影片
港鐵啟德站C出口, 步行約1分鐘
繼續閱讀
電話號碼
28818336
28818339
開飯介紹
裝潢走簡約路線，以各種盆栽作點綴，而店名意指以專業烹調手藝呈獻魯菜、川菜、粵菜和淮揚菜，同時加入創新元素，向年輕一代推廣中國傳統料理。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
相關文章
2025年7月3日 星期四今晚專登去到啟德既airside食飯，仲已經一早揀左呢間餐廳，因為見到網上面話性價比十分高，特別係片皮鴨好抵食，所以就吸引左我呢個片皮鴨愛好者餐牌有好多食物可以選擇，種類繁多，價錢又真係好貼地，半隻片皮鴨連一份大約20塊既摩摩皮都只係$168，所以我哋叫左呢樣再加少少野食應該就夠晒一點完餐等左一陣飲品就黎到，係檸檬益力多，飲落去酸酸甜甜，檸檬味清新，乳酸味唔太重，似係益力多加咗檸檬汁咁，飲完即刻解晒膩，好適合配上重口味菜式之後有黃金芥蘭，鹹蛋黃炒到似金沙咁黏住芥蘭，每啖都食到鹹香同菜嘅清甜芥蘭爽脆冇渣，鹹蛋黃唔會太鹹，反而有種奶油感，令到整道菜口感好豐富跟住到我最期待既菜式出場，北京填鴨配摩摩皮，呢道菜上枱時已經聞到陣陣香氣，鴨皮金黃酥脆，咬落去「卜」一聲，油脂唔多但香氣十足，鴨肉細嫩而且冇腥味，啖啖都係濃郁鴨香摩摩皮方面，薄身煙韌，唔會太乾或太厚，包住鴨肉、青瓜、大蔥同甜麵醬，一啖咬落去層次分明，甜、鹹、香、脆、嫩一次過爆發，真係好有滿足感！！之後有呢碗秘製牛奔麵，一上枱就見到深色濃郁嘅湯底，滲出陣陣香料味，令人未食已經期待爆棚湯底應該用咗多種香料慢火熬製，入口香辣中帶微微甘甜，唔會太油膩，反而好順喉牛肉方面，真係「奔」得有誠意——有牛腩、牛筋、牛肚三種部位，牛腩炆得夠腍但唔散，牛筋煙韌有咬口，牛肚爽口冇腥味，每啖都食到唔同口感，好有層次感麵條係偏粗身，掛湯力強，唔會食到尾變淋，仲有啲爽口感添最後有呢碟白菜豬肉餃，睇落簡單，但味道絕對唔馬虎，餃子皮係偏薄身但唔易爛，入口煙韌，包住嘅餡料係鮮甜白菜同嫩滑豬肉，比例剛剛好，唔會太油亦唔會太乾咬落去有種自然嘅肉汁滲出，白菜帶出清新感，令到整體味道更加平衡食左咁多野人均消費都不過係二百蚊唔洗，真係好抵食！！
繼續閱讀
📍五匠六釜上次去Airside食嘢，順便行咗呢個商場，發現呢一間中菜好多人排隊，高朋滿座，睇網上評價亦都不錯，就同屋企人嚟食。第一次食，小編叫咗啲簡單嘅菜式👉四川擔擔麵呢個擔擔麵好足料，一上枱就見到滿滿的花生碎和肉碎鋪喺麵上，撈勻之後每食一啖麵都食到花生碎和肉碎👍擔擔面醬汁食得出有好濃的麻醬和花生醬，仲有啲辣，會越食越辣。每食一啖麵都掛住濃濃的醬汁，會有啲飽肚，所以一開始食仲擔心會食唔晒，但不經不覺一啖又一啖咁就食晒。糖醋里脊呢度好特別嘅係用咗豬里脊，比出面坊間嘅排骨或者梅肉，呢個部位更加瘦，啱晒鍾意食瘦肉嘅小編，呢間火候控制得不錯，就算炸完之後肉質依然嫩滑，加埋糖醋汁，啱晒餸飯。紅油抄手小編好喜歡食紅油抄手，呢度嘅紅油抄手好大粒，雲吞皮薄薄咁包豬肉粒，小編略嫌紅油唔夠辣，調味可以再重手啲。黃金芥蘭食飯點都要叫一碟菜食補充下纖維，小編就揀咗黃金芥蘭，鹹蛋黃包住爽脆嘅芥蘭，濃味得來帶點蔬菜嘅清新，但小編就覺得鹹蛋黃可以再鹹啲同多啲。檸檬益力多食咗咁多重口味嘅嘢，梗係要叫返杯飲品，佢哋就有特飲，例如鴨屎香檸檬茶，但小編今次就嗌咗杯檸檬益力多，不太甜，但飲落唔似益力多，反而似普通乳酸，但勝在酸酸甜甜可以解膩。
繼續閱讀
今日出airside 行街， 順便食埋嘢見到商場都有好多餐廳，但係朋友想食中菜，所以最後揀咗呢間.呢間餐廳價錢唔貴，2 個人食，埋單都只係$3xx,食物質素都幾有水準,餐廳服務都好好,值得推介.四川擔擔麵： 出本餐廳好多時都好細碗，見加底都係加$4所以加埋，家完超大碗，我同朋友兩個都好夠食， 抵食京蔥羊肉餃：皮薄餡靚， 唔騷， 足料 ， 一碟都好多隻醉雞：啲肉好新鮮嫩滑，啖啖肉， 食唔停口，酒味濃京燒羊肉: 即叫即燒，燒到好脆口， 幾特別
繼續閱讀
食吾飽仲要加一今日去九龍城Airside 行街，之前選擇左哩間同三點三冰室，最後選擇佢因為系open rice 寫屬於京川滬菜，吾使成日食茶記。睇menu同掃QRcode, 發覺佢同老掌櫃差不多一樣模式。所以食評基本會同老掌櫃比較味道(2分)秘製杭州骨($60)1分- 賣相同老掌櫃差不多- 以為分量差不多，食完吾飽，原因可能系 - 只有表面系排骨，下面全是配菜菠蘿，薯仔，洋蔥，最差系薯仔，洋蔥都吾夠熟 - 碟的下面2/3好似一個漏斗，基本下面裝分量好小- 排骨1/4都比較硬。- 汁不夠味道。椒絲腐乳通菜($58)- 辣椒根本一點辣味都無，咬落感覺系燈籠椒- 通菜通心部分好硬環境(4分)- 如果做到窗邊位置會幾舒服- 檯面算大抵食(2分)- 咁價錢本來幾抵，但分量少，肉和配菜比例不合理- 最後發覺要加一
繼續閱讀
預約了6人 17:30 ，我與家人2人先入坐。店員安排了店舖近門口一排的圓形梳化位。入座時見梳化上有幾隻蚊滋，用手撥走後再查看下其他位置，發現坐位附近擺放植物，而周圍不斷出現小蚊滋。向店員提出表示希望調位，回覆已沒有其他位置未能安排。期後其他友人到達後，都表示蚊滋情況嚴重，不能接受，故再次向店員反映，店員再次表示無法調位，另一名店員亦表示沒有任何措施可以做。最後眾人商量後決定離坐改到旁邊餐廳用餐，當我們離開時店員才與我們說可安排調位，但我們最終決定離開。
繼續閱讀