九記餐廳小館

營業中

休息中

今天行過九記,見人山人海咁就排隊等試下點解咁多人食佢一路等一路睇原來九記都有GULU做為訂位終於入到去,見到D炸豬扒好大塊即刻叫左一份試下不過成個早餐不算不好食咁多人排隊既原因可能是羊群效應九記餐廳係OPENRICE的相同現場有D不同,唔知係咪裝飾過無更新

諗住見多人咪試吓 下午茶點知都唔係相片中咁樣可能佢主打係快捷嘅快餐食物味道 質素就 …..😅奶茶用瓦杯 已經失色貌相平平 環境大油煙 入完 即刻想走人奶油豬 好多鋪頭仲好食過佢可能其他野食會好過呢個餐

今日係元朗周圍走搵早餐食，周圍都排長龍😨 見到依間餐廳門口都多人等，但二人枱就只係等兩張！即刻拎飛好快叫我哋入去食～餐廳環境都有啲擠迫，一張四人枱要分開兩邊坐，中間加咗膠板搞到張枱好窄 勉強先放到個餐，加埋飲品幾乎冇位擺。我哋分別叫咗一個五香肉丁面配餐肉煎蛋多士，同埋浪漫歐陸早餐（即係扒餐），可以揀豬雞牛魚再配兩樣野，我哋就揀咗蜜糖雞扒配煙肉炒蛋，跟餐本身有茄汁豆同埋丹麥多士。雞扒份量相當大，夠兩人分，外皮煎到香脆但係我就唔太敢食雞皮啦😗 炒蛋炒到半生熟都幾好食～丹麥多士非常重牛油香，得依個餐先有㗎咋！其他餐會跟返普通多士。另外嘅食物由於都係普通水準，就唔詳細講啦～不過我覺得所謂厚餐肉其實都只係普通厚度，唔好期望太高😗 反而餐廳杯奶茶就幾好飲嘅～

社交平台上經常吹捧的餐廳食左成日推介嘅冰鎮咕嚕肉，得幾舊肥膏，菠蘿都無舊。份量少得嚟又唔好食另外仲嗌左辣子雞丁 成兜嘢超級鹹整係食到味精同鹽雖然服務態度好好👍🏻 但係嘢食真係有待改進

此新店經常在社交平台見到推介話好食！去試吓午餐 焗蕃茄雞扒飯😍 賣相: ok😱 味道: 炒飯底乾身；個汁似中式牛柳汁；冇蕃茄冇蕃茄味；整個飯味精味道😥 一可試不可再，冇下次👋👋

琴晚去買外賣，叫左個西蘭花蝦球鮮魷，75元，唔算平唔算貴。坐左5分鐘之後個肥佬老闆(應該係老闆，見到收銀處貼哂上tvb同藝員合照)走黎同我講話冇西蘭花，可唔可以轉芥蘭，我話冇所謂。之後再等左10分鐘左右佢再走埋黎話要收多5蚊。我就同佢講落order既時候你又冇話冇西蘭花，而家轉隻菜唔洗加錢掛？！我先唔比較西蘭花定芥蘭貴D,落order時候冇check清楚廚房有冇又要人等左咁耐係咪都唔好意思要人俾多D錢？做生意唔係咁斤斤計較掛？個老闆又反駁話個蝦球好貴，我心諗關個菜咩事？如果嫌賺得少你就定價高D，明碼實價，況且你又冇寫明轉芥蘭要收多幾錢，其實價錢任你嗡。之後講唔夠兩句就發霉氣話唔啱就取消左佢，我等左咁耐火都黎埋，取消就取消！最後仲要我叫佢俾返錢我先醒起未退錢。其實我都幫襯左哩間野好耐，憑良心講句食物質素都唔錯，應該有好多熟客返轉頭。但係你再唔休做都唔係咁樣態度待客，尤其疫情期間，我以後都唔會再幫襯了。咁做生意法早執早著，元朗大把好野食，唔係得你一間。

其實我都食左都好耐下，由今年年頭係屋企做野開始叫，都食左幾個月，自問耐性都幾好，呢間係少數用曬我所有耐性既茶記。評價：自取，外賣都有試過，人唔多，但外賣要等好耐，中下茶記質素，膠袋有時仲係有水既，價格偏貴，叫個無咩特別既碟頭飯都可以收你6,70既，伙計態度極差，叫外賣好似搵交鬧咁，叫外賣接左線都要等成分鐘先叫得外賣，個阿姨成日話聽唔到，就佢講大聲慢d又比人催，差唔多次次叫罐裝，5分鐘路程可以送到唔凍既。

昨天中午叫咗椒鹽骨飯，同我幾個月前嚟食嗰碟炒飯，飯質比以前好似硬咗好多，又冇乜飯味，唔知係咪轉咗老細定係轉左師傅，啲出品好似有啲唔同咗，反而佢杯檸檬茶就好ok喔! 請多加留意希望有所改善

聽同事講近期都會在這間餐廳叫外賣午餐, 今日我無帶自己Lunch Box, 雖然自己之前叫開另一間外賣, 但今日因為同事推介, 所以就試下. 落單叫左個快餐B, 叫沙丹豬扒飯, 加一杯凍飲, 一共 42 元,  送餐時間可以, 但打開飯盒發現落差好大, 一小塊豬扒, 一條煙肉, 沙丹汁, 少許飯, 味道不過不失問題在於份量, 其他元朗的外賣餐廳, 不須 40 元, 但份量總是滿滿的, 餸多飯多, 但這間食完後, 只能叫剛剛可以頂肚餓...十分失望, 不會再光顧!!

今日放假 天氣又幾好 ，就早啲起身行下元朗啦，去到千色店， 試下 開咗一段時間嘅九記餐廳食早餐因為唔係繁忙時段，所以入去都即刻有位， 見到餐牌都選擇比較多👍五香肉丁公仔麵五香肉丁份量都適中 公仔麵比較淋， 因為湯比較少 ，所以覺得愈食愈鹹 下次再食叫佢多少少湯就好啦我就叫咗五香肉丁出前一丁公仔麵配 双熟蛋好厚多士， 厚多士 有 牛油 自己搽 😊😊餐飲阿華田唔會偷工減料 ，一半奶 華田粉份量多， 熱辣 辣好總括嚟講價錢比較貴 ，因為我食開嗰間同樣份量，都係34蚊佢要39蚊😅 不過我下次都會點下午餐嘅

Yuen Long有很多平民美食😃😊行入內街有好幾間本地茶餐廳去了這間@九記茶餐廳裝修和環境不算特別吸引但是廚房的技術非常之好可以將一個豬扒飯整得咁好食😇見到好多人都叫小炒值得推介的茶餐廳 $48 set lunch

今日星期日,同男友買左飛睇早場,睇之前當然要呢個靚早餐啦!除左去連鎖快餐店食外,我地就最中意來呢間食沙牛麵了其實佢都好有多款式早餐可以揀~有麥皮啦, 有茄牛通啦, 有扒餐啦,仲有各類麵包餐~但我地幾乎次次都叫沙嗲牛肉粉麵餐今次我地一個叫左沙嗲牛麵, 配炒蛋漢堡扒厚多士, 一個叫沙嗲牛通,配火腿煎蛋厚多士,厚多士要+$1。餐叫凍飲要+$2~沙嗲牛麵呢度D沙嗲牛, 唔係頹爆個D來, 真係有沙嗲味~牛肉食落口感又好~份量都唔少~加上佢價錢一D都唔貴, 我是幾喜歡的!麵可以加$轉出前一丁的~但本身佢呢個麵都唔錯~沙嗲牛通一樣啦, 沙牛好食啦~值得一提係佢個通粉~佢個通粉係坑紋通粉來~有坑紋嘅通粉不嬲都特別好食嫁!!!然後佢個粉麵入面仲有椰菜,塊椰菜沾左沙嗲汁食都幾好食的!!炒蛋漢堡扒厚多士呢度厚多士都幾好食, 夠脆~牛油又夠多值得一提嘅係佢比出面多好多野可以選擇~通常出面來來去去咪腿蛋腸仔餐肉~但呢度會有紅腸,煙肉, 芝士腸同漢堡扒~另外個包呢, 除左可以加$轉厚多士,仲可以加$轉菠蘿包(+$5)同菠蘿油(+$7)~咁大家就可以跟自己喜好, 配搭出自己豐富嘅早餐啦!火腿煎蛋厚多士而我每次都會叫

天氣開始轉涼，又係打邊爐嘅季節，雖然話香港人一年四季都鍾意打邊爐，但係呢d天氣遇上個出免嘅醉雞煲真係會令人精神為之一振🙈其實呢餐飯得三個人食，但我地都叫左好多野！淨係醉雞我地都已經order左一隻，另外仲有貢丸、牛柏葉、豬潤、肥鵝腸、芋絲同腸仔。所有野上檯，我地都呆一呆，嘩！甘大碟嘅😱😱講返個湯底，酒味好香濃，仲有好淡淡嘅藥材味，我係甘二夾左粒龍眼食，煲左甘耐都仲好甜😍，d雞好滑（亦有賴好友嘅火喉控制!!)真係會令人食唔停口！我最最最愛嘅係豬潤，仲係爽口嘅豬潤，仲係大大塊爽口嘅豬潤！大滿足！另外牛柏葉都好出現,爽口，又吸晒d湯嘅味道，真係好正！我地有八卦問老闆個湯底點攪，但老闆以商業秘密㊙️理由唔話得我地食，甘就唯有得閒食多幾次啦！反正自己係屋企一定整唔到呢個味道！

今早約了朋友仔去元朗郊遊行街，第一站先搵間茶餐廳吃個食早餐🍽於是入咗九記餐廳餐牌上推介「必試」鮮茄蠔仔湯公仔麵，又叫來試下奶茶香滑豬扒包香脆番茄蠔仔公仔麵蠔仔新鮮埋單只不過56蚊，整體不錯可以一試

牛扒好硬，難咬。魚柳好大件，即炸，所以要等待十幾分鐘。坐位上常有白沙糖，每每都要自行掃落地才可坐，有某位男職員態度欠奉。需改善。老板娘態度好好，親切。可惜是外賣湯量比較少。