九頭鳥米線

營業中

休息中

食完完全吾口渴好神奇 通常米線鋪好多食完都會超級口渴 雖然三哥係隔離 但因為未食過又見幾多人講所以就去試下 入到去啲位好闊落 無圓枱 全部都係卡位/ 正方形枱設計 平日夜晚去都吾算好爆 不過一直都有人入黎食 絕對會encore

見到呢間餐廳新開左一排，行過成日覺得好香，終於今日入去試吓。見到餐牌發覺啲菜式同譚仔好相似，叫返我平時喺譚仔叫開嘅雞肉麻辣5小辣，然後再叫多咗個霸王雞翼同老公share～老公就揀咗佢平時譚仔叫開嘅清湯，試吓佢嘅豬扒。雞肉米線四川麻辣湯底5小辣第一啖即刻試下湯底先，比譚仔既湯底鹹左啲，我個人覺得爭少少，譚仔嘅湯底比較香。可能因為五少辣太小兒科，冇乜辣嘅香味。米線口感正常，整體ok。豬扒米線清湯同樣湯底都係冇譚仔咁香，鹹味重啲，豬扒熱辣辣上碟，幾香口，同清湯米線幾夾，好食。霸王雞翼- 大 （5隻）如果同譚仔比較，九頭鳥既都係鹹味偏重，比起譚仔嘅土匪雞翼鹹少少，如果比較起來，我覺得譚仔嘅香啲好食啲。價錢同譚仔差唔多，整體質素都唔錯，新店裝修坐得舒服，如果唔同譚仔比較其實唔算差，平價之選👍

印象中呢個位置係譚X雲南米線唔知係埋太耐無去過上到去先知換左集團但基於落雨又凍嘅情況 唔想再周圍行唯有入去試下啦餐牌大致上同舊譚X差唔多但就多左d小菜選擇唸住唔會中伏啦點知落差黎得咁快過橋米線 酸辣湯-湯底偏鹹 缺少開胃感覺-米線份量無特別要求減少 但都呈現少米線狀態-配餸係一塊起 兩塊止！明白大雜燴少而多樣化🫠-炸醬口感偏麻辣鵝腸-香辣惹味 食唔到異味-份量中規中矩為咗啲小食我可能會再幫襯但如果純粹食米線我都係去返識開嗰啲餐廳好過

經常聽人講九頭鳥米線好好食想試好耐可惜在港島太遠最近終於在藍田開了分店開張頭幾日每次經過都見到門口好多人排隊終於等到一日下午可以唔使等位直接入去~.坐低之後 姐姐會比張QR code紙仔你手機點餐佢嘅餐牌同譚仔好相似不過配料同小食就有多啲選擇-蒜泥白肉雖然看上去外表好像不太吸引但食完之後發現有點驚喜無論是豬肉的肉質還是調味都做得相當好-豬潤大腸湖南酸辣米線手機點餐時發現 他每樣食品都可以選擇不同的要求連豬潤都可以選擇生啲或者熟啲啱晒最怕食到啲豬潤過熟太鞋嘅我不過感覺上佢嘅湯底有點普通但豬潤爽口 大腸亦滷得入味.整體感覺不錯下次可以試埋佢其他湯底同埋招牌魚肉春卷

1）這裡的紅油青瓜應該是新鮮即製，吃下去相當清爽。青瓜的清甜配上紅油的酸辣，剩下來的汁用來拌米線剛剛好。這是譚仔比不上的味道。2）另外，墨魚頭淋上辣油，咬下去鮮嫩爽脆，鮮香四溢，值得再點。如果加墨魚頭在湯底裡則會較軟，沒有涼拌的好吃。ps為什麼網上外賣平台不能點涼拌墨魚頭？3）堂食上餐速度有點慢，希望以後可以快一點。4）紅薯粉煮得軟硬適中，配重慶酸辣湯比四川湯底更好。四川麻辣湯底跟譚仔有點相似，沒什麼特色可言。5）米線較軟、較細。

12月9日因要去瓏宛訂乳豬做節，揾食肥華同靚媽就選擇咗，呢間米線店食晚餐，肥華一坐低，望望餐牌肥華就知大鑊，因此店是用顧客手提電話落單，柯打食物這正是肥華呢個歐哋呀伯死穴，本想即時離座走人，但見靓媽好有興趣咁睇個菜牌，在此形勢肥華都唔敢亂唻，最後經此店員工多番指點，才能成功點餐，結果柯打咗一碗招牌米線，一碗豬扒米線和麻辣墨魚頭及蒜泥白肉兩款小食，再加一杯涷檸茶，講真上述幾款食物，此店做得唔錯，靚媽亦食得津津有味，可惜肥華接受唔到，要用電話點餐呢種格局食店，所以就算此店出品好食，肥華都係冇回頭

期待已久嘅藍田九頭鳥分店終於都開到黎藍田啦👏🏻一直聽人講佢地嘅米線好好味 但都未有機會試到呢個位置前身係譚仔 裝修咗好耐之前都期待係咩餐廳嚟嫁呢點知今次經過終於開咗啦！！！佢哋嘢食餐牌同譚x真係好似不過米線更勝一籌 感覺上好似比較淋身同埋幼細少少我哋叫咗豬潤麻辣湯底&雞肉春卷酸辣湯底豬潤烹調時間啱啱好 唔會太韌 容易咬開春卷小食我地亦非常推薦👍🏻好好味兩點鐘左右過去叫野食等候時間差唔多15分鐘比較耐如果係打工仔上班一族lunch time過去食要因住時間

藍田開左間新米線鋪 又見米線關注組都成日提起呢間啲組員推介魚肉春卷同雲南酸辣湯底咁我就跟風試下啦點左魚肉春卷米線雲南酸辣湯底2小辣走芫荽外賣拎走總共$41點知外賣就中伏啦 冇得當場check佢係咪比漏嘢😡 我返到屋企發現成碗米線係冇魚肉春卷架🥹🥹 成兜得啲腐皮同肉碎 我個餸呢？？？收我單餸米線錢又唔比個餸我🥲我原本就係為左試魚肉春卷先嚟食架🤬奉勸大家當場check完外賣先走我就唔會有下次了 唔會再點呢間 避雷湯底普普通通 不如隔離三哥酸辣湯😅

1.首先外賣等足25分鐘，佢地話人多，我理解。2.外賣盒湯太多,米線一放落去全部湯漏曬所以轉返用屋企碗3. 打開先發覺冇咗火腿同竹笙，比錢果時又唔講4.款式同湯底就同某某連鎖米線店一樣，但係又唔夠對方夠味（偏淡）5. 米線偏淋,鹹酸菜唔夠爽 ,其他配料既級數基本上同某連鎖米線店一樣 每次經過見咁多人排隊所以我預期佢會比其他好食， 試咗一次覺得好一般，始終細節上唔夠人哋好，雖然款式多咗湯底多咗份量多咗，但係喺細節上未達到水準，有好大進步空間，加上所有菜式都係以 抄襲為主，但係又冇對手好（因為冇自己既特色，所以只能同某米線店去比較）整體相當失望， 以抄襲山寨去開鋪，小編我會覺得比較失望， 香港需要更多創新同特色嘅鋪頭先會令飲食業更加進步

九頭鳥米線 🍜真係我心目中嘅世一❤ 介紹畀好多朋友食都話好好食🖖麻酸辣過橋米線 (中辣) 米線質感唔會過淋 粉量好足 湯底味道帶少少酸 麻味多個辣味 🌶墨魚頭 見枱枱都有叫 係凍食黎 估唔到咁爽口 夾埋啲麻辣汁食 超級開胃🤩土匪雞翼係重孜然味個種 整得夠香脆蕃茄豬扒米線 蕃茄味唔係茄汁開水 食到蕃茄粒 唯一缺點係塊豬扒太油 真係滴油個隻 但係個味都係幾好食既🥢以前中環食開 藍田呢間分店都做得唔錯 味道冇太大出入

之前喺米線關注組見到啲人係咁吹捧呢間米線，話佢嘅魚肉春卷好好食，而家藍田開咗分店，就去咗試下～可以讚嘅係佢啲魚肉春卷，真係好食嘅，入面啲餡包得實的的，亦都炸得好金黃。然後就要開始話下佢呢個湯底，朋友食麻辣，就同譚仔差唔多味，但係佢麻嘅感覺會強烈啲。我食圖中嘅雲南酸辣，我以為佢會好似雲貴香咁嘅味，點知一飲落去一浸南乳醬嘅味道，啲酸去咗邊？🥹小食可以揀墨魚頭，呢個幾高質，墨魚爽脆，冇腥味！最後，名過於實，食返譚仔算😇

近排聽講藍田開咗間九頭鳥，特登嚟呢間米線試吓！睇佢個餐牌，都有唔少選擇可以揀。最後我叫咗一個雞肉墨魚頭雲南酸辣（三小辣）米線再加杯凍華田。個米線等咗大概10分鐘到就有，算係幾快手。至於姐姐嘅服務態度，本身都冇咩大期望，但係我只係想要杯水，佢就咁用手指指一指示意要自己出去斟就擰頭走。。。其實態度真係可以好翻少少。。。講番碗米線先，個湯底略嫌有啲太淡，冇乜酸辣味。。。比較好嘅係，佢又加返個芫荽令到個湯底有返啲味，但係個花生如果可以再香口啲嘅話會更加好。至於個米線，我個人就覺得太淋啦。。。而餸嘅份量我就覺得啱啱好，幾足料。總括而言，我覺得譚仔或者譚仔三哥好味過九頭鳥，試過一次就夠😅

11點幾我就去左呢間新開既米線店試食，岩岩開無耐就已經差唔多坐爆曬，可見都幾旺場。 我等左差唔多15-20分鐘攞到碗麵，企喺度嗰陣時有兩個客人催外賣，一個就開到口話等左30分鐘可唔可以理下啲外賣，但我見岩岩坐低堂食嗰啲無耐就有得上麵，只能講可能岩岩開張係要等耐啲。 首先就係個霸王雞翼，佢係比譚仔香啲，但係佢真係幾咸，同大家試過可以唔洗嗌，咸到食左幾啖已經唔想食😂😂 就碗麵嚟講，佢嘅酸辣湯係ok既，唔會話死酸嗰種，但又未話到驚喜既程度，中規中矩。我就嗌左雞肉竹笙牛丸，佢啲牛丸同竹笙係ok好食既，但係雞肉就鞋鞋地，之後就唔會嗌雞肉了。三個餸嚟講50幾蚊，我認為係略貴左少少。 （個人口味而言） 湖南酸辣湯米線嚟講就係 譚仔>九頭鳥>三哥

藍田分店新開張，咪唸住起下啦，眼見又唔夠職員，得3個咁大把，一個就負責收銀，一個就一腳踢，樓面又係佢，外賣又係佢，登記又係佢，另一個就好似雲遊太空咁，唔知做乜。碗粉嚟到啦，嘩！咩料呀🤪，見到一個粉餅咁嘅，已經無言啦，咪問個職員囉，佢話係咁㗎係一早整好晒㗎，唉！咁算吧啦，一食之下，個湯暖嘅😩😩救命呀，粉係要熱先好味㗎嘛，生腸一d味都無，只係加咗辣咁囉，好後悔食咗間咁嘅嘢，無下次，唔會再幫襯囉。

之前呢個位嗰間譚仔執咗，搞到喺藍田局住要食三哥，我自己就一直覺得三哥個味道比較重，唔係好啱喎，以前都一直幫襯譚仔多啲。今日見到呢個位，剛剛開咗間新嘅雲南米線，上網望一望，原來好似話同譚仔嗰啲差唔多，咁就去試吓佢，應該因為開張仲有幾日，六點未夠就好多人，不過好彩有位😂，入到去啲格局同之前個譚仔有少少分別，好似多咗啲二人位。價錢同其他嗰兩間差唔多，不過佢居然用QR code落單，呢個都唔係問題，但係佢到落單系統唔係好掂，或者我唔係好識啦，我搞咗好耐都搞唔到點樣可以加多一餸，咁咪有焗住見一餸啦。加嘢飲佢又先計返正價，問過阿姐，佢話埋單先會計返，最麻煩係落咗單都唔知有冇落到，因為完全睇唔唔返自己叫做啲咩嘢。味道我覺得真係同譚仔好似，我唔係好識分🤣，試咗佢個小食麻辣墨魚頭都OK，係好爽口，只不過份量少啲。