影片
港鐵香港站 C 出口, 步行約4分鐘
繼續閱讀
電話號碼
28518861
開飯介紹
此店以雲吞麵為招牌，曾上過報紙。售賣傳統港式茶餐，亦有粉麵出售，招牌茶有响螺粥及啫啫雞煲。
繼續閱讀
營業時間
今日營業
07:30 - 23:00
星期一至日
07:30 - 23:00
以上資料只供參考, 請與餐廳確認詳情
招牌菜
今日有人買外賣比我食，原來呢間茶餐廳我有一段時間都成日過嚟食早餐，今日竟然有人同我講話發現有一間餐廳啲食物唔錯，原來就係講緊呢度🤣🤣🤣🤣🤣——————我記得嗰陣時多數都係食早餐，真係未食過其他嘢，原來係有咁多嘢食🤣🤣———————-🐷豬手米線🍜：豬手夠腍、米線口感剛剛好☺️🐟魚腩粥🥣：魚腩夠新鮮，粥又夠綿😋🐠蜆介鯪魚球：好味彈牙😋🦐炸雲吞：係呢個有D梘水味，呢個麻麻地😅🌱腐乳通菜：充足的腐乳，好味道😋———————-食物中規中矩，中環區都算平靚正其實開心簡單就在你身邊❤️⋯⋯😋食….拍…寫.. 已經成為我生活中的一部份鍾意食..鍾意拍…鍾意寫..留下美好回憶—————
繼續閱讀
中上環早餐系列～今日呢就帶大家位於租庇利街嘅至尊粥麵 五龍粥麵茶餐廳，聽講佢原本喺灣仔搬過嚟。而且亦有好多款美食，不過我哋都係講返早餐啦。一入舖頭樓面光猛位置都算多，亦有電視機我新聞台，伙記醒目一叫即有反應，美好的開始。今日我叫咗佢個五香肉丁麵跟炒蛋多士配熱奶茶，就$42。今時今日中上環嚟講，算係公道價錢正常定位。炒蛋發開煎起一餅過，五香肉丁味道濃小辣吊味就啱啱好，公仔麵都係嗰啲啦，多士已經幫你搽埋牛油～都係脆嘅合格。熱奶茶茶味較濃買嘅份量比較少，但入口仍算香滑，我個人就喜歡多奶一點。整體不過不失，其實一般早餐都冇乜特別好講，大家都係睇相吧啦，拜拜
繼續閱讀
這是我第二次光顧了，本來隨意吃一個簡單午餐，都沒啥好寫的。就是因為上回到這兒進餐，同事點了雞翼辣麵+奶茶，大冷天，吃罷麵後，奶茶很快就涼了。她喝了兩口，就請店中大叔幫忙加點熱水。誰知大叔竟主動提議用微波爐為她加熱，這貼心服務哪一間茶餐廳會提供？其實我對這一碗粥十分滿意，滾燙的吃到尾，皮蛋、咸瘦肉絲都相當標準，粥底綿密，吃到尾都不會生水，份外稱心。只是汲取上回的經驗，吃得太多會撐，我早就準備了餐盒，先留起半隻粽子才用餐。不會吃撐之餘，又不會浪費食物。粽子也是無可挑剔，綠豆、肥肉、咸蛋黃，一應俱全，糯米軟硬適中，咸香咸香的，要投訴的，就是上桌的那碗醬油真箇太多，只用了一點點，我覺得會造成浪費。今次半途來了一個獨個兒遊香港的四川小女孩搭檯，她聽不懂廣東話，正有點懵，欲來了另一位會普通話的大叔跟她落單。相信店中大叔都有默契，互補虛位。眼見店面雖然忙，但大叔們都會給你一個眼神或回應一下人客，待會才給你抹檯，稍等再為你落單之類。感覺你不會被忽視，得手自會有人來為你服務。至於坐位方面，以茶餐廳來說，縱使是搭檯，尚算坐得舒服，因為是比較寬的長方檯，沒中環其他茶記的逼夾，亦有足夠空間放食物。
繼續閱讀
見佢係本地嘅小店，時不時都會去支持一下，點知服務越來就越差！今次仲可以差成咁，真係大開眼界！叫咗碟頭飯，有個女侍應見到話啲餸咁多，竟然攞隻碗仔出嚟分走啲，跟住講咗句＂喂我哋食唔好嘥＂。另一個男侍應上菜嘅時候我當面問佢，碟嘢得飯咁濟，佢竟然話啲餸側埋一邊姐我哋叫咗兩碟，拼埋一齊真係不能再明顯囉！嬲到極速食完冇影相，真係冇下次！！！！成日話香港餐廳無生意，呢種咁嘅服務，真係好難幫襯得落。唔怪之得啲人返晒上深圳啦，平又平過你，又唔會當啲客係7頭！
繼續閱讀
食過甘多乾炒牛河，這間店的出品刷新我的認知下限，很隨意的火候、很隨意的炒、很一般的牛肉同河粉、很一般的味道。仲要68。見到源源不斷的客流，真系唔明白。希望可以認真D。
繼續閱讀