久兵衛外賣壽司店 (已結業)

又經過哩間高質日本壽司丼飯🤓🤓今次就試左舊築地市場丼同日本海膽板拖羅丼，兩個都非常出色 非常新鮮美味🤤🤤~大滿足感!!之前都講過呢間小店嘅店員服務態度非常出色，今次再幫襯服務水準仍然保持👍🏻👍🏻非常好禮貌同熱情，仲要我問佢可唔可以考慮整個開運壽司拼盤2人前，佢地話下次照叫照整😳😳👍🏻👍🏻好有人情味🥲🥲🥲係連鎖店冇嘅野🌟🌟💸💸舊築地市場丼 $148 日本海膽板拖羅丼 $198📍久兵衛紅磡德民街36至60號5N地舖營業時間 ： 12:00-22:00

前前後後應該幫襯過呢間餐廳三四次🤣🤣第一次係無意中喺foodpanda見到（圖7）久兵衛丼 + 三文魚盛盒覺得幾好食 外賣都有呢個質素👍🏻👍🏻之後就專登搵吓間舖頭實店喺邊～門面正常乾淨企理吸引，餐牌仲吸引（因為價錢平過foodpanda😂），其實好想試極上開運壽司拼盤 但兩個人根本冇可能食到50件壽司🥲🥲所以最後揀咗美櫻壽司拼盤(30件) $398~ 一樣都係咁高質👍🏻👍🏻琴日又幫襯，今次揀咗角切寶石魚生丼$68同餐牌沒有丼$160。角切魚生飯 其實我都喺唔同嘅地方食過唔少次 多數都係啲頭頭尾尾切埋一碟 再加啲青瓜粒 蛋呀 八爪魚粒咁樣～係差唔多價錢嘅情況下 呢間竟然冇呢啲青瓜 八爪魚 全部俾晒魚生柱子👍🏻🥲另外咁啱見到牆上面貼住左張海報 有個叫做餐牌沒有丼，原本係有生蠔刺身 可惜佢哋咁啱賣晒 就俾咗個拖羅刺身～可能因為冇咗生蠔 所以覺得冇咩特別 都係一個刺身丼飯😂😂P.S店員好友善，好好服務態度兩次都好好👍🏻一個男仔一個女仔都好好服務質素咁穩定，係好難得的

朋友到訪我家，話想食壽司，知道新開久兵衛外賣店，無黃埔群組見到人讚，所以試下，上openrice見到好多選擇灸燒魚生飯，有拖羅、油甘魚、三文魚、鰻魚、帆立貝、魷魚、左口邊，燒過d魚油流哂入碗飯都好香好好味，魚生新鮮的香蔥拖羅丼，魚油好香，香濃嘅拖羅蓉加埋香蔥炸蔥絲，食完好滿足。炙燒18件壽司，岩哂小朋友食，炙燒蟹柳，三文魚壽司配上燒過芝士，小朋友食哂天海24件 包羅萬有 大人咩都岩食炸物：炸雞，魷魚so，芝麻雞翼，又係小朋友大愛。炸蝦卷 ，蟹柳小卷 ，青瓜小卷 ，鰻魚小卷小朋友之選總結來說，呢個價錢值得回購，有時唔想煮飯，都會落去幫襯，即叫即做，看得出魚生新鮮好味

三文魚盛合有4款三文魚壽司同三文魚小卷🥰啱哂三文魚愛好者😍以下係盛合嘅內容:三文魚壽司x2燒三文魚壽司x2三文魚厚度都ok唔會好薄👌🏻三文魚腩壽司x2雖然平時唔會特登嗌三文魚腩食, 但係呢個好香魚油味👍🏻唔會腥亦唔會太肥, 而且仲好厚身添🥰辣三文魚軍艦x2食落有少少辣辣哋, 唔會太辣, 重點係啲三文魚粒係大大粒又厚㗎😍三文魚小卷x6同樣都係大大粒三文魚🥰整體嚟講三文魚都算新鮮, 而且份量好慷慨👍🏻壽司嘅飯嘅唔會好大舊唔怕食唔哂, 佢哋仲好好人送咗個小食🥰玉子燒食落甜甜地, 面頭有啲紫菜, 好食👍🏻

叫咗幾次外賣都好好最後一次2 件海膽軍艦都發臭帶子顏色好明顯係唔新鮮我上年食過唔新鮮嘅帶子嚴重腸胃炎痾咗3個禮拜我認得帶子唔新鮮係咩樣打比網上外賣平台客服話會跟進叫咗我send email比佢地之後就冇覆過請問你地自己有咩回應？還是需要我直接打去衛生處？

外賣平台落單自取，回家慢慢歎👇🏽炙燒2人前（18件）$235這盒壽司大部分是三文魚為主，另外還有鰻魚、帆立貝、蟹棒和左口魚邊。燒得幾香，整體味道不過不失，但都唔平。軟殼蟹卷$68個人覺得味道比較清淡，唔係好食到蟹味。吉列炸蠔（4件）$34炸皮都幾脆，但入面隻蠔size唔大😜久兵衛丼$180呢個丼有成13款刺身，加埋甜蛋絲，其實幾吸引，每件刺身的size和厚度都好有口感，美中不足的是食到其中一件魚有一少排骨，有2件魚有少少筋。個飯唔係我鐘意的口感，我鐘意飽滿和粒粒分明的，因為丼個飯好唔好食，對成個丼的評價都好重要。如果餸好食，但飯普通，食晒啲餸就唔想食飯🙃我最後都無食晒啲飯🥲

晴空新開嘅壽司鋪！之前食過晴空覺得好高質！冇理由唔去試下！鋪頭裝修風格完全係日本風，出面貼曬鋪頭所推薦嘅產品，睇到我地眼花撩亂，有選擇困難症嘅我地係出面都揀咗好耐下🤣價錢會比晴空平少少叫咗個炙燒魚生丼，炙燒令到魚油味道更加突出，尤其係炙燒拖羅，勁香勁有油脂感👍🏻高質高質，不過可惜嘅係走咗先發現冇比帆立貝ಥ_ಥ哭咗 下次有機會再試下其他～

黃埔區一向多美食，最近喺黃埔新開咗一間壽司外賣專門店，一出黃埔港鐵站附近就到，好方便。呢度提供好多時令水產，定期喺日本新鮮空運到港，刺身壽司款式多樣，梗有一款啱大家。今次買咗丼飯，賣相吸引。久兵衛丼人氣推介久兵衛丼，即叫即整。呢款有多款新鮮食材，性價比好高，包括有拖羅、三文魚、油甘魚、北寄貝、帆立貝、魷魚、左口邊、深海池魚、三文魚子、赤蝦同日本海膽。每種魚類刺身都好新鮮，個人最鍾意呢度嘅帆立貝同埋赤蝦。拖羅厚切，魚油豐腴，入口即溶；油甘魚味道清鮮；左口邊鮮味甘香，略帶口感；帆立貝大粒厚肉爽彈，味道甘甜；北寄貝肉質爽脆；三文魚子晶瑩剔透，粒粒飽滿，脆卜卜，咬落口感一流；赤蝦大大隻，爽口彈牙；另外海膽嘅份量幾多，口感creamy帶鮮甜。最後食泡芙作為飯後甜品，大滿足。

🍼用餐體驗及環境呢間餐廳係專門做外賣，細細間咁樣，喺門口貼滿各式各樣刺身、壽司同丼飯嘅poster，就咁喺門口望到都覺得好吸引😍🍼 豐洲市場魚王丼 $148呢款丼睇個名都覺得好勁，食落真係名不虛傳🤤😍賣相已經好吸引，刺身滿滿咁鋪喺面，色彩好繽紛，刺身種類超多，有日本海膽、三文魚、油甘魚、深海池魚、真鯛魚、甜蝦同三文魚子，幸福感滿滿🥰 刺身用料都好新鮮，海膽食落口好鮮甜，三文魚每片都有三文魚油嘅油香，油甘魚有淡淡嘅甘甜，甜蝦夠晒甘甜粘糯，而三文魚子粒粒都咸咸哋脆卜卜，配埋米飯食真係好正👍🏻👍🏻

久兵衛外賣壽司店（紅磡）📍 九龍红時德民街36-60號地下N5鋪🤍角切寶石魚生丼＄68雜錦魚生 飛魚子店員一拎到出嚟我已經心心眼咗啦😍😍見到顏色咁鮮艷豐富，就知道魚生有幾新鮮😋對於貪心嘅我嚟講，成日都好想一次過試多啲款嘅魚生，但係無奈胃仔得一個，好多時都會搞到試唔到🥲😭所以今次我就醒目啦，叫咗呢個角切寶石魚生丼，款款都有得試下，有吞拿魚、三文魚、鯛魚、魷魚、飛魚子、熟蝦，仲有好爽口嘅青瓜粒粒！😎角切得好大粒，配丼飯真係一流😘🤍炸魷魚鬚魷魚鬚炸得非常之香，唔會好油膩咁👍🏻👍🏻入口好彈牙，推薦推薦💗味道 🌟🌟🌟🌟環境 🌟🌟🌟🌟服務 🌟🌟🌟🌟衛生 🌟🌟🌟🌟抵食 🌟🌟🌟🌟

係喺紅磡同朋友一齊係美食街成條街都係食店呀，俾我地發現左呢一間有三隻貓貓頭係招牌度嘅九兵衛日本料理喺外賣壽司店呢😍一入到舖頭就比呢張海報吸引住啦😁所以就揀左佢😋日本板海膽配上日本鮪魚拖羅飯，首先好靚嘅外賣盒已經完勝😍一打開嘩！成板海膽更加值回票價啦😍海膽下面鋪滿左好新鮮嘅鮪魚拖羅，成幅畫咁真係唔捨得食呀😋海膽好新鮮好香甜Woo溶化嗰一刻好幸福呀😍😍鮪魚拖羅堆得滿滿的，十分澎湃，入口每一口都是魚脂濃香好有滿足感呀！小食辣油豆腐細細粒炸到脆卜卜唔太辣好惹味唔錯😋久兵衛外賣壽司刺身專門店 🍣紅磡德民街36-60號5N地鋪

今日終於試咗呢間新開嘅日本壽司魚生飯外賣店，位於HKTVMALL側，價錢親民，質素亦很好！魚生飯新鮮、豐富！加州卷都做得很好，最起碼唔會一夾就散！暫時只收現金或Alipay! 想慳時間嘅可先WhatsApp落單，之後再自取！

今天路經黃埔，地鐵站附近這家外賣壽司丼飯店，疫情下正好讓我買走去寧靜的地方享受享受。 店舖貼滿相片和餐牌，樣樣都吸引，令人垂涎欲滴。 每款丼飯都是即叫即做，十分新鮮。 《豊洲市場魚王丼》包括了日本海膽，油甘魚，深海池魚，真鯛魚，三文魚子……等等。 一碗丼飯有多款魚生，還有我最愛的海膽，適合選擇困難症的我。 日本海膽鮮甜美味，幸福感滿滿。拖羅厚切，入口即溶。深海池魚和油甘魚的魚油，肉質鮮嫩，香滑無比。三文魚子粒粒脹卜卜，濃郁鮮甜，口感極佳 值得一讚是外賣包裝很好，回家後也完好無缺，還提供冰包，很貼心呢！ 這個丼飯非常豐富，份量亦夠多，絕對能滿足一衆魚生控！

近著黃埔站的一間日式刺身外賣專門店，主打多款時令的刺身、壽司和丼飯，食材均由日本空運到港，選擇非常之多，價錢還要非常親民，深受一眾街坊愛戴。無魚盛合 - $220一共有三款壽司盛合，選了這款「無魚盛合 」共有16件壽司，每款有兩件。貝類方面，有北寄貝、白玉貝、帆立貝和螺片四種，味道甘甜之餘，肥美的貝肉還很厚實，入口好爽脆彈牙；蝦類方面，有虎蝦、熟蝦和赤蝦三款，鮮甜的蝦肉好嫩滑有彈性，連熟白蝦也很多汁；還有甘甜奶滑的海膽。和 - $160一共有四款刺身拼盤，這款「和」共有12件刺身，同樣每款兩件。魚類方面，有肥美的三文魚有著豐溢的魚脂香；油甘魚有淡淡甘甜，富魚油香之餘，又有獨特清爽感；一條條雪白的魷魚好爽滑彈牙，還有一粒粒蟹籽提鮮；還有虎蝦、帆立貝和北寄貝。

知道黃埔最近開左間外賣壽司店，終於去到買黎試。叫左個一人前（葵）比小朋友，有13件，包括：熟蝦、八爪魚、鰻魚、蟹柳、玉子、腐皮同埋青瓜肉鬆卷！佢竟然食得晒成份，應該係太好味吧。另外叫左個頗受歡迎嘅北海道魚市場丼，有三文魚、海膽、肥美帶子，蝦、北寄貝、飛魚子，性價比極高！推介！再加左個軟殼蟹卷，即叫即炸，好香口！一人前同丼都有甜品（泡夫）送，非常圓滿！食材好新鮮，下次會試多幾款丼同刺身，期待！