丼吉日式吉列豬排專門店 (國際金融中心商場)

營業中

休息中

除左夜晚等位有啲耐，排左差唔多成半個鐘多啲，入到去環境都算乾淨，本身唔想食飯，不過店員就話叫定食會抵啲，我叫左2個定食走飯，額外加左2粒肉同帶子，佢啲豬肉都幾多汁同口感，佢3個汁分別柚子醬，豬扒醬同紫菜醬，都非常好食，個人比較喜歡柚子醬，佢個大蝦都幾長，食落去好乾淨，佢嘅配菜椰菜絲食落好重清甜味，可以用清新黎形容，之後個麵豉湯唔似出面果種味噌重嘅感覺，唔太咸，似真係人手煲果種，同埋顏色係深啡色，唔係淺啡果種，有日本家鄉feel，啲泡菜同綠豆都好好食，啲豆仲有天然咸咸地，最後食哂成餐飯仲會幫你換杯新嘅玄米茶，同埋送西瓜杯你食，最後2個人埋單千𡃁蚊，仲有套票買，今次扣左800蚊，值得去食。

坐位舒適丶食物有水準丶如果可以平啲更好😊😊😊丶「以我所知不同區的價錢有分別丶不過始終IFC每次去都保持水準丶加上服務態度良好丶坐的位置尚算寬躺丶所以大家常試吓丶首推中環店😎

炸鹿兒島豬扒、生蠔、海老有驚喜！所有炸物粉薄，炸豬扒鬆軟而且真有豬味，生蠔外脆內暖，唔會over cook，海老大大條但係都做到保留蝦本身嘅汁水，唔會乾柴柴。配支「梵」，少少花香、甜甜地去油膩，性價比高，簡簡單單又一餐。服務幾好，主動問洗唔洗加菜、加茶，唔洗三催四請。

講真，香港為數不多可以添飯，又可以添菜嘅餐廳，我認為佢唔差於其他嘅日本美食餐廳，啲服務員態度又好好，啲炸物外脆內軟，又大嚿喎，一入到餐廳，整體嘅儀式感已經比到，我哋唔錯嘅感覺。

同屋企人試咗呢間位於中環ifc商場嘅日本過江龍吉列豬扒，因為買嘢換咗美食coupon諗住試下好無食。我叫咗一個滑蛋豬扒飯定食🩷🩷🩷 佢個醬汁配搭個蛋到啱啱好，加埋啲炒香咗嘅洋蔥。但係竟然佢個主角豬扒真係好失色，佢個豬扒皮軟到一夾就散開塊皮，而且個豬扒唔知係咪整定，肉質好硬好似乾柴烈火咁樣。。好失望。因為之前有食過一次。真係好好食，所以難得今次有coupon先再過嚟試吓晚餐，因為佢都算貴，一個咁樣嘅定食加埋一差唔多都要$300，但呢個質素真係令人失望，係個醬汁同埋蛋嗰度加咗分。我屋企人叫咗一個吉列深海炸蝦伴北海道帶子定食🩷🩷🩷🩷 呢個我覺得相當有驚喜，估唔到嗰個蝦唔會炸到太多粉，而且個帶子真係好夠大粒👍🏻👍🏻起碼食得出係新鮮即炸👍🏻佢個沙律醬汁真係酸酸甜甜好夠開胃，不過美中不足係呢個定食加埋一要四百幾蚊，性價比就冇咁高。我老公叫咗日本特選厚切吉列豚肉定食，🩷🩷🩷🩷佢呢個豬扒就好食好多，脆得來肉質有少少Juicy，不過唔知係咪有少少炸過龍，佢頭尾嗰兩件就有少少硬啲肉，但係整體嚟講都OK嘅，不過佢呢個都要四百蚊左右總括嚟講我覺得後面嗰兩個定食可以值得一試，不過滑蛋豬扒丼飯就麻麻哋，可以唔使試

二人餐的刺身蝦感覺雪了很久很久超冰的， 其他兩款刺身也普通。炸物也比以前其他分店食的差明明叫了二人餐， 包甜品， 侍應收完枱卻只送了西瓜杯和茶， 我說還有甜品未上， 侍應就收走了西瓜， 換上綠茶雪糕， 而我走後才留意到佢無收走杯玄米茶都收左我$20⋯而這不是我叫的， 為何因為侍應們做錯我要bear呢個cost? 大家下次去這餐廳要小心查單， 不要沒有對清楚單，無辜俾人收多錢！食物完全唔值食$933⋯環境亦十分擠逼！下次其他餐廳無位都唔會再去！

去完離島之後嚟到附近食嘢，隨意嚟咗呢一間吉列炸豬扒，朋友話好好食，所以就過嚟一支啦，叫咗一個二人嘅套餐，佢包咗兩碗飯，然後仲包咗幾款唔同部位嘅炸物，另外仲會跟返麵豉湯，炸物嘅味道係出色嘅，但係佢好多位置都係有好多肥膏，味道上面就會好膩嘅感覺啦呢一啲炸物嘅舖頭經常都會有一啲椰菜絲會伴碟既，而佢伴碟嘅椰菜絲，係可以食，亦都可以唔夠嘅時候加添嘅，目的應該係為咗解決味道太膩，而佢側邊就有三款嘅醬料，用嚟配襯呢一個椰菜絲，當中有個柚子醋係幾好食嘅。最後佢仲會有一個生果俾我哋食咗為一個甜品，都幾甜幾好食嘅

全港最愛的吉列炸豬扒，非「丼吉日式吉列豬排專門店」莫屬！幾年前我便愛上了這裡的美味，至今仍定期光顧這次首次光顧IFC分店，嘗試了「極上套餐」真是物超所值！套餐包含前菜、刺身，還有我最愛的吉列豬扒每一口都令人驚艷，豬扒外脆內嫩，肉質鮮美，搭配特製醬汁更是絕配此外，店內服務細心體貼，讓用餐體驗更加愉快無論是朋友聚餐還是獨自享受，丼吉都是不容錯過的選擇！👍

月頭出糧，梗係放縱自己幾日食豪d😎😎.香港炸野好食既唔多,但呢間日式炸物令我對炸野改觀!炸物炸得乾身同埋超級金黃色,唔會話表面有層油鋪住之餘食落都唔厚炸粉☺️<炸蝦🍤>:質感爽甜，食得出係蝦既鮮味😱 .<炸蠔>:肥美鮮甜夠曬大粒,岩哂我呢d大胃王🌝 .<炸豬扒>:豬扒肥瘦部分平均,食落唔鞋口同埋口感鬆軟😍另外, 餐廳會親自幫你添加食炸物必備既生椰菜絲👻 食得出佢個椰菜絲係加左少少檸檬汁調味,令口感無咁寡之餘仲可以消濟👏🏻🙈食完個定食之後餐廳仲送上西瓜做飯後果, 怕食炸野熱氣既人可以唔洗擔心😂😂

一直都有食開呢間炸豬扒店，已幫襯多年，各方面都唔錯，但今日幫襯完IFC呢間真係扣晒分！之前都幫襯過幾次，明顯炸豬扒比起其他分店都冇咁好食，都唔梗要，但服務員態度真係差到令人難以接受，食完真係一肚氣服務員說話語氣極度厭惡，完全唔想做。食物質素及服務態度比起其他分店相差太遠，寧願幫襯其他分店，但決不再光顧IFC分店，貼錢買難受！完全唔理解呢個價位嘅餐廳，其實係咪已經唔包服務質素，定係已經大部分人都唔期望有服務，所以愈做愈衰

今日經過IFC見到Lee 間餐廳好多人排隊，所以就去試下，真係排咗好耐先入到去，估唔到佢嘅價錢又唔算貴（係IFC黎講，喺其他地方就算貴啦），選擇都唔少！！落單嘅時候職員介紹咗1號餐，因為有豬扒，蝦，蠔，有肉亦都有海鮮，咁我就叫左個1號餐同加左個日式豬肉湯。佢個豬扒食落幾Juice，唔似出邊啲豬扒會好乾身，而且佢白飯同菜係可以免費添加，佢個豬肉湯都好好飲，唔似出面果啲好假，好重味精嘅味。但係有樣嘢好奇怪，日本餐要收茶錢，呢個係咩玩法？而且茶錢都仲要收埋+1服務費，仲要冇得比我選擇要唔要個茶！😡

除左環境好之外，其他方面根本同食普通茶記差唔多，毫無性價比可言。首先，叫左個二人餐，豬扒係一早整好，似係中午賣剩，食落唔夠新鮮，肉地好硬，只不過用燈黎保持熱度。其次，配料完全唔掂，芝麻冇味、飯太黏，好似壽司咁。而且，沙律菜係完全乾既，飲完既茶令人喉嚨極乾。比左五百幾蚊可以食其他更加好既野食，大家諗下有冇需要去幫襯。

入去亞博館之前喺IFC食個晚餐，之後方便直接坐機場快綫入亞洲博覽館。四個人18:00😍同行有人唔食吉列嘢，叫咗一個迷你刺身另外加白飯麵豉湯同漬物賣相唔錯嘅，係細分咗少少。另外嗌咗一個三人份嘅吉列套餐裏面有豬柳豬扒三件吉列炸蝦同埋三件吉列炸蠔。當中白飯同埋椰菜無限添加，服務員都好勤力每次傾過嘅時候都睇吓我哋有冇需要加菜。另外upgrade咗每位$38嘅豚肉湯。餐後每人送一杯西瓜，清甜可口。埋單$1310，人均消費$327.5。

😚中午放lunch差唔多每次都嚟食咁滯，一至星期五佢哋都有出lunch set，個價錢比普通餐單又平抵食😋，最特別嘅係佢有好多唔同組合，份量一定夠飽，就算唔夠仲可以免費加飯加椰菜😍，佢哋嘅豬扒係一定要去試嘅，雖然係炸物，但係食多都唔會膩，因為佢有配椰菜，中和咗炸物嘅油膩🤩！食咗咁多次lunch set，我最鍾意嘅就係佢嘅5號6號餐，又有刺身又有炸物又有椰菜，每次食我都非常享受😆，刺身都好新鮮！ 服務員非常專業同友好，每次見到第一次嚟嘅客人有好多唔明嘅地方，佢哋都會一樣一樣同客人解答，譬如最多嘅係唔知道嗰三個醬汁係點樣去用？！服務員到非常有耐心嘅去招呼！服務友好周到，用餐環境舒適，所以每次唔知食咩我都會依然選擇呢間😂 一定唔會失望！ 所以我強烈推薦大家一定要去試吓食😋✌🏼！

啱啱去咗一間戇直嘅食堂嗌咗啲好食到喊嘅豬扒定食，一啖啖厚肉，每咬一口都滿足到爆炸😍！吉列豬扒外脆內嫩，啲皮炸得金黃酥脆，簡直係對耳邊作樂，肉汁鮮美得嚟唔油膩，嗌埋碗熱辣辣嘅麵豉湯，真係食得出心機同埋溫暖呀！跟住試咗個大蝦，炸得啱啱好，唔會過於乾身。輕輕一咬，海鮮鮮味就喺喉嚨裡面打轉，彈牙得黎全身都話好👍。嗱，仲有個吉列蠔，肥美彈牙，每一啖都嚼得出海邊嘅味道。不過，豬柳就普普通通，乾嘅滋味明顯啲，但總體黎講，每啖都係咁令人滿足。飯後點咗個水果杯，甜甜酸酸，完美收尾。職員嘅服務都有模有樣，令呢頓晚餐加分唔少。總之，呢度嘅餸唔需要花巧嘅說明，因為實在太好味啦，會再黎㗎🎉！