影片
港鐵大圍站 A 出口, 步行約5分鐘
繼續閱讀
電話號碼
26138628
營業時間
今日營業
11:00 - 03:30
星期一至日
11:00 - 03:30
以上資料只供參考, 請與餐廳確認詳情
#MC帶你去大圍.大圍雖是住宅區，但自從開咗商場「圍方 The Wai」之後，吸引咗唔少人入大圍覓食；當中有唔少傳統老店、茶餐廳、掃街小食、米芝蓮餐廳等。➖➖➖➖➖➖➖➖➖➖➖➖➖➖➖✨ 二兄車麵館.餐廳主打港式快餐、茶餐廳美食；店內環境光潔明亮，乾淨整潔，出餐速度十分快！而且營業時間至零晨，不論早午晚宵夜都有提供。➖➖➖➖➖➖➖➖➖➖➖➖➖➖🥢 籠仔荷葉蒸龍躉飯（一人份）｜$108 ✨即叫即蒸✨.鋪滿整個飯面嘅龍躉魚片，肉厚而且結實嫩滑，食起來啖啖肉！搭配炒飯飯底嘅荷葉飯，飯粒炒至粒粒分明而且乾身；加上蟲草花、雲耳、蒜粒、蔥花，鮮味香濃，味道不錯！份量足料，男士進食都十分滿足！➖➖➖➖➖➖➖➖➖➖➖➖➖➖🈹 午市特價飯餐｜11:00 ~ 18:00🥢 乾炒牛河｜$58.茶餐廳必嗌鑊氣之選！河粉均勻沾上醬油，而且條條分明，值得一讚！牛肉片無過度醃製，口感嫩滑有少少咬口；整體炒得幾香口有鑊氣又乾爽，性價比不錯。➖➖➖➖➖➖➖➖➖➖➖➖➖➖🈹 下午茶餐｜14:00 ~ 18:00🥢 香脆芝士火腿扒多士｜$21 .外層麵包已經用上牛油烘烤，香口酥脆，誠意十足！內裡芝士呈半溶狀態，搭配大大塊火腿，出色又邪惡！➖➖➖➖➖➖➖➖➖➖➖➖➖➖🥢 凍檸檬茶｜跟餐加配 $3.餐廳堅持用新鮮檸檬，不用檸檬汁取代檸檬。凍檸茶份量適中，質感順喉，苦澀味唔重。🟰🟰🟰🟰🟰🟰🟰🟰🟰🟰🟰🟰🟰🟰#Ming_Course #沙田區美食 #大圍美食 #大圍好去處 #香港美食 #香港探店 #大圍 #二兄車麵館 #車仔麵 #茶餐廳 #港式 #籠仔蒸飯 #籠仔飯
繼續閱讀
同朋友去完迪迪尼睇煙花🎆，出返大圍食二兄車麵館就最啱！由朝早6:30開到凌晨3:30，唔使驚冇野食😆**********🐷豬小姐（$69）🌟推介🌟對於有選擇困難症嘅我，揀車仔麵嘅餸真係可以揀好耐，呢碗豬小姐就免卻左我呢個煩惱，豬小姐入面有齊豬嘅餸有豬皮、豬紅、豬手、豬大腸、扎肉同貢丸豬手好腍；豬皮、豬大腸大大塊，清洗得乾淨麵底揀咗粗麵，沙嗲汁辣中帶甜**********🐷香煎豬扒蔥油撈丁配煎蛋🍳同奶油豬半件（$53）🌟推介🌟唔知有冇人同我一樣，唔食蔥，但係又好鍾意食蔥油果陣味😆，而且好鍾意食茶餐廳嘅公仔麵，麵身爽口啲呢個蔥油撈丁，滿滿蔥油，再加上甜豉油，同公仔麵真係好夾仲配埋奶油豬同煎蛋，好抵食！奶油豬即刻烘，熱辣辣脆卜卜**********🦪炸蠔餅(小)($62)🌟推介🌟茶餐廳都食到炸蠔餅！不得了！蠔仔大大粒脹卜卜，新鮮冇腥味，蛋味香濃拍得住大排檔**********凍好立克（+$3）凍檸樂（+$10）
繼續閱讀
介紹返💁🏻♀️。。🇭🇰 籠仔荷葉飯 在大圍 🇭🇰。二兄車麵館。大圍道1-35號金山樓地下2號舖。籠仔荷葉蒸蝦球飯。HKD78 @ 一人份。HKD148 @ 二人份金牌全日餐招牌沙爹牛肉 配 火腿奄列 及 多士。HKD49可選：公仔麵 / 通粉 / 米粉 / 米線 / 加HKD6 出前一丁 / 辛辣麵 / 烏冬下午茶 1400~1800二兄招牌芝士咸牛肉炒蛋脆豬。HKD38精選茶聚 1400~1800港式西多士 配 紅豆冰。HKD28所有餐奉送：例湯 或 熱飲凍飲 加HKD3汽水 加HKD6特飲 加HKD10四季特飲 加HKD16🤫 哩間茶記叫做二兄..有茶記美食有車仔麵仲有幾有特色嘅籠仔荷𦳑蒸飯..餐廳裝修好新淨企理..最鐘意哩度都幾多卡位..可以自成一各🤫 我哋三條友一人叫一個餐再Share個籠仔嚟試吓.. 嗰種International嘅程度係..一個要下午茶咸牛奄列硬豬..我要常餐沙嗲牛麵..另一個就食西多..真係可以話集百家之大成🤣🤫 先講我個常餐..沙嗲牛麵係沙嗲汁煮牛然後成羹𢳂落個麵度嗰隻比較常見嘅沙嗲牛麵煮法..牛肉片嘅沙嗲相當入味而且片片都係完整牛肉..並非得啲碎或者得啲頭頭尾尾得啲筋位嗰種..算係正常中高質..而跟餐嘅火腿奄列都好足料有幾多火腿絲..多士仲真心有底面烘..值得讚許嘅～🤫 然後下午茶餐嘅咸牛奄列硬豬都幾巨型..豬包烘得超脆口..SuSu一咬落去啲包碎即刻噴曬出嚟🤭..入面嘅咸牛奄列亦好滑溜足料..SuSu話下午茶揀呢個都幾滿足🤫 再嚟港式西多茶餐就最抵玩..廿八蚊仲送紅豆冰..西多大大嚿牛油喺面..炸到外脆內軟..至於個紅豆冰呢..朋友仔極度讚賞喎～佢話紅豆粒粒大大粒軟綿綿..配埋夠晒甜嘅椰子汁..送嘅都咁好味..真係估唔到👍🏻🤫 最後期待已久嘅籠仔飯我哋揀咗荷葉蒸蝦球..大海蝦有四隻..另外配有大量嘅蟲草花雲耳蒜粒蔥花..一揭開個蓋淡淡嘅荷葉香撲鼻而嚟..荷葉飯粒粒分明夠晒乾身又有咬口而且仲要係蛋炒飯底..一份一人份量其實都夠三個妙齡少女食🤣所以你就知道份量真係唔少..呢個籠仔飯我哋都一致推介🤫 嘢飲方面..除咗紅豆冰我哋另外兩個人都係揀咗凍檸茶..凍檸茶正正常常..茶底都算係幾濃味..加上檸檬新鮮..都唔錯嘅～總括嚟講都係樣樣都唔錯嘅茶記啦..大圍友可以去試吓喎..聽Susu講呢間茶餐廳黐鬼線..朝頭早六點半開到凌晨三點半..夜鬼宵夜都可以去食個籠仔飯😌佢嗰個地步係喺大圍火車站Exit B不斷向前行大約十分鐘就到㗎啦😅詳細自己睇地址Google吓啦～。。翻兜指數：🙆🏻♀️🙆🏻♀️🙆🏻♀️（5個🙆🏻♀️為翻兜爆燈）。。
繼續閱讀
今日放假可以同朋友坐低慢慢傾下偈，搵咗喺大圍火車站附近嘅二兄車麵館，其實呢度唔止有車仔麵食，仲有籠仔蒸飯、炒粉麵飯、小食等等。餐廳營業時間由06：30-03：30早午晚宵夜，都唔怕無得食。籠仔蒸蝦球飯$88，新鮮熱辣，因為製作需時，要等15至20分鐘。籠仔底部鋪上荷葉，聞到啖啖嘅荷葉清香。炒飯底，仲有蝦球、蟲草花、蒜粒和雲耳，材料十分豐富。免費送熱咖啡，咖啡味道濃郁。招牌大碗麵（油麵，牛腩汁)$69，餸菜方面有雞翼、雞翼尖、豬皮、咖哩魚蛋、蘿蔔、豬紅、菜心，相當豐富，每樣餸都非常入味，牛腩汁夠濃，唔會過鹹，唔錯嘅選擇。免費送熱杏霜，又香又滑。公司三文治$43，一碟有4大件，材料有芝士、火腿、蕃茄、雞蛋、午餐肉、生菜，麵包經過烘底香脆好食，口感絕佳。
繼續閱讀
如果你地主打係車仔麵 就做好車就麵啦唔好煮其他啦 可能啲人話荷葉飯好食 但我就係見你地其他野麵有我先揀不過其實你地知唔知豬軟骨啲軟骨係可以食埋？但你地所謂秘製係令我大開眼界！出到嚟我以為係碗湯 又有菜又有肉點知係我叫嘅秘製豬軟骨肉飯 見到個樣麵覺得伏 好似瘦肉湯啲肉咁 嚡口又韌總之好難食！個午餐我唔知自己食緊乜 一個人開心好簡單 就係食到好食嘅野但你個秘製豬軟骨難食到我好唔開心🤡🤡🤡60蚊 我應該食其他都唔會好似依家咁寫劣評我連相都唔想影 總之同煲湯瘦肉冇分別
繼續閱讀