九記餐廳小館

營業中

休息中

小編今日來到元朗一間茶餐廳「九記 Mr.Nine」，今次來到茶餐廳吃下午茶，下午茶時段為下午兩時至六時⏰ 茶餐廳提供多款美食，包括招牌豬扒包🐷 、吉列魚柳包、哥斯拉炸雞髀、脆脆奶油豬、菠蘿油、西多士、公司三文治🥪等，下午茶性價比高，而且份量夠足料，成為街坊必到的茶餐廳🙌🏻「九記招牌豬扒包配薯條」如手掌厚的豬扒，如臉般大塊的豬扒‼️ 以香草煎至微焦香豬仔包先烘脆，夾入生菜及蕃茄🍅 加入酸甜的沙律醬沙律醬的燒烤醬，甜鹹交織而平衡，一口咬落去是香脆的豬仔包，接著豬扒肉汁溢出，有部份豬扒是帶骨，啃起來特別香🧡 粗薯條即叫即炸，外脆內香，配上一杯港式凍檸檬茶成為下午茶的最佳組合🍋 🍽️菜式：九記招牌豬扒包配薯條👅好味指數：8.5/10💰消費：HK$49📍地址：九記餐廳小館 (元朗) 元朗大棠路48A-48K號昌發大廈地下8-9號舖🈹推介優惠：N/A

今日嚟到 九記，一間充滿地道風味嘅茶餐廳，散發住濃濃嘅懷舊氣息。餐廳環境簡單樸實，令人一秒回到小時候嘅茶記時光。服務員好親切，招呼周到，坐低一刻已經覺得好放鬆，啱晒想食啖懷舊味道嘅我。炸雞髀配沙律
炸雞髀係今次嘅主角！一上枱，金黃酥脆嘅外皮已經好吸引，咬落去「卡滋卡滋」，外脆內嫩，雞肉多汁又鮮嫩，完全唔乾柴。雞髀炸得啱啱好，油香同調味好平衡，食落去好有滿足感。配菜嘅沙律簡單清爽，仲有少少沙律醬，解膩一流，完美平衡咗炸雞髀嘅濃香。凍檸茶
凍檸茶係茶餐廳嘅靈魂！九記嘅凍檸茶茶味香濃，帶有濃郁嘅紅茶香，檸檬味夠突出，酸酸甜甜嘅口感好清新。冰塊適量，飲落去好解渴，仲好解膩，配搭炸雞髀真係絕配。尤其係夏天，呢杯凍檸茶簡直係救星，令人精神一振。

友人推介，路過當然入去試下。店鋪環境舒適及衞生程度，比一般茶餐廳好。服務員唔算太粗鄙，對客人亦唔會太冇禮貌。下午茶時間，唔食下午茶餐都對唔住自己。豬扒包包面唔夠脆，豬扒亦唔算厚，但即煎有汁，算合格。炸薯條雖然係粗條但口感一般。西多士味道正常，但太薄身，冇傳統老牌茶餐廳嘅風味。奶茶反而好一般，茶味唔出，亦唔夠滑。整體而言，比好多茶餐廳好，價錢亦唔係貴好多，但未到必食之選嘅程度。下次可試埋即炸大雞髀。

是日晚餐、去九記試吓、叫左德國脆皮豬手、好脆、多肉、有乳豬皮嘅味道、肉又多！晚餐A 蒸紅柚 魚滑鮮味😍、配上熱辣辣的薑蔥豉油汁蔥更加好味下飯、加支藍妹、爽爽！週末啤一啤、配脆皮豬手、一流！最緊要啤酒夠冰凍！

攞飛攞2位，餐廳裏面除了卡位大部分都是拼合枱。拼合枱可以坐2人起以上的人數，但是我們等了超過半小時，但佢連續讓3組3人座的安排入座，最後入座的那一組只是來了5分鐘⋯⋯2人座和3人座的枱是一樣的（非卡位），佢都讓人地先入。以後不會去食。個老細行出行入唔知做緊咩，剩係識得講好快有位（但佢係對住其他人講的）

之前九記麻麻地，2年幾前翻新咗之後好咗好多食物係正常茶記質素，都好食，而好份量，平日一個晚餐炒飯我可以食兩餐，但價錢係正常茶記價位，除返開好抵食係杯凍檸茶偏甜，我試過叫少甜但變咗走甜，茶味比較弱，不過呢啲都係個人口味問題，可能有人會鐘意食物種類多，早餐有薯餅揀，有辛辣麵，最鐘意係佢一次過編晒成個月的午餐餐牌，一眼睇晒，每日6款A 至F, 可以提早知道邊日有嘢啱食但最想特別一讚的是服務質素，茶記中少見店員和老闆都係非常友善有禮而又高效率，上菜快，加上環境响茶記唻講係算相當乾淨，地下唔會有食物殘渣之類係近門口位置會有蚊滋，不過這可能和餐廳位置有關，都唔關間餐廳事總之，响茶記唻講，九記係俾到幾好嘅用餐體驗

上次試咗佢嘅Tea，今朝反正要去元朗，順便試埋佢嘅早餐。我同朋友差唔多11點先去到，餐廳門口已經有位阿姐話有卡位，叫我地入去坐，阿姐都好有禮貌。我地坐係中間最後一行，對正個冷氣風口，都有少少凍，不過費時轉枱嘞。🤣我同朋友各自叫咗一個‘’自選早餐‘’✔️沙嗲牛肉麵✔️煎蛋煙肉多士✔️凍奶茶✔️炸菜肉絲米粉✔️炒蛋漢堡扒多士✔️凍檸茶食物質素整體嚟講都唔錯，只係沙嗲牛麵湯底略為唔夠熱。埋單總共87蚊（已包括凍飲+3蚊），正常價。

本來約咗朋友係元朗食tea，點知俾人放咗飛機🤣。孤身一人行到去千色店，由於天氣太熱唔想再行，就撞入咗呢間九記餐廳，下午茶時間兩點至六點。我叫咗個豬扒飽薯條，飲凍檸茶。✔️豬扒包～味道唔錯，豬扒好大塊，亦好厚身，下午茶嚟講真係夠哂食。✔️炸薯條～薯條是即叫即炸，要攤一陣先入到口，因為太熱氣🤣，所以我都無食哂。✔️凍檸茶～普普通通沒特別。埋單總數52蚊，唔算好貴，又唔算好平，普普通通咁啦。有機會的話試佢其他餐。

九記喺元朗個朵都幾響，一直想試下呢間餐廳既晚飯但就幾次都多人等位無食到。今晚行過見不是太多人就試下，真心唔錯wor, 個豬手皮脆肉嫩。魚香茄子夠晒鑊氣又入味，熱騰騰炸炸聲咁上枱，但魚香茄子好食既代價係多油，注重健康可能就不太合適。餐廳環境就一般茶餐廳既乾淨程度，冷氣夠凍，凍檸茶正常。另外一樣值得讚的地方是，係我呢晚幫襯時d 仕應都好好禮貌，又開開心心咁仲會同你講下笑咁，唔會黑口黑面同限時，以後會多d 來幫襯。

今日入元朗，經過見九記好多人食，就入去試下午茶，試吓基本的法蘭西多士。法蘭西多士賣相還可以，食落麵包都未炸透，淋身的，色澤淺黃，包透唔脆，未夠火候；師傅幫你落埋糖漿係西多士面，我本身唔食太甜，焗住自己撥走晒啲糖漿，實話實說，水準真係好一般，有啲失望嘅！環境衛生都一般，隔離枱食完走，張櫈有飯粒同餸，冇人清理。衛生就真麻麻了。

同個女打完針餓餓地走到過黎，見到都幾多茶餐，見有炸髀熱狗咁，又有位放BB車，就入左去，見就見到左右隔離叫左炸豬同炸魚，個吉列都做得幾靚，不過都係冇叫，始終最想食都係炸髀，所以都係冇變叫炸髀，即刻落單先，預左耐要等，之後老婆就叫左個豬扒包。過左大概 5 分鐘左右，老婆個豬扒包到左，顏色都唔錯煎得幾香冇乜勁燶邊又唔係好油，食落冇雪味，不過可能醃得唔夠時間，唔算太出色，不過不失咁，隻豬仔包就都唔錯，脆口得黎條邊又唔𠝹口，整體上都算係咁。過左好似 10 分鐘左右到雞髀，係生炸冇錯，有少許血水啫，雞皮炸得幾脆口，成隻冇炸過火，肉質仲係嫩滑唔柴皮，食得出南乳味，唔錯。最後講埋配既薯條，應該就都係即炸既雪藏波浪薯條，冇乜味，佢地加左少少淮鹽，但都好似起唔到咩作用，有D嘥左。總體黎講不過不失，價錢就以份量黎講都叫中規中矩，叫做啱價，或者下次有機會試吓其他野攞。

Had a few breakfast as recommended by my friends, grateful cause we finally found another place with good Hong King Milk Tea and good variety of breakfast choice. Had lunch there last Sunday and the oven baked pork chop rice is outstanding. The Chinese onion chicken thigh is great too. We then ordered a Gozilla chicken thigh tea set which is ginormous 🤣🤣. Drinks are all yummy too. Will try dinner tonight. Only 1 comment on the air quality. Bring a neutralizer spray.

隨意搜尋🔍食店，今晚就抽中呢間「餐廳🍴/冰室/菜館？！」。 到達後，望望門口的餐牌，啱心水，那就入去試試吧😆《餐廳👨‍🍳推介》冰鎮鮮果咕嚕肉🧊🫑 ～ 咕嚕肉都算多，底層就係酸味味嘅油炸鬼，配上三色椒🫑，顏色好鮮艷，酸味味都幾開胃。 這碟餸係「必食」推介，所以就點嚟試吓。 冰🧊鎮鎖住皮脆既口感，有別放一般熱騰騰的菜色。🥬時菜魚柳炒河 ～ 咁啱想食濕炒河，就揀配魚柳，坐正冷氣加風扇底，啲食物好快被吹凍😑。 呢碟炒河其實幾好味，用幼身河粉，個芡汁不錯👍🏻，魚柳尚可，頗大塊。 是我喜歡的那種👍🏻字治抹茶紅豆冰🫘🥤～ 好濃厚既抺茶味🍵，紅豆🫘好林，沖得幾好飲，比起其他台式/日式餐廳沖出嚟既味道，我反而覺得呢杯仲好飲😋菠蘿🍍冰 ～ 傳統菠蘿冰，味道清新☘️原以為係茶餐廳🍴，但其實係餐廳？！ 牆身裝修有啲似酒吧，閃燈牌，好攪笑。 餐牌有中西式，也有常餐😲，真的似茶記，不過係一間會收加一的🤑「茶記/冰室」🤣 。 無所謂，好食既，會encore 🤪

呢間餐廳見到平時好多人，所以諗住去試吓下午茶。見佢下午茶款式都多，我叫咗一份菠蘿油試吓。點知嚟到，首先發現菠蘿油個包底係全黑色，非常燶。之後一咬，我咁大個女從來未食過咁難食嘅菠蘿油。佢嘅菠蘿油，包埋好似平d現成買既漢堡包，自製求其係面頭加多陣菠蘿面。成個包識嘅感覺就好似漢堡包皮，配牛油。非常難食。我自問對食要求唔高，茶記我只要求佢做茶記質素，如果食物只係普通，我唔會特登嚟寫差評。但係佢真係非常難食。下午茶仲要等位？我相信大家都俾佢呃咗。同行朋友食咗西多士，都係非常普通。如果有興趣想試，可以唔使試。

剛巧在附近，見到呢間，於是入去試下。。見有些裝修都有花心思落去～.干炒牛河好味度：⭐️⭐️⭐️.反而個炸薯條覺得炸得有啲差，因為好多都偏向好碎，而且又硬又燶。。最後其實大部分都係呢d 狀態，炸得太過了😂😂😂.熱狗好味度：⭐️⭐️⭐️不過不失😂😂😀