九龍餐室

營業中

休息中

出開深水埗見到呢間九龍餐室幾吸引。最主要唔係間間早餐都有既羅宋湯湯底， 作為早餐就最開胃仲要唔係普通牛油方飽咁簡單，係波籮油呀配炒蛋奶茶都滑滑，有茶味，值得推介。

我每次嚟到深水埗,都一定必食九龍餐室嘅大大隻菠蘿油。呢度嘅菠蘿油係自己新鮮熱辣辣整出嚟嘅, 所以味道一流。 次次食親都係熱辣辣又香又脆, 令人不停回味,下午茶餐26蚊仲有杯嘢飲, 真係好抵食。

好耐之前黎過呢間食下午茶，今次食左個巨大菠蘿油餐個菠蘿油黎到，個包真係好大個，個面好脆，加埋牛油，正，同個餐個名一樣，真係好巨大，無呃人，但最好加杯紅豆冰呢間最好就係好多新鮮麵包出爐，有蛋撻，椰撻等等，款式又多，今日仲見到有巨大豬仔包添，想食新鮮熱辣嘅麵包可以黎呢度食

好耐未食過食神套餐了. 凍飲有咁多冰得咁多冰.食完餐飯, d 冰未溶過咁濟. 證明冰夠凍.本來想影相, 算啦.干牛河就係得睇見呢3件半肉, 背後, 底, 全部都係河粉.但最大舊果舊, 係咬唔開, 又唔似係牛肉. 唔敢食.以前都唔係咁架, 雖然係下午茶餐,  唔係正餐.附近咁多野食, 又唔係平過人, 唔敢再去了 

每次到深水埗買電腦用品/玩具街都會想去九龍餐室老公是菠蘿油控每見菠蘿油都忍不到口大大啖將牛油咬下去我通常只會放半塊(錯誤做法)同金華冰室不同金華菠蘿油會有種油味但九龍餐室的沒有皮是一塊塊分明, 很脆是小時候吃得到的味道喜歡很有心地加了一粒冰在牛油旁不止堂食 外賣一樣很有心用膠盒裝好冰及牛油大過你塊面。奶茶都好好味某日中午來食過午飯後因老公難忘菠蘿油再回去一次叔叔又會走來搭訕最喜歡有人情味的餐廳對於外賣 總會有超無心的姐姐將牛油放在熱辣辣的食物/飲品上面返到屋企咩都溶所以說細心是無價特別是當所有侍應都是雄紏紏的叔叔就是鐵漢柔情

據說九龍餐室有自己的焗爐，麵包是自家烤製的，所以比較新鮮。有天，對早餐沒有什麼想法，便來到九龍餐室買麵包，看見各式麵包也非常之大個，於是也選了一個吞拿魚包。可能長達八至10厘米，外皮不算非常厚，內裏的吞拿魚也不少，酸味深濃，還有少少西芹，味道還不錯。流心雞尾包，雖然問了一問流心究竟是什麼料，阿姐也沒有回答。然而吃到之後，發現是平日的椰絲，呈比較流質的狀態，味道相當好。有天早上，又在九龍餐室與幾名熟客狹道相逢，她們見我問了阿姐新鮮的是甚麼包，像也有點猶豫。這是墨西哥包，新鮮，極熱，以紙袋包著，也滲少許油，極多吉士在內，好不過癮，但在公司吃，紙袋造成極大聲浪，不太方便。墨西哥包的內涵，還有很多吉士醬，如果感到飽飽仔仔油膩的話，其實吉士醬可能不太好，所以這次我也沒有吃完整個包。又再另一次，買了一個叉燒包，這次只是用膠袋。叉燒包的內容非常豐富，叉燒肉非常多，亦都肥瘦均勻，絕對不會吃到你滿口痴牙，這個叉燒包比墨西哥更好。

今晚去咗深水埗，又落雨，唯有食埋野先番屋企，行過西九龍中心附近，見到尼間九龍餐室，剛好有卡位就入去坐低。兩個人，叫左一個常餐，飽片公仔麵 $40，跟奄厚多士餐飲。另外叫左一個菠蘿生炒骨飯 $55，跟飲品和中或西湯，賣相幾好，份量多，大大碟好抵食。食飽飽，準備走，侍應竟然問我地要唔要糖水，送既😱😱😱，茶餐廳有糖水送？今晚係馬踶露，老實不客氣，一人一碗，好食呀👍🏻👍🏻 糖水錢都慳番，$101落樓。

今日去深水埗黄金商場買電腦配件，買完個肚咕咕聲，原來係時間食下午茶喇，就求其入一間最旺嘅茶餐廳，我估咁多街坊都應該唔差啩！見餐牌有三文治餐，就點咗沙嗲牛肉旦白三文治配奶茶，因為好肚餓，同埋見附近食客個個都食菠蘿包，就加一個菠蘿油㖭。唔使三分鐘，菠蘿油即到，巨型菠蘿包熱辣辣，香噴噴，見牛油用冰鎮住另上，即夾入包大啖咬，嘩………熱辣辣遇上凍冰冰，雙重享受。食完菠蘿油，再試沙嗲牛肉旦白三文治，見旦白得薄薄一片，但牛肉就好多，而且沙嗲非常惹味，令有D飽飽哋嘅我忍唔住食哂。三文治連餐茶加菠蘿油埋單40蚊，係我近期食得最滿意嘅一個下午茶。、

出到嚟深水埗，搵食就頭痕，深水埗食肆非常多，但好食的，價錢又公道的，則選擇不多。家人介紹之下，來到這茶餐廳，見到這個巨型菠蘿包，被它赫了一跳，真係食個包都能吃飽了，最重要的是除咗個巨型菠蘿包，其他都唔差，可以再嚟。

話說上周六（27/6），睡覺起身突然睡離頸，痛到頂唔順去深水步看跌打，去看跌打前要補充體力，又唔想浪費時間去找食所以去左呢度食。其實這裡係好間唔中先去一次，因為SSP有唔少便夾抵食的地方。去到落單叫午膳，我就叫左個蕃茄常餐，我老公就叫左麻婆豆腐飯，跟住心痕就叫左2個菠蘿包（因為我怕唔夠食）。等左一陣，兩個熱辣辣的菠蘿包來了，個包大過我個手掌版😅真係好大，好大，好大。食落去軟綿綿，個面皮又唔會得個甜字，好食之後隔左20分鐘到就來左我老公碟麻婆豆腐飯，望落去普通食落去都幾有鑊氣，唔錯唔錯。以SSP區來說食餐lunch 要1人$60到都幾貴，但整體上頗滿意，推介特大菠蘿包XD

深水埗真的有不少食肆，今天下午便看看去那裡吃下午茶，行過九龍餐廳，見到這裡有下午茶餐，而且聞到門外新鮮出爐的麵包的香氣，腳便跟著鼻子走了⋯⋯雞翼拼變心西多士($35/set)茶餐包括一隻炸雞翼和半份變心西多士, 裡面的變心醬可以選黑芝麻醬、果占、咖咉或花生醬，我選了黑芝麻醬，只是一般，如果可以做到流心，相信會更吸引。奶茶港式老茶餐廳的奶茶一般都有番一般水準，這𥚃也不例外。瑞士汁乾炒牛河（42/set)牛河賣相都不錯，色澤和光澤都很吸引，牛肉也不靱。

紅日咁岩放假 心郁郁 諗起好耐無去過深水埗食野 心血來潮決定出走深水埗食返個下午茶最後揀左九龍餐室 因為想食特大菠蘿包由於紅日，入到去坐無虛席，所以都要等一陣先有位！兩個人 叫左個菠蘿包餐 同 蕃茄湯雞絲常餐 菠蘿包仍舊超大個 係好味既，但跟餐既炒蛋炒得老左啲同好油 唔係咁好味 蕃茄湯雞絲米線 蕃茄湯底好正 蕃茄味唔假 茄味十足 味道岩岩好但可惜雞絲得數條 少得可憐餐飲揀左熱咖啡 咖啡同奶比例好 咖啡味香濃 唔會太重奶味係正既仲有仲有 雖然係超多客 ，超繁忙 ， 但值得一讚既係 ，有位上左年紀既叔叔超好服務 ，問佢拎多杯水都唔會黑面 仲好好笑客咁叫我等等 ，隔離台有位客人 吹佢單 佢都係好好態度話幫佢跟返 ，超欣賞佢唔會因爲忙而發洩係客人身上，讚 讚 讚

自己無耐會幫襯呢間茶餐廳的蛋撻麵飽, 純粹係因為”近”而唔係特別欣賞佢嘅新鮮出爐那件事,不過最近買咗一次蛋撻發現有進步喎! 過去兩年給我的感覺係即使剛拿出來, 個撻面好靚焗到個吉士蛋漿圓邊有一條好幼嘅淺啡色線都好, 一咬開見個撻底中間層都係半透明的, 即係爐的底火未過撻底芯啦, 要知道佢嘅撻價位唔低利錢應該唔差, 點解唔整好d個爐呀, 後來在西九龍中心開咗泰昌,咁好自然幫襯佢少咗啦, 因為在這點上泰昌完全過芯同時面亦是恰到好處, 不過10月尾呢次貪方便再幫襯佢啦, 卒之今次個撻變番正常了, 撻底簿咗重完全焗通透咗, 另一個墨西哥奶皇飽一如既往論尺寸係全區之冠, 但實情係麵包依士量稍稍超標作怪, 只不過是迎合貪大嘅顧客心理, 吉士比以前少了, 或者這只是一般顧客心理也說不定, 飽質地係傳統港式麵飽嘅酥鬆口感, 所以墨西哥奶皇飽係這店比較貴的那類飽, 應該係利錢較高的一類飽, 希望下次再幫襯時未加價啦!

由於將吃晚飯，不想吃份量太厲害的餐，翻揭餐牌發現「抵食之選」～黑松露火腿炒蛋多士(包熱飲)，價值35元，價錢雖較多士餐/下午茶餐貴，但有黑松露……不妨一叫滿足虛榮吧。等沒多久，食物(不燙口，微暖)來了～多士烘得香脆；松露份量如能多一點才符合「抵食」二字；蛋一般，欠幼滑，但味道不錯；伴碟的番茄、青瓜似剛從雪櫃走出來……算了以這個價錢確不應有太多要求，然而是否抵食則見仁見智了。

出爐蛋撻雞批10碩大奶油包9元最先吸引小妹的是餐館這新鮮出爐包点和火辣熱賣的檀島feel無法抵抗菠蘿油餐 26蚊看到一個秘製香辣雞丁通自以為是食家想試面飽滿意芝士腸 餐肉當然是行貨選擇米粉主題來臨一碗都是油吃到驚拼命用湯匙掏出大量的油開始回到真實雞肉又是大量皮這個令人失望的36元粉自我解嘲........杯奶茶不差可以用黑白淡奶水準 是所有茶室都會的65分面飽精彩全日唯一最安慰之食新 鮮痴牙是軟綿綿地痴令吃者痴心的香，滑，糯充滿蛋 牛油 糖香了不起半個墨西哥糖皮剛出爐非常新鮮味是我等追逐檀島茶風底食客一直追求的finallyfeel good終極為出爐面飽滿足這早餐我給60分但會介紹其出爐靚飽撻