍蝦tempura，所有的食物都非常新鮮、美味。壽司卷非常精美，每一口都充滿了鮮美的味道，特別是鮪魚壽司，非常新鮮。雞肉親子丼搭配酥脆的鳥蛋，口感非常豐富。龍蝦tempura的龍蝦肉質鮮嫩、外層酥脆，非常好吃。最值得一提的是，餐廳的價格非常實惠，讓人感到物超所值。總體而言，丼丼亭是一家非常值得推薦的餐廳，如果您想要享受美味的日本料理，我會毫不猶豫地推薦這家餐廳。

同朋友在銅鑼灣行街，不知不覺已經8點幾！有些餐廳已休息，見呢間仲有好多人，應該好食掛！天婦羅唔算突出，蝦、魷魚勝在新鮮。烏冬大碗，湯底清甜，食埋沙律，好滿足醃過的豬腩肉入味，燒得甘香唔嚡。配薯仔沙律、沙律菜，清新解膩。另有白飯、熱烏冬各一碗，朋友當然食唔晒啦最後我哋叫多一個滑蛋牛丼外賣，侍應解釋話厨房9點收工，所以要連同我哋堂食一齊做，佢講聲唔好意思，因為我哋走嗰陣，外賣會凍晒！整個食飯時間約45分鐘，侍應冇因為收工而催促我哋埋單或執嘢，說話有禮貌。

近排唔知點解突然好想食壽司🫣見到呢間個餐牌都幾吸引就入左去試下😝-🥢極上刺身缷膳一個set入面有三款天婦羅（魚，南瓜，蝦），另外有7款刺身，仲係日本直送添！🍱每件刺身都非常新鮮而且好厚身！天婦羅啱啱炸起外脆內軟🍤熱辣辣🔥另外有個吞拿魚蓉海膽同埋豆腐，豆味香濃不過海膽嘅味道唔係太出，另外仲有蕎麥麵，沙律同麵豉湯😚勁豐富🥢吞拿魚蓉壽司🥢辣味三文魚壽司🥢油甘魚壽司一開始諗住個set好似好小野，就嗌多左三款壽司，一樣非常之新鮮唔會有雪藏味，不過其實食到最後真係好飽！完全唔可以睇小個set😂-以呢個價錢嚟講都幾抵食，仲可以食到幾款唔同嘅刺身，值得一試🥰

本人未post過食評，但食左幾次，真係要讚下呢間日式餐廳，餐廳位置真係隱敝D，都係巧合下發現。第一次幫襯(晚市)，見佢有個天婦羅買一送一去食下，買一送一又俾你追加二碟刺身，唔係講笑，追加既刺身都好有質素。食梗個時都諗住會再幫襯下，試下食刺身餐，最後埋單仲俾左張$100優惠券，下次食滿$300減$100。第二次幫襯(晚市)，就梗係揀左店員介紹既刺身餐(其中三款刺身係鮮味日本直送)，食物來到，我地想知刺身係邊款打邊款，問店員佢又有講解你知，又係個句刺身真係又靚又鮮甜。半個月未夠，又去幫襯第3次(晚市)，今次又試其他餐，建議未食過天婦羅既，揀餐最好有天婦羅，真係會上癮，同埋記得追加埋刺身。第一次2人消費： $246第二次2人消費： $500(扣優惠券後）第三次2人消費： $369(扣優惠券後）

地址－📍銅鑼灣軒尼詩環境／設施－ 經過見到新開張有天丼買一送一，即刻入去睇下😎今次天丼（原價$98）買一送一，即係平均$49就食到碗天丼，好抵🤑入面好大，枱與枱之間仲好闊落，咁就唔怕逼了👍🏻特色－梗係試下個天丼，真係幾好食，上到嚟真係好大碗，係燈光下閃閃發光，好吸引✨✨有炸蝦炸魚炸南瓜等等，好脆仲唔會話好油膩🙆🏻‍♀️最驚喜係炸青椒，連平時唔食嘅小編都覺得好正，完全冇草青味得甜味🫑仲叫埋炸雞好好味，呢間丼丼屋所有炸物都值得推薦💁🏻‍♀️最好係所有丼飯都配小菜同湯，叫埋個定食，擺盤都好靚好整齊好似去咗日本咁🇯🇵人均價格－$92/pp評分－回頭草指數（🍀🍀🍀🍀🍀滿分）食物：🍀🍀🍀🍀🍀環境：🍀🍀🍀🍀服務：🍀🍀🍀🍀🍀#hkfoodie #吃喝玩樂 #原相直出 #銅鑼灣美食 #朋友聚餐 #新餐廳 #軒尼詩大廈 #打卡

第一次離丼丼亭原來係來自日本大阪嘅天丼專門店人氣食品係高品質又正宗嘅天婦羅丼室內環境好有日本風味因為有新店買一送一優惠行街又就腳，所以試一下我就試左 濃醇汁煮牛丼🐮🍚 薄切牛肉份量鋪滿整個碗丼飯非常入味、有入口溶化嘅感覺😋

𓄩 𓄩最近到銅鑼灣工作，發現旺中帶靜的地點，吃lunch 舒服不用同人迫。是銅鑼灣軒尼詩大廈2樓，有很多新餐廳，包括Oliver’s Super Sandwiches、丼丼亭及巷仔見面館。現在還有「買一送一」的期間限定優惠呢！濃醇汁煮牛丼，米飯的確是粒粒圓潤的珍珠米。最贊的是牛肉汁毫不吝嗇，因為吃牛肉飯最怕乾乾的，這個不會，很好吃！*丼丼亭即日起至7月31日，「濃醇汁煮牛丼」買一送一，只限堂食。新店座位亦非常寬敞，店員招呼周到有禮，定會再訪。𓄭 𓄭

丼丼亭我諗各位朋友仔係香港食丼飯經驗想必都有🤣🤣但今次想同大家介紹既係一等一丼飯由來自日本大阪高級天丼專門店—丼丼亭誠意推薦，特上天丼！！！此飯採用上乘的海蝦、多春魚、日本南瓜、青椒及茄子，然後略略炸至有一份天婦羅都金黃鬆化。賣相好有氣勢，海蝦每隻指向天空，果然不愧為天丼。 主角海蝦天婦羅因為輕炸，所以脆而不油膩，一下咬落去鬆脆無比，加上一啲炸南瓜及配菜，更加減輕油膩感，適合愛美一族又愛炸物既朋友。飯方面配上日珍珠白飯加上醬汁，惹味非常你仲等咩吖！！快啲黎試下啦！！😋😋😋😋（🔴濃醇汁煮牛丼期間限定！！即日起到7.31日，買一送一呀！！只限堂食🔴）