亞泰

營業中

休息中

呢間餐廳嘅雪菜肉絲雞翼豬扒公仔麵用嘅係船河湯底，真係好味！湯底清淡又鮮甜，特別適合配搭啲肉類同麵條。雪菜酸酸的，令味道更加開胃，肉絲嫩滑，如果你係康城諗唔到食咩早餐，下次可以考慮下

呢間亞泰既金不換雪菜肉絲公仔麵真係唔錯。佢嘅雪菜酸酸地，非常開胃，配上嫩滑的肉絲，味道好搭。湯底清爽，唔會太膩，適合鍾意清淡口味的人。麵條煮得啱啱好，食落去口感唔錯。每一口都有雪菜和肉絲的味道，份量方面都幾足，能夠撐得飽。另外，佢哋的服務都幾好，環境輕鬆，坐落得舒服。如果你想試下有點泰式風味的公仔麵，呢碗絕對值得一試。簡單好食，隨便一餐都啱，非常適合想食快餐但又想有點特色的人。

之前成日黎食，有幾個待應都特別有人情味，對人好鬼死Nice！今次黎食晚餐，成間舖頭嘅班底好似轉晒咁……服務👎🏼👎🏼食物水準都keep到唔錯嘅係衰咗喺服務態度行為上面希望店舖可以改善吓員工嘅服務態度食物推介:火山骨，豬頸肉水晶粉，泰式奶茶

門口個哥仔態度好差，只是叫了一碗粉，等了45分鐘。問了2次都話未有，再等5分鐘，其實食物早已預備好，一直放在旁。他又唔check，一直白等，仲要語氣極差，食物送上時已經涷了。

以前下面嗰啲冇禮貌，依家上面嗰啲冇禮貌， 燒牛肉沙律 ，明明餐牌有燒汁， 上枱或外賣 ，冇燒汁供應。 鱸魚堂食唔熱， 蠟燭很快就熄滅， 叫人換， 食完都未到， 早餐 雞翼 梅的， 質素很差勁。 改善下啦，唔好逼我討厭你。

放假叫外賣黎講，亞泰算係少有餐廳可以咁快有得拎既餐廰。我地叫左蔥油豬扒配香米飯同冬陰海南雞船河蔥油豬扒配香米: 豬扒香氣四溢，嫩嫩的肉排上灑滿新鮮蔥花，看起來就飽满多汁。米飯也有嫰嫩的口感，飽滿的香味讓我們食指大動。冬陰海南雞船河:雞肉相對有D柴，但湯底酸酸辣辣，好爽口。

環境：乾淨整潔，鋪面面積不算大，而座位間距適中，不會另人覺得擠逼。服務：服務員態度有禮、細心且積極主動。食物：燒牛肉-賣相並不討好，煮得比較熟，接近全熟，但味道可以。海南雞飯-雞明顯overcooked ，肉質乾硬，不夠嫩滑，味道算不上可以，只能用可以吃來形容。柚子沙律-不知是否柚子不合時，味道帶苦澀，再加上酸味醬汁，不太討好。雞肉及豬肉串燒-肉質軟腍，味道好。蒜蓉炒通菜-正常味道。最讚賞的是燒牛肉及串燒均伴有少量沙律菜上碟，令口感清新，不會太肥膩。

🥢🇹🇭🥣不過不失泰國菜🆗串燒4串（豬2串、雞2串）-$65串燒熱食嘅時候唔錯，大家要趁熱食，凍咗就會變硬。四串可以全部豬/雞或各兩串，但係個沙嗲醬雖然有好多花生粒，但沙嗲味唔香濃，亦都好難黏去串燒到。🆗泰式拼盤 -$78拼盤冇魚餅，有泰式春卷，蝦餅，鳳凰丸，鳳凰丸同春卷炸得比較燶，口感味道都麻麻，蝦餅比較正常，配咗泰式辣醬。☑️椰汁雞湯 -$68都大碗，4個人每人飲一飯碗都仲有淨，裏面有大量秀珍菇，雞肉份量都多，而且好滑，啲雞肉幾好食，另外個湯有香茅味，反而完全飲唔到椰汁味，但整體嚟講個味都OK。☑️馬拉盞炒通菜 -$78份量足夠，調味都好好，炒得香口惹味，食到停吾到口。🆗泰式鮮蝦金邊粉 -$88金邊粉頗大碟，蝦有四隻，配料都唔少，有好多豆腐乾、芽菜、蛋，蔥，口感豐富，但係就唔夠味，好淡。🆗招牌蛋咖喱蟹肉枕頭包 -$148個農夫包都烘過，暖暖地脆口，咖喱嘅份量都算多，但係吾重蛋香，蟹肉量多但就咁沈喺面，冇咩蟹味。

新年流流食過開年飯，發現亞泰居然新年都有開，而且冇加價，實在太好啦嗌咗兩個午餐連嘢飲，埋單$152包加1服務費連凍飲，喺康城呢個美食沙漠之中，都可以話係性價比高嘅好選擇！海南雞飯 ⭐️⭐️⭐️⭐️海南雞飯配咗一大碗薑黃飯同埋冬瓜湯，冬瓜湯熱辣辣，飲完再食海南雞飯個身即刻暖唒☺️海南雞部位係俾咗雞髀部位，大概有五至六塊，肉質非常嫩滑，再配海南雞醬料包括泰式辣醬、甜豉油、薑蓉，一嚿食一嚿好快就清晒成碗白飯！馬莎文咖喱雞扒撈金邊粉 ⭐️⭐️⭐️馬莎文咖喱充滿咗滿滿嘅椰汁，惹味得來又唔辣，撈埋金邊粉，新奇配搭，但係撈金邊粉唔太入味！如果可以將金邊粉炒下嘅話，味道會更上一層樓！雞扒煎到卜卜脆，肉質嫩滑唔嚡口🤤

喺亞泰食到個泰式咖喱牛腩飯真係一流👍！咖喱味濃郁得嚟唔太辣，啱晒唔鍾意太刺激嘅我。牛腩又腍又香，炆得滴水唔流，配飯根本就係天作之合！再嚟個沙嗲牛肉嘅媽媽麵，麵質得嚟異常爽口，牛肉又嫩滑，撈埋啲醬汁，嗌呀嗌呀都唔覺膩。至於落喉嘅泰式奶茶，甜度啱啱好，仲可以攞走，飲嘢有嘢做，一流！😋 食個早餐或者lunch，嚟呢度真係食得開心又滿足。同事叫嘅海南雞軟滑得嚟香氣撲鼻，一班食完都拍手叫好。最後呢，隻炸蝦餅真係驚喜，啲蝦餅勁爽口，炸得外脆內軟，真係食落有層次感。被呢家店嘅美食征服咗，肯定要再嚟！🥢🍲

●泰式海南雞拼無骨豬手 配 白飯$76Thai Hainanese Chicken & Boneless Pork Knuckle with Turmeric Rice● 香葉肉碎炒水晶粉 $75Thai Fried Crystal Vermiceli with Minced Pork & Thai Herbs今日叫咗呢兩份lunch set 食，雙拼飯有啲失望，因為隻雞好鞋，而且好痴牙🥲豬手又太鹹，同平時食差距大。但個水晶粉依然保持到水準，好味👍

叫了一個青咖哩牛腩飯及海南雞豉黃薑飯。兩個都非常難吃，飯粒很硬，牛腩全部都是肥膏，根本吃不下。海南雞全是雞胸位，而且很鞋。餐廳實在太過份！！！雖然價錢唔貴，但都唔可以食物質素這麼差，根本完全不想吃，只是不想浪費食物，勉強吃了幾口，現在一路吃，一路寫者食評，家人都完全沒有在胃口再吃下去，不明白餐廳為何可以經營落去，做餐廳最起碼的白飯都完全不達標，都不要求要有米香味，但至少正常可以吞落肚，真的非常硬！

住康城選擇唔多 所以都食過呢間幾次 前幾日去食dinner既時候 叫左個麵 係出餐口個白頭髮呀伯(好似佢自己就係個老闆？)係度咳 無洗手就攞左碗麵過黎俾我 個時肚餓 同埋唔好意思就咁話唔要碗麵 再加上可能佢唔係流感只係氣管唔舒服個種咳 就照食第二日開始已經喉嚨痛同病！燒左兩三日！病左一個星期。仲要我個日wfh, 除左呢間餐廳無去過第二度，出門口除左食嘢都係帶口罩。唔明白點解個呀伯病但係照番工 唔戴口罩 仲要毫無衛生意識總之永遠都唔會再幫襯！建議大家都唔好去 唔知d食物點黎

今日難得早起，決定同屋企人去食下早餐，之後再出街。見亞泰排隊人不多，就選擇呢一間。冬陰香茅雞扒拼扎肉湯檬粉配凍檸茶 $44 （凍飲加$3）對於重口味的自己，早上食冬陰也覺得不錯，湯底不會太淡，味道也太會太重鹹，才可以令檬更掛湯。豬肉不錯，有香茅香氣，不會鞋口，啖啖肉，加上札肉，是一個豐富又醒神的泰式早餐。加上檸檬茶，味道變得不會負擔。香葉沙嗲牛肉媽媽麵配餐肉煎蛋、牛油麵包及熱奶茶 $41沙嗲牛肉雖然沒有太大的香葉味，同茶記沙嗲牛肉差不多，加上餐肉煎蛋同牛油麵包，是茶餐廳早餐常見的組合，亦是屋企人最喜歡叫的組合，份量十足又抵食。同一般茶餐廳不一樣的是，這裡是用泰國媽媽麵，麵質？掛湯，是不錯的組合。前者比較有泰式風味，後者雖然普通但是常見又令人滿足的選擇，兩者味道不錯，價錢又親民，是早餐的不錯選擇。

不知所謂的餐廳，除非你時間好充裕到可慢慢等，否則不要去。今天星期六，到康城睇戲。見這餐廳開6pm，在openrice排第1，所以試下。晚上6:05左右入座，店內只有4、5檯客，立即落單了3樣食物： 火車頭雜錦湯河、海南雞飯、椰子雞湯。等了10分鐘，火車頭雜錦湯河送上，外觀味道正常。再等了15分鐘，先生已食完湯河，但海南雞飯同椰子雞湯都未有。問*女店員*，說會跟進， 但是沒有見過她入過廚房。過程中已心感不妙，海南雞飯應該好易整 + 預先做了準備功夫，都等咁耐。但仍等多了10數分鐘，問了*穿便服疑似經理中老年男人*，他又說會跟進。數分鐘後，這位*疑似經理*淡然說了一句：廚房話準備煮。《😑😑😑😑😑準備煮？等了40分鐘先開始準備煮？唔係啩？》他 又再次淡淡然完全沒有歉意，說： 因為我哋只有一個爐 💩💩💩💩💩？？？？一個爐開餐廳？又不預先講會遲？問的時候又唔講？？再追問時先是旦up一句打發客人？？佢再加一句：你地等唔切可唔食。完全冇試過這樣差的餐廳體驗，沒有服務，又收加一，最最最重要是非繁忙時間（晚市剛開始5分鐘，全場得幾檯客），等40分鐘先話“準備煮”！到最尾我們無福消受，立即埋單都唔想受氣！