影片
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
有關獎賞計劃
尖沙咀做完野 天氣好熱想食丼飯搵到呢間在厚福街的丼燃食堂呢間本地丼飯店 出名足料大份岩晒呢D天氣食 //九公丼 $178//九公是指有9款不同刺身組合而成包括蟹肉、角切三文魚、角切吞拿魚、海膽、拖羅蓉、帶子、牡丹蝦、三文魚子、時令魚同壽司薑全部刺身都好新鮮又厚身其中三文魚肥美鮮甜 海膽鮮味十足拖羅蓉軟綿綿的口感配埋三文魚籽同蟹肉一齊撈飯食真係一流刺身份量好多好豐富 個飯口感煙煙韌韌每一口都是滿滿的幸福感 //自選五餸 $82+$34//(火灸左口邊2片+拖羅蓉30g+ 珍寶赤蝦2隻+ 蟹膏30g + 藍鰭大拖羅2片)除左set好的丼飯之外 仲有可以自選的朋友就點了一個自選5餸自選好在可以選擇自己想食的左口邊口感爽口 用火槍灸過釋放了魚油 提升口感珍寶赤蝦夠晒大隻厚肉 入口新鮮彈牙藍鰭大拖羅肥美鮮甜蟹膏先係最出色 撈埋D飯一齊食令整個飯味道昇華 //焦糖三文魚卷 $68//必點卷物! 店員會用火槍在你面前灸燒望住面層慢慢形成脆脆焦糖 好打卡焦糖食落似creme brulee的口感三文魚腩經炙燒過後 充滿魚油香三文魚好肥美 中間配料為蟹柳、青瓜、玉子蛋整體口感好滿足
繼續閱讀
丼燃食堂🐯@donyin.diner正丼燃 當然正🥊🐯好似闖入咗一個日式漫畫世界咁！相撲老虎角色霸氣登場🥊 牆身、天花版、餐牌、枱墊都係滿滿嘅原創漫畫風插畫，色調以紅紫為主，配上粗線條漫畫字體，好有氣勢！好似睇緊少年Jump封面咁，勁有視覺衝擊！甚至餐具、外賣袋同盒都印有專屬設計，真係每個細節都做到足！乜蟹都有丼 🦀成個蟹蓋蓋住上枱，賣相好有氣勢。澎湃嘅蟹肉、蟹鉗、蟹膏、蟹籽同蟹棒，大啖大啖咁將成隻蟹嘅精華落肚🦀 倒上海膽醬再火炙，散發出一股微微煙燻味，令鮮味更突出🌊焦糖三文魚卷 🐉 真係噴火嘅招牌卷物🔥 店員即場會喺碟邊點火，整個火焰圍住卷物，畫面超震撼！連卷物都用上肥美油脂嘅三文魚，先燒成焦糖脆面🍭 再加上蟹籽，中間包住青瓜、蟹棒、玉子🥒自選四餸丼飯4️⃣三文魚腩｜虎蝦｜左口邊｜拖羅蓉日式丼飯都加入兩餸飯戰團😆 新推出嘅自選丼，超過 35款刺身自由配搭，最平$68就有四餸😱 覺得魚腩油脂多啲，更適合火炙，加 $9 升級三文魚腩，完全值得！成碗飯鋪滿晒刺身🍣 一齊火炙，連拖羅蓉都係🤣 額外加嘅明太子醬更係靈魂所在💥吉列蠔 🦪忌廉蟹肉餅 🥛外層沾上麵包糠，炸得金黃酥脆又輕盈🍟 一咬忌廉餅就爆開，內餡好滑，而蠔都炸得岩岩好，保持住鮮嫩。可以試下加埋蛋黃醬🍳秘製三文魚鰭 🐟魚鰭本身油脂含量高，配合火炙帶出更多油香同魚香☄️ 唔係用傳統嘅椒鹽，而係選擇蜜糖芥末，味道又意外地夾🍯丼飯壽司飯仲可以任裝，但老實講原本啲飯量都已經好夠🫢 午餐都$50左右，星期一至五仲要唔洗加一，可能仲平過茶記🥲
繼續閱讀
💖 丼燃食堂 (尖沙咀)✨尖沙咀厚福街2A號地舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️呢間餐廳喺旺角嘅時候我已經食過，今日趁住平安夜就諗住搵間好少少嘅餐廳同老公慶祝吓，然後就醒起呢度啲嘢食幾唔錯‼️-神秘小食🤩唔知係咪因為今日平安夜所以佢哋請我哋食咗一個神秘小食😳，呢一個就係魷魚🦑，外面酥脆，入邊彈牙！-丼燃自選丼🍱 $150今次我就揀咗壽司飯+$15、 鰻魚+$38 、火炙左口邊+$29 、拖羅+68。呢個餐好啱好似我呢啲咩都想食嘅人🧏🏻♀️，可以自由配搭😆完全冇限制🥰。拖羅嘅油脂好正😋食落好香。-串三串串爆丼🍢 $118呢個真係好抵食，因為如果叫三串串燒仲貴過我嗌呢個丼飯！今次我就揀咗菠蘿一口牛串、甜椒牛肋條串同醬燒京蔥雞串❤️。三款都好好味，尤其是係個京蔥雞串🐣，個雞肉好嫩滑，條蔥又夠香👍🏻-丼燃係盲盒🙈 $198之前一直都嘗試吓呢類型嘅盲盒壽司🙆🏻♀️，覺得好特別😆。今次同想像中嘅一樣，打開出嚟超有驚喜😚。入邊竟然有埋鮑魚😋，成個盲盒丼盤滿缽滿😌，一啲都唔吝嗇。而且食材都好新鮮😳尤其是係個三文魚子🥳-焦糖三文魚卷🍣 $68嚟到呢度係一定要叫卷🤩，因為可以打卡📸。同埋超級抵食😏，我最鍾意就係呢一款😘甜甜嘅焦糖配上三文魚🤩味道好特別出奇地夾😎想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩
繼續閱讀
餐廳以日式摔角漫畫風為主，紅黑主調牆面布滿虎頭武士噴火插畫，充滿氣勢的日系熱血精神。尖沙咀限定自選丼, $68 就有四餸！可選擇四餸、五餸、六餸、八餸、九餸！超高性價比！而且食材新鮮、份量充足。🍱八餸自由選丼飯🥢火炙三文魚腩炙烤後油脂激增，入口即化🥢火炙左口魚邊焦脆帶膠質黏唇感🥢火炙赤身經火炙後平衡油膩感🦐珍寶赤蝦肉質彈牙🦀帝王蟹棒新鮮甜美🐟拖羅蓉鮮甜滿分🍣柚子醋三文魚蓉酸香醒胃🍱虎士山丼配海膽醬視覺效果爆燈！蟹肉+帶子+三文魚蓉堆成錐形火山，淋上海膽醬，最頂鋪上三文魚子同黑松露醬，全部加埋一齊食，口感極豐富。🍱焦糖三文魚卷獨家研發火焰卷物，視覺效果一流，店員持火槍繞盤噴射，整碟壽司立即燃起熊熊火光，表面充滿焦糖香，中層三文魚腩油脂滲進醋飯，底層青瓜蟹柳爽脆，三重口感。🌟餐飯性價比高， 平日午餐免加一。尖沙咀限定的自選丼彈性大，4餸$68起，豐儉由人。
繼續閱讀
呢幾日颱風暴雨連連，又唔想去咁遠，收工餓了近近地走過隔離厚福街搵野食🧐比我地發現左呢間丼燃食堂，勁靚吸引左我地入去🤩🤩店內環境佈置勁擂台feel~元氣滿滿💪🏻💪🏻我地揀左個九公丼同尖沙咀限定自選丼，豐儉由人想食幾多嗌幾多，估唔到可以自己揀餸同醬汁真開心🤤🤤🤤佢地食材好新鮮肥美，配合埋醬汁，簡直極致嘅味覺享受🥺小食都係新鮮熱辣辣製成上枱，誠意100分🥰除左食物之外，我好中意佢地一杯一碟一筷子，都係充滿着元氣ge字句，食飽飽簡直充滿電咁離開🥰芝士年糕（2件）吉列蠔（2件）九公丼$124八餸-壽司飯 -火炙海膽醬 -火炙三文魚*2片 -火炙左口邊*2片 -虎蝦*2隻 -玻璃蝦*2-北寄貝*2片-日本帝皇蟹棒-2條 日本帶子-1粒 柚子醋-三文魚蓉50g
繼續閱讀