九份•十分 (河畔花園) (已結業)

第二次吃了...........第一次吃不覺得怎樣.............第二次吃......有改善了..........！醉雞.........皮不夠彈口...........味道還可以........溫泉蛋........普通.........熟透了.....沒有流心........牛肉麵...........不錯..........飽飽的排骨飯............香芋珍珠.....夏日之選...！

尋日(30-4-2018  Mon)女同事CY請我食飯,我o地重叫埋女同事CS一齊,我揀o左呢間,因為都係想食鹽酥雞,而且見到呢o度o既甜品幾吸引.我o地去到冇乜人,而且我o地係第一組等2-4人枱,我o地前面o既4個客人有位入o左去,已經冇人等,但佢o地係咁俾幾個5-8人枱,當然冇人入去,最後到我o地.我同CS要 o左$48.00o既烤香腸肉燥鹽酥炸雞粒飯,CS飲熱柑桔檸檬,我要凍珍珠奶少甜.CY要$48.00o既鹽酥雞排肉燥飯,飲凍珍珠奶少甜.等o左一陣,CS o既熱柑桔檸檬到o黎,之後兩杯凍珍珠奶少甜都到o黎,飲吓先,o岩o岩好唔係好甜,茶味唔太濃,珍珠煙韌.等o左好耐好耐,三個飯陸續到o黎,份量都幾適中,食落,烤香腸其實冇烤過,又唔惹味;肉燥味道唔濃,唔似台灣o野;鹽酥炸雞粒係鬆脆同juicy,但唔夠鹹味唔惹味,我同CS都覺得唔對版;反而o個半隻鹵蛋好入味,好好味;醃菜鹹甜適中.唔通鹽酥雞就係咁o既??味道係3.6分,抵食係2.5分

是河泮的常客但每冷經過九份十分都很多人等候今次來的下午 正好冇人 可以食個休閒下午茶滷水雞翼肉燥飯雞翼比較一般，但好欣賞佢個配菜！鹽酥排骨肉燥飯鹽酥排骨好太多炸粉嗱！但肉燥好味！加返分！台灣正宗的肉燥會多點肥肉，呢度嘅肉燥相對都全瘦肉，感覺較健康！台南肉丸湯憑餐跟個肉丸湯，有貢丸有魚旦，都幾彈牙，湯好香莞莤味！青青草原賣相比餐牌爭得遠但入口綠茶味濃郁，唔錯！珍珠奶茶珍珠彈牙有咬口，但茶味爭啲，7分甜都有點太甜

餐廳環境佈局十分精緻，菜單選擇多，台式味道正宗。同朋友嚟聚會叫咗水果茶同鹽酥雞， 水果茶十分之精緻，杯中冰粒都結有檸檬塊，慢慢飲落去啲淡淡嘅檸檬味會漸漸跑出來，非常有層次感， 入邊傾計一邊同朋友嘆茶，十分寫意，令人好放鬆。鹽酥雞方面就更有趣，會配有一支支唔同味道嘅調味粉畀你自己加落去，好似變緊魔法做緊實驗咁，口味嘅自由度好高，未落調味嘅鹽酥雞唔太鹹脆卜卜，粉漿唔太厚唔太薄啱啱好。同朋友聚會嚟講環境都幾舒服，美中不足嘅係價錢都係略貴，唔飽肚， 如果要食到飽都性價比略， 感覺唔似係食正餐嘅餐廳。

聽聞呢間係河畔新開嘅餐廳，黎開呢頭所以試下。以為係日本菜，點知原來係台灣嘢。款式多，甜品同沙拉最特別。我第一行三個人，叫咗好多嘢食。1) 醉鮑 (⭐⭐⭐⭐⭐)餐廳其中一樣最高貴嘅餸菜，啲鮑魚細細粒好得意，一啖食一粒鮑魚好爽，仲有啲紅棗調味。鮑魚色澤光鮮，味道比較天然。2) 香辣炸雞沙拉 (⭐⭐⭐⭐⭐)啲沙律汁好香口，嚟送炸雞係絕配。炸雞超級有驚喜，雞肉嫩滑，炸得又唔算好熱氣，仲有啲麵包粒襯托。3) 蝦多士 (⭐⭐⭐⭐⭐)厚切多士，蝦好新鮮，另外有沙律醬。一共有兩件多士，另外有蛋白、薯角同埋沙律菜，份量偏大 ，賣相吸引。4) 鹽酥雞扒麵 (⭐⭐⭐⭐⭐)雞扒切成大概六塊，好大塊，唔算太鹹。麵可以揀粗麵同幼麵。5) 貢丸紫菜湯 (⭐⭐⭐⭐⭐)有貢丸同埋墨魚丸，一共有六粒，仲有啲紫菜。湯唔算好咸，可以配主菜。6) 烤香腸 (⭐⭐⭐⭐⭐)最有驚喜嘅菜式。香腸烤得啱啱好，完全唔燶，香得嚟唔太鹹。食緊嘅時候就好似置身係台灣嘅夜市入面，食緊在地嘅烤香腸。7) 暗黑系甜心 (⭐⭐⭐⭐💢)其實係一杯Oreo 曲奇沙冰。喺透心涼嘅曲奇沙冰上有幾塊香脆嘅Oreo餅，簡直就係Perfect match!鍾意食O

呢晚因為工作關係去左沙田果邊，所以就決定去河畔花園果邊搵野食，河畔花園果邊一向多正野食，之前都黎過幾次，但一直無留到呢間九份十分，唔知係幾時開既台灣野呢。門口見到原來呢間台灣野都有foodgulu，不過好彩呢晚係平日夜晚都唔洗等位，餐廳比我既感覺似港式味道較重，不過一入門口聞到既味道係台灣美食既味道！餐廳餐牌:呢間台灣餐廳本餐牌超級厚，分類都好多，特別介紹既係飲品同甜品，佢既飲品真係有好多款，奶茶類、特飲沙冰類等等等等，要揀真係好難，我同同事都揀左好耐先揀到。另外係甜品，佢主要分為唔同口味既吐司同窩夫，全部睇圖都睇到好想食。鹽酥雞 $42鹽酥雞份量還可以，原來呢間餐廳既鹽酥雞會配埋粉比你自己選擇落咩粉做咩口味，有種台灣夜市既感覺，呢到有六款口味可以自行調配，有我最愛既梅子已經好滿足，鹽酥雞雞粒都啖啖肉，真係好好味。麻辣大腸 $38呢個麻辣大腸真係好吸引，一見到menu已經決定左要點 ，香港唔多地方食到台灣果種口味既大腸 ，不過我地叫左唔辣，因為鍾意食唔辣果種味道哈哈，口感都好好！紅燒牛肉面 $62呢個紅燒牛肉面係全晚既驚喜，呢個價錢食牛肉面算係正常，咁佢有兩舊牛腩兩舊牛筋，先講牛腩，牛

今日同男友來沙田食lunch, 食完番工 中午都幾多人食！！坐爆晒呀我地叫左一個大滷水拼盤，一碗麵線、泡飯同埋一個甜品好滿足呀滷水拼盤，本來諗住叫細size,但見到價錢都係差少少，就叫大啦！ 有鴨舌、蛋、雞翼、雞腎同埋大腸。滷得入味，口感唔肥膩；最鐘意係大腸佢洗得好乾淨，去晒d肥膏，所以食落冇罪惡感阿春麵線，細細碗，有切片魚丸，味道幾好食！ 如果麵線再多d就好啦蚵仔肉碎泡飯， 呢個都幾大碗，蚵仔份量都幾多喎！！湯都幾好味，有一小碟脆卜卜嘅野撈埋落去配飯，口感更豐富 奶油酥吐司吐司烤到好酥脆，特別係邊邊位，再加埋牛油同煉奶 清淡得黎幾好味墾丁星空呢杯飲品都幾用心，有埋個燈座，令飲品幻化成7彩顏色，好襯佢個名！青檸味重，酸酸地，夏天岩飲綜合水果茶，份量可以兩個人飲，餐廳拎咗兩個細杯俾我哋分黎飲，幾貼心。生果見到有蘋果、橙同青檸，唔太甜食完真係好飽呢間食物選擇多，飲品同甜品都幾用心會再黎

今個月係我的生日月份👸🏻，於是我俾自己一個放縱的機會，四處去搵食啦！今次就到了位於河畔花園的「九份·十分」啦！-先看一看menu,已經被各式各樣的小食、粉麵、甜品及飲品吸引啦！胃口大開呢！-「酒醉一口吉品鮑」一口一隻，大細剛剛好！放近嘴邊已聞到淡淡花雕酒香，而且鮑魚入口嫩滑又有口感！-「魚丸貢丸湯」這是其中一樣我愛的台灣小食，魚丸及貢丸爽口彈牙，同樣一口一粒，食好好的前菜！-「古早醉雞」只需$58的價錢就已經有份量十足的醉雞，但同樣有實際，雞肉嫩滑，充滿醉香，友人的大愛。-「鹽酥排骨粒湯麵」排骨炸得很惹味，粉漿也不會過厚，很有台灣夜市小食的水準呢！-「萬巒豬手飯」豬手滷得很入味，一咬下去已感到滿口也充滿骨膠原的感覺，不只會像某此餐廳只有厚厚的脂肪或是質感厚實！-「薑母茶」當晚天氣有一點涼涼的，友人點了此茶，暖暖身又可暖暖胃呢！十分夠薑，手腳冰冷人士之最愛！-「綜合水果茶」是我最愛的台式飲品，入口酸酸甜甜，十分清新！「草莓冰淇淋鬆餅」-這是不少台式cafe的招牌甜品，此店做得絕對不錯！鬆餅即叫即製，入口鬆軟，配上新鮮的草莓及雪糕，更是滋味十足！-這是充滿台灣味道的餐廳，不用✈️去當地，也能

三個知己今晚去了沙田河畔花園的「九份‧十分」吃食飯。由於大家也很肚餓，就快快打開餐牌看一看啦！除了主食外，旅有不少吸引的飲品及甜點！我們先品嚐「酒醉一口吉品鮑」八隻吉品鮑不大不少，酒味不重，清涼爽快，一啖入口，煙韌彈牙。「萬巒豬手飯」豬手醃得入味而不會過鹹，配上白飯，口感豐富。「鹽酥排骨拉麵」麵身頗為幼滑，鹽酥排骨炸得鹹香可口，甘脆非常，粉漿一點也不厚。另外我們也點了「魚丸貢丸湯」雙丸爽口彈牙，湯底清清的，令人懷念台灣夜市之味道！「古早醉雞」雞肉鮮嫩，外皮不膩，吃起來更是豐腴，醒胃非常。晚餐不能少的甜品時表示，甜品叫了「草莓冰淇淋鬆餅」冰淇淋色豔奪目，鬆餅鬆化可口，與雪糕及忌廉一同吃，更上一層樓。飲品方面，我們點了「綜合水果茶」有不同的清爽、清甜和甘甜味道，能配合食物的濃郁度。「九份‧十分」食物水準頗佳，是可選擇的食肆！位於沙田河畔花園，鄰近港鐵及巴士站，方便快捷，真的不錯呢！

早一陣子先去完台灣旅行，深深俾台灣美食吸引住，所以今日來到沙田呢邊食午餐都忍唔住要去九份十份回味一下台灣既點滴。我叫左紅燒牛肉麵 (HKD 62)，鹽酥雞 (HKD 42)，飲品就要綜合水果茶 (HKD 18)。至於甜品就選擇左草莓雪糕鬆餅 (HKD 62)。牛肉麵賣相唔錯，紅燒牛肉非常稔，口感入口即溶，分量都唔細。湯底味道夠，麵底我就要左粗麵，夠哂煙韌。紅蘿蔔就幾清甜。至於鹽酥雞，我既飛佛之一，炸得非常脆，而且啖啖肉，正呀。餐廳為左配合唔同客人既口味，好細心地有7種唔同味道調味粉，讓客人自己選擇。味道有原味，梅子，芝士，咖哩，紫菜同埋香辣。我個人就比較喜愛芝士同紫菜。至於個水果茶，有唔同既生果，有蘋果，菠蘿，橙，藍莓等等。不過佢係附有一個檸檬冰，店員建議我地要先將果茶倒進有檸檬冰既杯，跟住慢慢享受。呢個既做法就會令到果茶酸酸甜甜，非常開胃。至於個鬆餅賣相非常靚，有4塊鬆餅，有濃厚既雪糕，草莓醬同埋新鮮既草莓和奇異果，非常適合草莓控既我。鬆餅口感鬆軟，加埋雪糕，草莓一齊進食，係人生一大快事。值得一提既係店員服務既態度不俗。

每況愈下，樓面3個侍應，3個都唔識做嘅。一、落單一杯水蜜桃綠茶加珍珠，佢竟然話無得珍珠囉。。。邊有台式飲品無得加珍珠架！？之後問另一個，原來+$4可以加珍珠。咁我哋照落單+$4加珍珠。二、再落單一個下午茶餐跟水蜜桃綠茶加珍珠，結果最後出嚟係一杯水蜜桃綠茶加珍珠，一杯水蜜桃綠茶無珍珠。三、我同同事4個人落單4份茶餐，但上菜紙顯示只有3份，於是我哋問店員第4份有無落單。然後店員間互相推托，最後終於有一位黑衫的男店員㩒電腦看到經已入單。其實，㩒電腦check單係好方便快捷嘅事，實在唔明白幾個店員點解互相推托浪費時間。四、至於食物方面，不論係份量定味道水準都係十分唔穩定。上星期水準不錯，今個星期難以入口，參差得過份。

原來沙田河畔花園都幾多野食，因為新城市廣場果邊雖然就腳，但貴d同多人等位，所以朋友教路來河畔花園呢邊食午飯，一樣都係要等位架啦，但平d囉。呢間九份•十分，好彩地方大，等位都幾快，就呢度啦！餐廳是坐滿人的， 但地方大，樓底又高，不覺得迫夾，所以坐得很舒適。午餐選擇很多，而且仲跟餐飲，仲有珍珠奶茶等台式飲品揀。見到甜品，忍唔住點多個先！而且價錢$58一份唔貴。餐飲揀咗蜜桃綠茶，見到個包裝都覺得開心，因為真係好似買台式飲品咁樣，啤咗口，最鍾意蜜桃香味，清甜又醒神！飲落不太甜，綠茶味突出，天氣轉熱，飲完消暑去滯。點咗魷魚羹麵線配肉燥飯$48，見到魷魚羹麵線，超開心呀！ 諗起台灣夜市，魷魚羹係必食嘅！唔好嫌佢細細碗，因為仲有肉燥飯。即刻食條魷魚滑，口感夠彈牙，裏面好多魷魚粒，越食越香。魷魚湯羹煮得很夠濃，有魷魚餚過的香味，咸咸地濕濕地，好開胃！麵線是很幼身的麵條，一絲絲入口即溶，而且吸收了魷魚湯的味道，真是精華所在，一定要連湯一起吃，吃個碗底朝天，十分美味！肉燥飯原來還有半隻鹵水蛋。鹵水蛋鹵得非常入味，也不怕吃飯很乾身，因為肉燥很多汁，咸中帶甜，拌飯吃一流，而且肉燥的豬肉很新鮮，食落口感煙韌，一

入到呢間餐廳好似去左一個台灣火車站咁，因為成間餐廳設計成一個火車站，收銀處就好似買火車票柜臺咁，侍應廣東話國語都對答自如，身邊嘅食客亦聽到唔少台灣國語嘅口音，好似去左台灣。牛肉麵湯底有蕃茄味，牛肋夠諗，牛肉帶有少許牛肋同埋有軟骨，兩大塊都又諗又入味。醉鴿、醉鴨舌丶醉瑭心蛋都好入味。芝士鷄冀咬入口芝士喺口𥚃面咇出嚟，夠嘢味。炸雞配芝士溶岩又嘢味又香口，好多芝士溶左喺個大麵包入面，成件脆香嘅鷄件放入芝士之後再由芝士溶岩裡面攞出嚟放入口，感覺好滿足。

九份就諗起寶島台灣，九份十分就係好似台灣咁嘅小餐室，位於沙田河畔，地點都一樣寫意，店內每件小擺設有寶島獨特嘅色彩，每位侍應都有台灣嘅人情味及笑容，除左台灣料理，佢哋仲加入中西日韓元素，大部份我都可以俾十分。溶岩芝士雞，賣相已攞滿分，忌廉芝士醬放入圓形法國麵包內，再加上大量芝士原隻焗，熱辣辣香噴噴，配合韓式炸雞，真係食指大動，一動手想取雞時，細心嘅侍應提醒我哋，有即棄膠手套放左向碟邊，取出一直以為係濕紙巾嘅物件一望～～dom dom???望真D原來即棄膠手套在此，好幽默講返隻雞，炸得好食過某D炸雞店，炸雞只係淡淡調味，沾入芝士忌廉汁嚟食就啱啱好，唔會大家互相搶味道另一推介，夏日西門町，即鳳梨沙冰，沙冰打得幼細，放左D冰凍鳯梨果肉響頂，有得飮仲有得食同場加映，隔離枱碟飯香，好大碟，好似好好味，我問隔離枱位先生可唔可以俾我影張相，佢話影啦，係lunch set A1嚟㗎。。。

在沙田搜索臺灣菜，看到這個很多客人讚，就過來試一下，首先地方真的太窄，如果想坐得好D都幾困難，因為服務員態度就是每張枱都要搭枱坐滿位，唔理你用餐是否舒適，我坐下來食嘢才知道這樣安排位。作為不是快餐店價格的餐廳，雖然想多做生意，但也應該照顧正在用餐的客戶感受和提供合適用膳環境，可能服務員覺得不是自己是食客，和她們沒關繫吧！其實食客也不會坐得耐，因放下筷子很快枱面已經清潔了，你唔走都唔好意思啦！食物方面，其實和其它同類型似的臺灣菜食品並沒有特別出色的出品。可能點讚的評語都是在餐廳不是正常食飯時問消費吧！