影片
開飯介紹
刺身、壽司、燒物、串燒等都有供應，選擇多樣，價錢合理。
繼續閱讀
營業時間
星期一至日
全日休息
公眾假期
全日休息
公眾假期前夕
全日休息
以上資料只供參考, 請與餐廳確認詳情
日本餐廳播中文舊歌食住日式嘢 播住森巴舞😂我真心覺得ho weird🌚問個侍應日式粥有啲乜 答我有啲粥咁lo 咩料？！然後個日式粥有芫荽？？？不過啲嘢唔難食唧(雖然亦都唔特別好食）係怪咗啲lo 個人認為可一不可再
繼續閱讀
元朗抵食燒牛肉丼飯&芝士玉子燒🥸上個星期去咗元朗搵朋友食飯，去咗呢間壽司店，因為太肚餓，見唔使等位所以入佐去雖然間鋪唔大，但都有好多野可以食魚生，壽司，丼飯……通通都有我哋叫做一個燒牛肉丼（HKD74)&自選魚生飯（唔記得幾錢）仲有壽司，全部有前菜同包一個紙包飲品.燒牛肉丼飯真係好大份，牛肉份量都多，而且好入味，呢個超抵食🤓自選魚生係叫佐甜蝦，帶子，八爪魚鰻魚，玉子燒，全部得一個計，感覺個份量少佐d，而且唔算太新鮮，反而個玉子燒係最好食🧐我覺得呢個自選魚生丼飯好一般壽司叫北寄貝，鰻魚，八爪魚，芝士玉子燒全部有兩客，都係因為魚生都係唔太新鮮所以感覺還好，總體係個牛肉丼同芝士玉子燒最好食，呢個值得試😎
繼續閱讀
今日終於去左試丼家和食午市有8折五重爆丼 188 連6蚊野飲 加一 折後 169即叫即整 請耐心等待刺身份量合理 飯可以多少少就好無雪味 腥味海膽 拖羅蓉 三文魚子 撈埋一齊口感一流
繼續閱讀
自從轉手後啲人話冇之前咁好食，已經好耐冇幫襯過，咁啱見到openrice有得book,決定親身試一次！服務比以前好咗，睇得出一班後生仔有心做。只係冷氣唔夠，鋪頭細但趟門又開又關，食完發覺自己出晒汗。最後聽到隔離檯有個姨姨問好似冇開冷氣，女侍應先講原來落場關咗唔記得開返..全部套餐做緊七折，但話要自己餐牌加十蚊計（因為改唔切餐牌），感覺上係抵既，選擇都多。叫咗刺身炸雞便當，吉列豬扒烏冬同三文魚炸蝦卷，三文魚厚切味道新鮮，烏冬亦彈牙，啲飯就爭啲，感覺唔係日本珍珠米。炸蝦卷飯都一樣，太熱太林。總括嚟講，值得再食比機會。正常價錢質素合格。人唔多唔需要等位都係重點。
繼續閱讀
放假周圍行，經過一間貼滿餐牌的日本餐，覺得好得意，又肚餓，就入咗去試吓呢間野，嗌咗一個鰻魚便當嚟食，鰻魚真係好大塊，厚身，冇骨，林左啲鰻魚汁嚟都好正。仲有炸雞件，啲肉好滑。仲有刺身，係厚切嘅，好新鮮，一間小店買一個咁有質素嘅便當仲要係$98 ，仲有七折，咁嘅價錢咁嘅質素都算唔錯㗎啦。啲服務員唔似啲阿姐粗粗魯魯咁，有好好的語氣嘅推介各樣嘢食，問佢拎茶都即刻拎比我，比個like你哋 下次去元朗再試埋其他嘢食
繼續閱讀