亞玉豆腐花

營業中

休息中

平日中午，食完飯，經過出名好野食多嘅路德圍，見到呢間鋪豆腐花只賣$3，好吸引。今日唔趕時間，所以見條隊有啲長都照排。除左原味，仲可以揀溝其他味道，例如芝麻糊、紅豆沙、綠豆沙、花奶等等，全部一律$3，冷熱同價，唔想企街食的話，叫外賣則加$1，不過都絕對可以接受。今次就叫左一碗熱花奶豆腐花。 份量唔算少，豆腐花夠滑，有豆香味，而花奶就有少少稀，但唔係稀到冇味嗰隻，$3貨仔完全收貨，對比依家買碗糖水閒閒地都要$2X，$3豆腐花真係好抵食～

近年來。呢啲乜乜豆腐花開到周圍都係。而呢間阿玉豆腐花更開喺另外一間豆腐花店舖嘅隔離，長期行過都見到咁多人喺兩間舖頭都排緊隊。今日終於得閒咁就停低一齊湊下熱鬧啦。最後揀咗人龍長啲嘅排隊。我就叫咗一碗豆腐花。而朋友就叫芝麻糊豆腐花。急不及待拎到手嘅時候即刻試一啖，豆腐花非常之滑，而且我鍾意嘅就係佢上面嗰啲糖漿唔會話太甜。而朋友嘅芝麻糊豆腐花，芝麻糊味相當之香。整體來講我覺得呢間豆腐花係有9分嘅。大家都可以試吓。

嗰日經過路德圍，嗰度小店食肆林立，仲聞到陣陣炸雞的香味，非常吸引！但我地啱啱食過晚飯，唔係好想食太多嘢，於是就冇買到炸雞食。再行遠些少，見到兩條長長嘅人龍，好奇係排緊咩！原來係兩檔豆品店！當晚氣溫只有八度左右，「亞玉」條人龍都唔算短呀，咁我地都照排啦！我地原先打算買兩碗熱豆腐花就算，但係諗到橫掂要排咁耐，不如買多幾樣嘢啦！於是就買埋兩枝低糖黑豆漿再加兩蚊試吓個砵仔糕！我加咗大量紅糖落碗熱豆腐花度，好好味呀！砵仔糕細細粒但煙煙韌韌，紅豆都算幾多嘅！黑豆漿豆味濃郁，好飲！經過嘅話都不妨幫襯吓「亞玉」啦！

行完山落荃灣，於是就順便去食豆腐花。一如既往，兩間豆腐花都排長龍。我等左大約15分鐘倒就到我了。叫左一碗芝麻豆腐花，因為疫情依加轉左用即棄膠碗，所以加$1，$4一碗。豆腐花好滑，芝麻糊就普通。仲叫左客家糍粑$18，都幾好食。

成日見兩間豆腐花鋪鬥平又排晒長龍都唔知幫襯邊間好有日行過見到有間排長龍另一間竟然無😨咁就試試呢間排長龍啦！綠豆豆腐花芝麻胡豆腐花鉢仔膏芝麻胡豆腐花的確好味！！另外疫情下只提供外賣👍🏻👍🏻🚨🚨🚨另一間係用碗 咁無油既野我諗都係求9其洗😂大家識揀啦😂

見亞玉同贊和都大大隻字寫住$3蚊見亞玉少人排隊 於是支持下亞玉 但疫情期間轉唒用外賣碗既關係要加1蚊甘衛生D都係好事黎既 個豆味都幾濃 但個質感比較硬實 如果落小D石膏粉啦 仲更好啦😋

💛💛💛亞玉豆腐花💛💛💛好耐都冇試過星期六晚喺路德圍，我哋淨係想輕食少少甜嘢，所以就揀咗食豆腐花。今期係$3一碗，以前已經睇住兩間舖頭喺度鬥，初初一開始$5，到$3，到最低價$2都試過🤩。可能你會問兩間舖頭價錢一樣，點解會揀亞玉？因為阿玉係黃店，而贊和係藍店，咁已經好明顯影響到個選擇啦💛。唔好睇到元朗亞玉就當正佢係鄉黑開既，黃店黎架！今次點左熱豆腐花 $3，熱既一定比凍既滑，食落都有豆味。我最鍾意佢有薑汁糖水落，冬天食碗熱既薑汁豆腐花真係好正，暖胃之選😍。男朋友點左涼粉豆腐花 $3，涼粉比平時食個啲切得細粒，唔算係好爽口。豆腐花既份量都係相應地減少，可能因為兩溝同淨豆腐花一樣架錢掛🧐。以前係用陶瓷碗裝住，大家企係旁邊食。因為武肺既關係，依家一律加$1轉左用外賣膠兜，每碗埋單$4。坦白講$3一碗唔好要求佢又滑又香豆味又大碗。相反，我有時口渴或小小餓，但又唔係食得好多野既時候就會去食。因為去7-11買支水都$6-7起，咁我不如拎$3去食碗豆腐花😂。埋單 $8（無加一）

今次第一次食呢間元朗亞玉豆腐花，聽朋友介紹話好出名💛仲要好抵食😏黎到荃灣就諗住試一試，豆腐花有好多各式各樣既口味，有熱有凍既揀，揀到我心大心細，本身猶豫緊揀芝麻糊豆腐花定喳咋豆腐花好，最尾都係揀左喳咋豆腐花（凍）；而我朋友就揀左紅豆溝豆腐花（凍）！食落去真係完全amaze左，三個字，平靚正，好推介紅豆溝豆腐花，必食，下次試埋佢既芝麻糊豆腐花先😉重點係一碗豆腐花只係售價$3炸，外賣加$1，講你都唔信，仲要係好味，一d都唔係揸流攤！係度食三碗，係外面都未必食到一碗丫！已經同朋友鐵定左，以後如果黎親荃灣，都一定要食番一碗先走人#豆腐花#抵到爛#荃灣

味道：⭐️⭐️⭐️⭐️◼️◻️是良知每次經過路德圍都會心思思想食豆腐花＄3雙拼豆腐花真係cp值爆燈🌟🌟🌟支持良心小店！呢度長期long Q 但等候時間好短⏳⌛️D姐姐好快手仲好有禮貌豆腐花大大碗豆味濃郁又香滑❶芝麻糊豆腐花 荃灣價$3 （外賣+$1）芝麻糊真材實料唔會太稀甜度適中咁當然地唔好同其他中式糖水舖比較 價錢相差 實在太大😂❷薏米白果豆腐花 荃灣價$3 （外賣+$1）My favourite 😍 豆腐花加上薏米白果 甜度剛剛好平時既我好怕白果既苦澀味 但呢度完全冇呢個問題！🤩糖水嘅部份煮得綿滑仲保留左少少咬口❸砵仔糕 每次姐姐都計平左 好似隨心收錢咁今次收左我 $6/3個呢度嘅砵仔糕有兩款 兩款都係黃糖分別就係在於有同冇紅豆紅豆都算多 加上甜度適中 口感唔會好腍同埋好實🥰Ps:元朗都有分店啊😋

亞玉豆腐花同隔離間豆腐花鬥左好耐，但真香港人緊係幫襯黃店啦，但豆腐花全部$3碗做唔做徊住架？黃豆豆腐花 $3豆腐花食佢滑嫩口感同埋黃豆嘅豆味，亞玉係呢兩方面就做到啦，而且只係$3碗，係街市豆腐舖都做起麻$5-$6蚊碗，仲要無乜豆味。芝麻糊豆腐花 $3芝麻糊唔係太甜加埋落豆腐花就岩岩好，芝麻香加黃豆香好夾，呢個黑白好正。古法涼粉豆腐花 $3涼粉食落去彈牙，比較怕食到軟淋淋嘅涼粉，加埋花奶就正哂，但美中不足唔夠凍。砵仔糕 $8/3個砵仔糕口感彈牙，黃糖味夠，紅豆密密麻麻，陣陣香甜味。好多人食豆腐花掙係食一樣，黃糖同糖漿，如果黎到食亞玉不妨落少d，感受一下亞玉豆腐花嘅黃豆味。

亞玉豆腐花🍮🥡有良心又平嘅豆腐花仲好有防疫意識😷💪💪。。轉曬用膠碗每次必叫嘅就係紅豆豆腐花🥄 同 芝麻糊豆腐花🥄食完啲紅豆淨返既豆腐花又可以自己落黃糖🍯 或者 薑汁咁樣就可以食哂三款口味夏天食凍嘅豆腐花就透心涼🌬️冬天食熱嘅豆腐花豆味好濃又好滑😋😋👍👍

前日(20-9-2020 Sun)晏晝,同老公食完車仔麵後,過嚟沞公訂月餅,然後要行吓幫助消化,行行吓行到嚟,諗起食豆腐花清熱氣,於是排隊買,由於上次喺8月22日食過佢嘅綠豆沙唔多掂(嗰個食評: https://www.openrice.com/zh/hongkong/review/%E5%A7%8B%E7%B5%82%E9%83%BD%E4%BF%82%E8%B1%86%E8%85%90%E8%8A%B1-e3796974),於是我勸退老公唔好食綠豆沙.咁佢就揀$12.00嘅涼粉.我要$3.00嘅凍豆腐花.排到去俾錢,亞姐話欠$2.00,原因係疫情,改用膠碗,點解佢哋唔寫張紙?凍豆腐花唔凍,冇乜味,一般.老公嘅涼粉加花奶,涼粉全部切成約2立方厘米大小,味道偏甘,亦都係一般.味道係2.5分

今日行過路德圍看見只有一條「豆腐花」隊伍，好奇怪平日兩條豆腐花隊是不分高下，呢排你的，安排我的。今日阿玉豆腐花竟然冇人排隊，走去看過究竟，原來兩間的豆腐花基本都係$3，但因為抗疫期間阿玉豆腐花用一次性的外賣月塑膠碗，所以外賣堂食一律加收一蚊，而隔離的豆腐店都係用平日的食器，所以維持$3。其實兩間豆腐店的質素都是OK的，但我今日選擇了不用排隊的那一間。炎炎夏日叫了一碗豆腐花加咋喳，豆腐花香滑，咋喳夠稔身，好味，透心涼，$4 一個甜品很不錯呢。

大前日(22-8-2020 Sat)天氣好熱,同老公返到荃灣,就喺呢喥買豆腐花返屋企,自製雪糕西瓜豆腐花食,嚟到時有短人龍,老公突然想要涼粉,但最後都係揀綠豆沙,咁我最後都係買咗兩碗$3.00嘅凍豆腐花同$17.00嘅綠豆沙,收$26.00,因拎走要加$1.00一個膠碗.亞姐會問要唔要糖水同蔗糖?我答要,佢就落好多.返到屋企,我老公就急不及待要食綠豆沙,我打開睇,佢係裝到滿瀉,食落,味道唔甜, 綠豆係腍晒但冇起沙,質地亦稀,幾失望.味道:1分翌日晏晝,喺屋企做咗一輪嘢,就拎豆腐花出嚟,加埋西瓜做成冰凍西瓜豆腐花,未加西瓜前食啲先,口感滑,唔太甜,依然啱味.味道: 4分抵食係3.25分上次食評係喺2017年10月26日刊登嘅呢篇: https://www.openrice.com/zh/hongkong/review/%E9%AB%98%E4%B8%8B%E7%AB%8B%E8%A6%8B-e2899011

路德圍兩間豆腐花鬥倒你死我活，已經持續左好長一段時間。我就比較鍾意食呢一間，豆腐花又香又甜又滑！仲要平到爆$3！除咗糖水或者黃糖，仲可以選擇溝紅豆、綠豆、花奶、咋喳、芝麻糊或涼粉。佢個豆漿有少甜，唔會好似出面啲豆漿咁死甜，買返屋企做早餐一流。雖然好多人買其實都唔知有冇利潤嘅，希望佢繼續做得住！