亞參雞飯 (PopCorn 1)

營業中

休息中

路過，食個午飯，$71一碗雞絲扎肉湯河，上枱已經很失望，數得出的雞絲與扎肉，河粉也不多（可能知我胃口不佳），味道一般，本沒期望但仍很失望，這個價錢這樣的份量看得出這店家很沒誠意，忍不住要來寫寫!

依間嘢開嘢好耐 行過路過就未試過心血來潮之下 帶埋家中長者一齊去試下見到Menu 有海南雞飯 又有喇沙於是我叫咗個海雞飯 長者想試喇沙 佢知道喇沙係辣嘅店內只係提供QR Code落單 過程中喇沙係無得揀辣度 問店員佢話得一個辣度 唔會好辣落單之後 雞飯約10分鐘後上菜 而個喇沙起碼等咗20分鐘以上先有得食長者等到好肚餓 一食落口已有辣到嗆喉原來碗喇沙嘅辣度並唔係店員所講嘅唔係好辣 我試咗啖 已經接近譚仔嘅小辣 辣油成呎厚同店員反映返碗嘢太過辣 長者食唔到 可唔可以換第樣食物點知店員就話無得換架啦 你食唔到比個盒你拎走一啲禮貌都無 將個責任完卸係食客度我就真係比佢吹漲 結果無食過碗嘢就埋單走1.幾個問題無解決過 仲Hea顧客2.店員聲稱辣度唔係好辣 但實際嚟到辣到嗆喉3.想換第樣食物 又唔比 又無比解決辦法 4.咁既然唔比人揀辣度 你覺得全世界嘅人都食得好辣？總之唔建議再幫襯依間垃圾

行完山落腳點在調景嶺，諗住搵間好少少餐廳食晏，誰知道選擇少，連保安姐姐建議我們去下一個站將軍澳比較多選擇。終於到了將軍澳，由於今日係公眾假期，人流比較多，見邊間快有位就去邊間，再不揀擇。見枱枱都點海南雞飯，無理由我唔點啫。賣相ok。海南雞黃金色澤，皮薄，脂肪不多。雞肉有少少嚡口，不夠滑溜。雞油飯好味，不油膩，有油香，軟熟。冬瓜湯都好飲。解暑。套餐包飲品，點哇咗南洋咖啡，色澤好深，有點焦糖味道，味道過甜，不是我杯茶。

公眾假期，食個晏都鬼咁多人四處都排隊，見佢條人龍唔係太長， 又未食過所以試下， 十分鐘左右後有位入座， 坐低叫咗肉骨茶、 海南雞飯、咖哩雞撈麵再加個咖央多士同雞翼尖。 我飲緊杯凍拉茶， 上網睇下呢間嘢啲食評，先發現好似好伏三粒星都冇， 心諗都係試咗先算， 反正啲人都係話佢服務差，冇話啲嘢食渣， 點知試完啲嘢食都係麻麻地，又唔係話難食都入唔到口嘅，不過真係嘥咗自己啲quota同金錢， 未食過肉骨茶只係得胡椒味， 試咗我女嗰碟海南雞飯， 雞肉真係鞋嘅重冇乜雞味， 咖哩雞撈麵啲咖哩ok，但啲雞同海南雞啲雞一樣死法， 反而最好食係嗰個戒央多士…… 如果有選擇嘅話，應該唔會喺呢度食， 至於服務又冇啲人講到咁差，不過我發現有個四眼哥仔，其實佢都好忙咁樣不停抹檯執檯，但係我見啲客問佢嘢，佢就好似唔識溝通咁， 人哋聽到個心裏面會唔舒服， 樓面都要識得分工合作，呢間嘢管理同食物上唔改善， 捱唔得耐。

間中光顧這間分店，食物和飲品味道不錯，這個讚是給水吧與廚房裡的廚師，並不是給侍應的。我之所以這樣說，是因為某位侍應的服務態度十分惡劣，其他侍應都比他好很多，起碼不會一口氣大聲罵人。（他是所有侍應中態度最差的，男性。想知道是哪位就去將軍澳這間分店光顧吧，九龍灣德福廣場分店的服務態度都比這裡好十倍）。經歷一：有次我吃的那段時間看見沒什麼人堂食，打算進入裡面坐卡位。不過有位侍應對我說「你一個人不要坐卡位」。我沒有與他爭吵，只是感到奇怪，心想：外面又沒有人排隊等位坐，加上之前我都是一個人坐過卡位，並沒有人不讓我坐。為何這次會不比坐呢？經歷二：雖然這件事是其他食客與侍應之間的問題，但我看見後才知道原來侍應都有很大責任。某次我在繁忙事段吃飯，看見某位食客舉手示意並說「唔該」叫侍應過來，某名態度差的侍應剛好手頭上有很多工作要做。於是大聲對食客說「你看不到我有工作做嗎？你讓我做完手頭上的工作好嗎！」那位食客沒有回答他，但我看見食客的神情變得不滿。我明白侍應繁忙事段有很多東西要做，手忙腳亂（畢竟你只是為了打工）。但你身為一名侍應，態度那麼差，以後誰敢來你這間店鋪光顧？你不但影響食客對你們的期望，還影響到

臨睇戲前同老公去附近食個快飯，難得老公有心水話食亞參，唔使我諗就緊係好啦我點左個咖喱雞撈面，一嚟到就有好濃香嘅咖喱味，見到好似好多雞咁🤤咖喱質感厚身，唔係港式咖哩，好好味不得不讚個薯仔，好入味又淋，唔係淨係得薯仔味，忍唔住食晒不過雞就有點可惜，鞋口，應該全部比左背我，每一舊都係鞋，唯一嘅雞翼都唔滑比起上一次食海南雞同豬手真係差好遠😟不過店員係友善嘅，咁都食得舒服 🤤味道🤤： 3/5🏝️環境🏝️：4/5💵抵食💵：3.5 /5💁🏼服務💁🏼‍♀️：4/5

亞參位於Popcorn地舖，地點非常方便，每當我屋企人想不到下午茶或晚飯吃什麼，我們都會去亞參！最喜歡是他的雞湯麵，和班蘭咖啡！有時候下午茶，他的湯麵只是幾十元，會覺得非常吸引，而且他湯麵的雞湯，真是非常鮮甜，感覺很健康！當然他的班蘭咖啡，都是非常傳統地道，很香的班蘭葉味，我和老公都非常喜歡！至於價錢方面，尚算合理，人均消費大約$100左右，但其實他的小吃都是非常高質素！最後環境方面，亞參是在地舖，而且有一部份位置是像戶外，感覺較舒適！

已經唔係第一次，同一餐廳遇到一次，可能誤會或者個侍應問題，但遇到兩次，就係餐廳問題。明明很多座位，仲有三個卡位冇人座，都唔俾座要我起身，後入嘅兩位就俾個卡位佢地，大家都係兩位，點解要我起身俾佢地座，係咩意思？熟人先可以座嗎？我地就直接起身離開，四圍都係食店，又唔係只得你一間店，點解要食你！

識食一定嗌油飯(⁎⁍̴̛ᴗ⁍̴̛⁎)⭐️海南雞飯中規中矩正常水準 預咗唔係新鮮雞雞肉肉質都ok唔會太乾太鞋 醬汁例牌驚喜位係個餐連一碗雞湯 雖然好似有落味精比起住家既雞湯味道就一定偏淡 不過整體味道清甜⭐️豬手飯值得一讚 豬手煲得夠稔 肉質唔錯⭐️通菜就唔建議大家點黎食 太老太硬 每啖都拮脷起渣 亦無菜既甜味…⭐️飲品方面，香茅薄荷同柑桔特飲幾refreshing平日晚市黎唔使等 環境都算靜適合同朋友家人食餐簡單便飯傾下計

諗住未食過，昨日一試之吓極度失望,點左食海南雞飯和肉骨茶,以為呢兩隻都係招牌食品,應該會有水準，價錢唔平唔係問題，海南雞冇雞味，皮多過肉☹️肉骨茶只有兩條排骨幾件豆卜,仲要完全冇肉骨茶味,淡而有味🫤服務態度又差，真係唔會有下次囉！！！

本身諗住試吓佢嘅海南雞飯同肉骨茶 但係估都估唔到佢個份量同海南雞飯嘅例湯一樣 每一啖都多麼的珍貴 簡直離晒譜價錢唔係問題 問題係我哋俾咗呢個價錢你哋 係咪應該俾返相等嘅份量俾我哋呢 先唔好講食物嘅質素 失望透頂 以後唔會再幫襯

一份$91的海南雞飯係點呢？ 海南雞飯嚟講真係偏貴咗少少， 不過畀佢門口寫住「尋覓99分海南雞飯」吸引咗， 睇錯咗佢自稱自己有99分， 所以決定試一次啦~當時我好肚餓，正常食咩都應該好食😀 不過個雞我覺得真係麻麻地~佢唔係差，但真係唔算出色， 啲雞都算有雞味嘅，味道還可以咁囉~佢啲雞有啲黑黑哋嘅汁浸住， 我又唔覺得個汁有幾特別😂~~~佢配咗三個汁你點雞，感覺都似中式嘅海南雞醬， 個醬我真係覺得麻麻😂個油飯都算有香味， 有啲椰子味， 都算可以👍🏼然後佢配咗個湯， 正正常常不過不失~我覺得平時五、六十蚊個海南雞飯可能都好食過佢， 99分真係尋覓緊，佢可能得60-70分到....反正我食過更平更好食，佢呢個價唔值$91😂😂😂#黃怪獸 #黃怪獸覓食 #hk90s #hk #hkfood #hkfoodie #hkfoodblogger #foodie #foodblogger #foodiehk #food #食好d食平d #食評 #食好西 #食好d #食食食 #海南雞飯 #海南鶏飯 #雞

今日中午同親戚去將軍澳popcorn行街 行到肚餓搵野醫肚、 可能今日係星期六周圍都好多人排隊、睇到亞參雞飯這間餐廳唔係好多人排隊、加上親戚間中都有去幫襯、話D野都OK下！ 就去左這間餐廳食午餐、我地自己用電話落單、 遇到一D問題舉手搵侍應幫手 ,女侍應黃麗華立刻走過來問我地有咩幫到我地及很有耐心和禮貌地回答我地問題，怎知連送餐下臺都人你好前你好後、十分有禮貌！親戚話之前來過幾次食野D侍應唔係在傾計就係幾人聚集喺收銀、 叫極都冇人理 、真係第一次有咁好嘅服務態度和好禮拜！值得表揚下

2022-05-08同女朋友又去搵食😋係將軍澳太多選擇了😩行行下見到有間餐廳幾好生意😎唔好再揀了，就決定是你🥳依間係食新加坡野嘅亞參雞飯🐓茶餐時間諗住叫個班蘭咖央多士🍞好可惜賣晒了😟（比人一打一打外賣走）咁就叫我第二最愛嘅咖喱牛腩☺️女朋友就叫咗隻豬手飯🐷豬手飯賣相都幾靚仔👍🏻主角豬手夠淋夠入味，份量就😂第二最愛咖喱牛腩，咖喱夠重味，牛腩口感嫩滑好食😋跟餐加十蚊有野飲，加咗杯南洋咖啡☕️應該落咗好多煉奶，甜到漏🫠整體服務，食物，環境非常好👍🏻#亞參雞飯 #南洋咖啡 #馬來西亞咖喱牛腩#亞參豬手飯

老婆上星期在紅磡果間亞参食過，回家不停講左幾晚，叫我和阿仔一齊去試試，最終我們星期日去試了Pop corn 果間亞参，我們11：30就到，剛開門，招呼一般，水都無一杯，自助QR code 點餐，我們點左海南雞飯，肉骨茶，巴東牛肉飯和馬拉盞炒通菜。先說海南雞飯，跟個清雞湯，雞已去骨，小朋友食都唔怕有骨，雞肉好滑，又無咩肥膏，好正。個清雞湯都唔錯....我好鍾意。肉骨茶，我覺得都唔錯，但個味我覺得麻麻地。巴東牛肉是我食的，好香和果d醬個味道好正馬拉盞炒通菜都唔錯，唔知係咪見到有小朋友，佢地也把個辣醬分開上 整體上唔錯，一定會再來