丼家和食 (已結業)

日本餐廳播中文舊歌食住日式嘢 播住森巴舞😂我真心覺得ho weird🌚問個侍應日式粥有啲乜 答我有啲粥咁lo 咩料？！然後個日式粥有芫荽？？？不過啲嘢唔難食唧(雖然亦都唔特別好食）係怪咗啲lo 個人認為可一不可再

元朗抵食燒牛肉丼飯&芝士玉子燒🥸上個星期去咗元朗搵朋友食飯，去咗呢間壽司店，因為太肚餓，見唔使等位所以入佐去雖然間鋪唔大，但都有好多野可以食魚生，壽司，丼飯……通通都有我哋叫做一個燒牛肉丼（HKD74)&自選魚生飯（唔記得幾錢）仲有壽司，全部有前菜同包一個紙包飲品.燒牛肉丼飯真係好大份，牛肉份量都多，而且好入味，呢個超抵食🤓自選魚生係叫佐甜蝦，帶子，八爪魚鰻魚，玉子燒，全部得一個計，感覺個份量少佐d，而且唔算太新鮮，反而個玉子燒係最好食🧐我覺得呢個自選魚生丼飯好一般壽司叫北寄貝，鰻魚，八爪魚，芝士玉子燒全部有兩客，都係因為魚生都係唔太新鮮所以感覺還好，總體係個牛肉丼同芝士玉子燒最好食，呢個值得試😎

今日終於去左試丼家和食午市有8折五重爆丼 188 連6蚊野飲 加一 折後 169即叫即整 請耐心等待刺身份量合理 飯可以多少少就好無雪味 腥味海膽 拖羅蓉 三文魚子 撈埋一齊口感一流

自從轉手後啲人話冇之前咁好食，已經好耐冇幫襯過，咁啱見到openrice有得book,決定親身試一次！服務比以前好咗，睇得出一班後生仔有心做。只係冷氣唔夠，鋪頭細但趟門又開又關，食完發覺自己出晒汗。最後聽到隔離檯有個姨姨問好似冇開冷氣，女侍應先講原來落場關咗唔記得開返..全部套餐做緊七折，但話要自己餐牌加十蚊計（因為改唔切餐牌），感覺上係抵既，選擇都多。叫咗刺身炸雞便當，吉列豬扒烏冬同三文魚炸蝦卷，三文魚厚切味道新鮮，烏冬亦彈牙，啲飯就爭啲，感覺唔係日本珍珠米。炸蝦卷飯都一樣，太熱太林。總括嚟講，值得再食比機會。正常價錢質素合格。人唔多唔需要等位都係重點。

放假周圍行，經過一間貼滿餐牌的日本餐，覺得好得意，又肚餓，就入咗去試吓呢間野，嗌咗一個鰻魚便當嚟食，鰻魚真係好大塊，厚身，冇骨，林左啲鰻魚汁嚟都好正。仲有炸雞件，啲肉好滑。仲有刺身，係厚切嘅，好新鮮，一間小店買一個咁有質素嘅便當仲要係$98 ，仲有七折，咁嘅價錢咁嘅質素都算唔錯㗎啦。啲服務員唔似啲阿姐粗粗魯魯咁，有好好的語氣嘅推介各樣嘢食，問佢拎茶都即刻拎比我，比個like你哋 下次去元朗再試埋其他嘢食

晏晝去食 見無乜人 食完就知原因魚生飯 D魚生就算啦…無樣掂  你當係爭鮮質素 同埋連最基本既飯都唔掂 太乾啦豬扒拉麵 塊豬扒D粉厚過乜咁 D肉又鞋烚烚 係D麵叫做正常少少 有少少咬口

叫左2碗魚生飯，價錢分別係$118及$138，但係質素同價錢真心唔成正比，魚生份量恰當，但魚生質素好一般，醋飯更加麻麻地，煮到好爛，而且雪到好硬咁，比多少少錢食旺角大勝丼仲好😬北海道三文魚海膽丼⭐️⭐️👉🏻海膽一睇就知唔新鮮，食落淨係聞到臭味👉🏻三文魚、油甘魚還好，厚薄度適中，但都係唔新鮮👉🏻帆立貝有鮮甜味，還好三文魚炙燒丼⭐️⭐️👉🏻燒過嘅魚生比較好食，份量都好足話說like佢哋fb同埋留comment就送一件大拖羅，不過都知道質素唔會係入口即溶個種級數，件大拖羅嘅油脂好少，食落都幾多根整體服務都不錯，但完全冇水提供，如果要水就比錢買，落單時叫左一支水，但最後漏咗比，要提先比🤔講緊個陣其實唔係好多枱客，btw仲要比10%服務費。總結：試過一次就算了

海膽中左輻射 勁少份量又樣衰 北寄貝刀功一流 薄似字 魚生一般 蟹子壽司同爭鮮差唔多 最離譜茶竇無杯 要問先有 仲要收加一 唔好試伏🤮🤮🤮🤮🤮🤮🤮🤮🤮🤮🤮🤮

今晚想食日本野，我地行完元朗廣場所以去下教育路呢邊諗住睇下有咩好野，經過呢間丼家和食，以前食過1次下午lunch，個下食過鲭魚定食是可以的，今次試下食刺身先兩個刺身丼價錢都可以，但味道同份量都一般。刺身質量亦薄左少少。 味道雖然冇問題，但刺身唔算太鲜味，食落差左少少。以一間以丼飯作招牌的店舖來講差左D，另外叫左件帆立貝壽司，帆立貝可以。環境就幾好坐，服務都唔錯。總括黎講，味道真係要改善下，尤其刺身丼。

火焰芝士三文魚壽司🍣《必叫真心推介》$11起初就係比呢個火焰芝士三文魚壽司吸引而去🤤望落去色澤鮮嫩肉質均勻..食落入口即溶真係..真係..好好食😋三文魚油脂超級肥美🤤溫泉蛋燒雞扒丼$64《第二推介》流心溫泉蛋再配合滑嫩雞扒😍wo真係精精神神冇得輸🙀雞扒煎得皮脆肉質嫰滑而結實.識落雞肉鮮嫩可口冇雪味...呢個下次我都會必叫嘅餐🙀芝士年糕$28要食呢個嘢真係好難搵..仲要炸得啱啱好真係好考技巧..食落皮脆一定唔使講..仲要炸到流心而彈牙..感覺上好考功夫..之前食有一間炸到林晒完全唔知食緊啲咩..依間反而覺得掌控啱啱好..不過食嘅時候要小心被內裡得濃濃芝士香的內涵燙傷嘴巴👄雜錦天婦羅🍤$62金黃色炸粉薄薄一塵..又唔油膩..食物爽脆有鮮味正常水準🥰總括：完全唔覺得呢間餐廳有openRice上面寫得咁差..食物質素平價又高質..不過可惜老闆服務態度差啲..有啲串...

📍丼家和食💛黃店日本餐廳 上網好多話差又唔覺喎 抵食新鮮又好味😋—————————————午市- 三文魚新子丼 $58 仲有埋沙律同麵豉湯 😚 三文魚好肥美 有5大片 三文魚籽新鮮👍 飯嘅壽司醋味道啱啱好 配合埋壽司豉油Wasabi 正👏 —————————————————--滑蛋吉列豬扒丼 $58 上枱熱辣辣😋好大塊吉列豬扒食極都有😍豬扒好脆 加埋蛋 洋蔥 🧅 紙菜 好香份量好多值得一試👍—————————————————-環境- 環境舒適座位寬闊 * 特別留意．我嗰日去3:00幾開始唔比入坐 盡量可以早少少去🙏—————————————————— 丼家和食 (元朗)元朗教育路71-79號京都閣地下1號舖#黃店#元朗黃店#元朗#丼家和食

價錢唔算特別平，晚市有+1服務費。味道同份量都一般，刺身唔係太新鮮。但係串燒同燒物就做得幾好，試咗雞軟骨同埋燒三文魚較。壽司就未必會再叫，但係啲燒物就會值得再食。環境就幾好坐，服務都唔錯。

食個晚市套餐。自稱招牌丼。差唔多200大元。 先講樣。 圖片與實物不相符。 日本料理外觀好重要。 一送到黎已經心知不妙。 然後講質量。厚切刺身。 冇一件係厚嘅。 三文魚咁平都要切到咁薄。 味道雖然冇問題。 但質量根本對唔起呢個價。 根本就係呃人同冇分別。 咁嘅鋪頭都仲有咁多人食。 呢個世界真係神奇。 呢個丼畀百三蚊都嫌多。

入到黎元朗，好怕果Ｄ近大馬路既餐廳排隊都排到唔洗食。今次搵到一間遠少少又唔算超級多人既日式餐廳就試試佢啦。入到去環境都算乾淨，不過就唔係果Ｄ打卡日本餐廳，比較似Ｄ親民果類（咁價格就多數無咁高啦）。因為懶得揀食咩，所以就咁叫個二人餐（包兩個湯，一個刺身拼盤，一個大沙律，兩個主食，一個和食）＄３２８，加埋一就＄３６０左右。湯就ＭＩＳＯ　ＳＯＵＰ正正常常，沙律就好大份，已經預計左會飽到嘔。刺身就每樣兩件，北寄貝就４件，又係算好多講真。（食果陣唔知係唔係刺身放得太耐先食，個蝦唔係太新鮮，其他都好好）。主食我地就揀左呢個拉麵同角切魚生飯。兩個都係好味既，魚生飯Ｄ魚生都幾新鮮，而叉燒拉麵係我最鐘意既黑蒜湯底，叉燒隻色果唔係好似平時大路果隻，不過味道都係差唔多。和食我就揀左炸蠔，本身無食過炸蠔，第一啖咬落去有驚喜，味道好好（當然炸左就唔會係鮮味，不過完全無果陣海鮮醒臭）所以ＯＶＥＲＡＬＬ好好。食晒咁多樣野行出門口真係差唔多要托住個肚行，如果唔係大食既我覺得一個主食兩個和食都應該夠飽ＬＵ

之前食過一次晚市，落品已經有甩漏，今次諗住俾多次機會試吓午市外賣，點知更失望。一入去我就拎住張傳單指住午市套餐嚟叫，每個餐有沙律同麵豉湯，我叫左三文魚親子丼同極上海鮮丼，套餐價應該係$58 & $138，我冇為意就俾左錢轉頭返嚟拎。點知原來店員同我落單落咗正常價錢嘅丼，冇沙律麵豉湯之餘$78 & $128，足足貴左10蚊同埋極上海鮮丼少塊拖羅（套餐先有）。正常餐廳正值午市時間都應該會落抵啲平啲嘅套餐，更何況店員望住我指住個頁都可以落左正常價，我唔知有心定無意啦。返到屋企打開睇更加失望，極上海鮮丼嘅海膽唔甜，三文魚子又細粒，三文魚勁薄冇味，油甘魚有筋，帆立貝冇味，完全唔覺得佢配得起極上依個字同$128依個價，份量又少。三文魚親子丼一樣，三文魚都係薄同三文魚子唔鮮味，同樣唔係$78嘅貨色。經過2次體驗之後，我應該唔會再惠顧。你話係唔係好差，又唔係，但絕對唔配呢個價錢。