九爺牛腩 (佐敦道)

營業中

休息中

成日未食過嘢，去探病之前食個下午茶。搜尋過好多附近嘅茶餐廳，就係冇邊間想食。心囉囉攣又想食牛腩河，但係見佢門面有個西式嘅下午茶，望落去有幾吸引，所以就入去呢個快餐。估佢唔到粉面舖杯奶茶都整得幾有水準，我叫咗少奶㗳得出個茶味都幾濃。本身諗住快食，但係都等咗一段時間。不過我想話但係值得嘅。西多士超邪惡平時真係無食。不過唔想食沙律，就要西多士。切開第一下見佢白色麵包，係有少少失望。點知切到中間心就有驚喜，係有花生醬㗎！當堂成件事升華咗。薯條都係新鮮炸唔會滋滋。個雞脾落去都好得體。雖然食落去有少少嚡，但係個味有啲癲，估佢唔到落咗孜然粉去醃嗰隻雞髀。同埋切開中間望落真係生炸雞髀。以依家$40下午茶呢個質素真係超班，同埋侍應服務都好好，醒目又勤快，自動波拎晒啲調味料過嚟。呢一餐下午茶真係好滿足。

黎開呢邊上堂，想食粉麵，見到呢間的評語唔錯，就入左黎。比起一般的粉麵店，呢度感覺坐得更舒適，環境光猛企理，店員有禮。我叫了牛三寶河粉。湯底香濃，但又不會過鹹。牛腩，牛筋同牛肚都炆到好軟腍入味，而且切成粗絲，份量幾多。牛腩肥瘦適中，牛筋口感軟滑，制作用心。河粉煮得剛㚥，不會一夾就斷。朋友點了剩鮮蝦雲吞，粒粒飽滿。蝦幾新鮮，又夠彈牙，一碗大約有8粒，絕對夠食。最後的凍奶茶，都好夠茶香味，又夠細滑，的確唔錯。餐廳食物達標，值得一試。

移民後嘅朋友總會掛住香港嘅牛腩河九爺牛腩喺尖沙咀同佐敦都有分店除咗馳名崩沙腩，亦有多種牛部位都值得一試仲有小食．飯類供應✨牛脆骨南乳豬手河 好多地方都食唔到牛脆骨竟然喺呢度食到呀係罕有嘅牛部位．口感非常爽脆配上軟腍嘅南乳豬手能補充豐富油骨膠原蛋白✨香茅雞翼即叫即炸．金黃外皮大隻飽滿．肉質嫩滑✨腐乳通菜通菜新鮮嫩綠跟腐乳完美配搭✨熱奶茶茶底香濃．熱飲更香醇幼滑幾十蚊就可以品嚐到又平又好味嘅港式味道下次再嚟．一定要試加入瑤柱嘅豉油皇炒麵呀

在**九爺牛腩**（佐敦），你絕對不能錯過以下美味推介！🍽️✨### 必食推介：- **孜然雞翼** 🍗：香氣四溢的孜然調味，雞翼外脆內嫩，讓人一口接一口，滿足你的味蕾。- **秘製牛三寶** 🐂：由多種牛肉部位組成的美味拼盤，肉質鮮嫩，搭配特製醬汁，令人回味無窮。- **招牌八寶** 🍲：這道混合精華的八寶湯，選用新鮮食材，湯底濃郁，滋補又美味。快來**九爺牛腩**，享受這些口感豐富的美食，讓你在忙碌的一天中得到滿足！ **地址**：佐敦道36號 📍

嚟咗呢間喺佐敦嘅粉麵店諗住簡單快脆食個港式牛腩麵作為午餐🤣首先嚟個 $100「沙薑手撕雞淨食」：大大碟拆晒骨食得好方便，撈咗超多沙薑醬所以每一件雞都沾滿沙薑醬，味道濃郁🤣當然係要食牛腩啦🤣，$59「崩沙牛腩麵」再 +$16「拼豬手𨍭伊麵」：「崩沙牛腩」似乎係牛腩中最矜貴嘅部位，呢間粉麵店嘅「崩沙牛腩」肥瘦適中肉質軟熟兼有牛味😋；豬手就炆煮得夠腍😋；伊麵煙煙韌韌幾彈牙🤣跟麵加 $12「郊外油菜」：揀咗「腐乳通菜」，「通菜」夠新鮮爽脆簡單幾好食😋跟麵「熱奶茶」：夠濃郁夠滑😋

九爺牛腩（佐敦道）餐廳位於九龍佐敦佐敦道36號地下,餐廳裝修簡約,環境光猛,乾淨衛生,餐廳主打港式粉麵,還有其他三文治雞翼小食供客人選擇,服務員招呼到位。崩沙牛腩米線配有芫茜蔥和炸蒜蓉,崩沙腩厚切,肥瘦均勻,食落有牛味又腍滑,每条米線沾滿腩汁,飲品有凍檸樂。牛三寶飯三寶飯有牛腩,牛筋和牛肚,配有生菜,牛三寶與飯分碟上,牛腩食落多腍滑,牛筋口感有骨膠原,牛肚爽口彈牙,飲品有熱鴛鴦。淨雲吞淨雲吞配有生菜,粒粒雲吞非常飽滿,餡內豬肉肥瘦均勻,鮮蝦爽口兼彈牙。腐乳通菜腐乳與通菜最佳組合,通菜食落青嫩,無渣,腐乳味辛,微鹹,好惹味。

呢一間喺佐敦彌敦道嚟講，算係一間好抵食嘅傳統麵家。座位坐得舒適闊落，侍應亦都很好人。嘢食性價比超高。 係同區嚟講，仲有呢一間麵檔，要珍惜經常幫襯。每次去佐敦上法文堂，必會經過呢一間嘢，都會早少少去食完個lunch之後去上堂。十分方便。

星期日出到佐敦，經過這粉麵店，見店舖乾淨企理便入內一試。適逢下午茶時段，原來食粉麵可免費有一杯飲品（凍飲+3），幾抵食啊。牛腩牛雜河（$54）這碗河粉真是值得一讚！這湯底很香但不會太咸，而且牛腩半肥瘦，容易入口，肉質並不粗糙。牛雜也保持水準。沙薑手撕雞飯（$56）想不到粉麵店竟然有手撕雞飯，這手撕雞肉質嫩滑，沙薑味濃，送飯佳餚。淨雲吞（$44）雲吞外皮又薄又滑，鮮蝦和豬肉為饀料，十分美味。清湯底加上生菜為伴，十分合適。生菜（$12）生菜加上腩汁，很喜歡腩汁香而不咸。

星期四中午時間，一家人去咗九爺牛腩度食嘢，叫咗牛腩飯，火腿蛋多士配豬扒公仔麵，咸牛肉蛋治，咁撚係凍檸茶同凍雪檸水。牛腩飯嘅份量都好夠，牛腩唔韌易入口，啲菜索咗啲湯汁夠入味。火腿蛋賣相同味道一般，塊多士其實可以多少少牛油，公仔麵嘅湯底偏淡，塊豬扒係韌嘅。咸牛肉蛋治不過不失。可能佢出名嘅係牛腩，所以其他食物都係一般質素，而牛腩亦未至於有下次會嚟幫襯嘅預設。店員嘅服務態度係有禮貌嘅。

係巿區想平平地食餐飯去九爺牛腩就啱，抵食大份又好味！餐牌樣樣都好抵食！宜家做緊優惠，送丸或紫菜或炸魚皮或熱飲！抵上抵！Food list🍽️牛魔王河 $64 (跟餐+通菜 +$12)(跟餐送熱奶茶)甘香牛筋河 $44(+牛腩 +$10，+雲吞 +$6)牛腩好靚好有肉汁，肥瘦均勻，口感仲好好添！碗面好大碗，料又足，性價比好高！雲吞大大粒，有彈牙鮮蝦係入面！(跟餐+生菜 +$12) (跟餐+紅豆冰 +$12)孖然雞翼 $32炸得香脆金黃，好惹味！

之前試過九爺牛腩嘅尖沙咀分店 今次行過佐敦就試埋呢間佢環境光猛 乾淨企理 冷氣好夠服務員態度都唔錯 價錢又合理 整體性價比高-🐮招牌雙沙河 $69 加$14轉魚麵除咗八寶河同埋崩沙腩最想試就係呢個雙沙河牛雜每樣有好多件 無內臟味麵嘅選擇亦都唔少最特別嘅係有魚麵 一見到就加咗感覺上係切咗條嘅魚片 麵粉味好少反而魚肉味豐富 份量充足有誠意湯底濃郁帶少少甜 唔油 加埋辣椒油夠香-🐮腐乳通菜 $12$12有咁大碟 而且蔬菜新鮮冇青草味腐乳嘅份量都唔少 難怪見到台台都叫碟菜-🐮鮮蝦雲吞 $44雲吞一共有七隻 每個都好飽滿裏面有一隻原隻鮮蝦同半肥瘦豬肉調味啱啱好 唔會太鹹 個皮亦都唔太厚呢個湯底同面類唔同 比較清淡 突出雲吞嘅鮮味-🐮魚蛋拼牛丸 $50魚蛋同牛丸各有四粒 份量合理魚蛋彈牙 唔會剩係得麵粉味牛丸牛肉味濃郁 而且都幾多汁

魚餃拼雲吞河粉，可以轉其他粉麵。魚餃雲吞各兩粒，皮薄餡多。米粉滑身，湯底清甜，老少咸宜。下午茶包括吉列豬扒、吉列魚柳、嫩滑雞扒、椒鹽雞翼、炸雞髀、香煎魚柳、香炸豬扒，另外選擇薯條或沙律，跟半件西多士。吉列豬扒夠大塊，炸至金黃酥脆，肉質厚身。吉列魚柳入口即化，無雪藏味。炸雞髀啖啖肉，雞翼三大隻，外脆內嫩。小食都ok，薯條幾油但好脆，沙律夠多醬，食落開胃。西多士拍得住出面嘅茶記，脆，油，肥，好滋味，落埋蜜糖同牛油，好難唔好食。

崩沙腩粗麵（$57）凍檸茶（+$3）先講湯底，味濃帶微甜，但油膩咗少少。崩沙腩有五件，切得都算大塊，肉質腍但無咩肉味，性價比低。牛雜幼麵（$42）有4片金錢肚，2舊肺，2舊竹腸，2舊粉腸，1件膀，除咗腸外，其他都切得幾大舊。至於味道就普普通通，不過不失。

实际消费体验以及客观分享。不捧，不吹，不黑，不踩。只描述实际粉类，做得很不错，该爽的爽，该软糯的软，该筋道的有。汤底，清得来一又浓郁鲜美。牛腩牛杂类，做得很不错，要口感有，要入味有，肥肠处理得很好，还带油脂吃起来还有油脂的香气。牛肺不行，没处理好，带腥味。服务，听说店家对讲普通话的不待见，我就故意讲普通话点单点菜了，啊姐下单和上菜都还好，招呼正常，没过多热情也没白眼。这家分店有两个特色，特色一，食物就还不错，特色二，本地街坊或者去多几次的食客也许就知道，它家厨房半开放式，所以声音说话都很清晰，特色二就是厨房一有个砸自己招牌的小工，一个豆沙喉，声线像鸭子一样难听的市井之徒，声线难听也就接受了。那逼样，在厨房聊天又大声，而且全程三字经脏话连篇的，内容就在讲“捞佬”的闲话，我也讲普通话我也算捞佬了，我就唔讲粤语，就讲普通话。点先。当真同胞听不懂吗？ 肆无忌惮的脏话连篇说。非常影响食客的吃饭兴致，这种垃圾人非常让人讨厌。你没教养喧闹就算了，工作期间讲内地同胞们的闲话就特么缺德。那个豆沙喉可能老板亲戚吧，不然怎么在厨房打杂，还那么大声喧哗脏话聊天。赚着同胞的钱还不懂收敛点。就算好吃不是唯一吧。这

用餐日期：2024/06/04用餐時段：午餐用餐費用（每人）：$61.5餐廳環境：環境整潔乾淨 冷氣足 室內不少座位 檯與檯之間較近人多時可能要搭檯服務：服務員服務態度正常味道：點了崩沙腩河+牛腩河+生菜+菜心崩沙腩河$57：份量足 湯底濃不咸 河粉煮得剛好不會過稔 崩沙腩有約8塊 牛腩帶軟筋切得大塊厚身不肥牛味十足煮得很稔很入味 整體味道非常好 推薦牛腩河$42：份量足 湯底濃不咸 河粉煮得剛好不會過稔 牛腩有約8塊 牛腩偏瘦煮得不夠稔有點鞋口 如牛腩煮得夠稔不鞋口會更好 生菜$12：份量足 選了腩汁 味道正常好味 推薦菜芯$12：份量足 選了腩汁 味道正常好味 推薦總結：這家環境比一般河粉茶餐廳舒適 有不少卡位 之前幫襯這家的牛魔王河中的牛腩味道好 今天便來試崩沙腩河+牛坑腩河 可惜店員說今天牛坑腩河沒貨沒法提供 最後點了崩沙腩河+牛腩河 2款牛腩推薦崩沙腩河 希望下次再幫襯時可試牛坑腩河 整體是值得推薦崩沙腩河的粉麵餐廳餐牌：