亞參雞飯 (PopCorn 1)

營業中

休息中

亞參雞飯在將軍澳Popcorn開業不久，窩夫與蝦子餅已經急不及待光顧了。當日本來想試斑蘭咖央多士，可惜已經售罄。窩夫一向愛吃海南雞飯，不用多想便決定要點海南雞飯，看看它是否真的有99分。亞參去骨海南雞飯($88)送來了，先不談主角海南雞，評一評雞香飯，煮得粒粒分明，入味得來卻沒有油膩的感覺，散發淡淡的香茅香味，水準很高。三款秘製醬料之中，窩夫與蝦子餅特別推介薑蓉。來一張海南雞的近鏡，上桌時窩夫心裡有一個問題，為什麼海南雞有汁的呢？明明餐牌上的圖片並沒有汁的，窩夫下次再吃要記得走汁。海南雞用上三黃雞，雞味濃郁，雞皮厚厚的，可見它非常肥美，個人覺得稍嫌不夠入味，還有一點進步空間。加十元便可享用飲品一杯(椰青和斑蘭咖啡除外)，窩夫點了一杯熱的馬拉拉茶，充滿南洋風味，甜度適中，十分好喝。蝦子餅知窩夫其實都想試喇沙，所以點了一碗喇沙($80)，賣相吸引，雖然顏色偏黃，沒有太多紅色的辣油，但味道比預期中辣，以窩夫吃辣的程度，只能淺嚐幾口，不過不得不讚它的香料味很香濃，配料亦算豐富。吃喇沙真的要配一杯凍飲，蝦子餅點了一杯柑桔特飲(加$10)，味道偏酸，正合蝦子位的口味。兩個主食以外，還點了馬拉盞怡保

最近，留意到市面上多了一間海南雞飯專門店，名字「亞參雞飯」好有南洋風味；短短兩年，已開了超過10間分店。一間字號可以拓展得如此迅速，一定係集團背景。本來以為「亞參」好似「翡翠」或者「莆田」來自星加坡，原來係「太興」旗下。早兩個月，分店網絡拓展到屋企附近商場，小編終於有機會一試。典型香港人心態，新餐廳開張頭幾個月，一定很多人排隊幫襯，碰巧又是午飯時段，等了差不多20分鐘才有位。除了用肥雞作招牌，亦充滿自信地加入一句口號：「尋覓99分海南雞飯」。唔用100 分，估計寓意不會停步不前，繼續不斷進步，炮製更好味的海南雞飯 ⋯⋯ 即使現時的出品已臻接近完美！很有自信心的餐飮集團。裝修色調偏向陰沉，似乎想營造一種格調，但偏偏又採用了半開放式設計，可見到商場內熙來攘往的人群，感覺上有點不調和。主打招牌海南雞，理應盡量擴大廚房與用餐區之間的分隔玻璃，以展示更多大肥雞，吸引食客目光。偏偏玻璃只是細細塊、甚至縮在餐廳一角；可能要遷就廚房位置，但就做唔到宣傳同展示效果。招牌去骨海南雞飯以外，同時帶來各種星加坡及馬來西亞地道美食，包括亞參豬手、新加坡喇沙米線、檳城蝦麵、巴東牛肉、班蘭咖央多士等。將軍澳Popc

這分店由開張至今，已幫襯好幾次了，可惜在短短兩個月，已發現質素大不如前，現在他們的海南雞沒有那麼嫩滑，此外，他們現在很馬虎，隨便在醬油碟上放上少量的醬汁，醬汁是海南雞的靈魂所在，有點令人失望，唯有要求侍應添加醬汁。另外他們要注意的是，已破爛的碟子不要再用了，一間食店味道要注重之外，在外觀上也不能敷衍了事，畢竟這不是一間「地痞館」，會在第一步給人的印象大打折扣，醬汁少、碟破爛，會是一間大方冠冕的食肆所為嗎？價錢和質素不成正比，除非要令客人卻步！最後不得不提的是，他們侍應的禮貌也需要培訓，在我枱上老遠的角落，不發一聲的放上我點的奶茶，是今時今日的服務態度嗎？

叫無骨海南雞飯套餐連飲品$98，海南雞肉好少，皮厚，脂肪多，冇雞味，醬汁完全唔掂一啲都唔好味，仲要俾少得可憐，去過德福嗰間食都冇咁差，就算德福嗰間都唔值呢個價錢，但將軍澳popcorn 呢間特別超級差不單止食物質素差、服務更差，所有待應每次都話等等，跟住行咗去，但之後永不回頭去睇吓客人需要啲乜，個個卸膊唔做嘢，明明入面大把吉枱冇人執，成日製造條人龍喺門口等假象，醬汁叫侍應俾多碟,夠膽死話加$1，間間都唔使加，只係呢間俾得特別少，仲話要加，離晒譜，咁嘅價錢、咁嘅質素、咁嘅服務，相信我一定不會返轉頭

見到有人等位，以為不會太差，便入去試試。叫咗咖哩豬扒撈麵$75麵質正正常常 唔會太淋咖哩汁都幾惹味，個人嚟講有啲太濃味，食完有啲口乾伴碟除了花生就沒有其他到重頭戲...豬扒，真係非常精彩每一嚿都唔同口感第一嚿咬落去，懷疑人生，好似煲完湯嘅瘦肉咁第二嚿 正常返少少 只係比較乾柴嘅豬扒（圖片）第三嚿又突然超級淋，好似用鬆肉粉「嗱」過嗰種質地...雖然正常豬扒質地係佔多數，但咁嘅用餐體驗真係唔多好...呢個價位...呢種質素，相信啲錢都去曬鋪租度了

對上一次幫襯亞參翻看一下自己食文、原來已經差不多有五個多月，由於對上一次感覺良好，所以今次入到將軍澳跟老爺和細佬會面之際，也推介了此間餐廳但亦都帶着頭盔的說，每一間大廚都會有自己的一個準則，所以自己覺得上次食過同一間集團，未必等同於每一間都是這樣出品。。。下午平日時段二時多都要等位，幸好不算多人4-5枱之間 ，需時10分鐘左右～先來當然是招牌海南雞飯HK$88.和對上一次沒有分別，大大碟的海南雞無骨之下雞肉嫩滑肥美，油飯細細碗很滋味，整份用餐體驗也很不錯～馬來炒㷄條HK$94.來者熱辣辣香噴噴，加上鑊氣十足很是好吃，不過這個價錢自己就覺得略為進取了一點～煎蝦餅HK$42.也做得不俗，不過就略嫌比較油～斑斕咖吔多士（套餐）HK$48.，在落單時已經知道大概需時20分鐘，入口整件多士也是香脆無比加牛油夾雜在斑斕身上很是好吃～斑斕咖啡是跟多士是一併的(套餐)，自己覺得更見精彩，咖啡的餘香在斑斕味道後隋隨送上，很特別～拉茶(跟餐)加上HK$10.甜度恰好茶與奶的比例亦都配合得宜★整體來說個人覺得整間餐廳雖然沒有服務可言，但出品每一樣都覺得有達標、不過價錢上個人就覺得不算是十分抵食 ，偶爾幫襯一

新店在Popcorn開業，新嚟新豬肉，本身又鍾意食馬拉嘢，今日閒日過咗午飯時間以為少啲人，但仍要等大約15分鐘才有位。餐牌內食物好吸睛，樣樣都想試。首次光顧當然係先試招牌菜啦。無骨海南雞飯店內掛上「尋覓99分海南雞飯」牌坊，試吓先知幾多分！雞份量合理，中間食到一兩件比較鞋，個人寧願犧牲口感也要雞肉煮得熟透，比較安全。飯係麥飯，增加口感之餘亦健康啲。飯不算油，有少少甜味。雞湯非常清淡，無添加。雞件配中間的甜酸汁會令雞變腥🧐。反而醬油就做得出色，同雞肉非常夾。這個質素的雞，在某某海南雞專門店亦可食到。麥飯係第一次食到的配搭，雞湯無添加好好，價錢$88係正常。個人覺得值90分！檳城蝦麵$82濃稠蝦湯掛在滲滲上，滿口蝦味，非常正！而且還可以當湯飲，飲完亦唔覺得口渴。其他配料吸收咗蝦湯頓時味道昇華。唯用油麵配米粉的滲滲，略嫌煮得太腍欠口感。追加優惠⋯⋯加$38可配兩款小食，今次揀咗：小食（1）魚餅（單點$28）紅咖喱令薄薄的魚餅有微辣，香茅/檸檬葉味很出，魚肉彈牙好味。小食（2）班蘭咖央多士 （單點$26）多士唔係用白麵包，可能係用黑糖或椰糖之類混合做出咖啡色。不過多士落無甜味，整塊都係脆身。斑

首先，呢間餐廳座位算多，但日日大排長龍，唔知以為好食又抵食！今日終於的起心肝，11:45am都未夠就走去排隊，都排咗一陣，全間餐廳一早就full 哂！坐低之後，唔會自動offer 水，要自己問侍應先有。第一次來梗係要試招牌海南雞飯啦！個飯＄88，有湯，仲叫咗蝦餅同埋蝦春卷，另外嘢飲都算抵，不過選擇就較少！個海南雞飯係正常，雞嘅份量多，醬料嘅份量少。雞唔夠滑，所以算唔上有驚喜，如果加杯嘢飲再加一，一百蚊真心覺得唔值！至於服務員，落錯單，不過願意改，亦有提醒餐牌上嘅優惠，不過不失！

將軍澳popcorn開左阿參雞飯，日日都勁多人緊係要黎試下，叫左個招牌海南雞飯，鳯尾蝦春卷，馬來班蘭咖吔多士，本來仲想試埋豬肉串,但係一早就賣哂，可惜。飲品要左馬來拉茶少甜。個油飯勁好食，有油香又唔油膩，好正。但係個雞好普通，一來雞太肥，而個皮係唔爽口，軟淋淋，以海南雞為賣點就有點。。。蝦春卷係唔錯既，炸得夠脆又乾身，咖吔多士應該係黑糖麵包，好深色的，但好甜，個醬又好甜，甜上加甜，好鐘意食甜既可以考慮。奶茶係濃郁既，茶味都好濃，但係少甜左都好甜，希望落糖可以輕手啲。

7/6號晚上七點多到將軍澳地鐵站出口買外賣，等了半小時多排隊到龍頭，一個老女人稱自己是經理話外賣暫時暫停半個小時才能回覆正常，這個人沒有禮貌又態度極差，完全沒有充分解釋為何要停外賣，身為客人的我極之憤怒，真係沒有下次機會再幫襯此間店舖了！！！

第一次來到吃亞參雞飯。看到餐牌其實很多食物都想試，這次試了檳城蝦麵。蝦麵的湯底是橙紅色的，有著濃濃的蝦味，十分鮮味，味道不辣。麵底是滲滲，即是油麵加米粉，煮得軟硬適中，而且麵條盡吸收了湯汁精華。餸有大蝦、雞蛋、豆卜、通菜及腩肉，都算豐富。一碗蝦麵的價錢82元，加飲品有優惠，凍熱飲品都只是10元，堂食也不用收加一服務費，價錢在Popcorn來說算是很值。餐廳店員服務殷勤，落單及送餐速度都很快，值得一讚。