九町屋

營業中

休息中

眾所周知天后、炮台山兩個地鐵站附近好多小店，都好好味，今次去咗九町屋揾食，好想記錄分享一下🥰真心推介，無論食物、價錢都非常優質底食，平民美食必選💕主要推介 - 晚市特惠套餐，勁抵食👍🏻✨A餐一人定食：厚切牛舌定食 - 免費送米飯＋飲品 ($88)📝牛舌都真係幾厚身，外層煎左，食落口外面幾實淨二入面好軟熟，再配搭埋其他伴菜小食，好好味👍🏻✨B餐小火鍋：牛肉小火鍋 （$98）📝火鍋有2種湯底可以選擇，壽喜燒鍋底或者豆乳雞湯底。今次揀咗豆乳雞湯，湯底十分之驚喜，豆乳味香濃，配搭牛肉及蔬菜一齊，幾清新，食落口好舒服，絕對唔會好漏👍🏻✨特色燒✅鹽燒雞翼 ($35/2串）📝鹽燒雞翼穿法特別，張隻雞翼攤開嚟燒，令到外皮燒得好脆，又唔會太乾👍🏻價錢仲好抵食🥰✅焦糖燒菠蘿($30/1份有2串)📝必吃菠蘿👍🏻焦糖燒得好脆，菠蘿好甜，夾埋一齊食口感層次豐富💕飲品推介✅百香果紅茶：好香濃好飲，熱飲都好好飲👍🏻✅手打蜂蜜檸檬紅茶：清新唔算太甜，再配埋面頭有啲泡泡就更好飲👍🏻

食過發現九町屋值得推薦👍🏻價錢唔貴之餘，質素都好高午市選擇繁多，套餐仲包一杯野飲加多個小食絕對會食到飽住咁走🤣🍱豚肉生薑燒便當 $66主食豚肉用左洋蔥同特配既生薑醬汁烹調，醬汁偏甜，新鮮生薑用量適中，調到味之餘唔會有辛辣既味道，撈飯一流😋便當保留到日式風格，日本配菜同漬物乜都有啲，例如甜小薯仔、酸口開胃腌蘿白、juicy 車厘茄、鳴門卷、冬菇同玉子卷好岩貪心乜都想試啲既食客😊🐮牛肉壽喜鍋 $69性格比真係極高，呢個價錢食到味道唔錯既壽喜燒。壽喜汁味道偏甜牛肉份量超足料，牛肉浸滿壽喜汁同蛋液，又滑又甜😋另外粉絲、金針菇同娃娃菜同樣足料，已經好少餐廳會咁足料之餘，仲要價錢咁實惠。套餐包既飲品：🍹手打蜂蜜檸檬紅茶蜂蜜酸檸檬🍋fresh🍹 百香果紅茶酸酸甜甜百香果配紅茶，好飲👍小食炸物：🥟炸餃子 $33炸物即叫即炸，上枱熱辣辣❤️‍🔥🐣唐揚雞（配手作他他汁） $35他他汁有酸瓜既清新酸味，配脆炸唐揚雞平衡油膩感。整體餐廳性格比高，午市唔洗加一，200蚊就食到2餐加2個小食，值得再黎😋

突然好掛住日本 如何一解相思之苦就係去食日本野囉=⩌⩊⩌=牛肉壽喜鍋$𝟞𝟡男朋友同我都一致讚賞壽喜鍋既麵๑ᴖ ᴑ ᴖ๑好似粉絲 但又無粉絲錦幼 唔會一夾就爛 爽口彈牙 形狀同粉絲唔太一樣牛肉壽喜鍋既料有冬菇 金菇 小棠菜 娃娃菜 魚腐 粉絲 仲有碗飯 ՞⸝⸝'ᜊ'⸝⸝՞ 飽到要我男朋友包底先食得曬 跟餐飲品 手打蜂蜜檸檬水唔似一般既檸蜜 檸檬味濃啲 又無錦甜𖠚ᐝ牛肉生薑燒便當$𝟞𝟡大推便當🫧又有前菜 甜品 小食 蔬果 超豐富 營養亦超足夠៷>ᴗ<៷前菜有男朋友鍾意既帶子裙邊小食有 煎蛋 蕃薯 關東煮既蘿蔔同冬菇蔬果有小蕃茄甜品錦曬需要ദ്ദി˶>ᴗo)✧減肥既我 一粒密瓜味既糯米糍 超驚喜主菜既牛肉生薑燒都好味跟餐飲品 百香果綠茶有百香果果核 真材實料₍‧ꀈ˙⁾՜辛味雞翼 $𝟛𝟡 𝟛隻熱辣辣既雞翼 差啲燙親個嘴證明即叫即整 ✧（ᴖ‿◕）夠新鮮滾熱辣鋪滿七味粉 比想像中唔係錦辣芝麻蝦多士（配威土忌汁） $𝟛𝟠為左試個威土忌汁 雖然無威土忌味好似甜甜既千島醬味 都幾特別૮₍◜ෆ◝.₎ა總共有四舊芝麻蝦多士 超脆口

【九町屋】最近去咗天后新開嘅一間日式小食堂 價錢親民食物質素唔錯 夜晚都超多人食~牛肉壽喜燒 （轉烏冬＋$10）💰$78性價比超高，份量超足牛肉新鮮 仲有好多菜 金菇同豆腐而且湯底幾好飲雞軟骨小丸子串 💰$29外脆內嫩 不過朋友仔話覺得雞軟骨唔夠多略嫌口感冇咁夠咖喱豬扒飯 💰$56咖喱味道濃郁 炸得酥脆豬扒無臭豬味 性價比都唔錯😂吉列炸芝士 💰$37炸芝士有2款一款奶味重啲，另一款就cheese味重啲🧀個皮炸得好酥脆，口感一流😋手打蜂蜜檸檬紅茶味道有少少甜 佢手打到成杯啤酒咁😂😂 睇嚟好出力打😆 好搞笑

九町屋今日要介紹喺天后山河大廈地下每一間日本菜餐廳叫「九町屋」，我未入去餐廳之前，已經留意到佢哋已經喺門口放咗一塊膠斜板，本身門口係有一級，老闆真係好細心，招呼不同類別嘅顧客需要，正正就係我想要嘅無障礙要求！1.咖哩唐揚雞飯+手打蜂蜜檸檬水$58（8.5/10）呢間餐廳午市套餐係包埋飲品，主食揀咗咖哩唐揚雞飯，咖哩係偏向日式咖哩甜甜地，唐揚雞都有大約10舊，飲品就揀咗手打蜂蜜檸檬水，不過飲品個名應該寫錯咗，唔係手打蜂蜜檸檬水，應該係手打蜂蜜檸七，入面堅係勁多氣，搞到唔係我想要果杯手打蜂蜜檸檬水！2.牛肉壽喜鍋（配米飯）+芒果綠茶$69（9/10）呢間餐廳午市套餐係包埋飲品，主食揀咗牛肉壽喜鍋，牛肉都有大約5片，壽喜鍋個湯底有少少甜甜地，其他配菜有娃娃菜、豆卜、粉絲同金針菇等，仲配埋飯，飲品就揀咗芒果綠茶，兩者加埋個味道有少少怪怪地，芒果味唔覺有，綠茶亦都唔覺有，可能兩個味道加埋就係咁嘅味道！3.醬燒雞扒$33（10/10）呢個醬燒雞扒好好食，雞扒肉質好嫩滑，雞扒上面搽咗甜甜地嘅醬汁，一共有4舊醬燒雞扒，旁邊仲有沙律菜同蕃茄仔，小食嚟講真係必叫之選！4.辛味雞翼（3隻）$39（10/10

無加一服務費，日式set款式好多既一間餐廳🫶🏻主打一人定食，每款都勁吸引又多樣化～～牛肉壽喜鍋（配米飯） $68雖然呢個唔包野飲，但加杯手打蜂蜜檸檬水都係$10，盛為$78 一set超抵‼️而且好足料～味道仲要好食～牛肉量巨多，原隻溏心蛋、粉絲金菇豆卜等等蔬菜，仲配埋碗白飯，份量非常足！如果佢開係我屋企樓下，我一定會成日食🥹🥹厚切牛舌定食跟飲品 $88牛舌微微焦香，保留牛舌既鮮嫩同油份，咬下彈牙而不韌，搭配既飯有飯素，前菜好食！仲有滑騰騰既溏心蛋伴飯～有埋足料湯飲🥹跟餐配熱九町屋奶茶，質地都滑，唔會太奶保留到茶香👍🏻呢個set真係夠晒完整～～芝麻蝦多士（配威士忌汁） $38皮薄香脆，配威士忌汁特別得黎又幾夾，中和左油膩既感覺👍🏻

今日經過天后，看見這間餐廳於是入內一試。餐廳環境舒適，牆上繪畫了特色日本建築物，都頗有趣，坐位也闊寬舒適。我們點了一個壽喜燒豚肉鍋、厚切牛舌定食、秘製燒茄子。飲品就點了百香果綠茶及手打蜂蜜檸檬水。#壽喜燒豚肉鍋鍋中材料很多包括有豚肉, 魚蛋, 油豆腐,醬油蛋,冬菇,金菇,白菜仔幾乎滿瀉，豚肉卷大大塊, 沾上壽喜燒汁, 非常美味，熱熱乎的非常暖胃。#厚切牛舌定食牛舌大大塊, 咬下去口感嫩滑，配著醬汁有一種獨特的肉和和甜味，定食配菜有帶子裙邊，青瓜及温泉蛋。#秘製茄子分量都不少, 茄子配上秘製沙律醬, 口感都幾特別。兩杯飲品百香果綠茶及手打蜂蜜檸檬水甜度適中, 又沒有加一, 十分經濟, 性價比高的餐廳。

餐廳環境寬敞舒適，無限時，跟朋友吹水好地方天婦羅蝦定食天婦羅蝦炸得金黃酥脆，蘸上一點淡醬汁，味道不過不失。醬汁味道不錯，唯獨醬汁表面被油封住了，很難沾上，有待改善。想特別一讚定食中三款配菜，醃青瓜，醬油溫泉蛋，帶子裙邊，清新開胃，想一食再食。如果可以添食就更好。另外，白飯用上香軟日本米，配上飯素，倍感飽足。湯品湯料很豐富，有雞和蘿蔔，不是想像中的麵豉湯。咖哩唐揚雞飯唐揚雞炸得外酥內嫩，炸粉都不會太厚。咖哩香味濃郁，辣度都恰到好處。炸雞和咖喱分量都多。秘製燒茄子原條開邊的茄子塗上鹹香中帶有一點甜味的秘製醬料，口感豐厚，很絕配，不太膩。手打蜂蜜檸檬紅茶手打蜂蜜檸檬紅茶有驚喜。這是一款清新解渴的飲品。紅茶的濃郁、蜂蜜的自然甜味配上新鮮檸檬的酸味恰到好處。十分推薦！！總結來說，依間餐廳食物份量很足，性價比很高，如果有機會嘗試，一定不會讓你失望

今日出咗去玩成日，好攰。晚餐就近近地係屋企附近水星街新開嘅九町屋度食。餐廳座位好舒適，係日系風格。我哋分別叫咗一個香煎牛板腱定食（$88）同埋厚切牛舌定食（$88），另外再加咗一份特色燒迷你甜番薯串（$20）。定食套餐好豐富，包括一個主菜，一碗飯，三款冷盤前菜，餐湯同冷熱飲品。前菜分別係醬油溫泉蛋，香醋小黃瓜，麻辣帶子裙邊。溫泉蛋好流心，蛋味濃。小黃瓜，酸酸地好開胃。麻辣帶子裙邊好惹味。今日餐湯係紅蘿蔔椰菜煲雞，好多湯渣，真材實料，味道清甜，飲落好舒服。牛板腱好大塊，唔韌。厚切牛舌牛舌有啲部位係比較腍身易咬開，而有啲部份就比較爽口彈牙。迷你甜番薯口感軟糯香甜。凍百香果紅茶香甜解渴。

呢間餐廳位於天后，主打日式定食/一人邊爐或者係壽喜燒鍋，價錢相當親民😆～啱哂返工放飯/附近街坊!!𝟙厚切牛舌定食 $88牛舌煎到微微焦香，表面帶有輕微脆口感，但內裡仍然鮮嫩，咬落完全唔韌，仲帶有濃郁嘅牛肉香😆定食分別有三種開胃前菜，涼拌青瓜、溏心蛋同麻香帶子裙邊，帶子裙邊食落有少少麻辣香味，好開胃，定食仲有一碗蔬菜同雞肉熬製嘅清湯，飲落清甜唔肥膩😆𝟚牛肉壽喜鍋（配米飯） 轉烏冬 $68+$10牛肉壽喜鍋呢個價錢嚟講都好唔錯😋有牛肉、娃娃菜、魚腐、粉絲、金菇同冬菇等，醬汁味道非常濃郁，鹹味為主，主食本身配白飯，但可以加 $10 將白飯轉烏冬，呢度嘅烏冬滑溜彈牙，推薦要加烏冬！🤤

今日黎天后接朋友放工，佢就帶咗我黎食佢嘅港島飯堂，港島食到呢個價錢仲要咁足料嘅日式小店真係好難得！今次同朋友叫咗牛肉豬骨湯鳥冬（$58）：牛肉係用燒用汁煎過，配埋豬骨湯中和返個鹹味就啱啱好，烏冬質地彈牙，配菜仲有粟米同溏心蛋。牛肉壽喜鍋（$68）（轉烏冬+$10）：牛肉嘅份量好多，一上枱壽喜燒汁嘅香味撲鼻而黎，入面嘅配菜真係值得一讚，有冬菇、金菇、娃娃菜、豆腐、日式生蛋，另外仲有粉絲，食埋個烏冬真係飽到上心口，一個女仔絕對食唔晒，$70食到咁豐富嘅一人鍋真係好滿足，大推！所有跟餐特式飲品都只係加$10，唔係普通嘅檸茶檸水，我哋分別叫咗百香果綠茶同手打蜂蜜檸檬水，百香果味好香，檸檬水都唔會太甜，呢個價錢飲到兩杯台式飲品咁！小食方面，今次叫咗唐揚雞配手件他他汁（$35），唐揚雞即叫即炸，香酥可口，皮薄多汁，上菜嘅時候都仲熱辣辣，配埋沙律醬更加出色。另外我哋仲叫咗和風雜菜沙律（$35），沙律份量好大，醬汁酸酸甜甜，去膩一流！呢度環境乾淨舒服，裝修都好新淨，員工都好有禮貌，絕對會再黎！

天后九町屋啱啱搬咗新地址去水星街，新裝修換上大大幅壁畫。感覺清新咗！環境舒適，坐得都舒服。今日約咗朋友仔啖下心，撐下枱腳～响附近食個飯。食物價格都好穩定，平民化！惦！佢哋嘅串燒好好味，好夠juicy！好有驚喜！鹽燒黑豚腩肉串燒得好有技巧，鎖住肉汁！明太子醬燒翠玉瓜翠玉瓜高纖維又低熱量，營養價值又高。今次仲加埋明太子，真係有另一番風味。牛肉小鍋鍋細細，但牛肉滿滿，菜又多，牛肉的濃郁香氣配飯，飽足感十足！

見新店,價格親民,決定試下,可能係試業關係，餐牌選擇少左dd，QR code落單,屋企人揀左蒲燒鰻魚定食,我揀左黑豚小火煱,小火煱送白飯,再加$10 order烏冬,兩個餐送野飲,而且凍飲唔駛加錢👍👍蒲燒鰻魚定食,有三個小食,以麻香帶子裙邊最讚,另外有醋青瓜&溫泉蛋小食,主食蒲燒鰻魚size細左少少外,味道ok,起碼屋企人無投訴先🤣我個黑豚小火煱都幾巨下,d料塞爆成個煲,黑豚有四大塊幾厚下,另外有半隻蛋,兩塊魚片,兩嚿冬菇,日式豆腐喺面外,底下有大白菜&粗粉絲，食完個飯再啪埋個烏冬,超飽,小火煱超抵食,值得再幫襯👍👍