九份•十分 (已結業)

之前在河畔花園吃過元祖的九份十份，當時九份十份還是需要排隊等位的人氣餐廳。想不到，現在竟然在新界北區上水彩園商場有這間的分店。本身一心想到這類型台式食品店吃飯兼且敘舊，但內進之後，看餐牌發現，這間九份十份好像比較接近港式普通茶餐廳，與河畔那間比較有特色的台式餐廳，有點兒不同。不過為免再浪費時間去找其他店舖，也願意一試，結果看餐牌後，就試一試拌麵，結果也不算太差，拌麵旁邊有點肉操，鹽酥雞扒，其實也和我當年沙田河畔的鹽酥雞味道差不多，即炸的雞扒，夠熱燙，味道也不太差，不過當然當年有多種調味料放在鹽酥雞扒旁邊，賣相比較吸引。喝了杯熱珍珠奶茶，店員竟然因為我點熱珍珠奶茶覺得我身子虛弱，還問我要不要關掉後邊的風機，其實，只是因為冷氣比較大，這幾天天氣亦都不算太熱，因此才喝熱的珍珠奶茶，而且，熱飲珍珠，可以試清楚珍珠的彈牙程度嗎。

食過一次覺得唔錯，於是決定放假既時候再黎試一次，今次就叫左個鹽酥雞排肉燥飯肉燥幾入味用黎送飯都唔錯，唯一美中不足係個主菜鹽酥雞排，食落就已經感覺到炸粉太多，而且個表面冇任何調味料，所以食落會冇咩味道，可能要自己用餐廳提供既調味粉去調味。飲品就叫左杯榛子奶茶，幾好飲榛子味道濃郁。至於服務方面，上一次黎幫襯時以為咁岩撞正餐廳員工放假，樓面員工數量唔多，所以上菜速度比較慢，等左差唔多25分鐘先有得食。今次情況比上次仲差，要催佢地2，3次先跟到單。希望可以改善。

坐低叫左兩個餐 ,,一個餐已到，另一個餐未到 ,,問個侍應 可吳可以跟一跟個餐 ,,之後 講廚房漏單 ,,,漏單都算啦 ,,等你20分鐘一個餐 出到收銀同返個收錢個呀姐講 埋單 ,,仲有個餐未到你扣返 ,,都等左成20分鐘 ,,另一個職員講星期六，日等20分鐘是很正常 ,,還要說 何況還沒有夠20分鐘老實說 出邊的食肆即使星期六，日都吳會等20分鐘等一個餐吧 ,,[ 激氣在員工的態度 ,, 真的發呆了]明明是間舖的錯 ,.但是好像令到係客人問題 ,,,有冇攪錯 😡😡😡

同朋友去食早餐，叫咗2份「奶油芝士煎蛋豬肉鬆厚多士」...等咗好耐唔到都算...送到嚟，兩份都無肉鬆，變咗2份芝蛋多咁！當我地發現，先拎走話去加返，點知無冇耐行返出嚟同我地講係無晒肉鬆！即係明知無落都照俾人！（無任何入同我地講過無肉鬆/轉唔轉其他野！）為免浪費，我地話是但換片餐肉/火腿落去，我地照要。轉個頭佢話已經掉咗！唯有叫過另一份！最後等極都唔到！食個吁餐，搞咗個半鍾之後都係無野食！離晒譜！其實等嘅期間都不停聽到其他食客問啲野食到未！差到離晒譜！近期食過最差！

嘢食先唔講吉列豬扒不止是雪藏味而且是血腥味唔係未熟而係發臭。普通豬扒反而正常呢位員工態度勁差！客人喺度收拾物品嗰陣佢喺度收碗碟我哋話不如你轉頭先收佢話你唔講？？身為客人仲要同你講我收拾我自己物品先？跟住細細聲話，係我哋叉隻手入去。明明係我哋自己執嘢先！又駁嘴又喺耳機嗰度同啲同事講我地，咁惡劣嘅態度公司竟然繼續用做街坊生意竟然做到咁差收銀位置員工有就嘢食方面道歉令我覺得態度真係一個個人，整體冇咁差。

話說前幾日夜晚好想食豉汁蒸大鱔 你知啦 呢味菜真係唔係度度都有得食 係OpenRice搵到呢間我一直以為主要係食台式野既餐廳居然有得食 好開心去到9點幾 得返幾檯客 不過唔知係咪太晏有d員工收左工 所以等左好耐先有得食豉汁豆卜蒸大鱔：味道唔錯 不過記略嫌陳皮味太重 蓋過晒其他味道 不過可以接受既 好岩用黎送飯 平時唔多食米飯既我都食晒成碗飯 好滿足價錢唔算特別平 一般大排檔既價位啦 不過滿足到我食豉汁蒸鱔呢個願望我已經超開心嫁喇！

11:11落的單，11:54 都未黎，催左佢3次，3次都話整緊😅去到話走啦唔食啦都話整緊？11:11落的單，11:54 都未黎，催左佢3次，3次都話整緊😅去到話走啦唔食啦都話整緊？11:11落的單，11:54 都未黎，催左佢3次，3次都話整緊😅去到話走啦唔食啦都話整緊？

午餐嚟呢度叫左個肉絲炒麵，水質唔錯，麵脆而個汁香同肉絲都入味。最重要係唔會好似一d茶記咁，成碟都係油。不過佢分量就唔算特別大，適中，比較大食既朋友可能未必夠。飲品可配台式珍珠奶茶，選擇都用。

啲人成日話食素唔方便，又話冇啖好食，但其實只要多啲留意餐廳既menu，好多時都會發現到有素食，仲要唔止係青菜。九份十分個menu上面有幾款素食，以前啲小菜加錢可以變餐有飯有野飲，不過依家已經冇左依支歌仔唱，全部野一律散叫，包括白飯。唔知廚房係咪落漏單，等左好耐再催佢地，等左差唔多半個鐘先有得食。可能等得太耐太餓，一個平平無奇既三杯雜菌都即刻化身美味佳餚，好夠鑊氣，而且調味唔錯。洋蔥既比例有少少過高，落多啲雜菌會好啲。個素鵝唔係平時得啲腐皮果款，仲有少少菇，都幾特別。份量唔算多，如果大份啲就好。喺素食餐廳唔多既地方，只要多啲留意餐廳既menu，都會有新發現架！

疫情下冇得去台灣唯有去上水「九份、十分」餐廳食個食晨早餐滿足一下先。今日星期日仲要係父親節四處都是人，乖乖地攞飛等侯入座。這裡都算大分右左兩邊，還可以直入轉彎，佔地不小。早晨都算多選擇。🍴通粉早餐今日決定早餐連午餐一餐，所以點了雞扒通粉配午餐肉炒蛋牛油多士，嘩 🤣🤣🤣聽都好長，大包圍咁超級豐富。香煎雞扒好惹味喎又入味，大粒厚肉通粉好懷舊。☕️醒神黑啡有啡香味濃提神醒腦。

想食台灣野食，上水又冇咩台灣野小店～～～所以就搵左呢間連鎖既鋪頭～之前食過一次架啦！今次叫左個鹽酥雞球飯。。再加個台灣腸既小食～最愛台灣腸🥰🥰不得了～～～～～～今次吾係堂食～就冇得用佢既粉！佢有好多粉架，芝士粉，紫菜粉，辣粉..... 好似有6隻粉架！！！！！同埋佢吾算好脆，可能因為我拎左返屋企先食啦！真係好似食台灣鹽酥雞甘哈哈哈哈！！！！！下次想試下佢既甜品！😎😎😎😎😎😎😎吾知好冇食呢？？？？？

星期日下午想食d野，聽講九份十分d野都抵食，今日試下，叫左個肉絲脆麵，其實即是肉絲炒麵。份量適中，炒得幾乾身，d味又好味，加埋杯台式野食，四十幾，坐得又適服，唔錯。

去上水行行，行到倦就去左 九份十份食下午茶。點了兩個餐，台南咖喱牛肋焗長通粉和 煎牛扒火腿奄烈沙律香脆奶油豬。飲品方面，咁岩珍珠賣晒了，就叫了兩杯 凍柑桔檸檬。凍柑桔檸檬不錯不太甜不太酸。咖喱ok,有點辣，長通粉也不錯，但牛肋就好韌，以為用牛肋應該會好吃點，不能過度期望，下次改叫雞扒好了。扒火腿奄烈沙律香脆奶油豬，來到時覺得有奇怪，好在看看格離枱，好像有點分別，別人的沙律大份，我們的只有兩條菜，問服務員她說沒錯，我再走到另外客人那裡指著再問，她才發現上漏了，補回沙律。好在我有留意，如果不是就被騙了。凍柑桔檸檬不錯不太甜不太酸。下圖是上漏沙律，上圖是補回沙律

心血來潮 想去食台灣野 好彩上水彩園廣場有呢間九份•十份 午餐時間算多人 不過就唔洗點等位 叫咗紅燒牛肉麵🍜($60) 另外加($5)配珍珠奶茶 啲麵粗得黎 硬度適中 牛肉份量亦可以 不過啲湯太濃太重味精😖

經過見到哩間餐廳食台灣菜原來都有羊腩煲食，天氣凍凍地，好奇心驅使下，一於拉埋個朋友入去叫左個羊腩煲食下先，跟住睇下餐牌，叫多份五香牛展，店員推介我地不如叫個涼拌三小碟，可以食到多幾款特色小菜，份量又唔會太多，於是我地加埋四季豆同涼拌海蜇，朋友話想食芒果軟殼蟹米紙卷，我驚唔夠飽，所以仲叫多個基隆蝦醬雞柳炒河粉。食物續一送到，原來每樣野既份量都好大碟，個羊腩煲有埋生菜附送，先畢了兩啖個汁品嚐，味道好濃郁，羊腩咬落夠淋身唔韌無So味，仲有好多枝竹、蓮藕、馬蹄係當中，食完個身暖立立。涼拌三小碟，作為前菜食幾好味，牛展切得好薄身，好夠味。蝦醬雞柳炒河粉: 蝦醬加九層塔混合炒過的獨特味道，食落野味，味道比較濃厚。食完炒河粉口嚨有點干，所以叫左杯星空奇遇鐵達尼號飲，杯飲品係番石榴打成的沙冰，加入不同的水果片，杯面再加入紫色的糖水汁，切出黎既效果幾夢幻漂亮。芒果軟殼蟹米紙卷: 一碟4件仲伴隨蔬菜沙律，軟殼蟹咬落脆口，鮮黃色的芒果在我的嘴邊偷走到碟中，見到大大粒，用料真係足同新鮮，值得推薦比北區一帶朋友黎品嚐。