影片
鋪頭冇網紅打卡牆、冇創新芋圓topping 但乾淨企理老闆堅持傳統工藝幾十年 每日凌晨三點就開始磨豆、濾渣、點漿 一啖落肚秒穿90年代屋邨回憶👴🏻【豆腐花🍮】冷熱同價夠曬貼心 抵食到喊👍熱食暖笠笠 凍食清爽啱夏天 🌿一啖滑落喉 豆味清雅唔霸道 質地綿密冇半粒豆渣！唔會水汪汪亦唔會過實精髓在於自己加黃糖🧂------砂糖粒慢慢溶化 咬到微微脆感 甜度任你話事🤩📢重口味可以試下加自製薑汁 微辣嘅薑油引出豆香 層次即刻唔同曬🔥唔玩花臣冇雙拼 就係一碗樸實嘅豆花 食到師傅磨漿嘅功夫💪【砵仔糕🍡】：數一數二嘅平靚正！分有豆同無豆兩款💰價錢一樣任揀紅豆多到爆棚‼ 豆粒起沙又綿密 黃糖糕底煙韌帶米香 唔會死甜無豆版更能食出米香同黃糖香絕對唔係「水晶糕」軟趴趴嘅質地 而係帶韌勁同Q滑 咬落煙韌唔黏牙糕身密實得嚟又幼滑🤤☀️熱食軟香❄️凍食彈牙 兩種食法都正✅
繼續閱讀
估唔到第一次寫食評就係寫差評….😮💨今日去咗荃灣買熱既芝麻糊豆腐花 豆腐花，正常實冇死㗎啦望落個樣係正正常常 食落啲芝麻糊係正常幾香但豆腐花 …..佢既味道都真係好伏…..一食落去有類似係雨水既味道或者形容係生既水喉水既味😭😭可能佢煲豆腐花啲水都未滾……😮💨😮💨食左兩啖已經退返比職員 職員個樣都呆左 ….我直接答佢好難食 成陣生水味 可能職員果下反應唔切 所以都冇回應同反應….不過就唔會有下次
繼續閱讀
豆腐花要趁熱食所以簡左堂食 無落糖都好夠味 芝麻味同豆腐花好夾 熱食豆腐花比較滑 食豆腐花都係呢間 因為食過其他分店都一樣品質 所以行遠小小都簡番呢間 如果下次經過不妨試吓 9蚊一碗 推薦熱食 滿足
繼續閱讀
間唔中都會想食佢嘅豆腐花$9真係好抵食口味有幾款冰糖豆腐花，薑汁豆腐花，芝麻糊豆腐花，紅豆沙豆腐花，綠豆沙豆腐花，咋喳豆腐花，白果薏米豆腐花同椰汁西米豆腐花有熱好凍，全部都係$9一碗嗌左冰糖同薑汁佢都幾好食既，不過荳香又未至於好多不過性價比都已經好高！
繼續閱讀
今晚喺紅磡食完飯經過 見到亞玉豆腐花 見咁耐無食過 去幫襯下 鋪頭有好多唔同款式嘅口味選擇有原味、芝麻味、紅豆、綠豆等等 叫左碗凍芝麻糊豆腐花 返屋企食🙈外賣嘅時候 姐姐都同我地講定豆腐花無加糖 芝麻糊都係低糖，所以我哋要求另外加少少砂糖 芝麻糊豆腐花 $9 返到屋企一食 發現豆腐花嘅口感無咁滑溜 🥲 仲有啲鞋鞋地咁 🥲🥲 食落豆味較淡可能熱食會好啲 🙈🙈 但芝麻湖味道香濃 加啲砂糖 甜度適中😊 都總算救得返啲希望啲豆腐花會滑啲啦🙏🙈
繼續閱讀