影片
港鐵中環站 D1 出口, 步行約3分鐘
繼續閱讀
電話號碼
25233872
營業時間
今日營業
12:00 - 15:00
18:00 - 22:30
星期一至日
12:00 - 15:00
18:00 - 22:30
以上資料只供參考, 請與餐廳確認詳情
Visited this Chinese restaurant for a special occasion earlier this month. It offers a delectable array of dishes that tantalizes the taste buds with each bite. Every dish exudes a perfect blend of flavors and textures, showcasing the chef's mastery in creating tasty and delicate culinary delights.We were pleasantly surprised when the chef stopped by our table to chat with us where we expressed our gratitude for the truly wonderful dining experience he has crafted for us.
繼續閱讀
好感恩入廠修理前能夠食到五菱會，如果你問我最喜歡的香港粵菜、絕對秒速回答五菱會整晚由頭到尾每道菜都10分出色個人最欣賞的是一隻簡單的雞蛋，用上尖椒炒蛋方法配上多士或油炸鬼真係好食到震就連看似簡單的蒜片煎排骨、那塊蒜片乾身程度不比鐵板燒遜色，由此可見，廚師對一道菜甚至配菜的認真程度可見一班若然你喜歡天婦羅，我會比喻五荾會是香港粵菜的天婦羅，炸醬粉不會過厚也不會過薄，同時間食到食材的新鮮之餘，全口也不會油、－絕也葡國雞食完可以媲美YouTube的「我不能忘記你」，份量「真係多」之餘又好味🤤 真係垂涎欲滴再次感謝老細及18仝人首領的安排Fit
繼續閱讀
今次慶祝屋企人生日飯，特登嚟咗五陵會，幾多好耐之前都有食過，但果次冇好認真咁食，因為飲醉咗。😂今次終於冇飲醉酒啦，啲食物都好好食。我認為最好食嘅嗰樣嘢係紅燒妙齡乳鴿，一咬落去脆皮多汁，而且每一隻都燒到好均勻，食完自己果隻仲想食埋人哋嗰份。好耐都冇食過啲咁好食嘅乳鴿啦。魚湯雲吞浸學白都好唔錯，雲吞皮好薄，肉餡好多，而且有我好鍾意食嘅竹笙。仲有杞子做點綴，望落去就已經覺得好正啦。清清地啱晒我啦❤️另外，想推薦嘅係佢嘅馬拉糕，因為本人係好喜愛食馬拉糕。佢蒸好咗每人一個，唔會太甜唔會太膩，食完飯再食個馬拉糕都唔會覺得太跩。雖然餐廳同埋佢哋嘅食物望落去好似好一般咁，但食粵菜嘅話就一定係食佢，簡簡單單。
繼續閱讀
五陵會只招人會員，跟著親戚來嘆美食。蝦多士$68 四件全港最好食嘅蝦多士，蝦滑打得好彈牙，多士炸得好香脆，沒有太多多餘的油。沾上沙律醬，絕配菜圃肉鬆煎米粉$118 四人用好食到唔記得影相，米粉煎得香口，吸晒所有汁，肉碎菜圃菜心做材料，四個人分剛剛好，2 人食的話會食唔晒，一開6 件。古法馬拉盞 $68 四件每次都必點古法馬拉盞或者杏仁茶做甜品。甜度適中，食一粒唔夠喉，買咗八件打包返屋企， 第二朝整返熱做早餐，好滿足。雲吞竹笙菜煲雲吞新鮮即包即煮，非常好味。令人回味的菜式，期待下次再食
繼續閱讀
今日亞拉牛一，亞哥知我鍾意去五陵會食嘢，專登安排咗係五陵會同我慶生一家人又有機會歡聚食大餐啦首先，上嚟嘅喺炸芋角併琵琶豆腐呢處嘅芋角做得非常出色，要預定，入口鬆脆，裏面加咗少少咖哩更好味，欣賞乾身而且絕不油膩，唔會食完滿口油，成家人贊不絕口琵琶豆腐外脆內軟，食嘅時候醮點特製醬汁或淋喺琵琶豆腐上，培添美味跟住，嚟個湯特濃蕃茄薯仔🐟石斑魚湯 嘩！好足湯料，新鮮石斑為主要材料，加入番茄、薯仔，豆腐、重有廋肉等等去煲，之前，飲過用芫荽、皮蛋、鲜草菇煲嘅鮮魚湯，估唔到今次用番茄、薯仔，煲出嚟嘅湯竟然咁好飲😋絕無「腥味」嘅「濃郁番茄」石斑魚湯，配角陳皮同少量胡椒，提升魚湯嘅色香鮮味超級好飲💯每人飲足兩碗芥蘭祇要菜梗唔要葉，切剩最嫩部分，脆、爽、清甜，班腩厚身，啖啖肉離遠已經聞到大陣花雕香味🍴蟹肉鮮得嚟帶甜味，陳村粉索哂花雕同蟹肉精華，又香又滑鵝掌同花膠最佳配搭🍴鵝掌同花膠都炆得好入味，鵝掌肉厚，唐生菜爽口。花膠喺亞哥私伙，無得彈my favorite 上次嚟食唔到，亞哥知我心意，專登為我預訂，滿足為食嘅我今餐生日飯，好多謝亞哥嘅精心安排，五陵會喺品質嘅保證，每樣菜都好高水準，食完已經好飽同好满足，正準備離開，点知壓軸重有亞妹為我準備嘅蛋糕🎂，家人嘅厚愛令我既開心又感動🤩😭🙏
繼續閱讀