丼吉日式吉列豬排專門店 (世貿中心)

營業中

休息中

夜晚九點幾想食香口嘢，於是揀咗吉列豬扒食。幾年冇食丼吉，水準依然非常高。 我哋三個人嗌咗一個吉列上級豬扒豬柳大蝦定食套餐，再加一個一人上級豬扒定食套餐，份量非常足夠，比想像中多。吉列外皮炸得非常鬆脆香口，小朋友食到停唔到口。豬柳豬扒都非常之厚身，出奇地一啲都唔乾，仲非常Juicy又有好濃嘅豬肉味，用料非常新鮮。加埋專用嘅酸甜醬汁，一啲都唔肥膩。吉列蝦亦都好新鮮彈牙。 中間放咗套餐跟嘅生菜，加埋柚子醋，非常好送飯，白飯都以任添，職員都不時主動走過來幫我哋加菜，服務超讚。餐廳座位非常寬敞，亦冇限時間，下次可以同朋友一齊嚟食飯傾偈。

與舊同學聚會，同學仔介紹這間店，咁啱大家都好耐冇去過，就去吧！認識這店都係吉列豬頂瓜瓜的⋯當然點吉列豚肉啦！3個人，2客鹿兒島特等厚切之豚少不了，另1個雙拼加蝦。前菜叫了1客5款sashimi（蝦頭之後再炸脆好正 ），追加三文魚，同學仔讚好。豚肉方面，各人都讚炸得好脆，肉質鮮嫩，配鹽、燒汁、檸檬汁不同口味！！！大家都認為keep得住以前的水準，沒有白來。最後有生果作為ending👏👏 聚會吹水之餘，又可以享受美食，愉快的一個晚上。座位方面，安排坐在中間的半圓型卡坐，非常寬敞及privacy。服務方面，有位年長的男店員/經理有禮貌，主動加水，值得加許。

今日放工往銅鑼灣丼吉炸朱扒專門店食晚餐,我點了滑蛋吉列朱扒飯和凍咖啡,滑蛋吉列朱扒飯包前菜,椰菜和味噌湯,前菜食落酸甜,味道開胃,椰菜新鮮爽口,車厘茄食落開胃,味噌湯温度適中,蜆肉味道鮮甜,主角滑蛋吉列朱扒飯朱扒炸得金黄,食落香脆啖啖肉,食落朱扒有肉味,有油花,口感滿足,滑蛋香滑有蛋香,拌飯一流,飯粒食落軟綿,配上紫菜絲口感提昇,整份滑蛋吉列朱扒飯食落美味,口感豐富,凍咖啡味道香濃,飯落香滑,最後有水果西瓜和玄米茶作結,西瓜味道香甜,玄米茶茶味香濃,餐廳座位闊落,食物美味,椰菜可以免費添加,食了一頓美味日式滑蛋朱扒晚餐

📍Tonkichi走高級日本餐廳路線，銅鑼灣分店嘅裝修比其他分店，顯得更為高級。入到去地方十分闊落，估唔到六點幾嘅時間，都已經有唔少人用餐。落咗單之後，店員會每人送一碗炒左嘅白芝麻，由自己磨碎白芝麻，按個人喜好再加上桌上三款特製醬汁。定食仲包左漬物、麵豉湯、水果，仲有無限追加嘅白飯同椰菜絲。吉列深海大蝦豬扒定食 $338炸到金黃色的吉列豬扒外脆肉嫩，豬扒咬落絕不乾柴，吉列外衣唔會皮肉分離，食得出係即叫即炸。大蝦有3大隻，蝦肉肉質厚實彈牙，非常爽口。沾少少沙律醬調味，可以豐富到個味道。即使唔點醬汁，單純咁食都食到蝦嘅鮮甜。整體用餐感覺良好，地方乾淨，職員都非常友善。餐前送上焙茶，餐後送上玄米茶。同時，亦都會解釋有助餐後消化解膩。整體會令人想再訪👍🏻

記得第一次幫襯是在90年代，由日本朋友介紹的，一直幫襯到現在，見證著不同年代，從得人認識、開分店、直到現在本地香港人已經少在香港消費的年代了！阿仔從外地回港很想再吃炸豬扒，雖然網上見到一些負評，但抱着平常心再去幫襯。因為是公眾假期的關係，優休閑閑，到達的時候已經是接近1:30 ，但店員仍然很有禮貌地招待，並沒有趕客的感覺。豬扒仍然是鮮嫩多汁，炸大蝦也是像以往一樣的鬆脆肉質甜美，白飯也添加了幾次，珍珠米軟熟有𡁻口，恰到好處！我們很寫意地享用了一餐美味的豬扒餐，要讚，服務很好啊！我會繼續支持！

對上一次食當吉，經已遠到以年計的事！某日剛巧人在銅鑼灣，正好重拾昔日回憶。甫進餐廳，即時看到一大幅海底的流動屏幕，卡通魚游來游去，蠻有意思！吃吉豬前蘑芝麻是常識吧。枱面上擺放有西柚汁、豬扒汁以及紫菜汁，喜歡怎樣組合都可以，甚為齊全。單點的炸物先到，有豬扒、大蝦、生蠔和帶子，跟他他醬。海鮮鮮嫩爽口不在話下，其中的帶子尤其突出，又大又厚，深得我心。豬扒當然不可不提，炸得鬆化的外皮裡面的肉竟還是細嫩多汁的，出神入化！一客定食有刺身飯、沙律、味噌湯、漬物和吉列豬柳。沙律除了菜之外，特別之處就是有銀魚仔，與別不同！味噌湯有豆腐有蜆，跟味噌相當合拍。刺身塊塊厚身，以紫菜或紫蘇葉夾著漬物包著一起送進嘴裡，完美的自製壽司！豬柳的肉亦很鬆軟，完全滿足到本吉列控！從來當吉的飯後果都是西瓜，今次也沒有例外。西瓜不會非常的凍，入口清甜。加上飲品荔枝梳打，汽水裡散發出淡淡的荔枝香，就是所謂的「完美的句號」！多年後再食當吉，水準依舊，還好像進步不少！

韓國朋友久唔久就想食韓式炸豬扒돈까스 .我話不如今晚去世貿中心13樓Tonkichiとん吉食炸豬柳. 一定唔會失望. 移民潮，北上消費，經濟不景氣，連帶銅鑼灣都蕭條咗好多，話晒我嘅讀書時代係呢區，特別有感情，而家真係好唏噓.以前唔book 位都要排好耐隊，甚至成晚都冇位，要擇日再嚟. 今晚7:00零鐘到餐廳，男經理笑容可鞠咁叫同事安排座位. 目測入座率都有8成. 埋單時都應該接受滿座.食物方面：依舊保持水準.服務方面：本來的座位對住冷氣風口，坐一陣間已經發覺頂唔順，一名女職員見我坐位不安，主動問我有乜嘢需要幫忙，佢了解後，幫我去嘗試調節風速，但後來發覺仍然好大風，於是佢幫我轉去另一張檯，問題得以改善.另一位女職員亦好殷勤招待我哋，主動斟茶，加椰菜絲，詢問有冇其他需要.今次係我第一次寫食評，我有個習慣，想為曾經為自己用心提供服務嘅人加許稱贊一下，將心比心，因為任何人都鍾意被稱贊嘛.於是問咗2位女職員嘅稱呼，一位係Ann 小姐，另一位係亞芳小姐，仲有男經理. 多謝你哋今晚嘅熱情招待，令我同韓國朋友今晚都有一個愉快嘅用餐體驗，因為而家好多食肆嘅服務水平好低，毫無服務可言，有時真係食到一肚氣

▫️吉列車海老定食🦐定食有飯、麵豉湯、醃菜同椰菜絲沙律。椰菜絲沙律可以無限refill，按自己喜好配上西柚沙律醋或日式紫菜汁，啲菜都好新鮮食落好fresh，可以開胃解膩又清下熱🥗兩大隻車海老炸到金黃，外皮好鬆脆但一啲都唔覺得油膩，蝦肉夠肉質厚實彈牙，沾少少沙律醬調味更加好食👍🏻 ▫️鹿兒島特等厚切豚肉定食🐷厚切豚肉肉質軟腍帶油香，肉味幾香，脂肪分佈均勻，食落有啲化開嘅感覺。外皮厚薄啱啱好，炸得好鬆脆。可以按自己喜好將白芝麻磨碎，再加上秘製豬扒醬汁同芥末一齊食，散發著好香嘅芝麻味，香口又惹味🫙

首先講吓塊鹿兒島厚切豬扒（$348）啦，豬扒非常之好食，肉汁飽滿肉質嫩滑，炸粉啱啱好，望落好多，不過一咬落去先發覺原來炸粉只係薄薄一層，塊豬扒真係好大份，食嘅話要有心理準備，食落雖然有少少肥肉同埋根，不過咁先係豬扒，無謂批評。椰菜同飯係無限量供應㗎，一於淋少少柚子醬落椰菜度啦，臨尾甜品得嗰幾夠西瓜，令我大跌眼鏡。不過呢間餐廳我最唔滿意嘅就係服務態度，大佬你係食家蔡瀾指定介紹嘅 CWB 總店嚟㗎！由上咗碗芝麻開始嗰兩個侍應（尤其係著和服載手套嗰個）就一直用命運式嘅語氣叫我磨碎 d 芝麻，等 d 豬扒可以沾上去，跟住仲叫我點樣食嗰件豬扒，我心諗使唔使連呢 d 都要你教。我每一次望到佢都發現佢係黑口黑面咁款，我心諗你咁唔鍾意做咪唔好做啦。態度簡直令人髮指！

一坐下，服務員就會送上熱茶和擂碗，親自磨製芝麻再加入豬扒汁。⭐️店內特色吉列定食（二人份）$538（含豬扒、豬柳、帶子）定食包含了醃菜、味噌湯和白飯，另外還提供了他他醬、海鹽和芥末。味噌湯不錯，有蜆肉、豆腐和海帶。炸物，每一樣都炸得香脆可口，炸粉不算好硬，薄而且不油膩。我覺得豬柳比豬扒更好吃，豬柳肉質厚而鬆軟，且肉汁豐富。另外，菜絲和白飯是自助形式，菜絲可選擇與柚子醋或紫菜醬一起享用。在銅鑼灣，一頓品質相當不錯的晚餐，2人大約六百元是相當合理的價格。

無端端想食吉列嘢，就去左依間餐廳叫左上級吉列豬扒・豬柳・北海道帶子定食二人餐。豬扒和豬柳炸得香脆，肉質鮮嫩多汁，帶子就炸得一般，因為入面多汁到令到外皮濕左，或者係因為我食得遲所致。基本上炸粉不會太厚又不會太薄，每一口都能品嚐到食材的原汁原味和外層的酥脆口感。餐配上麵豉湯白飯和椰菜絲，白飯和椰菜絲都可以免費添加。可能因為價錢比普遍日本餐廳貴少少，服務都比其他好少少，環境都不錯。整體而言，這是值得推薦給喜愛食正宗吉列豬扒的朋友。

真係差咗好多，世貿呢間裝修完第一次去，其實佢裝修期間，都會去 IFC同The One食，都有覺得冇咁出色，一心嚟返世貿食諗住會有返d水準，點知… 係失望😑 一直帶子係必食，除左真係堅勁大粒，佢吉列外層係啱啱好黐住成粒帶子，每一啖咬落去都好滿足，但今次，隻帶子好細，一蚊左右大🤷🏻‍♀️🤷🏻‍♀️🤷🏻‍♀️ 而且一咬落去，塊皮係甩出嚟。至於招牌吉列豬扒，就唔知係巧合定係質素真係下降，有肥豬肉同根，每一件都唔能夠完整食晒，以前… 用餐完畢，枱面係乾乾淨淨，今次有帶子嗰塊吉列皮，亦都有剩餘嘅🤞🏻豬扒🤞🏻最後，當然服務亦大不如前啦😮‍💨 部份侍應嘅廣東話係聽唔明的。加菜亦無問要唔要，而且仲直接一野放係吉列食物上 （盤上面仲有吉列蝦 吉列蠔 吉列豬柳呀😓）以前侍應係會好細心夾一小堆放喺中間，一餐飯會添幾次，今次，俾佢一野大堆頭K.O.咗，史無前例冇再加多，相信張會員卡都應該可以成為歷史。

炸豬排飯現炸的炸物豬排切好後被端了出來表面那層酥脆的金黃外衣彷彿能聽到咬下去時"咔滋咔滋"的聲音真真是外脆里嫩，肉炸得很透，火候控制配上秘製豬排醬和手磨碾碎的芝麻各種獨特而又融洽的香氣交雜在一起入嘴吃的我是如痴如醉而旦搭配的包菜絲，清爽的中和了炸物的油膩可以說是1:1完美復刻了日漫中標配的炸豬排飯

銅鑼灣吉列豬名店 丼吉朋友超愛吃吉列豬，仲話鍾意的程度係已經加入餐廳做會員，原來佢講緊吉列豬扒中的名店丼吉，早在多年前好受歡迎，當時人龍也是非常壯觀，估唔到咁多年質素依然保持到，今次在工作天的午市時段，入座率超過九成，我特別喜歡和風卡座，位置更寬敞今次點了午市套餐同樣無限添加椰菜及白飯，選擇非常豐富，唔單止吉列豬扒和烤物，刺身和壽司拼盤款式多，最正係可以無限添加新鮮爽脆椰菜，用上日本椰菜真的口感更口，同炸物超夾！吉列上級豬扒定食定食已包括白飯、味噌湯、漬物、椰菜絲即叫即炸的吉列豬扒外皮酥脆，內裡肉質嫩滑，麵包糠超香口感不錯，當然不可以不提超好味的豬扒醬mix手磨芝麻，另外椰菜絲可以配上清新的柚子醋平衡一下，好開胃另外一款定食就配上炸蝦和豬吉列柳，用上靚海虎蝦非常厚身，今日豬柳油脂很豐富，肉質富彈性不錯，而且可以一次過食到幾款，啱哂選擇困難症—————————————————丼吉日式吉列豬排專門店 (世貿中心) (銅鑼灣)銅鑼灣告士打道280號世界貿易中心13樓1302號舖—————————————————#hkfood #hkfoods #hkfoodstagram #hkfoodsh

自從去日本食咗好好的食嘅吉列豬扒，返到香港一直想搵一間最好食嘅吉列豬扒🥹聽講Tonkichi 係香港吉列豬扒嘅天花板，試過後果然名副其實，冇令我失望🥹🥹。銅鑼灣世貿中心店由1995年開業由今，環境舒適，座位寬敞，餐廳以炸物為主，但一啲油煙味都無，服務都係一流🥹。我地叫左個上級吉列豬扒、豬柳、北海道帶子定食（二人前 $538），另外加點一個吉列大蝦深海大蝦（🍤$75） 吉列豬扒炸列金黃色，外脆內嫩🐷Tonkichi採用九州農場嘅上級豚肉，豚肉肉質鬆化富有彈性，肉味非常香濃，脂肪比較均勻，入口有陣油脂香，好juicy🤤吉列豬柳相對少油脂，肉質較豬扒軟腍柔軟🤤其中一知重點係餐廳提供芝麻供客人磨，再淋上豬扒汁，香氣逼人吉列北海道帶子雖然外皮炸得黃金鬆脆，但北海道帶子純淨甘甜嘅味道未被遮蓋，肉質極為新鮮嫩滑，大蝦則新鮮彈牙爽口，肉味極濃🥹店員提醒我地海鮮再趁熱食😛而餐廳亦提供他他醬、芥辣醬、海鹽，客人可以因應自己口味調味☺️椰菜切成細絲，好易入口，味道清甜爽脆，配上秘製紫菜芝麻汁/柚子汁，個人經常鍾意紫菜芝麻汁，好特別，酸酸甜甜帶有香濃紫菜香同麻油香， 入口好清新，完全口和咗炸物嘅油膩感🤤後來得