丼丼屋 (綠楊坊) (已結業)

這個三文魚親子飯，好好食，三文魚好新鮮，有油香。三文魚籽是醃製過的，有點鹹。店內環境舒適，空間夠大，也不是有很多客人，可能已經9點了，我只是要了一個飯，店員會為你奉上熱茶，總體感覺中規中矩。會再次光臨。

好掙扎寫唔寫呢篇食評，因為驚寫左都會比人和蟹左。其實我食過呢間餐廳幾次，由初初新開張到依家，上準係每況越下，我真心希望管理層見到呢篇食評後會作出改善。用餐時間:中午食物: 叫了一個非中午套餐，味噌炸豬扒加廿幾蚊加左個炸薯餅變做set 食物水準: 豬扒太肥，上枱時食不夠熱，味噌醬的賣相跟餐牌上的圖片有一段距離。食物在order 後15分內送到(其實呢點係做得好好嘅) 其他配茶麻麻，太平凡，用呢個價錢去大戶屋食，佢地嘅配菜味道就好好多。個薯餅。。。有點太油，夠熱嘅服務方面無問題，員工都很勤快同有耐心，就算有小朋友打瀉水都沒有嫌麻煩，他們都樂意清潔(呢個係讚位)清潔: 餐牌有異味，枱亦有異味，其實餐廳要定時清潔毛巾及換餐牌價錢:呢個係我一個疑惑位，我叫嘅唔係午餐_(平d) 我反而要用貴d 嘅價錢upgrade 去加個薯餅，呢個係咩道理?我相信我暫時會因為唔識計呢條數而頭痛一排

貝兒經過一星期五天半既工作折磨後，仲要等上天眷顧😢收工先黎落大大大雨😭本身就想去食魚鱻既，因我好想食麵，但雨勢有如🐶💩咁，唯有留在地鐵站天橋可達既範圍搵食🙈女人好奇怪，上一秒仲好想食麵，下一秒見到滑蛋就好想食丼啦🍱☺️ 貝兒選擇👸🏼滑蛋鰻魚丼（$118）貝兒期待的滑蛋做得幾好，夠嫩滑而唔會過份老，我食過有啲係蓋左盒蓋，入面啲蛋做到老哂🤦🏼‍♀️呢個就唔會既，鰻魚份量都好充足而且嫩口，亦唔會食到帶骨，同埋無我唔中意果啲酒味☺️👍🏻其實我唔知道靚既鰻魚係會唔會落酒去煮，不過我一貫作風就覺得，海鮮類既食物，一般保留原味唔作太多修飾就好好，所以加左酒果啲我會唔識欣賞😂 男友選擇名古屋鳥開親子丼（$83）菜單上寫明佢係用左名古屋交趾雞去製作既，口感會厚實啲咁，但因為佢太餓，我影完相之後佢二話不說就撈勻哂成碗飯，同埋淨係請我食左一啖，所以我食唔出分別🤭只係知道好味，又滑蛋又窩蛋咁，好滑溜☺️丼丼餐係配上一個湯，一份蔬菜沙律，同埋一款前菜小青瓜與魷魚🦑。芝麻雞翼係跟餐加$20有一隻，外皮香脆而且入味，但$20一隻雞翼有啲貴🤭另外。貝兒同男友食飯既同時，發現我們隔壁枱有三個男仔去挑戰15分鐘食哂一個好巨型既唐

丼丼屋好似已經多年冇食，曾經試過親子丼飯，覺得幾好食，闊別多年今次試下新野先。點了每日限定20份的天婦羅餅烏冬，友人點了大大塊北海道豬肩肉飯。未到繁忙晚餐時間，點餐後，5分鐘就上菜了。$98再加$15 轉成套餐，套餐包括沙律，一小碟前菜同麵鼓湯。沙律應該係凱薩沙律，麵包好脆卜卜，前菜有酸酸地的青瓜，都幾開胃，天婦羅餅好大塊，有蟹棒，蘆筍，菇，茄子，三文魚等等大雜錦炸成一大塊餅。好脆，太熱氣須要浸一浸去烏冬湯底。烏冬彈牙，幾好味，由於天婦羅餅好大塊，所以好飽。豬肩肉丼飯方面，豬肉都算有咬口，味道就一般般，沒有特別。其實非繁忙時間食可以當係高檔日式快餐店食，如要等位就不了。

已經很久沒光顧丼丼屋了今天剛好家裡沒人而且想吃蛋料理下班後就到丼丼屋了今天餐廳反常地人蠻多可能是接近暑假， 很多家長帶著小孩在逛街幸好1人等待的時間不算長被安排坐在 bar 桌點了名古屋鳥開親子丼，本想加配風味玉子的，卻被價錢搞混淆配餐2片是 $25單點4片卻只需 $38 就找職員來問 (因為起初不確定數量)， A職員我餐牌也未翻到配菜一頁就跟我說食物已售罄，你該定知道我問的是哪一種料理?不死心找來職員 B 再問， 該定是4片玉子已售罄， 但2片的仍有分明是同一款料理但就是不肯單點賣給客人， 是逼人點比較貴的那種吧 ！點餐後等待時間不算久， 食物賣相還算不錯老實說， 雞肉煮很老而且只有數粒碗看上去很大， 但其實份量很少女生吃還好， 男生肯定不夠吃!味道還好 (蛋料理想煮得差還是比較難的)由於是在 bar 枱附近廚房油煙味比較重除了點餐送餐，水要自己盛所以沒什麼服務90元 (連服務費) 一碗飯其實不值，這價錢還有很多其他更好的選擇要是真的要吃， 建議選平日有午餐時或有優惠券時才光顧比較化算

絕對係因為有一張美心的$20coupon所以先食丼丼屋☺️其實綠楊坊都有好幾間美心品牌旗下的餐廳...如美心MX、Starbucks、丼丼屋及元氣。選丼丼屋的原因係因為覺得佢正價時真係唔算抵食，但有coupon就可以食下的❤️態。😌12點半到到達餐廳，當時餐廳只坐滿了四份之一。餐牌如下👇🏻👇🏻👇🏻基於我未食過唐揚雞🐔所以對呢個南蠻唐揚雞丼定食有著很重的好奇心😎就叫黎食下啦🤤我仲上網google下什麼是唐揚....😅原來是日本的一種烹調方法，一般特指炸雞塊，通常指將各類食物、大多數情況下肉類（尤其是雞肉）放入油中炸制。 一般是將切成小塊的原料在醬油、蒜、薑等調味料混合物中醃漬後裹以調味麵粉或馬鈴薯粉放入鍋中油炸而成。賣相頗不錯👍🏻沙律🥗有麵包糠、蕃茄、粟米及生菜🌿麵豉湯都頗多料，有海帶、紅蘿蔔粒、白蘿蔔粒等..睇得出一番心思😌飯上面一埋是蛋黃醬，用黎拌飯入口感覺好似食緊沙律😅😅😅但又幾好食..唐揚雞雖然大舊，但比我想像中多炸粉，雞肉不算多，而且最入味的只係炸粉而不是雞肉，感覺同食炸雞無太大分別？😛蛋黃醬拌飯越食越溜...試1️⃣次就夠了。其實跟餐飲是一杯凍果茶，雪梨🍐味的有果肉家！都唔算流野..

●黑天丼定食($138)●考完DSE第一餐就係我想食好耐既黑天丼😍天婦羅除咗有普通既炸蝦🍤同蔬菜仲有鰻魚天婦羅同溏心蛋天婦羅!!!啱曬所有鍾意炸野嘅好朋友黑天丼嘅天婦羅咁黑 唔知係咪因為加咗黑糖因為佢比普通天婦羅多咗一份甜味最驚艷嘅係鰻魚天婦羅!!!!有我一隻半手掌咁長肉質彈牙!!! 啖啖肉 有肉汁爆出黎真係WOWWOWWOW溏心蛋天婦羅都係大推嘅🙌因為食落去仲係會流心㗎😍😍蛋控必愛🍳🍚抹茶冷麵就麻麻地啦～抹茶味微弱到連紫菜都可以蓋過佢陣味💭💭💭好味(⑨/⑩)抵食 (⑧/⑩)

Lucas一直也很想試丼丼屋但一直也沒有機會，網上看到最近新推出了限定20客的黑天丼，就馬上用THEGULU取位置，來到餐廳可以第一時間入座，希望吃到限定的黑天丼。最後我六時多到達，還可以叫到黑天丼，這個期待已久的丼。我點了套餐，有湯、沙律和綠茶冷面。一來到已經覺得很震撼了，那條天婦羅鰻魚長得很，加上那個秘製醬汁，簡直是完美。 除了主角鰻魚外，那個天婦羅蝦也做得相當出色，天婦羅麵衣很輕薄，蝦肉亦爽口彈牙。最後要說說這個比較少見的天婦羅流心蛋，我也很少機會吃到，又要炸又要流心是比較複雜的，蛋黃依然澄半熟狀態，配合醬汁和飯一起吃，完全有幸福感。

午餐食素，晚餐當然食葷。丼丼屋食堂，是美心集團旗下的餐廳。主打， 。 ，是對於蓋澆飯類之日本料理的通稱。跟女朋友一人一個套餐，她的是咖哩牛肉飯，配刺身，咖喱是典型日式風味，偏甜，套餐的刺身下次不必再要。我的是十勝帶廣名物豚丼，醬汁很香，但豚肉質感較韌，如果更肥更好，米飯一般，一碗夠皮。人均消費$120 抵玩指數1/3抵玩指數‵，最低為1，3為最高。所有不用自掏錢包或劣評者， 將不會給予抵玩指數。

今天專程去丼丼屋食佢新推出既限量黑天丼，網上宣傳到好巴閉，每日每店限量供應20份，而星期六日就分兩輪，我地中午去到青衣店只剩下一份，所以下午行完街，就早早去到荃灣店，終於有得食。黑天丼，故名思義，黑色的天婦羅丼，佢用左傳說中三十年秘制的醬汁。是來自日本神奈川箱根人氣店「じねんじょ蕎麦専門店 箱根『九十九』」既天婦羅名物 。店里店外都做左黑天丼的宣傳，顯然一種superstar 的感覺，真的非試不可。引死人咩....未到17:30，我地仲在店外徘徊，店員就十分好態度咁請我地入座先，比左餐牌同水我地，十分客氣。話夠鐘先可以落單，稍等片刻。早早來到的好處系有靚靚舒服的卡位座，日式的裝修令人很舒適同放鬆黑天丼可以單點又可以定食，所謂定食即系配有綠茶冷面，和風沙律，面豉湯，半熟玉子天婦羅。而我地系單點，加15蚊追加半熟玉子天婦羅。靚靚餐牌，好多之前都食過之前最愛的就是這個天婦羅餅丼，高質食材很贊，靚蘆筍，蟹柳，魚，雜菜天婦羅，真的非常好食，都系因為佢，我地今次先咁大期望來試新產品。點左兩份，兩份都是黑天丼好足料！老實講，黑天丼的賣相麻麻，不過如果是實力派，問題就不太大啦。哇！真的好足料！食材都不

尋日(4-2-2018 Sun)同老公落荃灣食晏,行經呢o度就食呢間啦,入到去唔算多人,重有卡位坐,睇完menu,老公決定要$48.00o既迷你什錦刺身丼,加$28.00要唐揚定食.我要$88.00o既炙燒海鮮丼,加$20.00要野菜定食.等o左好耐,兩個餐一齊到,影完相開動.火炙三文魚切得都幾薄,一夾即散,感覺麻麻;飛魚籽正常冇問題;大蝦,原來蝦頭同蝦身早已切開o左,蝦身鮮甜;帆立貝亦都新鮮;不過略嫌燒得唔夠;而個飯好好味,食飯都已經有啲甜味,原本想加wasabi,但wasabi有啲辣,所以冇加,但只加豉油都已經好好食.前菜甜甜地;味噌湯夠熱,內裡有切粒蘿蔔外,竟然重有蜆肉,呢個有啲驚喜.最後至食野菜, 野菜上有炸牛蒡,可惜脆漿多o左啲.野菜新鮮, 佢o地冇落醋,交客人自己加o係枱上o既柚子醋,好好味.今次我同老公都冇交換食,所以唔知佢o個份係點.味道係3.75分上次o黎食原來都已經係14年o既事,o個個食評: https://www.openrice.com/zh/hongkong/review/%E9%83%BD%E5%B9%BE%E5%A5%BD-e2396520

今日係大陸返黎， 塔直通巴係荃灣綠楊坊商場落車。經過丼丼屋，門外有呢個福井蟹丼定食，好吸引呢！平時我都有黎開呢度食刺身飯。仔細睇餐牌其實都幾貴嫁 ， 定食要$198。但係我真係好鍾意食蟹🦀，不如豪一次啦🤭！想再豪d有絕品蟹丼添！黎喇黎喇！蟹膏味好濃，蟹肉好多，鋪滿晒成碗飯，好正咁呀！呢個沙律可以點佢擺係枱面既汁，味係幾好味，但略嫌條炸物有點硬！呢個蟹小鉢都不錯，入面好豐富。麵豉湯都好足料 有蜆肉 白紅蘿蔔嫁。總括黎講係幾好味，但有少少貴。

丼丼屋最近出了魚生丼，但價錢偏貴，而不值。 本人都是喜歡炸豬扒系列，食得飽又炸得脆今次都係叫了炸豬扒，定食升級有碟小刺身，滿足2個諗頭。吉列豬扒定食$78+$30+10%=111豬扒切件超厚大塊，咬落鬆軟有肉汁，芝麻磨好，放上面增加香味和口感，配上酸汁椰菜絲，很開胃又健康。我次次都加椰菜，而且免費加的今次加了小刺身，有2片三文魚，2片北寄貝。尚算新鮮。麵豉湯有蜆肉，味道不錯。小食我都不知是什麼，有點像魔芋絲，紅蘿白粒，沒什麼味道。

我應該不止一次在荃灣食丼丼屋食堂，對上一次是在暑假的時候，環境格局乾淨伶落，食品質素精緻好看的感覺，即使時隔多月我也心跳，最後和你雖如我那所料(埋單)，所以今日重臨故地，算是懷緬當日的味道。丼丼屋定價尚算便宜，我們點了炭燒風味雞肉丼($58)及牛肉烏冬刺身定食($65)，以這種舒適的環境來看，也算是抵食，不過若果以為單點就能填飽你的肚皮(或如我可愛的、可以當枕頭睡了的小肚腩)，未免是異想天開，你想到的，店家早已想到了，而且運用得非常純熟，對方的定價策略就是掌握這種心理。此之所以，聰明如我，還加點了野菜定食($20)：配沙律、是日刺身及面鼓湯及刺身定食($38)：配特盛沙律、副菜及面鼓湯，搖身一變變成一個套餐。一如所料，食品賣相精緻好吃，但更二如所料，份量較細，我非常爽快地吃完整個餐，亦非常爽快地吃完對方的餐，但感覺還是不夠飽肚，整個餐的焦點落在飽與不飽之間，因為精緻所以不夠飽，只怪我生的不是櫻桃小嘴，而是飛擒大咬。吃到最後，意猶未盡，於是再忍不住問問侍應可否添飯，對方答曰無此服務。按理來說，加飯的成本不是太多，如能滿足客戶，帶來的可能多一次的光顧，可能他們想的應是怕失卻了後續消費，但如

星期六冇嘢做，同個朋友去行綠楊坊，咁岩經過呢間餐廳，我哋都從來未食過，當然入去試吓啦！入到去見到環境好舒適，人流不多，我哋睇咗menu一陣，決定叫滑蛋吉列豬扒飯等左大約10分鐘，個飯終於到啦！先看看佢哋嘅吉列豬扒，果然外脆內軟，咬一啖仲有肉汁， 10分軟滑！而滑蛋亦的確不錯，蛋味濃郁，cheung滑蛋同飯撈一撈， 10分入味，而且入口眩惑，配上啱啱炸起的吉列豬扒10分match下次會再來試其他的菜式！