五十嵐日本料理 (已結業)

服務態度超差經常好差.今日叫名賣.講曬叫咩野食.又唔問你咩地址.好快UP句''多謝曬BYE BYE!''給左線.打返比佢話未講地址.佢話無得外賣.仲問我要唔要.[].我話唔要.佢話:"下??"跟住給線.平時都唔好架啦.我食30幾蚊.佢比張50蚊單.同佢講煩.佢又覺得你煩咁.五十嵐改善下員工服務態度.聽下劉德華

又黎幫襯佢個$68邊爐~講真,,都幫襯左咁多年,,都知佢質素如何=3=今次叫左泡菜湯底,,開頭食既時候的確幾辣不過滾左2個鐘後就1 d辣味都無~.~佢d丸細粒左好多...不過唔知點解依家有蟹=___=邊爐5送1喎@@

雖然OR食評的喊臉好多, 此間五十嵐又位於沙塵滿佈的裝修地帶 (行過都要掩鼻), 但每次經過都覺得這兒好旺場. 若對日本食物要求不高, 這兒的確係平!!!阿媽話過唔准係度食野, 因出面裝修的油/天拿水味及灰塵唔多唔少會經空調滲入食店內. 不過入到去發覺空調系統好好, 釋放出來的空氣唔覺有異樣, 而且風力強勁. 會發覺食店內的清新與食店外的污濁環境好似係兩個世界 炸餃子拉麵 + 凍奶茶 ($22 tea, 凍飲不加錢, 平日不用加一) 配料豐富 -- 海帶, 椰菜, 粟米, 及一片鳴門卷, 排得靚靚的 炸餃子本身唔錯, 可惜浸在湯中, 令原本脆口的餃子皮一下子被浸稔, 個皮立即穿破 這種拉麵麵質比之前黃大仙中心的五十嵐(已結業)好食, 像中式油麵. 之前黃大仙中心的五十嵐拉麵只是一味稔, 無麵香無韌度, 而樂富的就唔錯, 雖然無日本風味 凍奶茶太甜, 奶味重, 但茶味唔夠濃店員話若果食客落單時"主動提出", 可以將餃子分開上. 既然知道餃子浸湯後會糟蹋了餃子的脆口外皮, 毁掉了餃子的口感, 為何食店不預先為食客著想主動分開上呢? 哪有人喜歡食浸濕了的"炸"餃子? 細心一點, 歡喜一點

今日和家人去了這間食店吃下午茶,點了"和風牛肉拉麵"等了8分鐘左右,就上菜了,效率比之前高了,拉麵到時,本以為會像以前一樣,是暖的,但今次就大出意外,因為我第一次在這裡吃到"熱"的拉麵,而食物的賣相真的很好,味道都一流,原全不像之前的"亂放一通"今次侍應亦很有禮貌,當執拾桌面時,會先資詢顧客"桌上的東西要不要"而其他侍應亦面帶笑容,不像之前"苦口苦面"一樣可能因為人手多了,不像之前一樣忙亂,這間位於樂富中心的"五十嵐"令我改觀了。

樂富果間 好旺ga. 鬼咩, 果區好多人住. 但食肆得果幾間.連美心都執埋, 無得揀. 佢全日都好多客, 一多人廚房出野好慢. 佢 廚師, Waiter 根本唔夠. 咁佢既食物水準系好過 鑽石山富山 果間的. 咁既價錢 ok 囉. 牛肉鍋+白飯 , 肥牛肉ok, 鍋面有隻蛋tim. 賣 $2x 抵食.鍋燒烏冬, 味偏甜. 合格.下午茶

上星期五考完試下午同細佬去樂富買0野行到肚餓見附近冇咩選擇就去0左五十嵐食因為我以前成日去將軍澳0個間將軍澳0個間一向ok所以諗住呢間應該都ok一入到去企了1分鐘才有人理也許0岩0岩Tea Time所以要搭檯其實我也不太介意的點知d Waiter 同Waitress 叫極都唔理好耐先有人理我0地細佬點了雞扒一口餃子拉麵+鰻魚壽司+凍檸茶而我點了鍋燒烏冬+三文魚壽司+熱檸水等0左好耐先0黎細佬杯飲凍檸茶變0左做凍檸水其實想叫佢換不過佢話如果要換要等好耐咁算lor~我個鍋燒烏冬等到我細佬差唔多食晒碗麵先到見到佢將d 炸物浸晒落d 湯搞到林晒=_=味道真係一般壽司最後才來d 飯係一夾就散一夾起要一口食晒好唔方便同我0地搭檯係一對母女個小妹妹唔小心將杯凍檸水倒瀉0左幸好沒有整濕我不過由倒瀉到我埋單走人都冇Waiter or Waitress 0黎清理lor=o=總之一句講晒唔抵食希望只係個別分店係咁

今次叫左個鍋燒烏冬外賣話等5-10mins..之後出左個肉醬意粉@@再等..好彩都唔係太耐返到屋企....杯野飲係個烏冬上面個蓋就爛左....好彩唔係好嚴重個"是"油湯底唔好味...又唔甜個烏冬係彈牙....但係d餸係昆個底到係炸物黎...淋曬唉...已經冇去一段時間...諗住比次機會...都係咪搞華田仲要加$2都唔明點解

本來好耐無幫襯過，諗住唔多人等就再幫襯佢。事實等左一陣就有位，叫左個「日式牛肉鍋」午餐，原本都無好大期望嫁喇，事實D牛肉好ung，D金菇又無搣，點知最嚇人就係突然間喺碗飯到夾起一隻「小強」，唔知係喺個鍋裏面夾過去，定係原本已喺碗飯裏面，已經嚇到唔記得。最後，職員雖有提出更換安排，但我已無哂胃口，故要求取消此order便了事。不過，呢間餐廳已被我及我的朋友列入黑名單，大家小心.....小心.........

和女朋友玩樂完畢，隨便選一間供應下午茶的餐廳。不作任何期望是正確的。點了個雜錦鍋烏冬，份量少得很，味道一般。這裏的感覺是港式茶餐廳多於日本料理。應該沒有機會再來吧。

每次經過呢間都見到好多客人,心想食物質素應該不會差得去邊於是就選了煙鴨胸鮮貝拉麵先說拉麵,口感像魚絲,既硬又粗,一點滑身既感覺都冇鴨胸麻麻,冇煙燻味,而且只有兩小片最難以入口係幾舊鮮貝,一食落就知唔新鮮,有好重雪藏味而且好硬基本上d配料又少又唔好食,伴麵既昆布同栗米啦都麻麻,唔多飽肚諗住喝d湯填下肚,點知d湯好重味精,即刻要飲野解渴完全唔覺自己食緊日式拉麵,只不過將d浸唔淋既麵再加唔新鮮配料整埋一碗就算下午茶22蚊一d都唔抵....真係唔明點解呢間食肆既質素都仲有唔少人幫襯可能係樂富中心冇乜其他選擇吧可惜食之前冇睇食評,早知咁多劣評一定不會選擇呢間!

今日大伙兒開完會攪完game跳埋舞就事事但但黎左呢間野食因為:近呀嗎咁因為唔夠位坐 就要分開10條友 5打5咁坐9:30後有特價野~平時唔知幾多錢 但佢個特價又唔見有幾平同幾抵食服務0分 阿姐既語氣衰過我係乞食 除左有個妹妹仔都識講下唔該其他就真係0服務 茶都無杯你飲呀 陰公!!同枱5條仔食左4個烏冬+壽司, 我自己食個咖哩雞扒飯壽司響呢d地方食就話危jer 我諗住咖哩同雞扒難食都有個底線 同埋點都衛生上黎個陣個樣都見得下人一開動 我就知中招了佢既咖哩係得個辣味 完全無香味 都算啦d雞扒我真係....點解可以整到咁乾咁硬 點解可以我食到酸味...杯凍檸茶佢自動波幫我走甜 完全無茶味 完全係好分得開茶同茶 檸檬還檸檬其他買個烏冬聽聞就難食個噹噹 壽司我見到有鴨胸...一路睇緊家好月圓我一路食 一路好似細契咁 不停步不斷罵罵得多都煩 但真係唔可以咁事但吧。 話哂呢間野都生存左唔耐真係唔明物競天澤呢種必然道理 點解唔會響呢d地方出現。打死 我都唔再黎。呢句話堅既!!!

好耐無去樂富, 求其咁間o野食個下午茶, 入o左呢間食.叫o左個壽司拼盤+烏東 下午茶餐, 加埋杯凍啡 (我其實叫凍茶o既), 唔使加一實收$32.壽司算okay 啦, 最小比x氣, x綠好, 相對o黍講係舊飯大o左d. 碗烏東比想像中大碗, 味道都係不過不失.有機會再去食

樂富分店去過食好多次下午茶同早餐,,味道不錯,,好鐘意佢地既拉麵同壽司,,,比想象中好味得多!!琴晚去左食呢間分店既任食火鍋比黃大仙分店差如果唔係黃大仙分店結業都無打算黎樂富呢間食火鍋樂富分店既火鍋食物唔太新鮮d丸有一陣比益力多更酸的酸味,,,服務更加係近乎零,,不過值得一讚既係d阿姐好有禮貌,,,一定好過年青果班員工好多!!!有時你舉手想叫加茶,,,年青員工可以望一望之後扮見唔到但d阿姐見到你舉手就會好快過黎,,做野都好快手同有笑容,,,年青果班員工真係要改善下!!!

與母親到處找也沒什麼好吃的樣子所以隨便找了間好像蠻多人的-3-叫了個炸蠔雞蛋飯和豬軟骨拉麵配餃子既下午茶餐上左個餐茶先..咖啡同奶茶都有點酸...最後各飲淨超過半杯蛋飯賣相不太好..d蛋好似係蒸蛋!? 不過d炸蠔是不錯的...拉麵唔熱既...我食左一啖..個湯超唔得..不過d麵還可以最後加埋兩個人$54雖然唔貴...但絕對唔會黎多次

和幾位同學來這家分店好幾年…甚麼古怪事都見過…包括經理叫我們自己埋單都試過…但一直也有繼續光顧,因為食品質素還算不錯,拉麵的味道也不俗但這次我很不滿餐也未來就已經要調位…然後把orders全弄錯至原本的位置…很馬虎,態度也不好然後這次叫了一個「豬軟骨棒餃子雜菜鍋」的物體…賣相還好的,魚湯底還milky,但配飯吃時竟一點味兒也沒有,仔細喝才感覺到一點點的味道…菜很少,和以前在其他分店吃差得遠,一點也不鮮甜…當是餐廳控制不了來貨質素吧…豬軟骨棒餃子…是我見識少吧…我解讀時是分開的-_-有點被騙了…味道很普通…工廠整的沒法…和同學想…如果有「豬軟骨湯麵」…可能是只有豬軟骨湯和麵而沒配料…28元換一鍋這樣的物體一點也不值…