二鍋頭 (福苑)

營業中

休息中

一個價錢就可以最多任食7小時無限量任飲任食五款煲😱包括秋冬至愛羊腩煲、4款口味烤魚、雞煲、牛尾煲同埋豬手煲！最尾仲可以打埋邊爐，真係勁癲呀！一開始我鍾意食最鍾意嘅雞煲，叫咗微辣食落，個雞煲醬非常香口，有少少麻辣，然後雞肉煮得啱啱好，個皮索晒啲汁，然後雞肉仲係keep到滑滑嘅。最特別呢度個雞腳係鳳爪，炸過之後更加入味，仲好食過酒樓點心嗰隻多多聲。秋冬天一定要點嘅羊腩煲，講真，平時食開羊腩煲閑閑地$400，呢度食兩轉羊腩煲已經抵返晒任食嗰條數，真心抵到爛！而且估唔到放題個性價比咁高，羊腩煲起碼見到裏面真係有羊腩，仲有羊排，而且淋到勁腍勁入味，骨肉一咬即分離，連塊皮都非常軟綿綿，一路食仲可以一路品嚐到好濃郁嘅油花味，食落唔會好羶。裏面嘅配菜譬如枝竹同埋冬菇都好足夠，羊腩煲絕對有驚喜！我哋鍾意食烤魚，老闆推薦呢度嘅清江魚，骨特別少，果然吃起來啖啖肉口感，湯底係唔辣嘅醬香味，可以食得出條魚好鮮甜。自助區仲有好多各款蔬菜、丸類任君選擇，棉花枝丸、墨魚花枝丸、八爪魚丸、牛筋丸這些高質量的遠離也是無限任食！飲品方面見到有幾款啤酒都是任飲類，真的好適合良朋歡聚呢！坐足七個鐘，慢慢食慢慢傾，一樂也！

所有食物都有得揀辣度，適合一家大小，親友共聚，誠意推薦大家。「任你魚肉」烤魚雞煲火鍋放題 $298/位✨牛尾煲✨在你面前淋上玫瑰露及點火，好睇又好食。牛尾煲份量非常多，件件同你手掌一樣咁大，以牛尾嚟講肉非常多，都做到啖啖肉，可想而知，非常大件🤩加上醬汁濃郁，我們吮到成枱都係骨🤣✨雞煲✨超爆香，師傅一路炒，越炒越香，全台人眼甘甘望住個雞煲，勁想快啲食🤣 雞件非常多，雞胸雞翼雞髀都搵得到，啖啖肉，好正。而且包埋鳳爪🤩，脹卜卜，醬汁濃厚，撈埋一齊食，超級惹味😍。✨豬手煲✨黑胡椒十分香 ，做到掛汁，豬手QQ彈彈，非常有咬感，食完有骨膠原滿滿的感覺。烤魚有四款口味(麻辣味、香辣味、酸辣味、醬香味)：✨清江魚✨魚味濃，肉質滑及緊緻。今次選了酸辣味，有爆多芫荽，勁香。豆腐卜仲要吸埋汁，味道及層次十分豐富。✨海鱸魚✨條魚勁大條，但就會多啲骨，食嘅時候要小心。我們叫了醬香味，肉質彈牙，啖啖肉，幾個朋友一齊食就最啱。最後當然要打邊爐。我們選了香茜皮蛋鍋及蕃茄薯仔濃湯鍋，兩個感覺都唔錯。打邊爐配料超過100款，真的花多眼亂。🔸安格斯牛板健🐮鮮紅色，肉質不錯，新鮮嫩滑，打邊爐一流。🔸牛栢葉大件、彈牙及爽口，份

呢排天氣凍左好多🥶最想打邊爐😋🍲呢間而家而家推出最多任食7小時無限量任飲任食火鍋放題，仲有任食雞煲，牛尾煲，豬手煲，同埋而家仲可以任食羊腩煲😍，仲有任食4款口味烤魚呀！醬香烤魚🐟我哋叫揀咗清江魚，魚肉好肥美、厚肉又冇骨，食得方便👍🏻醬香味好香，而且魚肉夠哂入味😋可以免費鴛鴦湯底👍🏻我哋揀咗川椒麻辣鴨血湯同埋胡椒豬肚雞湯，兩個湯底真係啱晒凍冰冰嘅天氣令到個人暖笠笠😌肉類：牛板腱、本地鮮滑牛、西班牙黑梅肉、紐西蘭羊卷肉，肉類好新鮮，尤其本地鮮滑牛嘅肉好有驚喜，因為好厚但係好嫩滑👍🏻海鮮：脆鯇魚腩、海蝦、海蜆、墨魚滑、雲吞，海鮮新鮮、鮮甜👍🏻不過我最鍾意都係脆鯇魚腩肉質厚爽脆又無骨😋而海蝦好大隻同埋肉質爽口😋自助區有好多新鮮蔬菜、丸、腸等任拎👍🏻除咗火鍋料之外，仲有小食😆麻辣鳳爪同川椒麻辣糖心皮蛋真係唔錯😋最後梗係要食返甜品做結尾啦，呢度居然有澳洲牌子Bulla嘅雪條😍

天氣又轉涼啦 又係去打邊爐嘅時候 當然去交通方便嘅旺角區又再次去二鍋頭 旺角 食返個 火鍋呢個又係任飲任食馬拉松七個鐘嘅煲食足三款煲 先嚟一個二鍋頭王牌雞煲叫咗少少辣，十分惹味店員即場幫忙炒起雞煲，十分有誠意跟住叫咗個枝竹羊腩煲阿媽話平時食咗個枝竹羊腩煲都成二百幾蚊呢度係任食嘅，但係我哋都食唔到咁多叫佢份量少啲 啲羊肉有埋腐乳 太好 羊肉唔韌唔錯再嚟叫咗芫荽皮蛋鍋QR code落單點火鍋配料 好方便啲配料都好新鮮而且有個自助蔬菜同埋肉丸豆腐等等，非常多選擇 自助飲品區都好多多款最後一定要食返條雪條作為甜品二鍋頭 (福苑) (旺角)旺角西洋菜南街138號福苑2樓#二鍋頭#二鍋頭旺角#Hkblogger #hkfoodblogger #hkfoodie

上星期 同兩個朋友, 第一次到訪旺角二鍋頭 ,一試佢嘅羊腩煲任食, 坐低就發覺原來係前後有五個煲可以輪流任食 ,羊腩啦,烤魚啦, 牛脷 ,豬手, 雞煲！ 仲要係 可以輪住不停添食,唔會話食一次就冇 ,地方坐得好舒服 .負責人Edward 解釋得非常清楚, 而每一位員工嘅服務都非常快非常好. 點才換煲嘅時間 唔會超過一分鐘, 絕對唔會有 揼你波鐘嘅感覺.原來食完煲之後仲有 用qr code落單嘅任食打邊爐, 牛肉呀海鮮呀都唔差㗎喎！當你埋單你會覺得物有所值同埋 性價比真係好高！食完之後 差唔多隔日就諗返起啲羊嘅美味！ 我推薦畀其他朋友去食,已經又約定下星期同其他朋友再去食一次, 如果大家想食羊腩煲要食到夠喉,食到過癮,我極力推薦！！！

📍二鍋頭 @hotpot2f性價比：🌟🌟🌟🌟🌟呢間火鍋店性價比真係超級無敵極高😆7小時無限量任飲任食羊腩煲、雞煲、牛尾煲、豬手煲、羊腩煲、烤魚，再加打邊爐🥘星期日至四優惠價：成人$318 小童$138星期五、六及公眾假期前夕：成人$358 小童$148係打邊爐之前 我哋可以先食👇🏻👇🏻👇🏻 二鍋頭惹味🐥煲/香濃黑椒🐷手煲/秘製火焰🐮尾煲/滋補🐑腩煲/烤🐟如果你哋大食或者多人嘅話真係可以試曬咁多個煲🤭而我哋今之就淨係食左 牛尾煲、羊腩煲、烤魚🌟❶秘製火焰牛尾煲估唔到火焰牛尾煲真係有呢個火焰嘅視覺效果🔥牛尾經過慢煮 肉質軟嫩 同時又富有肉香🐮食落帶啲微辣 好惹味😋❷滋補羊腩煲羊腩嘅肉質腍滑多汁 食落無乜羊羶味🐑沾上腐乳一齊食就最好不過🤡❸烤魚唔想又食咁重口味 所以烤魚湯底揀左唔辣嘅醬香味🐟醬香味香氣撲鼻 而清江魚食落啖啖肉😎除左一根主骨以外 幾乎沒有細骨🦴烤魚預先已經煎香咗 入口嘅時候仲有少少香脆👨🏻‍🍳而魚肉既質地都非常鮮嫩 鮮甜結實肥美於一身👍🏻之後就到打邊爐嘅部分😈湯底就揀咗 香茜皮蛋鍋 x 越式香濃牛肉鍋🍲❶牛板腱牛板腱肉質與油花分佈均匀細密 牛味濃郁🐮❷西班牙黑梅肉脂肪比例啱

二鍋頭係一種燒酒，因為要蒸餾兩次，所以有呢個名。變咗要用黎造酒嘅時間就會長咗。但係味道就會昇華。咁啱就係同呢度食嘢嘅情況一樣，用餐嘅時間會好長，佢竟然係七小時無限量放題，但係食嘅嘢超越二鍋頭，因為佢可以一直叫唔同嘅鍋，或者不停追加同一個鍋，好爽架。任食羊腩煲，烤魚，雞煲，牛尾煲，豬手煲，最後仲可以打埋邊爐。 🍖羊腩煲係我首選推介，秋風起，羊腩最正，的肉炆得好好味，瘦肉部分夠林，又有足夠肥肉帶出肉香，的皮最正，骨膠原十足，而且唔帶毛，再配合個腐乳醬，超夾。不得不提係個煲底用料，馬蹄同筍都好爽又入味，最勁係有甘蔗，為個汁加入甜味，自己又吸反肉汁，食既時候好juicy。 🍖雞煲我地揀左中辣，莞茜，洋蔥完全唔留手，加上本身嘅辣味，同埋喺食之前，店員出行力咁將佢哋攪勻，香味同埋辣味完全溶化咗喺嫩滑嘅雞肉入邊，所以食落夠曬惹味，鍾意刺激嘅人啱曬。 🍖最後我哋先至食打邊爐，個沙嗲湯底一樣咁惹味，一聞已經有花生醬嘅味，證明真係好足料。任食嘅牛都好正，油花好靚，而我一定會叫嘅本地牛就唔使講，非常嫩滑。都差唔多飽到食唔到啦，我哋重要再追擊埋啲菜，勁多款選擇。 呢幾日天氣突然變凍，最啱就係圍爐取暖，呢度可以

好耐冇去搵食但依日間實在太過分，任食七個鐘，仲要係雞煲豬手煲羊腩煲烤魚食完唔同煲之後仲可以無限量咁樣打邊爐真係好吸引物超所值首先我嗌咗個雞煲店員仲會問埋你要唔要雞腳成個雞煲好惹味，仲有唔同辣度揀之後我就嗌咗條烤魚自己就揀咗蒜蓉味，其實佢仲有唔同口味，大家可以選擇經過精心調味，外焦里嫩，完美展現了魚肉的鮮美。火鍋部分都好有亮點湯底有好多種類仲可以鴛鴦鍋可以手機落單亦都可以出出面拎可無論是海鮮肉類還是蔬菜非常多樣化從清淡到濃郁，應有盡有你仲要有埋麻辣魚皮，皮蛋等等小食總括嚟講性價比極高今次同行朋友唔食羊腩煲下次可以再搵密友一齊再嚟大食一餐

今日同朋友係旺角行左成日街準備搵野食， 無意中發現旺中對面有間7️⃣ 小時無限量任飲任食既火鍋放題， 套餐3百幾竟然包括4款口味既烤魚，雞煲，牛尾煲，豬手煲 ，羊腩煲， 最後仲可以轉鴛鴦湯底打邊爐 ，性價比高👍🏻👍🏻火鍋配料同小食都可以用qr code落單好方便，自助區仲有多款火鍋配料有丸類，蔬菜，炸響鈴 同粉面等等… 同埋 多種啤酒汽水飲品雪糕任君選擇😍😍首先叫咗個小辣雞煲， 上枱既時候店員好貼心，會先問要唔要芫茜， 之後翻炒一下d雞件就可以食得拉，雞件既份量好多 加埋 秘製醬汁好惹味 ，最後再加d牛柏葉 同魷魚炒下吸滿醬汁一齊食超正🤩再點咗個羊腩煲，羊腩炆得好腍好入味又唔會有騷味👍🏻 加上d配料又多，食完已經好飽 但都點左個清湯豆腐配冬陰功既鴛鴦鍋，牛板腱好嫩滑 海蝦好鮮甜 雲吞同水餃皮薄餡靚 再叫埋 鹵水牛腱同泰式鳳爪送啤酒一流🍻最後一定要食埋海鹽味雪糕同榴槤味雪條先叫大滿足🤣🤣🤣

近排天氣涼左，又到左打邊爐食雞煲既時候，今次我就揀咗間平靚正，仲要最長7小時無限任食放題，有雞煲、豬手煲、牛尾煲、羊腩煲、烤魚，梗有一款啱你口味😌🌟 人均 💲3️⃣5️⃣0️⃣最長7小時任食放題 🌟今次試左烤魚、雞煲，下次先試羊腩煲，食完之後仲可以揀湯底打邊爐🍲烤魚揀咗醬香味清江魚，清江魚多肉小骨，經過輕炸再烤，魚肉厚身雪白，食落啖啖肉🐟雞煲就揀左小辣，店員仲會幫手炒雞煲，雞件係按人頭份量，食落鮮嫩多汁，香口惹味👍🏻食完烤魚雞煲，就揀咗蕃茄薯仔湯打邊爐，多種火鍋配料，有新鮮滑牛、牛板腱、海蝦、蜆等，出面仲有自助配料，食幾多夾幾多，絕對係可以飽肚離場😎飲品方面除左各式汽水、涼茶，仲有啤酒任飲🍻最後一定係雪糕、雪條任食，食完就大滿足🍨

旺角的任食火鍋餐廳很多，今次嘗試這間火鍋，因為佢的極尚鮮味套餐可以任飲任食羊腩煲、烤魚、雞煲、牛尾鍋和豬手鍋，最後仲可以慢慢打邊爐，真係一次滿足晒幾個願望 ！仲要係*無限時*，岩哂同朋友坐低傾偈慢慢食 。今次就食咗羊腩煲和雞煲 。有好幾款罐裝啤酒都係任飲！蔬菜區丸類係自助，菜類款式選擇好多二鍋頭惹味雞煲🌟店員會幫手炒雞煲，很貼心！雖然唔食得辣，但試了小辣都接受到，雞撈埋醬汁十分惹味！滋補羊腩煲配腐乳醬🌟冬天一定要食羊腩煲！羊肉鮮嫩，醬汁滋味濃郁，最後可淥生菜，配上腐乳醬，食完個人暖笠笠。邊爐可以免費升級做鴛鴦湯底，揀咗冬陰功湯及胡椒豬肚雞湯，冬陰功配海鮮和肉類一流！牛板腱🌟牛味豐厚還不錯吃，而且每一片都夠薄，係湯底碌一碌很快就熟了～西班牙黑梅肉🌟黑梅肉片望落雪花唔多，但食落都好軟稔唔韌本地鮮滑牛🌟每一塊滑牛厚身之餘肉質嫩滑，食落去啖啖肉 。鮮吊桶仔🌟活海蜆🌟兩款都有濃厚海鮮味，配少少辣嘅冬陰功湯底一流。呢度無限時而且食物選擇豐富，各類煲總有一款岩食，而且店員殷勤上菜收碟都好快手，下次想約朋友聚會一定再黎！

平時雞煲之後打邊爐就食得多，任你魚肉長達7小時任點唔同煲類+烤魚+邊爐真係未試過！呢度唔單只有惹味雞煲，仲有黑椒豬手煲、火焰牛尾煲，連烤魚都有清江魚同海鱸魚揀，真係可以試均所有煲先開始打邊爐，夠晒Crazy~~先試牛尾煲，肉質彈實，而且一d都唔羶，香濃醬汁令成件事更美味! 食完再點清江魚煲，貪佢無咁多骨，估唔到咁大條又多肉，仲有多種辣度可以選擇，真係可以大魚大肉~食夠就可以轉打邊爐，但記得轉咗打邊爐之後就唔可以再食煲架嘞~~邊爐仲有十款唔同湯底選擇，同唔同級別肉類套餐揀，另有兩個大櫃放滿多款新鮮蔬菜、丸類、菇菌類等，仲有出前一丁同韓國麵食、任飲同甜品櫃，呢個價錢簡直係食到盡啊!!今次人少少只試到兩款煲，下次要約多幾個朋友仔試晒咁多款先得!

旺角無限時雞煲、豬手煲、牛尾煲、羊腩煲、烤魚及火鍋放題，非常適合餓底出動，一煲吃完又一煲，兼暢談、暢飲啤酒！烤魚/羊腩煲/火鍋放題 $318- 惹味雞煲 | 黑椒豬手煲 | 火焰牛尾煲選擇了BB辣的惹味雞煲，店員知道倆口子是芫茜控後，立刻加料芫茜山在雞煲上，很細心！店員快炒雞煲，未吃就先聞到濃郁的香味，引起食慾。雞件也頗嫩滑，大愛這個濃味醬汁，辣度對於不嗜辣的人來說也能接受。- 烤魚煲 | 羊腩煲鄰座客人吃羊腩煲吃得津津有味，而倆口子就鍾愛於烤魚，以前已在其他烤魚店吃過海鱸魚，今次初試清江魚，也是很喜歡。一條魚的份量很大，經過輕炸再烤，魚皮帶點金黃，魚肉厚身雪白，緊實又鮮嫩，魚骨不多，巨大魚柳啖啖肉，吃得很方便。醬香口味比想像中濃郁惹味，還有百頁、豆卜、蓮藕片等配料吸盡醬汁。嗜辣的也有麻辣、香辣和酸辣口味選擇。如果不是肚皮空間有限，很值得Encore！- 火鍋 進入火鍋環節，有9款湯底選擇，更可免費升級鴛鴦湯底，「紅白代表」蕃茄薯仔濃湯和豬骨鍋配上簡單邊爐食材都很不錯。配料比單一火鍋專門店當然選擇較少，但豬、牛、雞、海鮮、丸類、餃類、蔬菜類等都應有盡有。個人最愛鮮滑牛和大大粒雞子，最後

之前行完T.O.P.又行旺中再行新之城，行到腳都軟，想有個地方慢慢坐又可以任飲任食，點知一出旺中就見到D 宣傳poster可以最長7️⃣小時任食烤魚雞煲火鍋放題，呢個套餐係無限量任食同任轉4️⃣款口味（麻辣味、香辣味、酸辣味、醬香味）嘅烤魚🐟，再加雞煲🐔 + 牛尾煲🐮 + 豬手煲🐷任食，重要係冇花冇假成個煲咁換走😱。最後可以轉鴛鴦湯底打邊爐，原來尖沙咀都有分店👀上一次試完烤魚🐟 + 牛尾煲🐮 + 豬手煲🐷同食左好多牛🐮羊🐏之後，發現仲有雞🐔、豬🐷同海鮮🐠🦐🦪未食。今次先上個雞煲🐔，再轉個豬骨🐷湯底打邊爐🥢就夠皮🤪🤪🤪📌二鍋頭惹味雞煲🐔叫咗BB辣，上枱後店員會翻炒一下雞件好快就食得。煲底有電磁爐令雞煲keep住熱辣辣🔥💜💜，雞件份量非常多，有曬雞胸、雞翼、雞髀同最有驚喜係有鳳爪，醬汁味沾滿每件雞，加D炸魚皮同炸響鈴，吸滿雞煲醬汁超好食惹味😋📌正宗豬骨鍋邊爐🐷🦴10款湯底比你選擇，而且仲可以免費升級鴛鴦鍋。見隔離一個湯底有一大條豬筒骨甘過癮，我又要跟機🤭，一上枱真係有大豬筒骨，令到個湯底呈奶白色，裏面仲有粟米🌽、蕃茄🍅等配料，真材實料，清甜濃郁☺️📌火鍋材料以QR code任點任食，落單後好快送上，

雞煲加火鍋好多地方都有，免費升級任食雞煲就較少，今日嚟到呢間位於旺角嘅二鍋頭，一個價錢任食雞煲、豬手煲、牛尾煲、兩種魚配4款口味烤魚，再轉鴛鴦湯底打邊爐，豬牛雞魚煲無限量任飲任食7小時，性價比高。雞煲叫咗少辣，上枱可即食秘製雞煲醬配少辣非常惹味，店員會問要唔要芫茜，咁啱朋友真係唔食芫茜，朋友食得好開心。 鴛鴦湯底蕃茄薯仔加越式香濃牛肉鍋，一邊酸甜，一邊微辣，火鍋材料新鮮任點任食，落單後即時送上，牛板腱好嫩滑，牛柏葉爽脆，海蝦鮮甜，雲吞水餃皮滑餡料靚。自助區有多款丸類及蔬菜任取任食，各種丸類質素都很好，蔬菜新鮮翠綠，仲有炸魚皮同炸響鈴，吸取湯汁精華超好食。仲有多種啤酒汽水飲品任君選擇，最後一定要食埋雪糕先夠滿足。