五十年代餐廳 (已結業)

由於公司於附近，都食過幾次食過第一次都已經充分感受到餐廳放慢板既節奏，但基於欣賞餐廳環境清雅，沒太過分在意 然而，接著光顧幾次亦相差無幾，同時亦體諒只有一名侍應所以上餐時間較長 -惟一次跟該侍應普通傾計中，他反怪責是因為食客食lunch太早所以餐廳應付不暇⋯⋯ 該餐廳開12:00，我與友人於1230達到，實不解何謂「太早」😅 而平心而論灣仔屬商業區，lunch hour亦不是本人能夠控制，該職員將忙碌的負情緒歸咎於食客身上令本人十分無奈😅-然而，最近一次光顧是本人最失望的一次當天約下午1時坻達餐廳，侍應人數比早前多，一共4位當日餐牌上有幾項選擇未能提供，故令不少食客失望 當天要求將蕃茄辣汁換成其他選擇更遭一口拒絕，我反問原因 更指出早前用膳作出同樣要求亦沒有問題。其職員無禮一口拒絕，沒有解釋原因😅 同時，上一次為本人處理的職員聽見，即馬上向我表示向廚房轉達要求。落餐飲重好笑，我與友人要求一杯凍檸茶及熱咖啡敷衍了事的該女士應卻回應只有可樂及雪碧汽水，我反問侍應為何每次用膳都有，今天就未能提供？同時亦眼見其他台食客枱上有凍檸茶😅 -用過餐湯後，等待了超過40分鐘仍未有主餐上，只剩下10分鐘

還記得當年曾與他相遇於蘭桂坊，被他的名子吸引，迷人情調，夢幻燭光，醉人音樂，我們也曾瘋狂熱舞，也曾互相依偎，度過多少個晚上，而嚐過的滋味，卻已忘記，當時年少無知，肯定只識得飲啤酒，我們也曾分手後，再在擺花街重遇後再沒有見面，又不知過了多少年頭後，搬到此處，明知也沒來，為甚？椰菜花湯，幼滑，椰菜香，菜味多忌廉味，健康忌廉汁蝦肉蘑菇長通粉，蝦肉手指粗，爽爽，蝦味淡（雪藏），忌廉汁滑而不膩，通粉有質感，我喜。香煎比目魚柳（原為鲷魚,） 配水瓜柳檸檬牛油汁，外皮脆香，配菜新鮮，汁香而不油，稀稠適中，魚質可以。因發現他逢星期一至星期四午餐，第二份半價，擇日再食。南瓜湯， 秉承上次嘅質素，南瓜香濃，清新。香煎豬肩配蘑菇汁，汁不太濃也不過咸，肉汁爽靭，烤度適中，烤香薯仔，我喜！香煎龍脷柳配番茄辣汁，邊較脆而略咸，微辣汁，刺激味蕾，肉質經煎香後，仍嫩，滑就一般。整體，中規中距，味道不會太濃，煎烤適中，以此價格，抵食，加上此時此勢，都只得4枱客，安全，人與人相隔超過六個街磚，打噴嚏咳去唔到咁遠！佢的形象愈見年青，我就愈見年老，我喜歡從前的佢，帶給我懷舊味道，令我發夢！

除夕夜同朋友去左灣仔50年代餐廳晚飯兼倒數，估唔到咁好氣氛。我地9點左右食完飯，跟住開左枝香檳。現場氣氛開始高漲，好多人出舞池跳舞，就算互不相識，都一樣一齊跳，一齊影相，踏正12點，一齊講Happy New Year. 餐廳老闆好有心，請全場客人飲香檳，然後一齊Cheers, 總之果晚一個字形容，好正

I previously had my company Christmas meal in, The 50's Bar & Restaurant (QRE Plaza, 9/F, 202, Queen's Rd E, Wan Chai), which unfortunately many of our staff had fallen sick after the meal. Food poisoning, diarrhoea and puking. we didn't think much of it initially but unfortunately many of our staff have had to take multiple sick leaves due to food poisoning, there should be some follow up/ investigation that should be done because this is not a coincidence.

今日好早就收咗工，喺合和嗰頭做完運動之後諗住係灣仔度飲杯酒食個飯，行吓行吓去到QRE Plaza, 呢幢大廈有勁多餐廳，見到呢間餐廳個名幾特別，好似幾有懷舊氣氛，所以一於試吓。去到嘅時候由於時間都算早，所以唔使等位。我同朋友一人叫咗一杯嘢飲，因為係快樂時光時段，所以有買一送一👍🏻👍🏻👍🏻咁當然唔少得叫主菜嚟食啦，由於唔係好肚餓所以我哋兩個人只係叫咗兩碟。呢碟係牛扒，五成熟，燒得勁靚勁好味。呢碟帶子意粉就一般啦，意粉又唔夠淋，係味道都幾好。最後比大家睇呢度嘅環境，感覺好輕鬆。

一間令你懷挽過去的餐廳：經朋友極力推薦，於是5月31日晚與朋友一早拎枱要去一試。餐廳有最低消費人頭$220。我們大概7:30到，8:30前Happy hour，指定紅、白酒有買一送一優惠。晚餐 order 了煙三文魚沙律、牛扒、意大利飯及意粉，還有令人驚喜的燒豬牛，皮脆肉滑而且很有肉汁，一定要試。之後還有live band ， 既可點唱亦可自己高歌一曲。一間懷舊，食物、環境及氣氛很好的餐廳，值得一試。

一直以黎聽朋友介紹，灣仔有間餐廳有舊歌聽仲好有味道，琴晚終於請Daddy 去灣仔50年代餐廳食飯，咁啱碰到黃百鳴，陳欣健都响度，仲大展歌喉，Daddy 聽到如痴如醉。至於d食物都唔錯，daddy特別喜歡帶子意粉，佢仲叫我下次請老爺奶奶黎

又到放午飯嘅時間，灣仔一向出名難搵食，就諗住去間高級小小嘅地方QRE搵食，諗住唔使排咁耐隊就揀咗一間叫50s 嘅餐廳,大概是懷舊嘅意思吧，地方OK的仲有隊band (不過我唸應該晚上才有live band 吧）中午無見到有！我地幾位同事都叫了同一個set lunch- 紐西蘭肉眼，我自己怕血就叫左medium well，賣相還可以但一入口就好失望😞個牛扒好似「趙」爛布一樣，完全無味，一D牛味，肉味都無！真係好難食吖！反而係得個麵包好脆食得下！跟餐當然有餐湯啦，是日餐湯即係羅宋湯囉，唉！未飲過咁難飲嘅羅宋湯！得個淡字，又唔鹹，又唔酸，又唔甜都唔知佢想點！百幾蚊個lunch 食呢D真係中晒伏

📍灣仔📍性格比高嘅西餐🍽好有水準😋雖然係星期六去，不過都唔算好多人，可以享受一個寧靜嘅lunch💕餐廳入面仲有個stage，夜晚會有live band😍應該好有氣氛😏今次就叫咗個牛扒同蜆肉意粉🍝個牛扒真心真係煮得好好，完全唔會過老同鞋口，保持住肉汁，好嫩😎😎😎實在太好食🤤為咗塊牛扒一定會再去☺其實真係好有水準，如果太少人認識，真係有啲可惜😢😢個蜆肉意粉啲蜆又夠大隻，又重酒味，煮得好入味🍝希望繼續保持水準，遲早會有人欣賞💪🏻💪🏻

去這間餐廳食飯，並不代表我是這個年代的人。午餐不太多人，可能這楝商廈實在大多食肆。午餐選擇有五六樣，除了吃牛扒要加錢外，其餘均一98元一個午餐，包括沙律，餐湯，主菜和飲品。

係灣仔食開野嘅，都識得QRE，入面有好多餐廳，中日西都有，每逢lunch time就大排長龍，個個都嚟覓食。今日，就同同事去試50年代餐廳。呢間餐廳相比起其他係QRE嘅餐廳少人，但千奇唔好以為佢好遜色，相反，佢比我預期中好！一入到去服務員就安排一張四人枱比我地，啲櫈好似梳化櫈，坐得好舒服。枱同枱之間保留足夠嘅距離，唔會痴得太埋，感覺好有空間可以同同事盡情傾計。我地叫咗三道菜，分別係魚柳、墨西哥雞卷同燒鴨胸。個魚柳不過不失，肉質偏冧，但份量都算足夠，一個女仔食的話都應該夠飽。墨西哥雞卷係三道菜入面最好食！熱騰騰充滿豐富芝士的餅皮內包上雞肉和好惹味的醬汁，少少酸辣，令整道菜生色不少！至於燒鴨胸，啲肉老實講有啲腥味，質量明顯地不高，一定要點醬先放得入口，下次唔會再叫呢樣了。呢三道主菜都伴有荷蘭豆/薯仔/沙律菜，整體來說份量都算大，加上有前菜同飲品，以灣仔午餐來說，呢個價錢簡直係性格比高！最好係佢坐得好舒適，環境又不嘈吵，相信下次會再嚟食

下雨天隨便在QRE找一家餐廳，返工日子在灣仔食lunch搵位唔容易。從餐廳的名唔太知道食咩，但落雨也冇所謂了！唔知係唔係因為落雨，餐廳冇坐滿，坐位很闊落，很舒服，在灣仔也很難得！重點是這。𥚃。的。價。錢。很。合。理。才$98的午餐，有湯，有麵包，有沙津，有餐茶，主菜份量也很足！在灣仔要食午餐食得飽坐得舒服仲要係呢個價真係唔多！一食，很有驚喜！我食扁意粉，濃濃的番茄醬，很好味的！不是那種單調的番茄味！我朋友食的炸魚薯條，勁好味！魚外面炸得很脆，但𥚃面的魚肉很嫩很juicy! 比起外面一些主打炸魚薯條的餐廳好味好多一定會再encore !!! PS: 原來星期一至四係買3送1，下次要4個人來呢！

今次竟然有意想不到既驚喜。聽講五十年代餐廳轉左廚，所以就同同事黎試試佢。lunch menu 價錢有輕微上調，但尚算合理。我都點左朧脷柳同燴雞，朧脷柳一上枱，好有睇頭咁喎，啲伴碟都完全唔同哂。燴雞個汁好好味，直頭可以跟飯或意粉。環境都幾好，坐得又舒服，五十年代都係一個唔錯既食 lunch 選擇。

見到上一篇食評（23/5）好似幾吸引，於是就來食個lunch set. 誰不知今天(31/5) 來食，發現換左menu亦加左價。看中的春雞，今天的menu變成了繪雞，並漲價20大洋。也罷，一試無妨。朋友想點的牛排，都漲價了。也不打緊，但求不掃雅興。點餐後上了的pumkin soup及garlic bread。不過不失。但main course 的繪雞同牛排就....真係唔識欣賞。先講繪雞 (158+10%)，個汁好夠味，但個雞完全無味，好似冇醃過咁，肉又鞋口，完全唔掂。牛排，一句到尾: 唔值呢個價（178+10%）。連幾成熟都冇得揀，真夠surprise！set lunch 包tea or coffee。但就唔見有上篇食評講既complimentary dessert。總結，QRE又少一間午餐飯堂了。

今晚端午假期前夕，和老公找個新地方吃頓晚飯吧！小妹都有一段時間沒來QRE，有些店都換了，望著水牌，這家以50's為題的餐廳吸引了老公的眼球，就試試吧！晚上七時多進店內，不太多人，我倆被安排坐於舞台正前方的二人座位，感覺得VIP，不過再過了十幾分鐘，人開始多了。 小妹點了香草茄茸慢煮豬面頰飯($168)， 豬面頰超級腍，但略嫌有少許羶味，而茄茸醬汁鮮味醒胃，蔬菜亦以牛油炒香，味道OK，以這個價錢，性價比算是合理。 扒原隻春雞($208)，外皮香脆，不油不膩，雞肉很Juicy嫩滑，但美中不足是，沒有醬汁，我和老公都要好汁之人，不過，這道菜算有驚喜。 甜品選了玫瑰花茶果凍($68)，賣相精緻，果肉份量足，果凍的玫瑰茶味濃，為十分有誠意之甜品。另外老公則點了杯齋啡($48)，味道也不錯。 到了八時半，表演者到場了，小妹很興奮，因為很久也沒到這些可以點唱的地方，就點我最喜歡的歌曲吧！想不到唱得不錯呀！他們很專業。但可能太興奮了，用填錯了跟樂隊一起演出的點唱紙，其實小妹份人比較含蓄，雖然本身很喜歡唱歌，但在其他不認識的人面前獻醜好像不太好，有機會才唱吧！這裡的食物雖未算很突出，但整個用餐體驗