九龍餐室

營業中

休息中

九龍冰室.......咦！九龍餐室先啱 啱啱對面就喺麻雀館......嘻嘻.....如果有睇過鄭伊健套「九龍冰室」同埋「飛沙風中轉」就明白晒！最初我見到個招牌, 我還以為呢度係九龍冰室實地取景, 原來我又係眼細睇到矇嗰朝入到鋪發覺原來好細間, 每檯檯凳凳都坐滿人, 兇神惡殺公仔佬就一個都無, 食完早餐就番工番學嘅就大把......(不過大惡人係無樣無款睇到嘅！)講番食物當有新鮮出爐嘅麵包, 麵包師係會嗌出來:「义燒包出爐！」咁我二話不說叫番一個嚟嘆~~脹卜卜$7外脆內軟但又唔係好墜手(輕漂漂未至, 重甸甸也未至), 麵包真係「發到豬頭」咁大, 所謂嘅义燒係自製的(因為沒有义燒的那種已燒過的味), 肥瘦有序的肉粒混上海鮮醬就成為义燒包餡。早餐又經濟又大份沙爹牛肉麵的沙爹汁甜甜地, 花生味也有少許, 牛肉「嗱」得不誇張, 麵似是福字麵, 正！ 新鮮出爐迷你餐包仔竟然都有2粒葡萄乾, 廚師牌雞肉腸與荷包蛋同樣煎得香脆 咖啡也煮得香濃牛扒「嗱」得超級誇張, 失望 入口一陣化學味道, 這兒的煎双蛋是孖蛋(即是兩隻一齊煎, 少点功夫也做不到)牛油厚多士鬆軟熟; 凍奶茶茶香不澀奶味香醇眼

深水埗一向俾人覺得環境及衛生只是好一般，甚至可以話唔係太清潔!大家可能想像到好平民化的港式茶餐廳環境大致上都唔係太好，番辦工室的OL又點會幫襯呢!世事無絕對!在西九龍中心附近有間茶餐廳叫九龍冰室，深受OL及斯文一族歡迎的，尤其是新鮮出爐的麵包如菠蘿飽及蛋撻。今晚叫咗個本人至愛的意式蕃茄蓉焗牛脷飯，加多$4一杯熱鴛鴦。 門口光猛及夠cyber每日的午餐及晚餐係用人手寫在新潮板上食品款式繁多一邊吃飯一邊有電视精選焗飯有多款餸選擇，亦可以轉黑汁或白汁，抵讚! 熱鴛鴦味道夠balanced, 有coffee香及啖啖奶茶after-taste,好唔錯!要讚的是焗牛脷飯有好多蔬菜，牛脷又大又香，但係在牛脷上面見到唧咗幾行茄汁，若果用上多啲新鮮蕃茄就very good!埋單都係$44，一個晚餐算OK!

人情味，簡單來說，就是人善、情真、味美……差五分鐘踏入下午茶時段，路過久違了的九龍餐室，猛的醒覺自己還沒有吃中飯，一想起肚子馬上抗議起來。別叫了！就進去吃個豐盛的下午茶餐罷！ 名為餐室，實際近似翠華等新式茶餐廳格局，勝在燈火通明。下午茶餐種類豐富，從西多士熱狗薄餅吉列魚柳沙律到炒粉麪等一應俱全。嘗過一回特餐，當中西班牙奄列極合心意：薄薄的蛋皮包著彩椒、洋蔥和煙肉，蘸點茄汁同吃，簡單而美味 。太餓了，還是來個「迷你炒粉麪餐」罷，三十二元，尙算合理。沒有乾炒牛河，遂點了第二最愛──星洲炒米。餐飲則要凍奶茶。下單不久，忽見一男子托著一大盤菠蘿包從廚房步出，大喊「菠蘿包出爐！」，同店夥計不論男女均和應一句，頓時「出爐」之聲不絕於耳，在場食客無不精神抖擻起來，包括我。有人馬上揚手：「一個菠蘿油吖唔該！」天啊 ──熱得燙嘴的菠蘿包加上冰凍的鮮牛油，那滋味，光想象已經……三分鐘後，又一次麪包出爐！這次換雞尾包！肚子很誇張地「和應」了一聲 ，恨不得找個地洞鑽進去的我，開始心焦：「星洲炒米怎麼還不來？」看一看手錶，原來下單才過七八分鐘而已！「迷你星洲炒米」其實不太「迷你」，以此作午餐也夠。配料有青紅椒

愛亂想，站在茶餐廳門口，去等出爐蛋撻，採用牛油製成牛油皮底，混入甜蛋漿，用西式焗爐烘焙，蜚聲國際的它，其實是粵菜fusion的開山鼻祖。「香噴噴」的出爐撻來了，惹來路人蜂擁爭購，愛爭的劣根性，由殖民地年代延續至今。p.s這裡蛋撻，$3，不貴但cream太重，蛋味失真，很多人喜歡這味道，但惡男就麻麻。更多隨意分享＠http://hk.myblog.yahoo.com/yahitemboy

響迪士尼玩完整個下午，拖著累透的身體搭地鐵出深水涉，胃口卻沒有想像中的大，心諗最好面前有個澳牛常餐，簡簡單單食完立即回家大昏迷，可惜澳牛實在離我們太遠，還是在附近找間茶記比較實際！行到去西九龍中心斜對面的汝州街，終於搵到幾間茶記，其中最「四正」的就是九龍餐室，勝在環境夠晒光猛，仲有部 LCD 電視送飯，我們也不多作考慮，一於入去試試。女友要了「心意特餐」，包括牛油厚多士、西班牙奄列、芝士腸拼雞中翼配通粉，連餐飲共 $38，價錢其實不算便宜，但陣容來說實在豐富得很。所謂「西班牙奄列」，材料分別有彩椒、洋蔥及煙肉，全放在煎得薄薄的蛋皮內，果然幾有誠意。這店所用的芝士腸不是脆皮的那種，而炸雞翼睇落好似普普通通，其實夠晒熱辣燙口，亦能鎖住內裡的肉汁，相當出色！我偏愛炒粉麵飯，這次要了沙爹牛肉炒河 ($43)，河粉炒得爽滑，部份帶少許燶邊，証明蠻具鑊氣，沙爹醬下得恰到好處，加上青椒、紅椒、菠蘿、芽菜等配料，賣相及味道皆屬水準以上，而且份量大大碟，相信足夠二人共享的，值得一讚！餐飲叫了兩杯凍奶茶，其中一杯要少甜，沖得夠滑有茶味，只係覺得「少甜」和「正常甜」的差距實在不大，相信店方在這方面可以再做得

是日下午忽然想吃些很不健康的東西。想起了茶廳的蛋撻、一丁麵、炸雞翼.....口水不期然便流了出來.....一個人來到汝州街裡的"九龍餐室"，先吃一個酥皮蛋撻進肚，再獨吞一份茶餐。吃後身體卡路里的含量真的是爆晒錶呢.....蛋撻的酥皮甚見鬆化，是相當的flaky，層層相疊的煞是好看。蛋漿晶瑩欲滴，微熱的進口吃後甚是舒暢，而且不太甜，是相當具水平的酥皮蛋撻.....外面驕陽似火，喝一口冰凍的凍檸茶，夠透心涼之餘茶味亦不缺，是很好的享受....茶餐的陣容頗見鼎盛的，而且有着不俗的水準 --- 厚多蠻鬆軟的，烘得少許焦，夠脆口的；脆皮腸的味道質感，相信許多人都會知道，在此也不用特別詳細闡述一番吧；用刀切一下那件頗具看頭的火腿奄列，蛋汁馬上如岩漿傾瀉而出，蛋皮不感到煎得很老，是很適中的熟度，而且用上差不多應有兩至三只雞蛋煎成，要完成它可真是一件難事；炸雞翼與一丁麵兩者是分開另上的，這樣雞翼便不會被輕易浸淰了。雞翼的皮尚算香脆，生熟程度控制得不錯，醃得亦夠味道；一丁麵用上原裝味粉作湯底，味道當然夠穩陣。麵的口感亦足，吃落亦算爽彈.....想不到在深水埗區內有着這一所水準以上的茶記，也是始料不及..

這間餐室比其他茶餐廳乾淨企理。我叫了一客菠蘿油和奶茶的下午茶，共計18港元。牛油放在碎冰上，唔駛講冰火效果非常好，抵讚！不過奶茶不夠滑，有點粘滯。如果唔要奶茶，改為紅豆冰，則要21港元。紅豆冰賣相不錯，不過連同牛奶和菠蘿油，卡路里應當很高，這種下午茶不宜提倡。茶餐廳一般非常骯髒，但這家算好，可以帶外地朋友到此而不至於為香港汗顏。如果你帶外地朋友到高登和黃金睇電腦，不妨買完嘢後到這裡休息一下。

開工去到西九龍，買外賣去吃，叫了午餐焗千島汁龍脷柳飯，想不到的好味，魚雖是雪藏，幸好沒有雪味，但配上千島汁，甜甜的美味茶酒也不失茶味，再有蛋撻送，不過飽了沒吃；同事的炒飯恢是大大盒，都是不錯！

很懶寫食評, 但覺得這家店十分值得推薦, 早餐叫咗 俄羅斯雜菜通粉, 細波羅飽+奄列, 熱啡走.整體食材都不是下價貨色, 最念念不忘那杯啡走. 香濃無比. 好好!

九龍餐室, 呢個名字, 總會令人聯想起鄭伊健的一套"江湖"戲, 名叫九龍冰室. 然而, 此九龍餐室, 名字只是巧合, 根本同那一套電影扯不上關係. 是日, 來到黃金看電腦, 首先任務見食飯. 我聽齋妹介紹, 由她帶路, 到來呢間名字帶少少江湖味既茶餐廳, 食late lunch.點解齋妹會拉我黎呢, 全因這裡的Menu上有素食既selection. 她簡單地, 叫下一個忌廉野菌焗飯, 而我係Menu中發現, 他們的焗飯好像是招牌貨, 咁我都黎一個意式茄蓉焗豬軟骨飯.焗飯一向都係需時, 邊等, 邊看著鄰檯的墨西哥包, 廚房捧出一盆盆熱辣辣的蛋撻. 只可惜我們已經叫下lunch飯兩個. 不然, 食下撻仔, 包仔, 可能更加開心.兩個焗飯一齊到, 說香味, 始終是剛焗好, 當然非常之香. 忌廉野菌, 帶有少許芝士, 更加香口, 只不過飯底只是白飯底(我的一樣), 若是炒底既焗飯, 可以更加美味. 意式茄蓉焗豬軟骨飯, 沒有汁的焗飯, 全因為以茄蓉代替了茄汁. 因為有鮮茄蓉, 所以個飯都唔會幾乾. 豬軟骨, 因為是焗的關係, 平時食豬軟骨拉麵時, 淋淋的豬軟骨, 變成爽趣的豬軟骨. 味道是不錯

要看一家麵飽店的麵飽好不好食,只要吃一個菠蘿包便可知.今次的選擇:菠蘿包.包子十分大個,很划算.因為用了一個暖爐暖著包子,所以包子仍暖.包子也因此仍鬆軟.但「菠蘿」味不足,甜度也不足.

我對有自烘麵包的餐廳特別有好感，除了有新鮮麵包之外，亦大致可反映質素。上次到九龍餐室是相約友人的臨時選擇，只叫了一個菠蘿包加熱奶茶。最令我感動的是牛油以冰鎮另上，菠蘿包應是微波番叮的但火力恰到好處，牛油略軟，有香味亦有質感。這個牛油另上的心思反映老闆事事以客為先。兩星期後又再走過九龍餐室，原來麵包之外，西餅也是懷舊size，一定要擇日再試！

2個月前,好友未搬離深水埗,我們每個星期天也在呢頭搵食...車仔面,郴汁大王,同埋呢間餐室亦係我心頭好!!我們每次來,巳例必叫:chopstick瑞士汁雞奕撈出前一丁($36)----面質彈牙的一丁都唔洗我多講,果4隻又肥又大的瑞士汁雞奕先係主角..第一次係度食已"叮"一聲;喚起我細細個比老豆帶去太平館的記憶...以前太平館的瑞士汁雞奕又肥又大隻,1客有十隻,依家??太平館的瑞士汁雞奕又小又廋,為了濫芋充數,雞中奕連雞奕尖一并賣,一客仲要得8隻,連埋加一差不多成百元一客,把鬼!!!講返正題,九龍餐室除左瑞士汁雞奕撈出前一丁,佢D咖喱亦不俗..咖喱海鮮$48-----我本人比較中意食瑪沙拉(另一種咖喱),呢度係冇既,咖喱海鮮係友人心頭好!!我麻麻地中意,溫馨提示,下午2:30一6:30外賣一份午餐送蛋達一個,(午餐又送湯,不過我覺得個蛋達仲好食過個午餐)所以試唔試午餐自己諗〝〝

係深水埗掃貨掃到腳仔攰, 想搵地方小休兼午餐, 心諗九龍餐室從外面看內裡的裝橫幾乾淨整齊, 都應該坐得幾舒服, 好啦! 入去試試.點了午餐C ~ XO醬炒三絲銀針粉, 包例湯和一杯飲品.試一試炒三絲銀針粉, 又幾好味喎! 輕微少辣, 但不會感到太辣, 銀針粉煙韌, 不會炒得過濕, 夠乾身, 份量不少, 價錢頗合理.凍咖啡係茶餐廳來說, 亦相當不錯呢! 很有咖啡味. 當然不能說非常好飲啦!

深水步其實有很多好吃的東西，有很多充滿誠意的店子，是次來一間so called餐室其實是大玩懷舊風的茶餐廳，試一下到底有多好吃。peak hour來到，剛好有一卡位埋單，就sip進去。waiters快手的說有午餐ABC，又有常餐，男友要了生炒骨飯，跟羅宋湯及熱奶茶；我要常餐，omelette (內有彩椒、煙肉、onion)，toast，2件雞亦，芝士腸，及一碗通粉，再要多一杯凍OT，就此。生炒骨很快上台，骨沒有跟飯分開，同是放在同一隻碟子上，炸得香口鬆脆，而且那個汁很酸酸甜甜的很開胃，同時亦配上大量onion，紅椒等，算是頗好吃的；我的常餐，足等了十分鐘才上台，芝士腸真是細小得可憐，是正常size的一半，omelette做得不錯，用茄汁做sauce再加上彩椒onion，醒胃好吃，但我找不到煙肉的存在，雞亦是炸的，頗為香口好吃 (其實很難做得不好吃)，通粉也就是正常茶記水準。羅宋湯，略為過甜，吃不出那酸味，麻麻地；熱奶茶聽說okay，但絕不是驚為天人的水準，凍OT唯一可讚的是檸檬下得大方，是4片厚切，比起其他地方2片薄切，這裡做得更好。整體感覺邋好，但要complain的是上菜上得頗慢，