九頭鳥米線

營業中

休息中

星期二去到中環附近 咁啱想食米線 search到附近有呢間九頭鳥！好彩未到lunch嘅時間，所以唔使排隊，因為入座之後過咗一陣發現出邊已經企滿人。自選米線 雞肉墨魚咀四川麻辣湯米線($50)麻辣湯底唔算出色，有麻辣味蛋偏鹹，雞肉略似冰鮮雞肉，墨魚嘴係冇味但爽口！魚肉春卷雞肉米線~($51)魚肉春卷口感彈牙 米線較淋身。整體嚟講係一般，但勝在配菜選擇較多，細食的話可以揀小米線，餐廳比較擠迫，四人枱已經劃分好二人只熊坐一邊，沒有太大驚喜但米線引起可以一試~

之前經過中環街市見到呢間米線好多人排隊，後來同同事傾傾吓計，佢話佢都推薦呢間米線，今次終於叫呢間嘅外賣嚟食吓！✨雞肉魚肉春卷四川麻辣湯米線辣度揀咗中辣，因為同事話呢度嘅辣係比較輕微！中辣嘅程度對於平時食開小辣嘅我都食到，不過下次都係會揀返小新！雞肉嫩滑，魚肉春卷唔係平時嗰隻，口感比較紮實，有咬勁！四川麻辣湯個湯底有少少似另一間平時食開嘅米線連鎖店，辣味唔算太勁，不過就好麻！另外米線仲有啲腐皮芽菜，增加口感～

仲記得第一次去食嘅時候諗住求其揀間米線食點知一食就返唔到轉頭 呢間簡直係譚仔升呢版～口味同有9分相似 但係材料就超級 升level !!混合南記譚仔港島區米線之癲 每次行經中環都忍唔住入去食返轉🤭➊ 重慶麻酸辣 (中辣)麻+醉 好平衡 辣度剛剛好 芽菜韭菜腐竹一定唔少得一條條米線沾住辣湯同爽口嘅配菜食係必須的‣ 芽菜清甜 唔會太幼身啱啱好‣ 不過今次食啲米線就淋身少少🤏🏼 (個人口味請自行下單)➋ 豆卜呢個真係超正 因為豆香味好濃 入面做到一格格鎖住湯汁係入面 外皮靭口內𥚃軟軟 一咬就爆湯汁🤤➌ 雞肉份量超多！同埋啲雞肉係真係有咬口唔係淋身嗰啲～➍ 墨魚頭 / 魚肉春卷呢兩個餸 上次都試過墨魚頭覺得一定要試‣ 黑魚頭好新鮮 好大粒而且超爽脆！‣ 魚肉春卷 超大 超香脆嘅外皮！同南記有得揮 唯獨飲品冇跟餐 不過中環嚟講飲埋嘢都係$60超值啦！LUNCH HOUR 喺中環真係一位難求 好多中環返工嘅朋友仔都話呢間必食如果真係想試記得避開食飯時間😆

難得去港島去完添馬公園行左過黎食九頭鳥都係睇關注組知道呢間米線都出色重點係佢有隻可以媲美南記嘅魚！肉！春！卷！終於有機會過黎中環就要會一會呢間店單餸魚肉春卷清湯要$43+$7 木耳絲+$1 四川麻辣湯底*我唔係食得辣，但記得關注組有介紹佢嘅辣好食，所以叫左10小辣10小辣對我呢啲BB辣嘅朋友都尚算友善但佢係有足夠嘅麻令到就算碗湯唔辣，都會令舌頭麻痹呢個係有層次嘅辣另一個對我嘅好處係米線無特別麻辣，同湯係味道分明值得一試*木耳絲量多，爽口好食*魚肉春卷，好味，可以媲美南記佢係有脆皮，魚肉量多，味道無南記咁重，胡椒味少啲反而我更加鍾意。

🍅墨魚頭魚腐番茄湯 $52墨魚頭爽脆，不過個人覺得有啲腥，魚腐吸汁稔身，番茄湯偏酸多啲🍅，番茄湯配腐皮﹑芽菜﹑韮菜，米線幼身有彈性🫔魚肉春卷湖南酸辣湯底$43魚肉春卷有4舊，長身外面有炸過，入面彈牙，湖南酸辣湯配腐皮﹑芽菜﹑韮菜，對比番茄湯個人鍾意酸辣湯多啲😉.✨配料湯底選擇多，湯底可選四川麻辣、重慶麻酸辣、湖南酸辣、雲南酸辣、番茄、清湯，好似譚仔😂，麵底+一餸價錢 $38-42，QR code 自助下單

今次我就嚟到間唔錯既地方唞一碗熱辣辣既米線。先講下湯底，我揀咗酸辣湯底，距真係驚喜！湯底酸酸辣辣，正到飛起，辣味滲入心扉，真係惹味過癮！米線勁到唔得喇，又滑又彈牙，食落去好過癮。配料方面，豬潤嫩，墨魚爽，豬腸夠晒肥美，每樣都整得幾夠味。麻辣鵝腸更加正，辣汁香得嚟又得啖得骨，鵝腸咬落爽滑，微微既蒜香撲鼻而來，好開胃！整體攞黎講，質素真係一流，香港食米線係少唔了咁嘅好地方。篤到少少嘅汗，真係幸福到講唔出嘢，下次仲要再試多次！🍜🌶️✨

今日係中環做野，聽朋友講有間米線幾好食，lunchtime 一於黎試下，門口攞左飛，好多人，等左20分鐘先有得入，今日好肚餓，叫左過橋米線 (All-in-one set), 即係咩餸都有，可以試哂所有野，仲有麻辣2少辣。過左10分鐘，碗米線黎到，個湯底好香麻辣味，米線爽滑，夠淋，其他材料好有質素，特別要讚個墨丸，好有口感，好食過其他連鎖米線店好多，overall 黎講，絕對值得推介。唯一批評即地方係坐得好逼，當日被安排坐bar 枱，座位非常逼，差唔多膊頭貼膊頭。

呢間真係我食過最難食嘅米線手機scan QR code 落單，界面都user friendly 幾方便，今日第一次嚟就試咗大家都讚嘅魚肉春卷，另外仲加咗個炸醬～湯底揀雲南酸辣3小米線嚟到後見到個湯底好稀已經覺得怪怪地，再飲一啖，一入口就酸到好似個廚師係咪錯手倒多咗啲醋🤔好啦下一啖試米線，都無乜特別，唔會淥到太生食唔到。再下一啖食啲餸，我個頭附近即刻出現好多直升機！！！伏伏伏伏伏！！！！！！魚肉春卷啲皮好硬，似係翻炸再翻炸，浸多陣啲湯都食唔到炸醬啲肉好梅，一patpat咁，勁重茄汁味，食落口感同味道都好怪隨碗奉上嘅腐皮更加係未淥熟，好乾好硬，好難𡁻凍奶茶方面，茶底唔香，似係一杯加咗色素同糖水嘅奶，我都無乜期待會好飲了。原本諗住頂硬上食埋佢，點知越食越口渴，好多味精，飲極水都勁口渴，真係好失望，嗱嗱臨食埋啲春卷同腐皮就走人，寧願餓住個肚都唔想再食

見好多人話九頭鳥係翻版譚仔/ 好食過譚仔有次平日咁啱經過灣仔 一於試試佢咁啱我食個時係𝐥𝐮𝐧𝐜𝐡 𝐡𝐨𝐮𝐫 好多上班族都入嚟食 坐位比較窄 身型比較瘦少少嘅人先坐到入去🙈我覺得呢方面要改善下因為我覺得我都算細粒同瘦 但食完行出嚟個闊度真係我啱啱好出到😂餐牌其實同譚仔差唔多 但有啲配料就係九頭鳥獨有嘅❶ 🐷豬軟骨 + 墨魚頭雲南酸辣米線🦑 （走芫茜、小麻）💰$𝟓𝟒米線爽滑👍🏻豬軟骨有𝟐嚿 夠淋 不過唔算好入味🥲墨魚頭爽口彈牙🦑如果鍾意食墨魚嘅朋友可以叫雲南酸辣湯配料有酸菜、肉碎、花生、芫茜、蔥、芽菜、韮菜、腐皮👅如果唔食芫茜、蔥🌿嘅朋友記住落單時講明啦～辣度方面可以揀𝟐小至特辣🌶️因為我驚太辣所以叫左小麻 點知變左𝟎麻🤣我諗無叫小麻嘅話應該係辣度、酸度剛剛好👍🏻值得一讚係夠酸 因為出面好多酸辣湯係唔酸的😅湯底我覺得同譚仔完全唔似🤣九頭鳥酸辣湯底會比譚仔出色啲🌟❷ 🍅魚肉春卷 + 腩肉番茄湯米線🐖 （走芫茜、𝟓小辣）💰$𝟓𝟏呢個湯底我覺得同譚仔都係唔太似九頭鳥嘅茄湯相對上清啲同甜啲譚仔茄湯甜味無咁出 加埋辣個味好令人上癮個人認為湯底嚟講譚仔更勝一籌魚肉春卷我覺得無乜特別🫣腩肉好厚好大嚿🤣👍🏻

超愛九頭鳥，每星期必吃！外賣會太久，堂食比較快🍜1點鐘等十分鐘基本都有位置。最愛重慶麻辣，少辣已經是本人極限第二愛雲南酸湯，酸酸辣辣很開胃🤤配菜份量幾足試過九頭鳥以後基本不會再吃某T，已經推薦很多朋友，逢吃必愛

🍜🍜🐙餐廳名: 九頭鳥米線地區: 中環評語:麻辣十小辣米線 魚肉春卷 HK$41 - 春卷岀色 屬必叫既餸 米線軟硬度偏硬岩小弟食蕃茄三小辣米線 豬軟骨 HK$45 - 豬軟骨好淋 不錯 可能辣左少少 要加返杯凍飲中和返香辣墨魚頭 HK$35 - 冷盤小食 唔算好辣 墨魚頭勁爽 好食結論: 店舖唔大 座位算正常 唔係窄 環境乾淨 手機落單 好多細節位可以揀 服務態度唔錯 係食米線其中一個好選擇#九頭鳥#中環美食 #中環#米線 #墨魚頭#香港美食 #香港餐廳 #情侶餐廳 #情侶飲食 #幫你食 #couplehelpyoueat #couplehelpyoue #helpyoueat #hongkong #hkfoodie

雲南酸辣米線｜湖南酸辣過橋米線｜香辣墨魚頭 呢間米線係港島限定，雖然依家係藍田都有分店，當日去到係紅日，7點幾食飯時間都已經有好多人。比起平時啲米線鋪都有幾多湯底可以揀。不過米線食落都唔錯，上枱個時個個芫荽山真係嚇一嚇🤣墨魚頭反而幾有驚喜好有口感，不過唔係好食得辣嘅人自己要留意下。九頭鳥📍中環域多利皇后街4號利隆大廈地舖📍灣仔莊士敦道191-193號勝意大廈地舖📍太古城道18號太古城中心2樓255號舖📍藍田啟田道49號地下2號舖60HKD/pp

中環原來都有不少抵食選擇，這一次來到中環街市旁邊的九頭鳥米綫，也蠻受附近office打工仔歡迎，到店的時候要排隊，等了約5分鐘就有位置了。同事極力推薦它的重慶酸辣湯底、魚肉春捲和墨魚頭，那我都點來試一試~ 喜歡鹵水汁的我還點了豬肚~米綫超入味，每一口都沾滿辣油，香辣美味，還帶有微酸，非常過癮。魚肉春捲外層是炸腐皮，長長的一條能均匀地沾滿辣油，魚肉彈牙爽口，比其他連鎖店的好吃~墨魚頭作配料很獨特，非常爽脆，而且有海鮮的選擇比較健康。鹵水小菜煮得非常入味，豬肚有嚼勁（但我比較喜歡軟一點的），而且送了我幾塊豬大腸~霸王鷄翼味道跟譚仔的土匪鷄翼差不多，但味道較淡，不過鷄翼挺飽滿大隻的。

以前食米線想食麻辣會去譚x想食魚肉春卷會去南x但佢地近年越開越多分店個人覺得無以前咁好味了質量控得唔係咁好近年新興起嘅九頭鳥畀我嘅感覺係結合咗譚x同南x嘅優點湯底似濃味d嘅譚x春卷拍得住南x，甚至更大條更酥脆配菜仲有墨魚頭選擇，大大粒直接上圖畀大家睇條春卷成個碗咁長另外，不得不提嘅係佢小食都有土匪雞翼，麻辣雞翼，涼拌生腸嗰啲。全部都整得好好食。希望佢可以開多幾間係九龍一定會好受歡迎！呢間絕對值得更多人認識

最近，去左九頭鳥食米線🍜🥘湯底我叫左十小辣，辣味刺激但接受到😋大家唔算好食得辣都可以嗌嚟試吓🌶️🐠炸魚肉春卷炸魚肉春卷超好食，一食個下feel到係啱啱炸好，佢好脆而入面嘅魚肉好入味。好推薦大家叫呢個餸😋🐖豬軟骨不過，豬軟骨就冇咁特別好食喇。豬軟骨嘅質感比較硬冇入口即化嘅口感，雖然佢都好大份好抵食，但係味道都冇特別突出。大家可以試下叫其他餸試下。如果你等唔到譚仔，又或者想試下其他米線，可以去九頭鳥試下個炸魚肉春卷😊