亞來麵檔

營業中

休息中

餐廳環境一般 普通茶餐廳格局食物水準 有驚喜人均消費價錢$50-60 菜式價錢，令人滿意推介：1. 霸王雞菜飯配菜足料 ！雞滑！2. 炸豬頸肉菜飯 熱辣辣 脆口 偏甜味3. 皮蛋 入味多汁

吓噏咁突然間想食車仔麵，就去咗間新開嘅餐廳，裏面嘅裝修冇乜特別，但菜牌上嗰啲餐點照片，都攝得幾吸引人。你話如何？大老遠黎，當然要試吓佢嘅signature啦！😋正所謂食得係心情，頭盤叫咗沙嗲湯底加牛筋，啖啖肉嘅牛筋真係叫人嘆為觀止，腍得黎又唔失咬口，夠晒香濃。邊想要夠晒飽嗰陣，再配上一碟香噴噴嘅陳皮魚蛋，即刻有種無敵配搭嘅感覺。魚蛋呢，雖然唔算最彈牙嗰種，但帶陳皮嘅清新香味，都算得上係解膩嘅好選擇。👍光顧頭盤，點可以唔試下主力呢？咁就搵個朋友分享咗口水雞。勁辣嘅汁，撈上滑溜溜嘅雞肉片，真係一流，個個口感好過癮。雖然友人覺得雞肉太多骨頭，不過我就覺得咁樣先夠哂口感。最後，餐廳嘅凍檸茶冇得頂，真係清涼解渴，完美收尾！希望下次再試過其他餐點，我覺得係間好地方講吓鬼佬粤語嘅好地方，唔錯㗎！😄🍜🥢

久未吃過車仔麵，就到上水亞來麵館試試。十一點幾到，人不擠，冷氣夠涼而且有空氣流動，這是比較衛生的安排，而且吃起來也不熱，不至於汗流浹背。選了泰國粉絲，想吃得比較清。喇沙醬是大家都推薦的。紅腸是吃車仔麵的標配。牛腩也很多人說好味道的。果然，牛腩俾得很靚，份量也不少，醃得輕度甜口，是的。喇沙醬果然好味道。環境很乾爽潔淨，可以支付寶，微信，八達通或現金支付，很方便。招呼很熱情有禮，我猜掌櫃的是老闆娘吧，值得推薦的。

.#foodie #hk #hkfoodie #HTB美食推介【上水隱世港式食店｜性價比高加份量超多🈵】小編完全唔識哩間餐廳，係朋友推薦一定要試！不過車仔麵就係正常水平，佢係飯類先出色嘅~.🐨炸豬頸肉菜飯 $52推薦度：⭐️⭐️⭐️炸豬頸肉調咗味做到好入味，食到最後有少少甜味，會令你一塊接一塊.. 而且唔會炸得好乾，入面仲keep到好juice~ 不過整體係有少少油，所以建議印一印紙巾先，如果唔係最後會食到成口油💥💥另外，菜飯同樣出色，啲菜仲係爽口唔會淋曬，令到個飯既口感大大提升~-----☼-----☼-----☼-----☼-----☼-----亞來麵檔📍地址：上水新成路91號新成路91號🐨推薦度：😋😋😋/5 (小店計，值4分)💰人均價格：$50-100🪸環境：👾🗣️服務：👍🏻👍🏻📸食物打卡度：💡🛠️分類：#HTB上水 #HTB港式 #HTB車仔麵 #HTB小店.#上水美食 #上水 #車仔麵 #港式 #小店 #美食推介

睇左好幾編食評，抱住一點期望嚟試一試，沒有驚喜，味道普普通通！霸王雞賣相就幾好，份量亦算合理，雞肉未算好嫩滑，雞味亦偏淡，豉油微甜，如果重味少少會比較吸引。但相比好多茶餐廳已經做得唔錯。咖哩牛腩個汁既質幾特別，牛腩炆得淋，肉偏瘦，咖哩汁偏甜，我個人就唔太欣賞。涼拌雲耳調味適中，咸甜酸比例好，份量又算多，好食。以為個六花茶係杯裝，原來係現成，下次都係點其他飲品；見到其他食客點火鍋或者車仔麵，賣相亦不錯。如果再試會試下十餸撈麵！

我又嚟亞萊🤣因為食極都唔厭😛最近減肥，會叫減肥之選，就係菜底、豬紅、魚蛋同魷魚🦑，但係今晚跑完步同朋友食，一定係叫我最愛： 沙嗲😙沙嗲撈紅薯粉，加豬皮（唔小心圈錯）😂、魚蛋同魷魚🦑加杯熱檸茶，都light la!

北區行完山，下午四點幾出到上水石湖墟，好多店舖都中場休息。行行下去到新成街，見有間車仔麵就入去醫肚。店內裝修係一般茶餐廳，牆上有好多食物相。唔知點解，睇完就覺得樣樣都想食😆。首先叫咗鮮油多加奶，厚厚一片冰涼鮮牛油，充滿奶香同埋淡淡鹽味，加埋多到漏練奶，超級搭配，又超級邪惡，食每一啖多士，都要喺健康同美味之間苦苦掙扎一番😅。另外叫咗蒜香辣皮蛋，雖然皮蛋無溏心，但配搭入味蒜蓉，非常惹味。再加埋芫茜一齊食，帶出清新感受，同時展現出層次味道👍。炸蝦餅一碟四件，外脆內嫩，鮮味彈牙又熱氣😄，最啱飲返個椰青解一解。店舖仍用懷舊車仔麵點餸紙👍。一般車仔麵配餸都有，最少要點兩餸。我碗咖哩汁粗麵配響鈴同埋魚片頭，響鈴因為上枱時已放入碗湯內浸住一半，結果影完相先食就太軟綿了😅。魚片頭有三件，朋友叫了沙嗲汁粗麵配水餃和腩片。

早幾日晏晝食lunch同事揀咗呢一間，入到去發現10個人有九個都食雞飯，即刻我都唔使諗都叫雞飯，一上枱大堆頭到嚇親我😂霸王雞飯除咗墊底有大量芽菜之外，面頭都有好多芫荽同蔥絲！仲有炸蒜配埋豉油汁，送飯係100分！！值得一讚嘅係菜飯底，叫做食返啲蔬菜解吓膩又小清新咁🤣雞好滑份量亦都大大份，抵食！👍🏻我見呢度除咗海南雞飯之外，仲有車仔麵，又有少少泰式既嘢咁，不過都係唔好諗咁多，泥到試吓個雞飯先得啦🤣

我好中意去其他區覓食，反而自己住果區就最唔留意😂。由上星期開始一連兩個星期五喺上水覓食，估唔到原來都有唔錯嘅餐廳，今次呢間更想短期內反兜添!!🤤齋睇店名，以為只係食車仔麵，所以一直都無吸引麻麻地車仔麵嘅我，但細心睇食評發現原來仲有飯供應!!🙉星期五晚上近7點嚟到，店內已經爆場。另外以我食飯果一個鐘嘅觀察，餐廳人流好高，而且好多人都會點霸皇雞飯。霸皇雞菜飯 $52雞係上庄位，肉質稱唔上滑，雞味薄弱。不過份量幾多，仲有大量芽菜墊底。咖哩牛筋腩白飯 $58十個食評有九個都話必點，我地當然要叫番一個。牛筋同牛腩份量好多，而且炆到好軟淋；咖哩偏甜、帶點小辣，撈飯真係一流😋炸豬頸肉小食 $43泰式做法食得多，炸粗條嘅做法真係第一次食，就連麻麻地豬頸肉嘅屋企人都話好味。估計係先炸熟再加入蜜糖炒一炒，所以食落少少甜，加上切成粗條，好有口感，肉質軟得嚟又帶點爽。👍泰式鳳爪 $35份量同價錢成正比，個醬汁夠酸夠開胃，但鳳爪唔夠入味。雲吞、牛柏葉沙嗲撈粗 $39牛柏葉口感偏淋；雲吞性價比唔高，得2粒，而且蝦仁偏細隻。雲吞、魷魚沙嗲撈米 $39魷魚一般、可以試其他餸。沙嗲醬好濃花生香，加上我叫左中辣，個辣醬辣

有時夜晚放工放學都成九點半，沒咩野食可以揀，但好彩有間好味嘅車仔麵店趕得切十點前落order食晚飯！就算成日去食都覺得好味😊今次係試麻辣湯底，對於我唔係好食得辣來講，係幾辣😂但食得好過癮。水魷、豆卜仲有手撕雞，連埋個湯真係幾正。平時我最中意就係食沙嗲撈粗，真係好出色，唔係度度嘅寫沙嗲都整得好味，叫撈麵就一定會叫雲吞😛好味。不過近排減肥，轉左食佢個菜底同清湯🤣其實食車仔麵有時比起食西餐更滿足！

朋友介紹我去食，因為佢住得好遠，話每次黎上水必食，仲推介我食飯唔好食麵，咁岩尋日我真係得閒去上水，就去試下。餐廳喺舊區，唔太近上水廣場既，反而近單車徑個邊，跟著地圖行，終於到了，小店一間，見到好多學生同街坊幫襯。即刻嗌左朋友推薦既2碟飯，分別係炸豬頸肉菜飯豬頸肉唔會太咸，有d 甜甜既香味，外皮脆口之外，仲多左層糖既痴立立feel, 咬落唔乾有油香，配埋菜飯的確好食👍咖哩牛腩飯佢個咖哩不是港式個種，係有d 獨特香味，唔知點形容，但佢比較杰身d,加埋香料唔辣既，但送飯正到爆，牛腩佢係半筋半腩，不過有幾舊略硬。泰式酸辣鳳爪好凍，夠爽脆，餐廳話係真係泰國人整，夠正宗👍朋友推介得無錯，又真係好食喎，下次經過會再去。

📍亞來麵檔 (上水)上水新成路91號地下📍食後感：雖然佢叫麵家，但係佢咖喱牛腩飯先出色，點出色法呢？大家食過黃咖喱炒蟹未？佢同泰式黃咖喱一樣咁濃味。除此之外，佢除左有牛腩，重有好多牛筋添呀😋😋😋食到舔舔脷，數數埋埋可能有十幾舊加上兩三粒薯仔，🤣🤣牛腩多過薯仔呀😬😬。味道：咖喱牛腩飯（$58 外賣）飯同餸既份量夠曬我食兩餐，一個飯分一半午餐食，另一半晚餐食，啖啖肉勁好食。辣度：五小辣，愈食愈過癮🥲🤣🥲🤣。好食指數：⭐️⭐️⭐️⭐️⭐️⭐️⭐️⭐️⭐️⭐️10/10牛腩飯最緊要多牛腩No.1 Curry beef brisket with rice

行完山咁岩經過上水，無意間發現呢間小店，雖然叫麵店，但係門口睇餐牌，竟然唔只有麵，而且仲有飯。仲要中式泰式都有。價錢仲要唔係太貴，唔使講野，咁得意就入去試試佢先。今日想食車仔麵就決定試一試佢。車仔麵平時我最鐘意食牛腩同蘿蔔。蘿蔔好清甜，亦好大舊牛腩炆得夠腍而且重🐮牛味。本身想簡麻辣湯底但怕會太辣，但見到有東陰公湯底，所以嗌左試試佢過對個湯底有d喜出望外，估佢唔到冬陰功應該有嘅佢都有泰式鳳爪，撈左好多芫荽，色香味俱全厚多士奶油多，外脆內軟

今日去阿萊麵檔我就冇食麵，就揀咗個霸王雞菜飯（ $50 ）睇餐牌見到真係幾抵食，味道都好大份，霸王雞就俾咗下庄我，都好大份，至於個飯就更加大碗，所以份量真係幾足，下次我要叫小凡先得講返隻霸王雞，嚟到隻雞係暖ge ，不過唔知係咪叮翻熱嘅關係，雞肉有啲un,但係就唔會有雪味嘅至於調味方面，醬汁係唔會太鹹，點埋雞食都幾好配菜方面，沖比芫荽多，而炸蒜就似放得泰萊，早啲過硬，所以食落去有啲銀住嘅感覺至於個菜飯，係冇咩調味，飯都多個菜好多倍，不過呢個價錢你講，份量同味道都OK 㗎喇

喺上水食車仔麵真係有啲難度，有啲我又覺得太鹹，有啲又太hea,今日就試吓阿萊麵檔叫咗腩肉、豬腸雲吞幼麵麻辣湯腩肉係連埋豬皮，有幾舊仲有豬毛，都幾長㗎，係用手指都可以蚊到，希望佢哋可以清潔得好啲，因為腩肉本身唔錯，佢唔係用滷水路過嗰啲，就咁6熟佢，配埋有少少豬皮，係幾爽口林滑嘅，豬騷味亦都唔會好出，係比較少見嘅口味大腸就麻麻，腸入邊啲肥膏冇晒，滷水滷得太林，冇咗種爽口嘅感覺雲吞都幾好食，啲蝦都係爽口，配埋豬肉都唔錯至於個麵就正常啦，個麻辣湯就冇乜誠意，係一碗清湯，中間比一pat麻辣醬