亞參雞飯 (青衣城1)

營業中

休息中

最近我在這一家餐廳用餐，對於這次的經歷感到有點而無奈。 首先，餐廳的米飯比以往硬變得難吃了，吃起來吞嚥不適，讓我對整頓飯和這一間 店子的品牌產生氣餒。 以前油飯是 好有質素好好食 ， 這也就是有時我特登搭車嚟幫襯的原因，但今次卻像是 跌曬質素，讓我無法好好享受，連對菜餚都好似睇唔起興趣。其次，海南雞的質素也有明顯下降。以前我很喜歡這道菜，無論是雞肉的嫩滑度還是搭配的醬汁都讓人滿意，但這次卻失去了以往的風味。雞肉似乎冇咁嫩滑，醬汁的味道也變得平淡， 似乎而家好似有啲 hea 做， 讓我 這一位本來係 fans 也感到非常失望。最後，在這樣的情況下，餐廳卻選擇了調整收費，這讓我感到更加百思不解。面對食物質量的下降，卻還要支付更高的價格，實在讓人無法接受。希望餐廳能夠重視顧客的反饋，改善菜品質量，讓大家能夠再次享受到美味的餐點。 最近開多咗兩三間附近餐廳都有雞食， 我希望我以後都搵到 藉口繼續幫襯這家店子； 希望他們的質素能夠 keep 住改善， 令到我哋呢一班粉絲繼續幫襯。

很久無來青衣這邊探朋友了，經過見依間亞參海南雞，剛好又好肚餓同累，見到佢哋掛果d雞好肥咁，就入去試下佢。。份量又真係好足夠，海南雞真的很肥很香。。可能太好食既關係。我唔小心滴咗啲豉油係個身到。我用紙巾不斷抹。可能有個曾X燕見到。。佢又主動俾濕紙巾我。佢真係好細心同觀察力。值得讚賞。👍🏼👍🏼

今日行行街諗住食個海南雞飯，但見到好多人食喇沙米線。心郁郁就好想試下，但又驚太辣食唔到。個有個靚女店員話唔緊要，試下唔係太辣。結果我又真係叫左。開頭都覺得唔辣，之後食食下原來真係有啲辣，可接受程度。👍🏼，好惹味仲有海南食飯。。48蚊真係好平。。下次都會試下

今日去左青衣城同朋友行吓，順便食下野。因為好耐無入黎青衣，但食肆都係好多人。最後同朋友去左食亞參雞飯。我地等左二張枱就入左去。帶位同事都好有禮貌，我地叫左一個招牌無骨海南雞飯，一個巴東牛肉飯，再加碟串燒同多士。無骨海南雞做得唔錯，啲油飯真係好好食😋我仲打包左一個俾屋企人食。到走時收銀果個妹妹仲同我哋講讚好分店社交平台有一張飲品卷送俾我哋。。我哋當然即刻去讚喇。

有一段時間無來青衣城，前幾日經過，發現原來好多食肆店舖都已經執咗笠，好多圍左板又未開，無乜選擇，但見呢間亞參雞飯好似幾好甘，有裝修，又光猛，決定入去試吓，下午茶時間都幾乎滿座，招呼吾錯，野食又上得快，侍應個個都好忙．但都有求必應，唔錯唔錯，下次會再來

最近在這間餐廳用餐，雖然食物質素不錯，但服務體驗極差。當時一名職員在巡邏時，褲邊的收銀裝置撞到我後不顧而去，我大叫也無反應。每個職員在褲邊裝有收銀裝置，這樣非常危險，容易撞到客人，尤其是在擠迫的環境下。此外，我發現餐匙未洗乾淨，衛生情況令人擔憂。餐廳應該重視員工的服務態度和衛生標準，以改善顧客的整體用餐體驗。希望管理層能採取措施，防止類似事件再發生，並確保餐具清潔，讓顧客能夠安心享用美食。。。。。

今天中午外賣自取，去到店舖時間岩岩好有得拎店舖收銀位置一男一女應該係經理，兩位都好有禮貌。服務態度好好。叫左海南雞飯好好食😋雞肉又滑又嫩。十分足料，雞肉都好多仲有小食蝦餅，一打開盒好香，蝦餅好彈牙，食落唔會太油👍🏻👍🏻亞參雞飯值得去試☺️☺️

今日落左青衣，順便搵朋友食個快飯～6:00呢間店仲有卡位，就入去坐，我和朋友分別叫了它的招牌菜：海南雞飯和肉骨茶飯，菜都上得快👍🏻🔸海南雞雞味濃，不過雞胸呢啲位就嚡啲，但整體都好食，特別個油飯都好香。個湯清清地幾好飲，應該唔係味精湯😂🔸肉骨茶都有4舊一字骨和4大舊豆卜，份量算ok，豆卜索埋個湯幾好食😊餐廳都好有南洋風味，我和朋友坐卡位都覺得幾舒服。走嘅時候已經7:30，出面已經要排隊等位，但服務員好好，雖然收走晒我哋個餐，但無俾壓力我哋，我同朋友都繼續傾計🤩

假日下午餐廳坐滿人，想食要排隊，排左10分鐘左右先有位，menu很多選擇，聽聞呢度海南雞好出名，連個menu都寫“尋覓99分海南雞飯”，一於試下先😂 ⭐️小食拼盤小食拼盤有3款食物-豬手，扎肉，雞翼尖。豬手好食！炆得好淋好入味，我地爭住食個豬手😂😂⭐️去骨海南雞飯海南雞真係幾滑，有脾位有胸位，吾會話比曬某種部位👍3款醬料都好好食，特別係個甜醬油，出面食吾到呢個味，配埋油飯食剛剛好。但個湯就麻麻地啦，好重味精🫠 ⭐️肉骨茶肉骨茶幾重胡椒味，有3舊骨，豆卜同幾片油炸鬼，淡淡藥材味，都算足料，撈飯食都ok😋⭐️喇沙米線喇沙湯底太辣，我同朋友都食吾到，食到卡喉，要不停飲水😅😅

不能再難食⋯⋯又梅＇冇雞味，食兩口已經要停，中伏了⋯$90蚊一個餐（海難雞飯），不會再來⋯都唔明點解招牌菜可以做得咁差，一啲都唔用心去做，點得到顧客的要求，唔該店舖負責人多加留意！

最近行街都成日見到亞參雞飯嘅分店，今日突然想食海南雞飯，所以入嚟試一試。朋友點咗肉骨茶，估唔到有驚喜，肉骨茶非常之濃郁，而且舊骨煲到好林好入味，加埋白飯色都幾惹味。至於我嘅海南雞飯都唔錯，雞肉好滑，雞皮唔會太肥，怕食雞皮嘅我都食到，而且海南雞飯一定要配油飯先好味！另外點咗個小食蝦餅，店員話係即製，所以要等耐少少，蝦餅啖啖肉好彈牙，唔會煎到油淋淋。仲有馬來班蘭咖央多士，斑蘭醬配牛油，估唔到都幾夾，加上多士脆卜卜嘅外皮，又幾好食。

個個都知青衣係美食沙漠，好難真係搵到一間好好食嘅餐廳，所以依間海南雞飯店最初開嘅時候係成日都要排隊，冇辦法啦，係青衣城咁多間餐廳來講，佢嘅食物質素算係中上，但係而家去就已經唔洗排隊啦，因為佢嘅價錢真係有啲貴，所以令好多人都卻步原本都冇諗住食呢間，但係見佢開咗咁耐都未試過同埋又唔需要排隊，咁就入去試吓，咁我同屋企人就分別叫了兩個餐和加了兩款小食亞參去骨海南雞飯 $91最初我以為91蚊嘅海南雞飯，分量點都會多啲，但原來係我太天真，佢雞嘅份量雖然看似有兩層，但係實則上是好少，因為每件雞肉都細舊（分分鐘雞皮仲大過佢啲肉）肉質係幾鮮嫩，唔會話乾柴柴，而且佢真係有認真處理食材，我一條雞毛都見唔到（唔好問我點解覺得做好基本功已經好好🫠🫠因為出面好多海南雞專門店就係連呢啲基本功都做唔好，就算佢做都幾好食，望到雞毛都已經冇晒胃口）油飯食落唔算好香，但係唔似出面咁黏身，仲可以食到粒粒分明，我個人就幾鍾意，不過分量都係好少，唔係好夠飽雞絲扎肉湯河 $71份量相比之下比海南雞多唔少，起碼係食得飽肚；雞絲應該都係海南雞頭頭尾尾嘅位置，味道食落去冇咩分別，不過就算係咁，肉質都係軟腍腍，唔會死實實，扎肉就正正常常

海南雞飯海南雞飯套餐配上三種醬汁和一碗湯，雞的份量正常，但味道一般，有少少雞味不過肉質有D 梅，油飯唔錯，有油香但唔會太油。豬手飯豬手飯好入味而且入量都唔少，用三角竹蘿裝住上幾有趣。馬拉盞通菜有別於其他馬拉盞通菜的方法，尼間餐廳係以先炒熟通菜，然後馬拉盞醬另上，這種方式比較適合鍾意清淡的人，個人鍾意濃味一點，所以比較喜歡一起炒。鳳尾蝦春卷一共有四條蝦春卷，配泰式辣醬，味道一般，而且其中兩條上枱已經涷左。班蘭咖央多士整餐最有驚喜的菜式，烤過的面包中間夾住一塊牛油和塗上充滿椰香的醬，很邪惡但很好吃！黑椒扎肉份量得5小片，味道麻麻。整體：整體野食都好唔錯，我哋3人叫了兩個SET 配左3個小食，3杯飲品，都係322 蚊，性價比很高，下次會再食！

聽朋友講，青衣城亞參已開咗一段時間，但日日都好多人排隊，所以一直都未有機會尋覓99分海南雞飯🤣，今日好彩，唔使排隊，原來因為海南雞賣曬，要等20分鐘，我聽到真係心中暗爽，因為好難得有新鮮即製，為左食好野，我當然樂意等。 一上枱已聞到雞嘅香味，買相亦同相片十分接近👍可能新鮮即製嘅原故，肉質真係好好，雞胸位都滑😋醬汁好有海南特式；個湯都吾差，吾覺有味精。薏米水都足料和好飲。整體上有90分，值得再來😋🤭😍

青衣城開咗依間亞參雞飯都一段時間平時晚市經過都大排長龍今日早少少6點黎到 見冇咩人排隊就去試下差唔多每枱客都必叫嘅亞參去骨海南雞飯我地都叫咗一份托盤上 賣相吸引 份量適中海車雞唔係凍上 而係小暖 冬天去食十分滿意雞肉鮮嫩而有啲油脂香適合鐘意肥美滑雞嘅朋友而餐湯清雞湯都有驚喜 無落味精 係住家湯嘅味道新加坡肉骨茶 跟一碗白飯味道唔算超濃藥材味 反而重胡椒香 大眾都易入口 而且冬天飲完暖粒粒 我係一食胡椒食品就流鼻水嘅人 完全有排寒功效班蘭咖央多士 香滑牛油同甜香班蘭醬 配脆口多士脆卜卜口感 令人一啖接一啖咁食值得一試！手作蝦餅 彈牙 足料 ！配甜辣醬一流！新加坡拉茶 同港式奶茶唔同係佢比較甘香 茶味濃郁 我都幾鐘意薏米水 簡簡單單清下喉嚨！