丼丼屋 (已結業)

旺角近登打士呢間丼丼屋特別少人，之前去其他間食，感覺上環境同食物乾淨啲。男朋友嗌左蝦帶子魚生飯，我嗌左迷你魚生飯跟基本定食。刺生都算新鮮，不過都預左啲餸唔夠送飯，所以嗌左個玉子燒。個玉子燒真係好唔掂，一睇個樣都feel到唔好食。 首先個蛋整好好鞋，煎到好乾，口感勁差。第二，個味都好難食，基本上係冇咩味，唔覺得食緊蛋，好似食緊膠咁。煮成咁都好意思收四十幾蚊，喊出黎。定食嘅沙律一如以往都keep住新鮮，唔錯。

落雨濕濕又係想食啲fresh 嘅日本野嘅時候🌩🌩今日嘅地方就係丼丼屋啦🍣～ 特上盛大海鮮丼🦐------------------------用料都幾多，有三文魚吞拿魚蟹籽帶子同2大隻赤蝦😋～飯唔算多，落醋亦相對淡味，所以唔係好食得出醋飯嘅香味😶刺身片不過不失，唯獨赤蝦唔知係咪唔夠新鮮，腥味比較強烈😵😵⋯迷你什錦魚生飯🐟份量的確迷你，好適合輕食一族/減肥嘅為食🐷～哈哈🙈🙈刺身粒都有大粒帶子，三文吞拿蟹籽玉子～唔可以叫抵食，但食唔曬大碗飯嘅可以考慮下～好味指數😋：6.5/10翻啅指數🙆🏻：6.5/10人均消費💰：101-199服務態度👨🏼‍🍳：6.5/10乾淨指數🌝：7/10

味道不俗，熱度足夠，份量亦算大，女孩子可以三人叫两份分享。一到時，侍應生熱情款待及推介，即使我們未能立刻決定也有禮等待。蛋蛋雞肉丼很有驚喜，美味，肉汁丰盈，加蛋汁可連吃很多飯

今晚同好友係旺角shopping完，去咗哩度食野！ 入到去即刻可以入座。坐底望下memu, 叫在滑蛋雞肉丼，上枱賣相ok, 再食一啖D蛋都好滑，雞肉就嚡左D，仲有一客玉子卷，D蛋就老左小小，不過好有蛋香。總括都唔太差。(

服務OK, 食物就要睇下你叫D咩食啦。2個人想食餐晚飯平平地200蚊都可以諗諗。我們一到就有位坐, 叫了一個咖哩豬扒烏冬 和牛肉壽喜燒套餐。咖哩豬扒烏冬: 豬扒夠熱又夠脆, 還算Juicy。烏冬有咬口,不是平價烏冬。咖哩味道亦唔錯,唔係好杰但又未至唔夠咖哩味, 不吃辣的人也可以叫。 和牛肉壽喜燒套餐: 一上菜就好失望。沒想到只是鐵窩上,沒有gas爐/火水膏熱住。牛肉全部熟哂, 好鞋呀.....miso soup 無咩味, 唔好飲, 前菜係d豆又唔好食。所以千其唔好叫呢個餐!!!!

食完小食後 實在吾夠喉又係三點三既時間梗係要食下tea 啦😺所以就簡左呢間丼丼屋💁🏻其實以前都想試但而家香港周街都係日本野 真係吾係咁岩都吾好無啦啦簡中呢間😹好啦講返正題叫左一飯一菜一野飲👌🏻雜綿丼味道可以 份量岩岩好刺身沙律已經調好味既沙律刺身好好味 新鮮 彈牙 好咬口菜都好味 脆卜卜份量吾多 岩曬做前菜飲品方面巨峰提子雪芭🍇同出面餐廳差吾多無特別話好吾好 但吾會過甜呢點幾好總結魚生刺身質素好好 係真係好味道😳

之前試左果個海膽三文魚籽飯,今次第二擊係九兵衛三文魚親子丼~份量都唔小,三文魚同魚籽都腌得幾好,唔會過咸,果種少少咸香真係會食唔停口GA~唔知下一回會係咩丼呢？😁

今天逛旺角有點累，想坐低休息食日式餐，見丼丼屋樓下的的九兵衛三文魚親子丼展板廣告好吸引，即上去試～上到去，人很少很靜，好似包場咁。原來我想點的九兵衛三文魚親子丼是限量的，已售完，很失望。唯有點貴少少但差不多款式的三文魚親子丼，厚切的三文魚粒鮮味濃郁，三文魚籽充滿光澤，一咬即破，味道清甜，配上日本珍珠圓潤飽滿，口感不錯～可惜，整體份量略少，未如宣傳單張般豐盛，價錢略貴，唔算好抵食。

跟上次來只相差6個月, 人流....比之前少很多, 令我在進入店時有點怕. 由要排隊半小時到現在只有數枱客, 我真的懷疑服務及質素. 叫了十勝帶廣名物豚丼 (並盛) 及十勝帶廣名物豚丼 (特盛) + 炸芝士薯餅, 這間的豚丼很好吃, 每次都會想食同一樣的飯. 豚肉只有面頭兩塊較滑, 之後的我便不想吃了, 因為豚肉的質感已差別很大. 個飯夠熱是我要讚的, 汁很適量, 沒有太少或太多, 所以只吃頭兩塊的肉足夠令人很滿足. 芝士味不太夠, 食完很膩, 因為薯餅及中間的芝士是分開的, 而且芝士太多. 食了一塊已經填了肚子的一半.十勝帶廣名物豚丼 (並盛) 及十勝帶廣名物豚丼 (特盛) 的分別是4塊同6塊豚肉, 都是只有頭兩塊好食, 飯一樣, 那為何我要多叫兩塊不好吃的豚肉呢?叫多碟小食會比較化算.

Lunch搵野食都幾傷腦筋。又想有湯有前菜，所以去左丼丼屋食。叫左個香葱牛肉丼定食,有飯，有麵豉湯，沙律,野飲都係$65。不過要加一。本人頗喜歡食葱，所以就揀左呢個香葱牛肉飯。比我想像中多葱，不錯。牛肉有一點兒"鞋"。味道對我來說有點淡。可能我比較重口味吧。沙律律新鮮爽脆。湯也很夠味👍🏻整體尚算ok。不過下次會食咖哩定食。看見隔離枱食，味道很香，應該不錯。

話說丼丼屋成日都會推出新丼，上次個海膽諗起都流哂口水。而今次咁啱俾我見到廣告係三文魚丼，仲要有我至愛的三文魚籽，都無理由唔去食啦！呢個九兵衛三文魚親子丼每日限定30個，我上到去已經得返最後兩個，差D就食唔成。九兵衛三文魚親子丼上面鋪滿三文魚及三文魚籽，全部都經醬油醃製，再加上正宗的日本米，真係有去左日本的感覺。呢個三文魚親子丼同時平時的口感、味道都唔一樣，佢無海水腥味，入口係帶有鹹香，配合絲絲的紫蘇葉，都幾清新。順帶一提，唔好以為呢碗丼份量唔多，其實食到後尾真係飽到食唔落，如果三個女仔黎可以叫兩客Share，再加小食會比較好。

lunch同同學生左去旺角個邊食野 依兩樣真係好正煙肉玉子忌廉烏冬 $68卡邦尼烏冬一樣甘正 仲多左份煙韌 加埋雞蛋 無敵! 挫開雞蛋拌勻 好creamy好滑溜 煙肉稍咸但作為點綴幾好既 唯相對較稀 但烏冬都掛到汁既 但個人鍾愛再重口啲 稠一啲既 但如果係甘稠既話個feel又偏向意粉 所以烏冬稀啲都幾match既 同埋如果多人share既話 份量吾夠 如果好鍾意食既 就可以嗌兩份明太子芝士玉子卷 $48 上次食完依家又好想食 丼丼屋啲野我覺得不錯吃 上次去時都食過依個但吾記得價錢無po到上ig 今次mark實左個價錢同大家share 作為明太子控既我無理由吾點 蛋甜甜地 芝士同明太子多過之前個次 明太子帶啲啲辣 有少少腥味但我都鍾意 不過配明太子都係意粉的好 超級正!

今晚我們去咗旺角花園街嘅「丼丼屋食堂」食晚飯！我們叫咗照燒鷄肉沙律、鰻魚三味丼、特上盛大蝦海鮮丼、滑蛋吉列豬扒定食同什錦刺身丼定食！照燒鷄肉沙律嘅鷄肉燒得好芳香，肉質好軟滑，沙律菜好新鮮清甜，炸腐皮都幾香脆，感覺都幾特別！鰻魚三味丼嘅鰻魚切得比較幼身，但肉質都好嫩滑彈牙，珍珠米飯亦好軟熟！特上盛大蝦海鮮丼嘅賣相好色彩繽紛吸引，有兩隻特大嘅赤蝦，帆立貝、吞拿魚同三文魚，赤蝦嘅肉質相當爽蝦彈牙，味道非常鮮甜，而帆立貝、吞拿魚同三文魚嘅肉質都幾鮮甜嫩滑，但就切得比較薄身！滑蛋吉列豬扒定食炸得好金黃香脆，肉質好鬆軟，炸粉唔會好厚身，滑蛋相當滑溜！什錦刺身丼定食係用幾種唔同款式刺身切粒製成，款式都算多，肉質相當鮮甜嫩滑！

好耐冇食呢間，見到有分店就上去食飯, 見到佢宣傳新推出的海膽丼（$98），賣相好似幾吸引，一於試下！實物黎到，包一碗麵豉湯，丼份量唔太大，海膽冇味，顏色唔吸引，似唔新鮮樣，配以三文魚子，還可以，但整體味道唔得！侍應服務態度一般，失望離去！

初嚐丼丼屋，就在某年某月某日的一個下午。時間太少，要做的事情太多，但沒有忘掉約定。對於一大群人的群體活動沒有多大興趣，小組的形式要好得多，這次就只有我們兩人。拖著疲憊的身子，不倦的精神，與友人相約，來個第一次突破。　　五花八門的食物項目，種類多多，而價位相約，讓人想不到該如何選擇才好。或者就是我這麼會猶豫，會三分鐘熱度，才不能堅持專注，以致到現在仍然浮浮沉沉。話多得如開籠雀，看見友人的時候活潑起來，手舞足蹈的閒聊著。所以，要吃飯，要找飯腳，有共同話題最緊要，不然等候食物的時間可會是度日如年。　　明太子芝士玉子卷一份四件，眼前盡是金黃，飽滿的玉子卷可是要儘快食用。內藏芝士，可惜早已切分得分明，沒有什麼牽絲之效。明太子的獨特香氣滲來，不濃烈的，也許因為有芝士的陣陣奶意將其柔化掉。稔綿的玉子略嫌有點過老過熟，然而不得不提充足的蛋香。輕描淡寫的調味，同時來得一點都不油膩，沒有半點滯胃的感覺。　　以小鑄鐵鍋送上的蕃茄醬芝士焗肉丸是我們頗為期待的一項。沒有失望，芝士果然是足料滿溢，可以輕易牽絲，教人賞心悅目的用量。因為Mozzarella芝士味道不會太濃，蕃茄的酸甜也夠開胃。就算是帶盈潤豐腴油脂的